Epeso 3
3
1Mabu nouri movia Paulo, Iesu Keriso kotoihiai‐mereri, rio douboi oubido iwabai. 2Noupa rioo tau orovidioumo nouri nana Iehova niainiai kiwabatuti‐nai naibaha idodiai; nouri kiwabatuti na’i nouro moido tau nemaairo rio iwabai. 3Noupa rioo tau orovidioumo nouri piroha na nou moido taiwaeviaro. Imini kimeivia nana’i noudo naiba mo opuito titi nou niati komo wadeito. 4Mabu nouri nou ta’uwa rioo titi naibaha aiwaimo‐iapoi rioo umo aiwaimoiti mo Iesu piroha na’i umo ainoiti. 5Tauo ta’uwa nouri na nouro oubi mereido iwaevia biahai, wia doihabuo nou himia tana kotiodoi oubido wia peroveta oubido nouro tau owaevia Tana‐urio’i noudo. 6Wia nouri nou kowaevia nari. Douboi oubi Iesu Kerisomu neivia na’u gu oubiri wia na’u oubi aibo imomu wia kowateai wade nei auwoha modoboha imaati imo badi, Iesu Keriso noumu. 7Nouri nou paimeari, wia Iehovaro mo tau nododiai hiwaa‐mere pai mea’i noito, nou himia niainiai kiwabatuti pupuito, nouro moido tau nemaairo nou himia kowaati pupuo’i. 8Mo kekibuo aibo meari, tana‐oubi amida auwoha nei aibo biahai; ata nouri niainiai kiwabatuti na’i nouro moido tau nemaairo, ina nouri mo totomu nou modobo niao douboi oubido, Iesu Keriso meamea nana horohorori. 9Wia mo oubi auwoha umo niwaidio nei modoboha nouri, tana piroha na’i nou ramu, nouri nana Iehova, nouvia nana auwoha kidodiai urioi, nouro piroha edea kowahoro hiwio’i nouowa. 10Mabu nouri nou niro nou himia Ekalesiao gururu‐pai‐oubi wia pupuo oubi toboro mabuwa, neido doihabuo umoiti iwaevia nou himia tana imini auwoha. 11Naiba nouri karae karae kiraromo na’i nou naibaha iraromo Iesu Keriso imo Pai‐dubu noumu. 12Ina imo nouido iraromodiomowa, imo imini nou pupuo ramu wia tore iatimo raihe nouido o’umowa. 13Mabu nouri mo rioido ainiatodoi rio nana godogodo iraromodioumo aue, nouri ubauba nana doihabuo moro nou nivia rioido. Mo himia ubauba kivia nana’i neivia rio himia moari nanari.
14Mabu nouri, mo popoito kimohorai Abeaido naroboriai, imo Pai‐dubu, Iesu Keriso, nou Abeari. 15Oubi auwoha toborowa wia hopuwa, nei paina nou mabudo rorohomo. 16Mo nouido ainatodoi, nou rioido pupuo nana amida auwo aibo imaati rio iminiwa, nou himia moari nana horohorori noudo. 17Ina Keriso rio himia giopuwa emidioi, rio kiraromodio na’i noudoi. 18Ina rioo pupuito emidiomoi, niainiai na’i nou turiwa hipi iworohomoi hopuwaibo; nouri rio tana‐oubimu auwoha iminito aiwaimo‐iraromoi Iesu Keriso niro kemahebidio na’i, nou tarabu modobo’i wia tutu modobo’i wia kioro modobo’i. 19Wia Iesu Keriso niro kemahebidio na’i umo aiwaimoiti, nouri na’i nou auwori, imo umo biahai; wia Iehova kapee na’i nou ramu rio aiwaimoi‐iapeuti.
20Nou imoido umoiti idodiai nana godogodo, imo kiraromo nana’i wia kiatoro nana’i nei aibo biahai, nouri pupuito imo turiwa naibaha iwaatimoi nou ramu. 21Doihabuo nouido moari oitimoi, Ekalesiawa wia Iesu Kerisomu agei goho’i nouwa idaa idaa. Amen.
Currently Selected:
Epeso 3: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Epeso 3
3
1Mabu nouri movia Paulo, Iesu Keriso kotoihiai‐mereri, rio douboi oubido iwabai. 2Noupa rioo tau orovidioumo nouri nana Iehova niainiai kiwabatuti‐nai naibaha idodiai; nouri kiwabatuti na’i nouro moido tau nemaairo rio iwabai. 3Noupa rioo tau orovidioumo nouri piroha na nou moido taiwaeviaro. Imini kimeivia nana’i noudo naiba mo opuito titi nou niati komo wadeito. 4Mabu nouri nou ta’uwa rioo titi naibaha aiwaimo‐iapoi rioo umo aiwaimoiti mo Iesu piroha na’i umo ainoiti. 5Tauo ta’uwa nouri na nouro oubi mereido iwaevia biahai, wia doihabuo nou himia tana kotiodoi oubido wia peroveta oubido nouro tau owaevia Tana‐urio’i noudo. 6Wia nouri nou kowaevia nari. Douboi oubi Iesu Kerisomu neivia na’u gu oubiri wia na’u oubi aibo imomu wia kowateai wade nei auwoha modoboha imaati imo badi, Iesu Keriso noumu. 7Nouri nou paimeari, wia Iehovaro mo tau nododiai hiwaa‐mere pai mea’i noito, nou himia niainiai kiwabatuti pupuito, nouro moido tau nemaairo nou himia kowaati pupuo’i. 8Mo kekibuo aibo meari, tana‐oubi amida auwoha nei aibo biahai; ata nouri niainiai kiwabatuti na’i nouro moido tau nemaairo, ina nouri mo totomu nou modobo niao douboi oubido, Iesu Keriso meamea nana horohorori. 9Wia mo oubi auwoha umo niwaidio nei modoboha nouri, tana piroha na’i nou ramu, nouri nana Iehova, nouvia nana auwoha kidodiai urioi, nouro piroha edea kowahoro hiwio’i nouowa. 10Mabu nouri nou niro nou himia Ekalesiao gururu‐pai‐oubi wia pupuo oubi toboro mabuwa, neido doihabuo umoiti iwaevia nou himia tana imini auwoha. 11Naiba nouri karae karae kiraromo na’i nou naibaha iraromo Iesu Keriso imo Pai‐dubu noumu. 12Ina imo nouido iraromodiomowa, imo imini nou pupuo ramu wia tore iatimo raihe nouido o’umowa. 13Mabu nouri mo rioido ainiatodoi rio nana godogodo iraromodioumo aue, nouri ubauba nana doihabuo moro nou nivia rioido. Mo himia ubauba kivia nana’i neivia rio himia moari nanari.
14Mabu nouri, mo popoito kimohorai Abeaido naroboriai, imo Pai‐dubu, Iesu Keriso, nou Abeari. 15Oubi auwoha toborowa wia hopuwa, nei paina nou mabudo rorohomo. 16Mo nouido ainatodoi, nou rioido pupuo nana amida auwo aibo imaati rio iminiwa, nou himia moari nana horohorori noudo. 17Ina Keriso rio himia giopuwa emidioi, rio kiraromodio na’i noudoi. 18Ina rioo pupuito emidiomoi, niainiai na’i nou turiwa hipi iworohomoi hopuwaibo; nouri rio tana‐oubimu auwoha iminito aiwaimo‐iraromoi Iesu Keriso niro kemahebidio na’i, nou tarabu modobo’i wia tutu modobo’i wia kioro modobo’i. 19Wia Iesu Keriso niro kemahebidio na’i umo aiwaimoiti, nouri na’i nou auwori, imo umo biahai; wia Iehova kapee na’i nou ramu rio aiwaimoi‐iapeuti.
20Nou imoido umoiti idodiai nana godogodo, imo kiraromo nana’i wia kiatoro nana’i nei aibo biahai, nouri pupuito imo turiwa naibaha iwaatimoi nou ramu. 21Doihabuo nouido moari oitimoi, Ekalesiawa wia Iesu Kerisomu agei goho’i nouwa idaa idaa. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.