Epeso 6
6
1Mere rio mamiora abeamioraido tairovidioumo Pai‐dubumu, mabu nouri nou mea kidiari. 2Ro himia abeara mamura niainiai taimahebidiomama neitido. Nouri opuito bubu kowateai wade ramu. 3Ina nouri mea nana romu aiwamidioi wia ro kiiro tutu aiwamidioi batibatiwa. 4Wia rio abeamio rio mereido gunuuni oitutimo aue wia hiwio auwoha kirovidio kidia wia Iehova kiao wadei rioo neido nou taiatomuaimo.
5Rio kowaati oubi, rio himia keauri oubi doihabuo batinu, neido tairovidioumo meaha, tore kiati na’i wia tama kimuruo na’i nou ramu, na’u imini ramu naiba rio Iesuido kowaatii nou aibo. 6Kiauri duburo iauriwa rio nou aibo iwaatimo aue, naiba oubi nei niro amida oubi geii iwaimoi. Nouri nana Iehova niro rio naibaha taidodiaimo, Iesu kowaati oubi aibo. 7Rio himia kowaati naibaha taidodiaimo, mea imini ramu Iesu Pai‐dubuido, ata dubuido kiwaati biahai. 8Rio auwoha, kidiamo oubii wia idiamo tato oubii, rio auwoha umo taitimo, ina rio meamea nana naibaha idodiaimo, riovia wiha nana meamea aiwaimoiviai, Keriso Pai‐dubu noudo. 9Wia rio kiauri oubi, rio himia kowaati oubido mea nana naiba taidodiaiwamo. Rio umo taitimo rio himia Pai‐dubu wia nei himia Pai‐dubu nou na’uri, nou toborowa remidio, wia nouro airiraromodioro oubi auwoha nei na’u aibori.
10Mo wade na’u nou narodai, rio Pai dubumu pupuo taitimo, nouri pupuo nou himia pupuiha na’i nouro nimamaatiro. 11Iehova korowoto nana’i auwoha rioo tarowamitimo ina rio pupuito aiwaimotoai nou ta’uwa ubauba urioro rioido aiwaimatuhuti. 12Mabu nouri hiora sawira imo neimu ororohimo biahai. Imo ainororohi‐dumo pai nana’i neimu wia pupuo nana’i neimu wia nouri batibati durii nana pai‐oubii neimu wia piipiiha urio oubii toboro batiwa neimu. 13Mabu nouri rioo Iehova korowoto nana’i auwoha taimidaimo, nouri rio ubauba hiwiowa pupuito aiwaimo‐otoai ina nou ta’uwa nana auwoha rioo tau idodiaumo rioo aiwaimo‐otoai. 14Mabu nouri tatoamo, naiheha na’i, ba’e aibo taro’utimo ba’e mabuwa, meamea kidia, bodoro korowoto na’i nou aibo, tarowamitimo. 15Wia pai‐mea pupuo nana rio douboi kono aibo tarovioruriomo. 16Wia nouri nou opuito, kiraromodio na’i, borogo aibo, taimidaimo ina rioo Diabolo kupo ramu tere auwoha aiwaimo ido’uti. 17Wia kiitouti na’i, korowoto douboi opui nou aibo, taraooatutimo wia Urio kiwoto garaara taimemo, nouvia Iehova waderi. 18Hiwio auwoha kirodumeaito wade taiaomo, uriomu kemabiti nana’i auwoha wia kiatodoi nana’i auwoha nei ramu. Kidia nouri taiaurimo mea. Hiwio auwoha naibaha ta’idoiaimo wia tana‐oubido taiatodutimo. 19Wia rioo Iehovaido naibaha taiaomo, nou moido wade mea emaati ina nouri opuito piroha kidia, naiheha pai‐mea, moro ainaiwaduuti, paeaha wia pupuo wade ramu. 20Movia nouri Pai‐mea hiwaa mereri nouri mo kotohiti nemidio. Rio naibaha ta’iaomo mo pupuo nowaduuti naiba nou meaha mo nou nidodiai.
21Imo auwo niro niama, paina Titikusi, nouvia auwo mea hiwaa mereri imo Pai‐dubumu, nana auwoha nouro rioido aiwaiwaduuti ina nou aibo rioo mo kidodiai nana’i wia kiiro nana’i umo aiwaimoiti. 22Nouri moro nou rioido notiodoi, mo nana auwoha roi umo iwai ina rio giopu koko iwai.
23Amea wia auwo niro na’i, kiraromodio na’i nou ramu, niamamioido auwoha umo‐umoi, imo Abea Iehova noudo wia Pai‐dubu Iesu Kerisoudo. 24Iesu Keriso, imo Pai‐dubu, nou himia auwo niro kimahebidio oubi auwoha niainiai kiwabatuti na’i neimu memidio. Amen.
Currently Selected:
Epeso 6: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Epeso 6
6
1Mere rio mamiora abeamioraido tairovidioumo Pai‐dubumu, mabu nouri nou mea kidiari. 2Ro himia abeara mamura niainiai taimahebidiomama neitido. Nouri opuito bubu kowateai wade ramu. 3Ina nouri mea nana romu aiwamidioi wia ro kiiro tutu aiwamidioi batibatiwa. 4Wia rio abeamio rio mereido gunuuni oitutimo aue wia hiwio auwoha kirovidio kidia wia Iehova kiao wadei rioo neido nou taiatomuaimo.
5Rio kowaati oubi, rio himia keauri oubi doihabuo batinu, neido tairovidioumo meaha, tore kiati na’i wia tama kimuruo na’i nou ramu, na’u imini ramu naiba rio Iesuido kowaatii nou aibo. 6Kiauri duburo iauriwa rio nou aibo iwaatimo aue, naiba oubi nei niro amida oubi geii iwaimoi. Nouri nana Iehova niro rio naibaha taidodiaimo, Iesu kowaati oubi aibo. 7Rio himia kowaati naibaha taidodiaimo, mea imini ramu Iesu Pai‐dubuido, ata dubuido kiwaati biahai. 8Rio auwoha, kidiamo oubii wia idiamo tato oubii, rio auwoha umo taitimo, ina rio meamea nana naibaha idodiaimo, riovia wiha nana meamea aiwaimoiviai, Keriso Pai‐dubu noudo. 9Wia rio kiauri oubi, rio himia kowaati oubido mea nana naiba taidodiaiwamo. Rio umo taitimo rio himia Pai‐dubu wia nei himia Pai‐dubu nou na’uri, nou toborowa remidio, wia nouro airiraromodioro oubi auwoha nei na’u aibori.
10Mo wade na’u nou narodai, rio Pai dubumu pupuo taitimo, nouri pupuo nou himia pupuiha na’i nouro nimamaatiro. 11Iehova korowoto nana’i auwoha rioo tarowamitimo ina rio pupuito aiwaimotoai nou ta’uwa ubauba urioro rioido aiwaimatuhuti. 12Mabu nouri hiora sawira imo neimu ororohimo biahai. Imo ainororohi‐dumo pai nana’i neimu wia pupuo nana’i neimu wia nouri batibati durii nana pai‐oubii neimu wia piipiiha urio oubii toboro batiwa neimu. 13Mabu nouri rioo Iehova korowoto nana’i auwoha taimidaimo, nouri rio ubauba hiwiowa pupuito aiwaimo‐otoai ina nou ta’uwa nana auwoha rioo tau idodiaumo rioo aiwaimo‐otoai. 14Mabu nouri tatoamo, naiheha na’i, ba’e aibo taro’utimo ba’e mabuwa, meamea kidia, bodoro korowoto na’i nou aibo, tarowamitimo. 15Wia pai‐mea pupuo nana rio douboi kono aibo tarovioruriomo. 16Wia nouri nou opuito, kiraromodio na’i, borogo aibo, taimidaimo ina rioo Diabolo kupo ramu tere auwoha aiwaimo ido’uti. 17Wia kiitouti na’i, korowoto douboi opui nou aibo, taraooatutimo wia Urio kiwoto garaara taimemo, nouvia Iehova waderi. 18Hiwio auwoha kirodumeaito wade taiaomo, uriomu kemabiti nana’i auwoha wia kiatodoi nana’i auwoha nei ramu. Kidia nouri taiaurimo mea. Hiwio auwoha naibaha ta’idoiaimo wia tana‐oubido taiatodutimo. 19Wia rioo Iehovaido naibaha taiaomo, nou moido wade mea emaati ina nouri opuito piroha kidia, naiheha pai‐mea, moro ainaiwaduuti, paeaha wia pupuo wade ramu. 20Movia nouri Pai‐mea hiwaa mereri nouri mo kotohiti nemidio. Rio naibaha ta’iaomo mo pupuo nowaduuti naiba nou meaha mo nou nidodiai.
21Imo auwo niro niama, paina Titikusi, nouvia auwo mea hiwaa mereri imo Pai‐dubumu, nana auwoha nouro rioido aiwaiwaduuti ina nou aibo rioo mo kidodiai nana’i wia kiiro nana’i umo aiwaimoiti. 22Nouri moro nou rioido notiodoi, mo nana auwoha roi umo iwai ina rio giopu koko iwai.
23Amea wia auwo niro na’i, kiraromodio na’i nou ramu, niamamioido auwoha umo‐umoi, imo Abea Iehova noudo wia Pai‐dubu Iesu Kerisoudo. 24Iesu Keriso, imo Pai‐dubu, nou himia auwo niro kimahebidio oubi auwoha niainiai kiwabatuti na’i neimu memidio. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.