Ioane 10
10
1Naiheha, naiheha, mo rioido ainaro, dubu nou mamoe batito biriudo odoro raihe wia ata hapuoudo kiorori, nouri dubu nou piro‐duburi wia nana kipiro duburi; 2wia dubu nou biriudo odorowa, nouri dubu nou mamoe dabi‐duburi. 3Ina keauri‐duburo nouido biri aiwamaerai wia mamoe nou wade neiio irovidiomoi; wia nou himia mamoe nouro nei painaito airimoroudio wia nouro nei naibaha iwaboiia wegeito. 4Ina nei wegeito ihuomowa, nouro nei hohoito iwaboiia wia mamoe nei nou dooudo orobodowaumo mabu nei nou wade umori. 5Wia douboi dubuido neiio orobodoumo raihe wia neiio nou mabudo aiwaimo‐odau, mabu nouri douboi oubi wade nei umo biahai. 6Nouri oroaibo wade Iesu neido naiba iaowa wia nei umo biahai nouri wade nou neido nou aro.
7Wia Iesu neido ina iaowa: Naiheha, naiheha, mo rioido ainaro, movia mamoe biriri. 8Mo opuito ko’u oubii auwoha nei piro oubiri wia nana kipiro oubiri, ata mamoeo neido irovidioumo biahai. 9Movia biriri; ina dubu ata nou moido odorowa nouvia aiwa‐roitorai wia nou aiwadoroi ina nou aiwahuoi wia pi bari nouro aiwaiviai. 10Piro‐duburo orohowa piroito imei wia iwotoi wia gooa iwai; mo tau no’uro neiio kiiro‐iworohomoi wia kiiro godogodo iworohodiomoi. 11Movia meaha dabi‐duburi. Nouri mea dabi‐dubu nou himia kiiro mamoeido airimaatidio. 12Dubu nou kowaati merewa, ina nou mamoe dabi‐dubu biahai wia mamoe nou himia mamoe biahai; ina nouro eauriwa heauwo kaukau o’uwa nou aiwadau wia heauwo kaukauro nei iohiaiwa wia mamoe airaratuutidumo. 13Nou airodau mabu nou kowaati mereri wia mamoe nou niro biahai. 14Movia mea mamoe dabi‐duburi, wia mo himia mamoe mo umori wia mo himia mamoe nei mo umori. 15Abea nou mo umori nou aibo mo Abea umori, wia mamoeido mo himia kiiro moro ainaimaai. 16Wia amida mamoe mai‐niworoho nei nouri mamoe batiwa biahai, nei naiba moro kimidaiha naimidai wia mo wade neiio aiwaimo‐orovidioi wia nei auwoha mamoe mate na’u aibo aiwaimo‐otoi wia mamoe dabi‐dubu na’uri. 17Mo Abea nou auwo niro mo, mabu nouri mo himia kiiro moro ainimaai wia moro ina ainamidai. 18Dubu ata nou mo aueudo emidai raihe, mo himiaro ainimaai; movia pupuo ramu ainimaai wia mo pupuo ramu ainamidai; nouri wade modobo mo tau nivia mo himia Abea aueudo.
19Iudaia oubi nei ina aierematiodiowaumo nouri wadewa. 20Wia godogodoo naibaha iaowaumo: Nou uba urio ramuri wia nou koiioi duburi; teiri rirovidiodumo rioo nou wadei? 21Oubi amida naiba iaowaumo: Nouri kiao wadei nou uba urio ramu dubu wade aibo biahai. Uba urioo idomai tato oubi idomai ariaeredumo?
22Nou ta’uwa Kemaive‐horiomoo Ierusalemawa oa ina uuto ta’ui nouowa. 23Wia Iesu Tana‐motowa naibaha orohowa, Solomona tamowa. 24Wia Iudaia oubio nou naibaha owahooraiwaumo wia nouido naiba iaowaumo: Taiba hiwioito nematorotutiumo ro? Ina rovia Kerisori, taroro imoido pakeha. 25Iesuro neido naibaha imowameaiwa: Mo tau naro rioido ina rioo orovidioumo biahai; nouri kidodiai na’i moro ainidodiaiwatuti mo Abea painawa, neiio moido ainemapoiwadiotutiumo. 26Ata rioo orovidioumo biahai mabu nouri rio mo mamoe biahai naiba mo nou naro rioido. 27Mo himia mamoe neiio mo wade airirovidiodumo wia mo nei umori wia nei mo dooudo korobodomori. 28Wia kiiro karae karae moro neido ainimaatidio wia hiwio ata neiio oroihimo raihe, ina dubu amidao nei mo tuudo owahiitimo raihe. 29Mo Abearo nei moido ainemaatiro; nou auwo auwori wia dubu amidao nei mo Abea tuudo owahiitimo raihe. 30Mo wia mo Abea, imeiti na’u aibori. 31Nou ta’uwa Iudaia oubi akabu ina naibaha imidaumo nouido atorutimoi. 32Iesu neido imowameaiwa: Meamea kidodiai nana godogodo’i mo Abea mabudori moro rioido nou niwaevia; touna kidodiai nari nei, rio moido akabuito atorutimoi? 33Iudaia oubio nouido naibaha omowameaiwaumo: Mea kidodiai na’i noudo imoo roido akabuito atorutimo raihe, na’u ubauba kiao wade nouido wia nouri rovia duburi ina rovia ro himia Iehova aibo orododiai. 34Iesuro neido naiba imowameaiwa: Rio bubu bukawa nou titi iati tatora; mo nou naro rio pai‐uriori? 35Wia nouri oubi Iehova wade neido io’u ina nei paina nouro naibaha imidou Pai‐urio (wia Tana‐titi nou ehebia raihe). 36Ina nouri dubu Abearo tana tau owai wia batibatito tau otiodoiro, teiri rio nouido naiba rarodumo, Ro ubauba wade kiaori, nouri mo naiba naro, Mo Iehova Mereri. 37Ina moro idodiai tatowa mo Abea kidodiai na’i, rio mo orovidioumo aue. 38Ata ina moro nei idodiaiwa noupa rio mo araromodioumo biahai, nouri kidodiai na’i rioo nou tairaromodioumo; ina nouri rioo umo aiwaimoiti wia aiwaimo‐iraromodioi, Abea nou momu remidio wia mo Abeamuri. 39Nouri nei auwo niro nou ohiaimoi wia nei tuudo nou naibaha ohuo.
40Wia Ioridana ata hapuoito nou naibaha abu, nouri batiwa Ioanero opuito babatiso nouowa iowai wia nou nouowa emidio. 41Wia oubi gema nouido naibaha o’umo wia nei naiba iaowaumo: Ioanero tiaha kidodiai na’i nou aibo idodiai biahai, wia nouri kiao wade auwoha Ioanero naibaha orowaduuti nouro nou idodiai, nei naihehari. 42Wia oubi gemao neiio nouowa nou naibaha araromodiowaumo.
Currently Selected:
Ioane 10: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Ioane 10
10
1Naiheha, naiheha, mo rioido ainaro, dubu nou mamoe batito biriudo odoro raihe wia ata hapuoudo kiorori, nouri dubu nou piro‐duburi wia nana kipiro duburi; 2wia dubu nou biriudo odorowa, nouri dubu nou mamoe dabi‐duburi. 3Ina keauri‐duburo nouido biri aiwamaerai wia mamoe nou wade neiio irovidiomoi; wia nou himia mamoe nouro nei painaito airimoroudio wia nouro nei naibaha iwaboiia wegeito. 4Ina nei wegeito ihuomowa, nouro nei hohoito iwaboiia wia mamoe nei nou dooudo orobodowaumo mabu nei nou wade umori. 5Wia douboi dubuido neiio orobodoumo raihe wia neiio nou mabudo aiwaimo‐odau, mabu nouri douboi oubi wade nei umo biahai. 6Nouri oroaibo wade Iesu neido naiba iaowa wia nei umo biahai nouri wade nou neido nou aro.
7Wia Iesu neido ina iaowa: Naiheha, naiheha, mo rioido ainaro, movia mamoe biriri. 8Mo opuito ko’u oubii auwoha nei piro oubiri wia nana kipiro oubiri, ata mamoeo neido irovidioumo biahai. 9Movia biriri; ina dubu ata nou moido odorowa nouvia aiwa‐roitorai wia nou aiwadoroi ina nou aiwahuoi wia pi bari nouro aiwaiviai. 10Piro‐duburo orohowa piroito imei wia iwotoi wia gooa iwai; mo tau no’uro neiio kiiro‐iworohomoi wia kiiro godogodo iworohodiomoi. 11Movia meaha dabi‐duburi. Nouri mea dabi‐dubu nou himia kiiro mamoeido airimaatidio. 12Dubu nou kowaati merewa, ina nou mamoe dabi‐dubu biahai wia mamoe nou himia mamoe biahai; ina nouro eauriwa heauwo kaukau o’uwa nou aiwadau wia heauwo kaukauro nei iohiaiwa wia mamoe airaratuutidumo. 13Nou airodau mabu nou kowaati mereri wia mamoe nou niro biahai. 14Movia mea mamoe dabi‐duburi, wia mo himia mamoe mo umori wia mo himia mamoe nei mo umori. 15Abea nou mo umori nou aibo mo Abea umori, wia mamoeido mo himia kiiro moro ainaimaai. 16Wia amida mamoe mai‐niworoho nei nouri mamoe batiwa biahai, nei naiba moro kimidaiha naimidai wia mo wade neiio aiwaimo‐orovidioi wia nei auwoha mamoe mate na’u aibo aiwaimo‐otoi wia mamoe dabi‐dubu na’uri. 17Mo Abea nou auwo niro mo, mabu nouri mo himia kiiro moro ainimaai wia moro ina ainamidai. 18Dubu ata nou mo aueudo emidai raihe, mo himiaro ainimaai; movia pupuo ramu ainimaai wia mo pupuo ramu ainamidai; nouri wade modobo mo tau nivia mo himia Abea aueudo.
19Iudaia oubi nei ina aierematiodiowaumo nouri wadewa. 20Wia godogodoo naibaha iaowaumo: Nou uba urio ramuri wia nou koiioi duburi; teiri rirovidiodumo rioo nou wadei? 21Oubi amida naiba iaowaumo: Nouri kiao wadei nou uba urio ramu dubu wade aibo biahai. Uba urioo idomai tato oubi idomai ariaeredumo?
22Nou ta’uwa Kemaive‐horiomoo Ierusalemawa oa ina uuto ta’ui nouowa. 23Wia Iesu Tana‐motowa naibaha orohowa, Solomona tamowa. 24Wia Iudaia oubio nou naibaha owahooraiwaumo wia nouido naiba iaowaumo: Taiba hiwioito nematorotutiumo ro? Ina rovia Kerisori, taroro imoido pakeha. 25Iesuro neido naibaha imowameaiwa: Mo tau naro rioido ina rioo orovidioumo biahai; nouri kidodiai na’i moro ainidodiaiwatuti mo Abea painawa, neiio moido ainemapoiwadiotutiumo. 26Ata rioo orovidioumo biahai mabu nouri rio mo mamoe biahai naiba mo nou naro rioido. 27Mo himia mamoe neiio mo wade airirovidiodumo wia mo nei umori wia nei mo dooudo korobodomori. 28Wia kiiro karae karae moro neido ainimaatidio wia hiwio ata neiio oroihimo raihe, ina dubu amidao nei mo tuudo owahiitimo raihe. 29Mo Abearo nei moido ainemaatiro; nou auwo auwori wia dubu amidao nei mo Abea tuudo owahiitimo raihe. 30Mo wia mo Abea, imeiti na’u aibori. 31Nou ta’uwa Iudaia oubi akabu ina naibaha imidaumo nouido atorutimoi. 32Iesu neido imowameaiwa: Meamea kidodiai nana godogodo’i mo Abea mabudori moro rioido nou niwaevia; touna kidodiai nari nei, rio moido akabuito atorutimoi? 33Iudaia oubio nouido naibaha omowameaiwaumo: Mea kidodiai na’i noudo imoo roido akabuito atorutimo raihe, na’u ubauba kiao wade nouido wia nouri rovia duburi ina rovia ro himia Iehova aibo orododiai. 34Iesuro neido naiba imowameaiwa: Rio bubu bukawa nou titi iati tatora; mo nou naro rio pai‐uriori? 35Wia nouri oubi Iehova wade neido io’u ina nei paina nouro naibaha imidou Pai‐urio (wia Tana‐titi nou ehebia raihe). 36Ina nouri dubu Abearo tana tau owai wia batibatito tau otiodoiro, teiri rio nouido naiba rarodumo, Ro ubauba wade kiaori, nouri mo naiba naro, Mo Iehova Mereri. 37Ina moro idodiai tatowa mo Abea kidodiai na’i, rio mo orovidioumo aue. 38Ata ina moro nei idodiaiwa noupa rio mo araromodioumo biahai, nouri kidodiai na’i rioo nou tairaromodioumo; ina nouri rioo umo aiwaimoiti wia aiwaimo‐iraromodioi, Abea nou momu remidio wia mo Abeamuri. 39Nouri nei auwo niro nou ohiaimoi wia nei tuudo nou naibaha ohuo.
40Wia Ioridana ata hapuoito nou naibaha abu, nouri batiwa Ioanero opuito babatiso nouowa iowai wia nou nouowa emidio. 41Wia oubi gema nouido naibaha o’umo wia nei naiba iaowaumo: Ioanero tiaha kidodiai na’i nou aibo idodiai biahai, wia nouri kiao wade auwoha Ioanero naibaha orowaduuti nouro nou idodiai, nei naihehari. 42Wia oubi gemao neiio nouowa nou naibaha araromodiowaumo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.