Ioane 20
20
1Wia pura opuito hiwio’o Maria Magadalene naibaha o’uro hiwio kiheheaiwa, ata nou duriiri. Nou gabidi batito o’u wia akabu uu hohoudo kodododiowa. 2Ina nou hioito naibaha imaiio wia Simona Pita wia nouri kitomudio mere Iesu auwo niroi, neitido nou naibaha o’u wia neitido nou naiba iaowa: Neiio Pai‐dubu gabidi batiudo tau wowodaumo ina imo umo biahai tobatiwa wedeamo nou. 3Ina nouri Pita wia nouri ata kitomudio mere naibaha ihuoudo wia gabidi batito neiti naibaha o’udo. 4Ina neiti hioito na’u ta’u naibaha orowarariowaudo wia ata kitomudio mere nou hagohagoha imaiiowa, Pita dooudo, wia nou gabidi batito opuito eredea. 5Wia nou naibaha omokokomai turiwa naihaha omohowa, wia tama hipura kiaawa naibaha ivia ata nou turito odoro biahai. 6Ina Pita nou dooudo naibaha o’u wia nouro uu turito nou naibaha odoro wia tama hipuraha emeauri. 7Wia nou opo kotohiai muku nou hipura ramu owou biahai ata nou ko’umutiri, na’u batiwa oa gauwoha. 8Ina nou ta’uwa opuito ko’u kitomudio merero gabidi batito naibaha odoro wia nouro naibaha iauri naiba iraromodio. 9Mabu nouri nou ta’uwa nei umo biahai nouri titi kiati wade nou kohiaudo koritoraiha oroitorai. 10Ina kitomudio mere neewa neiti himia motoito naibaha araiwaudo.
11Wia Maria uu wegeudo naibaha otoa idebi ramu, Ina nou idebi irotutiwa nou naiba omokokomai, turiwa naibaha omohowa. 12Wia gururu mere neewa, bohoboho hipura ramu, nouro naibaha iaurimama. Neiti aiemidioudo, ata opudo ata konoudo Iesu korou batii nouowa. 13Wia neiti nouido naiba iaowaudo: O’bo ro tounai idebi roroto? Nou neitido naiba iaowa: Nouri neiio mo Pai‐dubu tau rowodaudumo wia mo umo biahai neiio nou tobatiwa redeadumo. 14Ina nou naiba aro nou himiaro naiba iremeteai wia Iesu kotoiwa nouro naibaha eauri wia nou umo biahai nou Iesuri. 15Iesu nouido naiba iaowa: O’bo tounai idebi roroto ro, touna romoho ro? Nou aiararomo naiba nou batimabu keauri duburi, nouri nou nouido naiba iaowa: Ina roro noudo owadauwa, tobatiwa redea taro moido ina moro nou ainemidaidai. 16Iesu nouido naiba iaowa: Maria! Maria nou himiaro iremeteai wia nouido Iudaia wadeito naiba iaowa: Raboni, nouri wade kowaeviari, Auwo‐dubu. 17Iesu nouido naiba iaowa: Ro mo atibodoi aue mabu nouri mo doihabuo Abeaido o’u biahai ata ta’u mo niamamioido wia neido taro, Mainioro mo Abeaido wia rio Abeaido wia mo Urio‐abeaido wia rio Urio‐abeaido. 18Maria Magadalene naibaha o’u wia kitomudio mereido naiba iaowa: Pai‐dubu moro tau neauri: wia nou nouido kiao wadei nouro neido naibaha imowahuowa.
19Nouri hiwio doho, auwo pura hiwio’i, Ina kitomudio mere kemidio batii biri aiomopaumo mabu nouri nei Iudaia oubi toreri, ina Iesu naibaha o’uro wia nei turiwa naibaha otoa wia nou neido naiba iaowa: Amea riomu moa. 20Ina nou naiba iaowa, nou tura goura nouro neido eremapoiwawa ina, kitomudio mere nei tiaha geii emahebidiowaumo nou ta’uwa Pai‐dubu neiio naibaha eauriwaumo. 21Wia Iesu neido ina iaowa: Amea riomu moa, moro rio nitiodoi naiba mo Abearo nou notiodoiro mo. 22Ina nouri wade nou nou aro, nouro nei hohoito hera naibaha omovioidio wia neido nou naiba iaowa: Tana‐urio rioo taobuaimo. 23Nouri oubi nei ubauba kidia rioo iraromodioumo biahai nouri uba uba kidia nou tau ipiti. Nouri oubi nei ubauba kidia rioo iohidiomowa, nouri ubauba kidia nei miohidioumo.
24Wia Toma nou paina atari Neewa, na’u mere 12 kitomudio mereri, Iesu ko’u ta’uwa nou neimu emidio biahai. 25Ina nouri kitomudio mere amidao nouido naiba iaowaumo: Imo Pai‐dubu tau neauridumo; wia nou neido naiba iaowa: Ina moro eauri onu nou tuwa kiaa ikoko natoi, ina mo tu ikoko natoi nouwa banedea, ina mo tu auwoha nou gouwa kadobo peho natoi nouowa baniwodoidio, moro araromo biahai.
268 hiwio dooudo’i nou kitomudio mereo moto turiwa naibaha emidiowa wia Toma neimuri. Ina Iesu naibaha ouro, biri auwoha kiopatutiri wia nou nei turiwa naibaha otoa naiba iaowa: Amea riomu moa. 27Ina nou Tomaido naiba iaowa: Ro tui noito tatuturo ro wia taneauri mo tui auwoha wia ro tu auwoha noito taituturo ro wia mo gouwa taiwodoidio, ina ro iraromodio tato dubu aiboiti‐aue, ro kiraromodio dubu taiti. 28Wia Toma naibaha omowameai nouido naiba iaowa: Mo Pai‐dubu, Mo Urio‐abea. 29Iesu nouido naiba iaowa: Toma, ro araromodiowa mabu nouri ro mo tau neauri, oubi nei mo eaurimo tatowa ina nei mo nararomodiodumu, neivia tiaha geiiri.
30Amida modobo godori Iesuro naibaha idodiai, kitomudio mere nei hohowa wia nouri nana bukanu nouowa nei titi iatimo biahai. 31Ata nouri nana nei titi nou iatiumo Iesu nou Kerisori, Iehova mereri, rio iraromoi umo iwai, ina rio naibaha iraromodiomowa, rioo kiiro aiwaimo iworohoi nou painawa.
Currently Selected:
Ioane 20: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Ioane 20
20
1Wia pura opuito hiwio’o Maria Magadalene naibaha o’uro hiwio kiheheaiwa, ata nou duriiri. Nou gabidi batito o’u wia akabu uu hohoudo kodododiowa. 2Ina nou hioito naibaha imaiio wia Simona Pita wia nouri kitomudio mere Iesu auwo niroi, neitido nou naibaha o’u wia neitido nou naiba iaowa: Neiio Pai‐dubu gabidi batiudo tau wowodaumo ina imo umo biahai tobatiwa wedeamo nou. 3Ina nouri Pita wia nouri ata kitomudio mere naibaha ihuoudo wia gabidi batito neiti naibaha o’udo. 4Ina neiti hioito na’u ta’u naibaha orowarariowaudo wia ata kitomudio mere nou hagohagoha imaiiowa, Pita dooudo, wia nou gabidi batito opuito eredea. 5Wia nou naibaha omokokomai turiwa naihaha omohowa, wia tama hipura kiaawa naibaha ivia ata nou turito odoro biahai. 6Ina Pita nou dooudo naibaha o’u wia nouro uu turito nou naibaha odoro wia tama hipuraha emeauri. 7Wia nou opo kotohiai muku nou hipura ramu owou biahai ata nou ko’umutiri, na’u batiwa oa gauwoha. 8Ina nou ta’uwa opuito ko’u kitomudio merero gabidi batito naibaha odoro wia nouro naibaha iauri naiba iraromodio. 9Mabu nouri nou ta’uwa nei umo biahai nouri titi kiati wade nou kohiaudo koritoraiha oroitorai. 10Ina kitomudio mere neewa neiti himia motoito naibaha araiwaudo.
11Wia Maria uu wegeudo naibaha otoa idebi ramu, Ina nou idebi irotutiwa nou naiba omokokomai, turiwa naibaha omohowa. 12Wia gururu mere neewa, bohoboho hipura ramu, nouro naibaha iaurimama. Neiti aiemidioudo, ata opudo ata konoudo Iesu korou batii nouowa. 13Wia neiti nouido naiba iaowaudo: O’bo ro tounai idebi roroto? Nou neitido naiba iaowa: Nouri neiio mo Pai‐dubu tau rowodaudumo wia mo umo biahai neiio nou tobatiwa redeadumo. 14Ina nou naiba aro nou himiaro naiba iremeteai wia Iesu kotoiwa nouro naibaha eauri wia nou umo biahai nou Iesuri. 15Iesu nouido naiba iaowa: O’bo tounai idebi roroto ro, touna romoho ro? Nou aiararomo naiba nou batimabu keauri duburi, nouri nou nouido naiba iaowa: Ina roro noudo owadauwa, tobatiwa redea taro moido ina moro nou ainemidaidai. 16Iesu nouido naiba iaowa: Maria! Maria nou himiaro iremeteai wia nouido Iudaia wadeito naiba iaowa: Raboni, nouri wade kowaeviari, Auwo‐dubu. 17Iesu nouido naiba iaowa: Ro mo atibodoi aue mabu nouri mo doihabuo Abeaido o’u biahai ata ta’u mo niamamioido wia neido taro, Mainioro mo Abeaido wia rio Abeaido wia mo Urio‐abeaido wia rio Urio‐abeaido. 18Maria Magadalene naibaha o’u wia kitomudio mereido naiba iaowa: Pai‐dubu moro tau neauri: wia nou nouido kiao wadei nouro neido naibaha imowahuowa.
19Nouri hiwio doho, auwo pura hiwio’i, Ina kitomudio mere kemidio batii biri aiomopaumo mabu nouri nei Iudaia oubi toreri, ina Iesu naibaha o’uro wia nei turiwa naibaha otoa wia nou neido naiba iaowa: Amea riomu moa. 20Ina nou naiba iaowa, nou tura goura nouro neido eremapoiwawa ina, kitomudio mere nei tiaha geii emahebidiowaumo nou ta’uwa Pai‐dubu neiio naibaha eauriwaumo. 21Wia Iesu neido ina iaowa: Amea riomu moa, moro rio nitiodoi naiba mo Abearo nou notiodoiro mo. 22Ina nouri wade nou nou aro, nouro nei hohoito hera naibaha omovioidio wia neido nou naiba iaowa: Tana‐urio rioo taobuaimo. 23Nouri oubi nei ubauba kidia rioo iraromodioumo biahai nouri uba uba kidia nou tau ipiti. Nouri oubi nei ubauba kidia rioo iohidiomowa, nouri ubauba kidia nei miohidioumo.
24Wia Toma nou paina atari Neewa, na’u mere 12 kitomudio mereri, Iesu ko’u ta’uwa nou neimu emidio biahai. 25Ina nouri kitomudio mere amidao nouido naiba iaowaumo: Imo Pai‐dubu tau neauridumo; wia nou neido naiba iaowa: Ina moro eauri onu nou tuwa kiaa ikoko natoi, ina mo tu ikoko natoi nouwa banedea, ina mo tu auwoha nou gouwa kadobo peho natoi nouowa baniwodoidio, moro araromo biahai.
268 hiwio dooudo’i nou kitomudio mereo moto turiwa naibaha emidiowa wia Toma neimuri. Ina Iesu naibaha ouro, biri auwoha kiopatutiri wia nou nei turiwa naibaha otoa naiba iaowa: Amea riomu moa. 27Ina nou Tomaido naiba iaowa: Ro tui noito tatuturo ro wia taneauri mo tui auwoha wia ro tu auwoha noito taituturo ro wia mo gouwa taiwodoidio, ina ro iraromodio tato dubu aiboiti‐aue, ro kiraromodio dubu taiti. 28Wia Toma naibaha omowameai nouido naiba iaowa: Mo Pai‐dubu, Mo Urio‐abea. 29Iesu nouido naiba iaowa: Toma, ro araromodiowa mabu nouri ro mo tau neauri, oubi nei mo eaurimo tatowa ina nei mo nararomodiodumu, neivia tiaha geiiri.
30Amida modobo godori Iesuro naibaha idodiai, kitomudio mere nei hohowa wia nouri nana bukanu nouowa nei titi iatimo biahai. 31Ata nouri nana nei titi nou iatiumo Iesu nou Kerisori, Iehova mereri, rio iraromoi umo iwai, ina rio naibaha iraromodiomowa, rioo kiiro aiwaimo iworohoi nou painawa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.