Luka 14
14
1Ina nou ta’uwa na’u Parisea pai‐dubu moto nou naibaha odorowa, dou ihoi Sabati hiwiowa, neiio nou meaha eauriwaumo. 2Wia dubu na’u nou hohoito emidio, tama kiaupatidio ramuri. 3Wia Iesuro, bubu modobo kiapo oubido wia Parisea oubido, naibaha imowameai, nou naiba iaowa; Gamoo kidia noura, dubu nou meaha owai Sabati hiwiowa? 4Wia nei mubaha naibaha oitiumo. Wia nouro nou naibaha ohiai wia mea naibaha oiti, naiba otiodoi. 5Wia nou neido naiba iaowa, Boti dubu rio mabuwa ina nou asinara, bulamakaura pituuwa ohuumaiwa, nouro ahiodidio tatora Sabati hiwiowa? 6Ina wade nouri nei umo biahai nouido taiba komowameaimoi.
7Wia na’u oro‐aibo wade kimorou oubido nou naiba iaowa, nou ta’uwa nouro naibaha iauri nei opuito kemi bati auwo niroi; nou neido naiba iaowa. 8Ina o’bora dubura oititoi horiomoo dubu ataro roido noito naibaha imorou, opuito kemi batii ro nouowa emi aue, noupa dubu ata, auwo pai ro aibo biahai, tau omorou. 9Ina rieiti kitua dubu nou roido o’uwa naiba iaowa, Bati tamaerai nouri dubuido, ina nou ta’uwa dooudo bati roro hipo ramu watateai. 10Ina nou ta’uwa duburo ro naibaha omorou, ta’uro wia dooudo bati nouowa tami, mabu nouri, ina ro komorou dubu naibaha o’uro nouro roido aiwaroi, Mabu dubu e, ro tatateai opuito batii wia ro pai aibo aiwamidioi romu kiho oubii wia kemidio oubii nei hohowa. 11Dubu nouri nou himiaido pai aibo naibaha oiti nou hipo aiwaiti wia dubu nou himiaido muni aibo naibaha oiti nourovia pai aibo aiwaiti.
12Nou ta’uwa nou komorou dubuido Iesuro naibaha iaowa: Hiwio’i nouowa, hiwio turi doura, doho doura, ro naibaha idodiai, ro mabu oubi wia ro niamamio wia ro himia oubi wia ro oopo oubi nei nana horohorori, ro neido itua aue, noupa neiio roido aiwaimo‐otuai ina wiha roido aiwaimo‐oiti. 13Ina ata, nou ta’uwa ro horiomoo naibaha ododiai nana tato oubira, kemetebi oubira, daiie oubira, idomai tato oubira, ro neido naibaha itua, 14Ina rovia tiaha geii aiwaiti, mabu nouri neiio roido wiha nana imaatimo raihe, ina nouri wiha nana roido aiwai‐maati meamea oubi koihiaudo koroiitouti hiwiowa.
15Ina na’a duburo noumu ihoi, nouri nana naibaha irovidio, nou nouido naiba iaowa: Dubu nou dou Iehova bububatiwa aiwai‐hioi nouvia geiigeiihari. 16Ina nouro nouido naibaha iaowa: Dubu na’u auwo horiomoo naibaha ododiai wia oubi godo nouro naibaha itua. 17Wia horiomoo ta’uwa nou himia mere nouro naibaha otiodoi, horiomoo karo oubi neido iaoi; Ta’umo, dou oboiri auwoha modobori. 18Wia nei auwoha, na’u aibo, arodohiomatuti naibaha iaiiumo. Opuito dubu nouido naiba iaowa: Batimabu na’u mo ainemidai ina mo ko’uiha o’ui eauri; roido moro hobo natoro, ina roro mo omowameai biahai. 19Wia dubu ataro naiba iaowa: 10 bulamakau moro tau nimidai wia neido imahibai mo naibaha no’u, moro hobo natoro ina roro mo omowameai biahai. 20Wia dubu ataro naiba iaowa, Mo o’boamu tau nidabuwaumo, nouri mo o’u raihe. 21Wia hiwaa‐merenu naibaha o’u, nouri nana nou pai‐dubuido naibaha iwaevia, ina moto‐abearo gunuuni naibaha emahebidio, wia nou hiwaa‐mereido nou naiba iaowa: Oopo navewa ta’uro hagohagoha wia nana tato oubira, kemitebi oubira, daiie oubira, idomai tato oubira, roro nei noito taiwouro. 22Wia hiwaa‐merero naibaha iaowa: Pai‐dubu e, nouri nana ro modoboito nou raro nou tau idodiai wia bati amida airia. 23Wia pai‐duburo hiwaa‐mereido naiba iaowa: Ta’uro nave gohowa wia nave hapuowa wia nei odoroi roro naibaha taiwai ina nouri mo moto neiio apeemoi. 24Nouri mo roido ainaro, Nouri opuito kitua oubi auwoha, na’u dubu nei aueudo mo horiomoo nou ihoi biahai.
25Wia oubi piipiiha noumu naibaha orohomowa wia nou naibaha imeteaiwa, neido naiba iaowa: 26Ina dubu ataro moido naibaha o’uro, wia nou himia abeara, mamura, o’bora, merera, niamamiora, nirabomiora, bowia ina nou himia kiiro naiba nou oriha eauri biahai; mo kitomudio mere aibo nou aratidiai raihe. 27Wia duburo nou himia satauro aotai biahai wia mo dooudo o’ui, mo kitomudio mere aibo nou aratidiai raihe. 28Nouri dubu rio mabuwa, ina tutu moto nouro ididi niroi, opuito nou naibaha emi, wia taiba nana nou niro nou naibaha iraromodio, ina nou moto kopoiio nana nou modobori. 29Noupa nou ta’uwa gorowa nana nou tau ododiai, moto ididiwa kopoiio nana nou ivia raihe, wia keauri oubi auwoha neiio nouido naibaha omobuodiowaumo. 30Neiio naiba iaowaumo, Dubu nouri moto ididi owahoro wia taiba wapoiioi nou umo biahai. 31Wia nouri pai‐dubu ina nou naibaha o’u pai‐dubu ataido kihi orowaiemai, opuito nou naibaha emi, wia oubi ataido naibaha iatodoi, taiba aibo 10,000 oubi nou badi ata pai‐dubuido nouro imotoi, ina nouri pai‐dubu nouido naibaha o’u 20,000 oubi nou badi. 32Ina nou umo biahai, hiwaa‐oubi amida nouro naibaha itiodoi wia amea naibaha erebaumo. 33Nou aibo nouri dubu rio mabuwa, ina nou himia nana auwoha nou ebeede biahai, mo kitomudio mere aibo nou aratidiai raihe. 34Damobo meari, ata ina damobo wia topo tato, taiba iaiidai topo owai? 35Nou mea biahai hopuito wia tumuito, ina nouri, oubio nou naibaha haivemoi. Dubu nou gare ramu nouro tarovidio.
Currently Selected:
Luka 14: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Luka 14
14
1Ina nou ta’uwa na’u Parisea pai‐dubu moto nou naibaha odorowa, dou ihoi Sabati hiwiowa, neiio nou meaha eauriwaumo. 2Wia dubu na’u nou hohoito emidio, tama kiaupatidio ramuri. 3Wia Iesuro, bubu modobo kiapo oubido wia Parisea oubido, naibaha imowameai, nou naiba iaowa; Gamoo kidia noura, dubu nou meaha owai Sabati hiwiowa? 4Wia nei mubaha naibaha oitiumo. Wia nouro nou naibaha ohiai wia mea naibaha oiti, naiba otiodoi. 5Wia nou neido naiba iaowa, Boti dubu rio mabuwa ina nou asinara, bulamakaura pituuwa ohuumaiwa, nouro ahiodidio tatora Sabati hiwiowa? 6Ina wade nouri nei umo biahai nouido taiba komowameaimoi.
7Wia na’u oro‐aibo wade kimorou oubido nou naiba iaowa, nou ta’uwa nouro naibaha iauri nei opuito kemi bati auwo niroi; nou neido naiba iaowa. 8Ina o’bora dubura oititoi horiomoo dubu ataro roido noito naibaha imorou, opuito kemi batii ro nouowa emi aue, noupa dubu ata, auwo pai ro aibo biahai, tau omorou. 9Ina rieiti kitua dubu nou roido o’uwa naiba iaowa, Bati tamaerai nouri dubuido, ina nou ta’uwa dooudo bati roro hipo ramu watateai. 10Ina nou ta’uwa duburo ro naibaha omorou, ta’uro wia dooudo bati nouowa tami, mabu nouri, ina ro komorou dubu naibaha o’uro nouro roido aiwaroi, Mabu dubu e, ro tatateai opuito batii wia ro pai aibo aiwamidioi romu kiho oubii wia kemidio oubii nei hohowa. 11Dubu nouri nou himiaido pai aibo naibaha oiti nou hipo aiwaiti wia dubu nou himiaido muni aibo naibaha oiti nourovia pai aibo aiwaiti.
12Nou ta’uwa nou komorou dubuido Iesuro naibaha iaowa: Hiwio’i nouowa, hiwio turi doura, doho doura, ro naibaha idodiai, ro mabu oubi wia ro niamamio wia ro himia oubi wia ro oopo oubi nei nana horohorori, ro neido itua aue, noupa neiio roido aiwaimo‐otuai ina wiha roido aiwaimo‐oiti. 13Ina ata, nou ta’uwa ro horiomoo naibaha ododiai nana tato oubira, kemetebi oubira, daiie oubira, idomai tato oubira, ro neido naibaha itua, 14Ina rovia tiaha geii aiwaiti, mabu nouri neiio roido wiha nana imaatimo raihe, ina nouri wiha nana roido aiwai‐maati meamea oubi koihiaudo koroiitouti hiwiowa.
15Ina na’a duburo noumu ihoi, nouri nana naibaha irovidio, nou nouido naiba iaowa: Dubu nou dou Iehova bububatiwa aiwai‐hioi nouvia geiigeiihari. 16Ina nouro nouido naibaha iaowa: Dubu na’u auwo horiomoo naibaha ododiai wia oubi godo nouro naibaha itua. 17Wia horiomoo ta’uwa nou himia mere nouro naibaha otiodoi, horiomoo karo oubi neido iaoi; Ta’umo, dou oboiri auwoha modobori. 18Wia nei auwoha, na’u aibo, arodohiomatuti naibaha iaiiumo. Opuito dubu nouido naiba iaowa: Batimabu na’u mo ainemidai ina mo ko’uiha o’ui eauri; roido moro hobo natoro, ina roro mo omowameai biahai. 19Wia dubu ataro naiba iaowa: 10 bulamakau moro tau nimidai wia neido imahibai mo naibaha no’u, moro hobo natoro ina roro mo omowameai biahai. 20Wia dubu ataro naiba iaowa, Mo o’boamu tau nidabuwaumo, nouri mo o’u raihe. 21Wia hiwaa‐merenu naibaha o’u, nouri nana nou pai‐dubuido naibaha iwaevia, ina moto‐abearo gunuuni naibaha emahebidio, wia nou hiwaa‐mereido nou naiba iaowa: Oopo navewa ta’uro hagohagoha wia nana tato oubira, kemitebi oubira, daiie oubira, idomai tato oubira, roro nei noito taiwouro. 22Wia hiwaa‐merero naibaha iaowa: Pai‐dubu e, nouri nana ro modoboito nou raro nou tau idodiai wia bati amida airia. 23Wia pai‐duburo hiwaa‐mereido naiba iaowa: Ta’uro nave gohowa wia nave hapuowa wia nei odoroi roro naibaha taiwai ina nouri mo moto neiio apeemoi. 24Nouri mo roido ainaro, Nouri opuito kitua oubi auwoha, na’u dubu nei aueudo mo horiomoo nou ihoi biahai.
25Wia oubi piipiiha noumu naibaha orohomowa wia nou naibaha imeteaiwa, neido naiba iaowa: 26Ina dubu ataro moido naibaha o’uro, wia nou himia abeara, mamura, o’bora, merera, niamamiora, nirabomiora, bowia ina nou himia kiiro naiba nou oriha eauri biahai; mo kitomudio mere aibo nou aratidiai raihe. 27Wia duburo nou himia satauro aotai biahai wia mo dooudo o’ui, mo kitomudio mere aibo nou aratidiai raihe. 28Nouri dubu rio mabuwa, ina tutu moto nouro ididi niroi, opuito nou naibaha emi, wia taiba nana nou niro nou naibaha iraromodio, ina nou moto kopoiio nana nou modobori. 29Noupa nou ta’uwa gorowa nana nou tau ododiai, moto ididiwa kopoiio nana nou ivia raihe, wia keauri oubi auwoha neiio nouido naibaha omobuodiowaumo. 30Neiio naiba iaowaumo, Dubu nouri moto ididi owahoro wia taiba wapoiioi nou umo biahai. 31Wia nouri pai‐dubu ina nou naibaha o’u pai‐dubu ataido kihi orowaiemai, opuito nou naibaha emi, wia oubi ataido naibaha iatodoi, taiba aibo 10,000 oubi nou badi ata pai‐dubuido nouro imotoi, ina nouri pai‐dubu nouido naibaha o’u 20,000 oubi nou badi. 32Ina nou umo biahai, hiwaa‐oubi amida nouro naibaha itiodoi wia amea naibaha erebaumo. 33Nou aibo nouri dubu rio mabuwa, ina nou himia nana auwoha nou ebeede biahai, mo kitomudio mere aibo nou aratidiai raihe. 34Damobo meari, ata ina damobo wia topo tato, taiba iaiidai topo owai? 35Nou mea biahai hopuito wia tumuito, ina nouri, oubio nou naibaha haivemoi. Dubu nou gare ramu nouro tarovidio.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.