Luka 2
2
1Nou ta’uwa Kaisara Aogusoro bubu naibaha edea batibati‐oubi auwoha nei himia paina bukawa iapoi. 2Nouri opuito kiapo ta’u nouro ododiai, nou ta’uwa Kurenio nou pai dubu Suriawa. 3Wia oubi auwoha nei himia oopo‐oopoito naibaha aiaraiwutiumo nei himia paina bukawa idiamoi. 4Wia Iosepa, Galilaia hapudo, Iudaia hapuito naibaha idiai, Nasareta oopoudo Davida oopoii noito, paina Betelehema, mabu nouri nou Davida gu mereri wia Davida oubiri. 5Neiti aio’udo Maria badi, neiti paina bukawa idiamamai. Maria niro ramuri. 6Ina nou ta’uwa neiti nouowa emidioudo, Maria niro hiwio’i naibaha oropoiio. 7Ina nou himia moriou mere nou naibaha oroto wia tutu hipuraito naibaha oomutiwa wia bulamakau dou kiho batiwa naibaha owuta‐awa, mabu nouri moto auwoha hiae biahai.
8Nouri batiwa mamoe dabi oubi amida aiemidioumo. Nei batimabu batiwa emidioumo, nei himia mamoe iaurimoi. 9Wia Iehova gururu‐mere neido hagohagoha naibaha oruo wai Iehova sovio na’i nei mabuwa pidapidaha ouawa ina nei tiaha tore imahebidiowaumo. 10Wia gururu‐mere neido naibaha iaowa: Tore moa. Ta’aurimo pai mea, tiaha pai‐mea rioido mainoworuoro, nouri pai mea oubi auwohaido. 11Mabu nouri na’u Kiitouti‐dubu nouri hiwio rioido tau oroto Davida oopowa. Nouvia Keriso, imo Pai‐duburi. 12Nouri rio modobo, doo rio bamu airoweadaidumo tutu hipuraito oomutiwa wia bulamakau dou kiho batiwa airorou. 13Nou ta’uwa hagohagoha gururu‐oubi piipiiha opuito gururu‐mere noumu naibaha oroworuomo wia neiio Iehovaido gido emabodoiiawaumo ina naibaha iaowaumo.
14Iehovaido geiigeiiha tamabitimo, toboro ohuito,
Wia amea‐amea oopo oubido o’umoi, nouri oubi Iehovaro neido geiiha rimahebidio.
15Ina nou ta’uwa gururu‐oubi nei mabudo toboroito naibaha orovioumo, mamoe dabi oubi nouri, nei himia himia naibaha iaowaumo: Taimo imo Betelehemaito doihabuo ina nouri nana nou tau ro’u naiba Iehova imoido umo tau‐niwai, imoo eaurimoi. 16Ina nei naibaha o’umo hagohagoha wia Mariara Iosepara wia bamu bulamakau dou kiho batiwa korouwa neiio naibaha iviaumo. 17Ina nou ta’uwa neiio mere ida’eauriumo, oubi amidaido neiio naibaha irowaduutiwaumo nouri mere’i karo wadei neiio tau orovidioumo. 18Ina nouri oubi auwoha nei mamoe dabi oubi kiao wade’i naibaha irovidiowaumo neiio tiaha imaeawaumo. 19Wia Maria nouri kiao wade nou himia iminiwa naibaha idiamotuti wia iraromodiotuti. 20Wia mamoe dabi oubi naibaha araiwaumo wia neiio Iehovaido gido emabodoiiawaumo naiba emabitiwaumo mabu nouri nana auwoha neiio naibaha orovidioumo wia eaurimo, nouri nana nouro neido nou imowahuo.
21Ina hiwio 8 daropoiioumo, nouri nou mere tama kahiai hiwiori, wia neiio nou paina naibaha idodoumo Iesu, naiba gururu‐merero opuito nou idodo ina Maria niroro ahiouti tatowa.
22Nou ta’uwa a’imo hiwio’i naibaha oropoiio, Mose bubu aibori; neitio Ierusalemaito naibaha owoudo, Iehovaido emaivei‐toi. 23Iehova bubu bukawa nou titi naibaha iatiwa, Ohio nou mamu mere daimo kaerairi nou Iehova hohowa tana aiwaimo‐owai. 24Nei naibaha o’udo kimio nana emaatimoi naiba Iehova bubu tau iati, Neewa badu wia neewa orio daumago. 25Wia na’u dubu Ierusalemawa emidio paina Simeona, dubu nouri nou naihehari wia meahari; niainiai nana’i Isaraela oubido nou naibaha imotoituti wia Tana‐urio noumu emidio. 26Wia Tana‐urio nouido naibaha owaevia, nou oihiai raihe opuito nouro Iehova nou himia Keriso aiwameauri. 27Wia Tana‐motoito nou naibaha oduuti Tana‐urio iminito, ina nou ta’uwa mamura abeara neiti mere Iesu naibaha owodoudo bubu kidia nouido ododiaitoi. 28Nou ta’uwa Simeonaro nou tuito naibaha aieruai wia Iehovaido naibaha emabiti naiba iaowa:
29Iehova e, doihabuo ro hiwaa mere amea‐ameaito tanotiodoi mo o’ui,
Ro himia kiao wade nou aibori;
30Nouri mo idomai ro kiitouti nana tau neauri,
31Nouri nana ro meaha ododiaiwa oubi auwoha nei hohowa.
32Nou pidari, douboi‐oubi pida iwai,
Wia ro himia Isaraela oubi nou nei himia moariri.
33Wia Iosepa wia nou mamu nouido kiao wade neitio naibaha emaeawaumo. 34Wia Simeonaro niainiai wade neitido naibaha iaowa wia Iesu mamu Maria nouido naibaha aro; Taauri mere nouri nou damapoiwatuti Isaraela oubi amida oromooutimoi wia amida oroiitoutimoi; nouvia modobo na’uri, oubio godo ubaubaha nouido aiwaimo‐orowaduuti. 35Wia ro himia urio pehoito aiwa‐adoboi, mabu nouri godo oubi nei iminito kiraromodio na’i aiwaimo‐iwaeviai. 36Wia na’u o’bo paina Anna nouowa emidio, peroveta o’bori, Panuela behe, Asa gu behe, Nou tiaha tagara o’bori. Nou himia uramu noumu emidio 7 konobo behe ta’uwa. 37Wia nou same emidiotuti 84 konobo. Nou Tana‐moto emeheai biahai wia Iehovaido naibaha omotoi; iho tato naibaha emidiotuti; hiwiora duora nou wade kirodumeaito naiba iaotuti. 38Ina nou ta’uwa nou naibaha odorowa nouro Iehovaido naibaha emabitiwa wia Ierusalema kiitoutinana komotoi oubi auwoha nouro neido nouri mere naibaha owaduo. 39Ina nana auwoha Iehova bubu aibori neitio tau idodiaudo, neiti himia oopo’i noito, Nasareta, Galilaia batii neitio naibaha araiwaudo.
40Wia mere noro naibaha oiti, urio pupuo owai. Nou goho imini mea ramu tau apee wia Iehova niainiai na’i noumu iaatuti.
41Wia nou mamura abeara konobo auwoha Ierusalemaito orohotutiudo kiohodio horiomoo ta’uwa. 42Nou ta’uwa Iesu 12 konobori, neibi Ierusalemaito naibaha iobumo horiomoo kidia aibori. 43Ina nou ta’uwa nouri hiwio’i neibi naibaha oropoiiobumo neibi karaiwai hiwio’i nouowa Iesu Ierusalemawa naibaha eremeheai ina Iosepa wia nou mamu neiti umoititoi biahai. 44Wia neitio aiararamoudo; Imeiti himia oubimu airo’uro; wia hiwio na’u neiti naibaha orohowaudo wia neiti himia oubi wia neitimu ko’u oubi araubuwaumo Iesu omohomoi. 45Ina neitio nou oweatoi biahai, Ierusalemaito neiti naiba araiwaudo nouowa omohotoi. 46Wia hiwio neewa na’u oboiri neitio nou Tana‐motowa oweaudo, nou kiatomuai oubi turi gorowa emidio, nouro nei wade irovidio wia nouro nei naibaha iatoro. 47Ina nou korovidio oubii auwoha neiio aiemaeawaumo mabu nouri nou umo meahari wia nou kimowameaiwa wadei auwo meahari. 48Ina neitio idaweaudo neiti naibaha emaeawaudo wia nou mamu nouido naibaha aro: Mere, tounai ro imeitido naibaha ododiai? Ta’auri, ro abea wia mo, imeiti giopu mibo ramu ro nomohoutitutiudo. 49Wia nou neitido naibaha aro: Mo rieitio teiri nomohoudo? Rieiti umo tatora mo Abea kowaatii mo idodiai niai? 50Wia nouri kiao wade nou neitido naibaha iaowa neiti umo biahai. 51Wia nou neitimu naibaha ioruobumo Nasaretaito naibaha o’ubumo wia nou neiti wade irovidio wia nou mamu nouri kiao wade auwoha nou himia iminiwa naibaha idia.
52Wia Iesu noro naibaha oiti wia imini auwo naibaha oiti. Iehova wia oubi neiio nouido auwo niainiai remahebidiodumo.
Currently Selected:
Luka 2: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Luka 2
2
1Nou ta’uwa Kaisara Aogusoro bubu naibaha edea batibati‐oubi auwoha nei himia paina bukawa iapoi. 2Nouri opuito kiapo ta’u nouro ododiai, nou ta’uwa Kurenio nou pai dubu Suriawa. 3Wia oubi auwoha nei himia oopo‐oopoito naibaha aiaraiwutiumo nei himia paina bukawa idiamoi. 4Wia Iosepa, Galilaia hapudo, Iudaia hapuito naibaha idiai, Nasareta oopoudo Davida oopoii noito, paina Betelehema, mabu nouri nou Davida gu mereri wia Davida oubiri. 5Neiti aio’udo Maria badi, neiti paina bukawa idiamamai. Maria niro ramuri. 6Ina nou ta’uwa neiti nouowa emidioudo, Maria niro hiwio’i naibaha oropoiio. 7Ina nou himia moriou mere nou naibaha oroto wia tutu hipuraito naibaha oomutiwa wia bulamakau dou kiho batiwa naibaha owuta‐awa, mabu nouri moto auwoha hiae biahai.
8Nouri batiwa mamoe dabi oubi amida aiemidioumo. Nei batimabu batiwa emidioumo, nei himia mamoe iaurimoi. 9Wia Iehova gururu‐mere neido hagohagoha naibaha oruo wai Iehova sovio na’i nei mabuwa pidapidaha ouawa ina nei tiaha tore imahebidiowaumo. 10Wia gururu‐mere neido naibaha iaowa: Tore moa. Ta’aurimo pai mea, tiaha pai‐mea rioido mainoworuoro, nouri pai mea oubi auwohaido. 11Mabu nouri na’u Kiitouti‐dubu nouri hiwio rioido tau oroto Davida oopowa. Nouvia Keriso, imo Pai‐duburi. 12Nouri rio modobo, doo rio bamu airoweadaidumo tutu hipuraito oomutiwa wia bulamakau dou kiho batiwa airorou. 13Nou ta’uwa hagohagoha gururu‐oubi piipiiha opuito gururu‐mere noumu naibaha oroworuomo wia neiio Iehovaido gido emabodoiiawaumo ina naibaha iaowaumo.
14Iehovaido geiigeiiha tamabitimo, toboro ohuito,
Wia amea‐amea oopo oubido o’umoi, nouri oubi Iehovaro neido geiiha rimahebidio.
15Ina nou ta’uwa gururu‐oubi nei mabudo toboroito naibaha orovioumo, mamoe dabi oubi nouri, nei himia himia naibaha iaowaumo: Taimo imo Betelehemaito doihabuo ina nouri nana nou tau ro’u naiba Iehova imoido umo tau‐niwai, imoo eaurimoi. 16Ina nei naibaha o’umo hagohagoha wia Mariara Iosepara wia bamu bulamakau dou kiho batiwa korouwa neiio naibaha iviaumo. 17Ina nou ta’uwa neiio mere ida’eauriumo, oubi amidaido neiio naibaha irowaduutiwaumo nouri mere’i karo wadei neiio tau orovidioumo. 18Ina nouri oubi auwoha nei mamoe dabi oubi kiao wade’i naibaha irovidiowaumo neiio tiaha imaeawaumo. 19Wia Maria nouri kiao wade nou himia iminiwa naibaha idiamotuti wia iraromodiotuti. 20Wia mamoe dabi oubi naibaha araiwaumo wia neiio Iehovaido gido emabodoiiawaumo naiba emabitiwaumo mabu nouri nana auwoha neiio naibaha orovidioumo wia eaurimo, nouri nana nouro neido nou imowahuo.
21Ina hiwio 8 daropoiioumo, nouri nou mere tama kahiai hiwiori, wia neiio nou paina naibaha idodoumo Iesu, naiba gururu‐merero opuito nou idodo ina Maria niroro ahiouti tatowa.
22Nou ta’uwa a’imo hiwio’i naibaha oropoiio, Mose bubu aibori; neitio Ierusalemaito naibaha owoudo, Iehovaido emaivei‐toi. 23Iehova bubu bukawa nou titi naibaha iatiwa, Ohio nou mamu mere daimo kaerairi nou Iehova hohowa tana aiwaimo‐owai. 24Nei naibaha o’udo kimio nana emaatimoi naiba Iehova bubu tau iati, Neewa badu wia neewa orio daumago. 25Wia na’u dubu Ierusalemawa emidio paina Simeona, dubu nouri nou naihehari wia meahari; niainiai nana’i Isaraela oubido nou naibaha imotoituti wia Tana‐urio noumu emidio. 26Wia Tana‐urio nouido naibaha owaevia, nou oihiai raihe opuito nouro Iehova nou himia Keriso aiwameauri. 27Wia Tana‐motoito nou naibaha oduuti Tana‐urio iminito, ina nou ta’uwa mamura abeara neiti mere Iesu naibaha owodoudo bubu kidia nouido ododiaitoi. 28Nou ta’uwa Simeonaro nou tuito naibaha aieruai wia Iehovaido naibaha emabiti naiba iaowa:
29Iehova e, doihabuo ro hiwaa mere amea‐ameaito tanotiodoi mo o’ui,
Ro himia kiao wade nou aibori;
30Nouri mo idomai ro kiitouti nana tau neauri,
31Nouri nana ro meaha ododiaiwa oubi auwoha nei hohowa.
32Nou pidari, douboi‐oubi pida iwai,
Wia ro himia Isaraela oubi nou nei himia moariri.
33Wia Iosepa wia nou mamu nouido kiao wade neitio naibaha emaeawaumo. 34Wia Simeonaro niainiai wade neitido naibaha iaowa wia Iesu mamu Maria nouido naibaha aro; Taauri mere nouri nou damapoiwatuti Isaraela oubi amida oromooutimoi wia amida oroiitoutimoi; nouvia modobo na’uri, oubio godo ubaubaha nouido aiwaimo‐orowaduuti. 35Wia ro himia urio pehoito aiwa‐adoboi, mabu nouri godo oubi nei iminito kiraromodio na’i aiwaimo‐iwaeviai. 36Wia na’u o’bo paina Anna nouowa emidio, peroveta o’bori, Panuela behe, Asa gu behe, Nou tiaha tagara o’bori. Nou himia uramu noumu emidio 7 konobo behe ta’uwa. 37Wia nou same emidiotuti 84 konobo. Nou Tana‐moto emeheai biahai wia Iehovaido naibaha omotoi; iho tato naibaha emidiotuti; hiwiora duora nou wade kirodumeaito naiba iaotuti. 38Ina nou ta’uwa nou naibaha odorowa nouro Iehovaido naibaha emabitiwa wia Ierusalema kiitoutinana komotoi oubi auwoha nouro neido nouri mere naibaha owaduo. 39Ina nana auwoha Iehova bubu aibori neitio tau idodiaudo, neiti himia oopo’i noito, Nasareta, Galilaia batii neitio naibaha araiwaudo.
40Wia mere noro naibaha oiti, urio pupuo owai. Nou goho imini mea ramu tau apee wia Iehova niainiai na’i noumu iaatuti.
41Wia nou mamura abeara konobo auwoha Ierusalemaito orohotutiudo kiohodio horiomoo ta’uwa. 42Nou ta’uwa Iesu 12 konobori, neibi Ierusalemaito naibaha iobumo horiomoo kidia aibori. 43Ina nou ta’uwa nouri hiwio’i neibi naibaha oropoiiobumo neibi karaiwai hiwio’i nouowa Iesu Ierusalemawa naibaha eremeheai ina Iosepa wia nou mamu neiti umoititoi biahai. 44Wia neitio aiararamoudo; Imeiti himia oubimu airo’uro; wia hiwio na’u neiti naibaha orohowaudo wia neiti himia oubi wia neitimu ko’u oubi araubuwaumo Iesu omohomoi. 45Ina neitio nou oweatoi biahai, Ierusalemaito neiti naiba araiwaudo nouowa omohotoi. 46Wia hiwio neewa na’u oboiri neitio nou Tana‐motowa oweaudo, nou kiatomuai oubi turi gorowa emidio, nouro nei wade irovidio wia nouro nei naibaha iatoro. 47Ina nou korovidio oubii auwoha neiio aiemaeawaumo mabu nouri nou umo meahari wia nou kimowameaiwa wadei auwo meahari. 48Ina neitio idaweaudo neiti naibaha emaeawaudo wia nou mamu nouido naibaha aro: Mere, tounai ro imeitido naibaha ododiai? Ta’auri, ro abea wia mo, imeiti giopu mibo ramu ro nomohoutitutiudo. 49Wia nou neitido naibaha aro: Mo rieitio teiri nomohoudo? Rieiti umo tatora mo Abea kowaatii mo idodiai niai? 50Wia nouri kiao wade nou neitido naibaha iaowa neiti umo biahai. 51Wia nou neitimu naibaha ioruobumo Nasaretaito naibaha o’ubumo wia nou neiti wade irovidio wia nou mamu nouri kiao wade auwoha nou himia iminiwa naibaha idia.
52Wia Iesu noro naibaha oiti wia imini auwo naibaha oiti. Iehova wia oubi neiio nouido auwo niainiai remahebidiodumo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.