Luka 24
24
1Wia pura ata kowahoro hiwio’i, hiwio kiheheai tariwai, neiio gabidito naibaha o’uwaumo, nouri nei himia meaha kidodiai nibo mea nana’i nei ramu o’uwaumo. 2Wia akabu gabidi birii komopai akabu kopii tau orowaewuti, neiio naibaha oweaumo. 3Wia nei naibaha idoumo ina Iesu goho neiio oweaumo biahai. 4Ina nou ta’uwa nanu taiba wiaii neiio aiararomowaumo, dubu neewa kerememiro hipura ramu, nei tariwa naibaha otoaudo. 5Ina neiio neiti tore imaatiwaumo wia nei hoho hopuwa naibaha oroboriatutiwaumo. Ina neitio neido naibaha iaowaudo: Kiiro dubu, koihiaiwa korou batinu nouowa, teiri romohodumo? 6Nou nouowa biahai. Nou tau oroitorai. Tairaromomo nou rioido nou iaotuti, nou ta’uwa nouro Galilaiawa nou emidiotuti. 7Nou naiba iaowa, Oubiha‐mere ubauba oubi tuito emaaiha waimo‐emaai; neiio sataurowa waimo‐otomai wia hiwio neewa na’u nou aiwaroitorai. 8Ina nou kiao wadei nei naibaha iraromodiowaumo. 9Wia gabidi batiudo nei naibaha araiwaumo wia nouri nana 11 oubira ata oubira auwoha, neiio neido naibaha oro‐waduutiwaumo. 10Nouri upibaio paina, Maria Magadala wia Ioana wia Maria, Iakobo mamu, wia upibaio amida neimu. Neivia nouri nana kitioduti oubido naibaha oro‐waduutiwaumo. 11Wia nouri kiao wade nou dawodawo aibo kiao wadei neiio naibaha araromoumo, ina neiio neido irovidioumo biahai. 12Ina Pita naibaha otoa gabidi batito naibaha imaiiowa. Nouro naibaha omokokomai uu turiwa eauri, ina tamatama hipura na’u batiwa ia nei himia gauwohari, nouro naibaha ivia, wia nou motoito naibaha araiwairo wia nouri ko’u nana’i nou iminito godogodoha iraromodiowa.
13Wia hiwio’i nouowa, dubu neewa, oopo na’u paina Emeia, neiti noito naibaha o’uwaudo. Oopo nouri nave tuturi Ierusalemaudo. 14Wia nouri kidodiai nana auwoha neiti himeao naibaha iaowaudo. 15Ina nou ta’uwa neiti himia himia naibaha iaowaudo naiba aratorowaudo, Iesu, nou himia, neiti himia tariwa o’uwa wia neiti himia turiwa naibaha oruumai naibaha o’uwabumo. 16Ata neiti idomai tiaha oitiumo nouri neitio nou umo biahai. 17Wia nou neitido naiba iaowa: Rieiti nave tutunu touna wade rowouwaudo? Wia neiti naibaha otoaudo wia neiti hoho duriduri naibaha oitiudo. 18Wia dubu ata, nou paina Kareopa, nouido nouro omowameai: Ina rovia douboi merera Ierusalemawa, nouri ro umo tatora nouri kidodiai nana’i hiwio’i nouowa? 19Wia nou neitido naiba iaowa: Touna nari? Wia neiti nouido naiba iaowaudo: Iesu, Nasareta duburi, nou nari. Nouvia peroveta duburi wia nou kidodiai nana’i wia nou kiao wadei nou pupuo auwori, Iehova hohowa wia oubi auwoha nei hohowa. 20Wia auwo kohena‐oubi wia imo pai‐oubi, neiio nou naibaha emaaumo kohiai wiha mabu omoweamoi wia neiio nou sataurowa tau otomaumo. 21Wia imoo naibaha araromomoi, doo nou Isaraela oubi auwoha aiwaii‐touti; ina ata, doihabuo hiwio neewa na’u oboiri, ta’ui nouowa nana nouri neiio tau idodiaumo. 22Wia upibaio amida imo oubimu, neiio imo ainimaeaumo. Hiwio kiheheaii nei gabidi batiwa emidiowaumo; 23ina nou ta’uwa nou goho neiio oweaumo biahai nei imoido naibaha o’uwaumo naiba iaowaumo: Imoo gururu‐dubu neewaha, idomai kara’uputi aibo, niauridumo. Neitio airarodudo nou kiirori. 24Wia imo kemidio oubi amida, gabidi batito naibaha o’uwaumo wia upibaio karo wade aibo, neiio naibaha oweamo; ata neiio nou oweamo biahai. 25Ina nou neitido naiba iaowa: Rieiti dawodawori wia nouri nana auwoha peroveta oubio nou iaotutiumo, rieitio imini nou hagohagoha iraromotoi biahai. 26Ina nou meahara Keriso nouri uba nana naibaha ivia wia nou himia moari batito nou odoro? 27Wia nou wade naibaha owahoro, Mose buka ramu naiba peroveta oubi auwoha nei wade ramu, wia titi kiati wade auwoha, nouri wadei nouido naibaha emapoiwaumo, nouro neido naibaha iwaeviawa. 28Ina neiti himia ko’u oopo tariwai, neibi naibaha eredeabumo wia nou kopiro aibo o’uwa. 29Wia neitio nou owaiwutiwaudo naiba iaowaudo: Tamidio ro imeitimu, mabu doho tariwa wia hiwio kahoiia tariwai. Wia nou naibaha odorou neitimu emidioi. 30Ina nou neitimu naibaha emidiowa ihoi, nouro bread naibaha emidai naiba emabiti naiba ekekuti, neiti naibaha imaatimama. 31Ina neiti idomai naibaha iravodaiudo wia neitio nou umo naibaha oitiudo, ina hagohagoha nou neiti mabudo naibaha aratoai. 32Wia neiti himia himia iaowaudo: Imeiti giopu geii neremahebidiowaudo ina nou imeitido wade nou riaowaro wia titi kiati wade imeitido nou riwaewowa. 33Ina nou ta’uwa neiti hagohagoha naibaha otoaudo, Ierusalemaito naiba araiwaiwaudo, wia 11 kitomudio mere wia amida kemidio oubi neimu, na’u batiwa idabuaiwaumo neitio naibaha iviaudo. 34Neiio neitido naibaha iaowaumo, Naihehari Iesu tau oroitorai ina nou hoho Simonaido nou tau obodoi. 35Wia neitio nouri navewa kidodiai na’i naibaha orowaduutiwaudo, ina naiba nouro neiti umo iwaimamai, nou ta’uwa nouro dou naibaha ekekutiwa.
36Ina neiio naibaha iaodiowaumo Iesu himia nei turiwa naibaha otoa wia neido naiba iaowa: Rio niainiaibaio. 37Wia nei tama giro iheewaumo wia tore iatiwaumo. Neiio aiararomowaumo, Urio atari. 38Wia nou neido naiba iaowa: Rio touna tama giro riheedumo. Rio iminito touna riraromodumo? 39Taniaurimo mo tura konora, nouri mo himiari. Mo tanatiboumo wia taneauriumo. Urio nou tama hio tatori wia goho tatori, mo aibo biahai. 40Ina nouro naiba aro, nouro tura konora neido naibaha iwaevia. 41Ina nou ta’uwa neiio naiheha araromomo biahai nouri nei tiaha geiiri wia auwo niimo emaeawaumo, nou neido naiba iaowa: Rio kihona ariia ine? 42Wia neiio kupowa kitai na kere nouido naibaha emaaumo. 43Wia nouro na kere’i naibaha emidai wia nei hohowa naibaha ouhowa.
44Wia nou neido naiba iaowa: Nou ta’uwa mo riomu emidiowa nouri wade mo tau naro rioido, moido titi kiati wade nouri, Mose bukawa wia peroveta wadewa wia Psalmo bukawa, neiio auwoha kidodiaiha waimo idodiaiwatuti. 45Ina nei imini nouro naibaha iaeri, nouri titi kiati wade neiio umo meaha oitutimoi. 46Wia nou neido naiba iaowa: Nou titi tau iati nou aibori, Keriso temeteme nana kiviaiha wairiviai wia hiwio neewa na’u oboiwa nou koihiaudo koroitoraiha wairi oroitorai. 47Wia imini imowai wade wia ubauba kidia ipiti wade, oubi auwohaido totomuito kimoto‐muiha wairi imotomututi nou himia painawa, Ierusalemawa owahoro. 48Riovia nouri nana kiauri oubii. 49Wia taaurimo! Nouri nana mo Abea nou wade owateairo moro rioido ainotiodoi wia Ierusalemawa tamotoimo, doo pupuo na toboroudo rioido aiwauro‐iwamiteai.
50Wia nouro nei naibaha iwaboiia Betania tarito wia nou himia tu nouro naibaha iwabo wia niainiai wade neido naibaha iaowa. 51Ina nou ta’uwa niainiai wade nouro neido naibaha iaodiowa, nouro nei mabudo naibaha otateaiwa, toboroito naibaha iorowa. 52Wia neiio nouido oroboriatutiwaumo wia Ierusalemaito naibaha araiwaiwaumo, geii ramu. 53Wia hiwio auwoha Tana‐motowa neiio emidiotutiumo Iehovaido emabitidiomoi.
Currently Selected:
Luka 24: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Luka 24
24
1Wia pura ata kowahoro hiwio’i, hiwio kiheheai tariwai, neiio gabidito naibaha o’uwaumo, nouri nei himia meaha kidodiai nibo mea nana’i nei ramu o’uwaumo. 2Wia akabu gabidi birii komopai akabu kopii tau orowaewuti, neiio naibaha oweaumo. 3Wia nei naibaha idoumo ina Iesu goho neiio oweaumo biahai. 4Ina nou ta’uwa nanu taiba wiaii neiio aiararomowaumo, dubu neewa kerememiro hipura ramu, nei tariwa naibaha otoaudo. 5Ina neiio neiti tore imaatiwaumo wia nei hoho hopuwa naibaha oroboriatutiwaumo. Ina neitio neido naibaha iaowaudo: Kiiro dubu, koihiaiwa korou batinu nouowa, teiri romohodumo? 6Nou nouowa biahai. Nou tau oroitorai. Tairaromomo nou rioido nou iaotuti, nou ta’uwa nouro Galilaiawa nou emidiotuti. 7Nou naiba iaowa, Oubiha‐mere ubauba oubi tuito emaaiha waimo‐emaai; neiio sataurowa waimo‐otomai wia hiwio neewa na’u nou aiwaroitorai. 8Ina nou kiao wadei nei naibaha iraromodiowaumo. 9Wia gabidi batiudo nei naibaha araiwaumo wia nouri nana 11 oubira ata oubira auwoha, neiio neido naibaha oro‐waduutiwaumo. 10Nouri upibaio paina, Maria Magadala wia Ioana wia Maria, Iakobo mamu, wia upibaio amida neimu. Neivia nouri nana kitioduti oubido naibaha oro‐waduutiwaumo. 11Wia nouri kiao wade nou dawodawo aibo kiao wadei neiio naibaha araromoumo, ina neiio neido irovidioumo biahai. 12Ina Pita naibaha otoa gabidi batito naibaha imaiiowa. Nouro naibaha omokokomai uu turiwa eauri, ina tamatama hipura na’u batiwa ia nei himia gauwohari, nouro naibaha ivia, wia nou motoito naibaha araiwairo wia nouri ko’u nana’i nou iminito godogodoha iraromodiowa.
13Wia hiwio’i nouowa, dubu neewa, oopo na’u paina Emeia, neiti noito naibaha o’uwaudo. Oopo nouri nave tuturi Ierusalemaudo. 14Wia nouri kidodiai nana auwoha neiti himeao naibaha iaowaudo. 15Ina nou ta’uwa neiti himia himia naibaha iaowaudo naiba aratorowaudo, Iesu, nou himia, neiti himia tariwa o’uwa wia neiti himia turiwa naibaha oruumai naibaha o’uwabumo. 16Ata neiti idomai tiaha oitiumo nouri neitio nou umo biahai. 17Wia nou neitido naiba iaowa: Rieiti nave tutunu touna wade rowouwaudo? Wia neiti naibaha otoaudo wia neiti hoho duriduri naibaha oitiudo. 18Wia dubu ata, nou paina Kareopa, nouido nouro omowameai: Ina rovia douboi merera Ierusalemawa, nouri ro umo tatora nouri kidodiai nana’i hiwio’i nouowa? 19Wia nou neitido naiba iaowa: Touna nari? Wia neiti nouido naiba iaowaudo: Iesu, Nasareta duburi, nou nari. Nouvia peroveta duburi wia nou kidodiai nana’i wia nou kiao wadei nou pupuo auwori, Iehova hohowa wia oubi auwoha nei hohowa. 20Wia auwo kohena‐oubi wia imo pai‐oubi, neiio nou naibaha emaaumo kohiai wiha mabu omoweamoi wia neiio nou sataurowa tau otomaumo. 21Wia imoo naibaha araromomoi, doo nou Isaraela oubi auwoha aiwaii‐touti; ina ata, doihabuo hiwio neewa na’u oboiri, ta’ui nouowa nana nouri neiio tau idodiaumo. 22Wia upibaio amida imo oubimu, neiio imo ainimaeaumo. Hiwio kiheheaii nei gabidi batiwa emidiowaumo; 23ina nou ta’uwa nou goho neiio oweaumo biahai nei imoido naibaha o’uwaumo naiba iaowaumo: Imoo gururu‐dubu neewaha, idomai kara’uputi aibo, niauridumo. Neitio airarodudo nou kiirori. 24Wia imo kemidio oubi amida, gabidi batito naibaha o’uwaumo wia upibaio karo wade aibo, neiio naibaha oweamo; ata neiio nou oweamo biahai. 25Ina nou neitido naiba iaowa: Rieiti dawodawori wia nouri nana auwoha peroveta oubio nou iaotutiumo, rieitio imini nou hagohagoha iraromotoi biahai. 26Ina nou meahara Keriso nouri uba nana naibaha ivia wia nou himia moari batito nou odoro? 27Wia nou wade naibaha owahoro, Mose buka ramu naiba peroveta oubi auwoha nei wade ramu, wia titi kiati wade auwoha, nouri wadei nouido naibaha emapoiwaumo, nouro neido naibaha iwaeviawa. 28Ina neiti himia ko’u oopo tariwai, neibi naibaha eredeabumo wia nou kopiro aibo o’uwa. 29Wia neitio nou owaiwutiwaudo naiba iaowaudo: Tamidio ro imeitimu, mabu doho tariwa wia hiwio kahoiia tariwai. Wia nou naibaha odorou neitimu emidioi. 30Ina nou neitimu naibaha emidiowa ihoi, nouro bread naibaha emidai naiba emabiti naiba ekekuti, neiti naibaha imaatimama. 31Ina neiti idomai naibaha iravodaiudo wia neitio nou umo naibaha oitiudo, ina hagohagoha nou neiti mabudo naibaha aratoai. 32Wia neiti himia himia iaowaudo: Imeiti giopu geii neremahebidiowaudo ina nou imeitido wade nou riaowaro wia titi kiati wade imeitido nou riwaewowa. 33Ina nou ta’uwa neiti hagohagoha naibaha otoaudo, Ierusalemaito naiba araiwaiwaudo, wia 11 kitomudio mere wia amida kemidio oubi neimu, na’u batiwa idabuaiwaumo neitio naibaha iviaudo. 34Neiio neitido naibaha iaowaumo, Naihehari Iesu tau oroitorai ina nou hoho Simonaido nou tau obodoi. 35Wia neitio nouri navewa kidodiai na’i naibaha orowaduutiwaudo, ina naiba nouro neiti umo iwaimamai, nou ta’uwa nouro dou naibaha ekekutiwa.
36Ina neiio naibaha iaodiowaumo Iesu himia nei turiwa naibaha otoa wia neido naiba iaowa: Rio niainiaibaio. 37Wia nei tama giro iheewaumo wia tore iatiwaumo. Neiio aiararomowaumo, Urio atari. 38Wia nou neido naiba iaowa: Rio touna tama giro riheedumo. Rio iminito touna riraromodumo? 39Taniaurimo mo tura konora, nouri mo himiari. Mo tanatiboumo wia taneauriumo. Urio nou tama hio tatori wia goho tatori, mo aibo biahai. 40Ina nouro naiba aro, nouro tura konora neido naibaha iwaevia. 41Ina nou ta’uwa neiio naiheha araromomo biahai nouri nei tiaha geiiri wia auwo niimo emaeawaumo, nou neido naiba iaowa: Rio kihona ariia ine? 42Wia neiio kupowa kitai na kere nouido naibaha emaaumo. 43Wia nouro na kere’i naibaha emidai wia nei hohowa naibaha ouhowa.
44Wia nou neido naiba iaowa: Nou ta’uwa mo riomu emidiowa nouri wade mo tau naro rioido, moido titi kiati wade nouri, Mose bukawa wia peroveta wadewa wia Psalmo bukawa, neiio auwoha kidodiaiha waimo idodiaiwatuti. 45Ina nei imini nouro naibaha iaeri, nouri titi kiati wade neiio umo meaha oitutimoi. 46Wia nou neido naiba iaowa: Nou titi tau iati nou aibori, Keriso temeteme nana kiviaiha wairiviai wia hiwio neewa na’u oboiwa nou koihiaudo koroitoraiha wairi oroitorai. 47Wia imini imowai wade wia ubauba kidia ipiti wade, oubi auwohaido totomuito kimoto‐muiha wairi imotomututi nou himia painawa, Ierusalemawa owahoro. 48Riovia nouri nana kiauri oubii. 49Wia taaurimo! Nouri nana mo Abea nou wade owateairo moro rioido ainotiodoi wia Ierusalemawa tamotoimo, doo pupuo na toboroudo rioido aiwauro‐iwamiteai.
50Wia nouro nei naibaha iwaboiia Betania tarito wia nou himia tu nouro naibaha iwabo wia niainiai wade neido naibaha iaowa. 51Ina nou ta’uwa niainiai wade nouro neido naibaha iaodiowa, nouro nei mabudo naibaha otateaiwa, toboroito naibaha iorowa. 52Wia neiio nouido oroboriatutiwaumo wia Ierusalemaito naibaha araiwaiwaumo, geii ramu. 53Wia hiwio auwoha Tana‐motowa neiio emidiotutiumo Iehovaido emabitidiomoi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.