Luka 4
4
1Wia Iesu Ioridana mabudo naibaha araiwai, nou imini Tana‐urioro naibaha apee wia Tana‐urioro nou buru‐batito naibaha emaduduo. 2Hiwio’i nouowa Diaboloro nou naibaha ematuhutiwa 40 hiwiowa; hiwio nouri dou amida nou iho biahai ina nei oboiri nou dou niroro naibaha a’ai. 3Wia Diabolo nouido naibaha aro: Ina rovia Iehova Mereri taro akabunu nouido nou tawaevia dou aibo aratidiai. 4Wia Iesu naibaha omowameai naiba iaowa: Titi tau iati, Dubu dou gauwoha ihowa nou kiiro owea raihe, Iehova wade auwoha noudo nou kiiro koweari. 5Wia Diabolo nouro nou auwo tutu akabu barito owaboiiaro, batibati auwoha, oopo gemawa nouro nouido naibaha iwaevia na’u komo ta’uwa. 6Wia Diabolo nouido naibaha aro: Nei himia pupuo na wia moari nana’i auwoha moro roido ainai‐maati, nouri nei moido tau imaatiwa, ina dubu nou mo nirowa nouido moro ainamaati. 7Ina ro mo hohowa aiwaroboriatuti nana auwoha roro aiwai‐rahooi. 8Wia Iesuro nouido naibaha omowameai naiba iaowa: Satana ro mo dooudo tatateai ta’u. Titi tau iati, Rovia Iehova ro himia Urio‐abea roro nouido naiheha koroboriatutiha taroboriatuti wia roro nouido gauwoha komotoiha tamotoidio. 9Nouro nou Ierusalemaito naibaha owaboiia wia Tana‐moto gimini bari ohuwa nouro nou naibaha owomi wia nouido nou naiba iaowa: Ina rovia Iehova Mereri, ro himiaro taraive noudo. 10Mabu nouri titi tau iati,
Nouro nou himia gururu‐oubido wade modobo aiwai‐maati neiio ro meaha eaurimoi, 11wia
Nei himia tuito ro meaha waimo‐ohidioi,
Ro kono akaburo omodoria tore.
12Wia Iesu naibaha omowameai, nouido naiba iaowa: Wade ata nou tau aro, Iehova ro himia Urio‐abea roro kematuheiha ematuhe aue.
13Wia nou ta’uwa Diabolo auwoha kematuhe nana naibaha oropoiiawa, nouro noudo naibaha emeheai komo ta’uwa.
14Wia Iesu Galilaiaito naibaha araiwai, Tana‐urio pupuito wia nou paina auwo oiti naibaha o’u nouri batibati auwoha. 15Wia nouro nei sunagowa naibaha imatomudio wia oubi auwoha nou paina meaha naibaha owaumo.
16Wia nouro Nasaretaito naibaha araiwai nou himia ohio kemidio batiri. Sunagoito nouro naibaha odorowa Sabati hiwiowa, nou himia kidia aibo, ina nou naibaha oto’a titi iapoi. 17Wia Isaia peroveta dubu wade kiao buka neiio nouido naibaha emaaumo ina buka nou naibaha emapeemai, batii nouro naibaha owea, titi toubatiwa iati naiba,
18Iehova Tana‐urio nou momu aramitiai,
Nouri nouro mo Tana tau nowai pai‐mea nana tato oubido itomui,
Nouro mo tau notiodoiro giopu miboi oubi mea iwai wia kimopiwuti wadei kitohiti oubido naiba irowaduuti
Wia idomai tato oubido idomai irawodaiiwamoi
Wia gooa kiwai oubido meaha itioduti,
19Wia Iehova mea konobo owaduuti.
20Wia buka nou naibaha omopai ina hiwaa‐mereido naibaha owaiwai wia nou naibaha emi wia sunagowa kemidio oubi auwoha neiio nou idomaito eauriwaumo. 21Wia nou neido aroi naibaha iaii: Hiwio nouri titi kiati wade nouri nou naiheha o’uro rio himia gareito. 22Wia oubi auwoha nou meaha naibaha owaduutiwaumo, nei auwoha naibaha aemaeawaumo mabu nouri imini mea wade nou maataudo naibaha o’umo wia nei naibaha iaowaumo: Nouri Iosepa merera? 23Wia nou neido naibaha iaowa: Noupa nouri oro‐aibo wadei rioo moido naibaha aiwaimo‐iaoi; Doketa ro himia goho mea tawai. Nouri nana imoo naibaha norovidiowaumo ro Kapenaumowa tau idodiai ro himia batii nouowa taiidodiai. 24Nou naiba iaowa: Naiheha mo rioido ainiao, Peroveta dubu nou himia bati oubio nou niro biahai. 25Wia mo rioido ainaro naihehari; Same upi godo Isaraelawa naibaha emidioumo Elia hiwio’i, nou ta’uwa toboro naibaha omopai konobo neewa na’u wia bara 6, nou ta’uwa auwo due ta’uwa batibati auwoha naibaha o’uro; 26nei auwohaido nouro Elia otiodoi biahai, na’u Sarepeta Sidona o’boido wia nou same o’bori. 27Godo lepera ramu oubi Isaraelawa emidioumo nou ta’uwa Elisaia peroveta dubu naibaha emidio ina nei sovio iwai biahai, na’u Naamana, Suria dubu, nou himia gauwoha. 28Wia sunagowa kemidio oubi auwoha ina nouri wade neiio naibaha irovidiowaumo nei tiaha heauwo oitiumo; 29nei auwoha naiba otoaumo wia oopoudo neiio nou naibaha ihoioutiwaumo wia nei himia oopo akabu bariwa koari neiio nou noito naibaha owaboiiaumo nou noudo amehuamoi. 30Wia Iesu nei turiwa naibaha oroho wia nou naveito naibaha o’uro.
31Wia Kapenauma, na’u oopo Galilaia napuowa, nouro noito naibaha oruoro wia Sabati hiwiowa nouro neido naibaha iatomuaiwa. 32Nei auwoha emaeawaumo nou himia kitomudio wadewa, nouri nou wade pai aibori, pupuo ramu. 33Wia dubu na’u, auwo irio uba urio ramu, sunagowa naibaha emidio ina nou wade gema naibaha imakakaiwadiowa. 34Nou naiba iaowa: Tanebeedemama imeiti, touna ria’idai imeitido? Rovia Iesu, Nasareta duburi. Rora ro’uro imeiti iahuetamamai? Mo umori ro boti, Rovia Iehova Tana‐duburi. 35Wia Iesuro nou naibaha emadohiomai naiba iaowa: Mubaha taiti. Tahuodidio nou aueudo. Ina oubi nei turiwa uba‐urioro nou naibaha amehua nouro nou aueudo naibaha ohuodidiowa, nouido gooa owai biahai. 36Wia nei auwoha naibaha emaeawaumo nei himia himia naibaha orowaduutiwaumo naiba iaowaumo: Touna wade nouri? Pai aibori wia pupuo ramuri nouro uba‐urioido wade modoboito iaowa, wia nei naibaha rorowo‐huodidiodumo. 37Nou ta’uwa nou paina naibaha obo’owa oopo oopo modobo batibati auwoha.
38Wia nou naibaha otoa, sunagoudo naibaha ohuo, Simona motoito naibaha odoro wia Simona o’boa mamu auwo kaupi emahebidio wia neiio nou Iesuido naibaha owaduoumo. 39Wia nou korou bati tariwa nouro naibaha otoa wia kaupi nouro naibaha adohiomai wia kaupiro nou naibaha emeheai ina nou hagohagoha naibaha o’ibua neido naibaha imiowa.
40Ina nou ta’uwa dohodohowa, hiwio kahoiiowa, oubi auwoha nei himia temeteme oubi neiio nouido naibaha iworohowaumo wia nei auwohaido nouro tuito naibaha iatibowa wia nei meaha naibaha iwai. 41Wia ubauba urio’i oubi godogodo aueudo naibaha orowohuodutiwaumo naiba imakakaiwadiowaumo naiba iaowaumo: Rovia Keriso, Iehova Mereri. Wia nouro nei naibaha iadohiomai, nei kiao wade nouro naibaha imadohiomai mabu nouri neivia umori nou Kerisori.
42Wia nou ta’uwa hiwio iheheaiwa nou naibaha odorowa wia buru batito naibaha o’u wia oubio nouido naibaha omohowaumo wia nouido naiba o’uwaumo wia neiio nou naibaha adohowaumo nei imeheai tore. 43Wia nou neido naiba iaowa. Iehova bubu‐bati pai‐mea amida oopo oopowa moro kiitoutiha itouti nouri mo neiri notiodoiro. 44Wia Galilaia sunago amidawa nouro naibaha itomututi.
Currently Selected:
Luka 4: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Luka 4
4
1Wia Iesu Ioridana mabudo naibaha araiwai, nou imini Tana‐urioro naibaha apee wia Tana‐urioro nou buru‐batito naibaha emaduduo. 2Hiwio’i nouowa Diaboloro nou naibaha ematuhutiwa 40 hiwiowa; hiwio nouri dou amida nou iho biahai ina nei oboiri nou dou niroro naibaha a’ai. 3Wia Diabolo nouido naibaha aro: Ina rovia Iehova Mereri taro akabunu nouido nou tawaevia dou aibo aratidiai. 4Wia Iesu naibaha omowameai naiba iaowa: Titi tau iati, Dubu dou gauwoha ihowa nou kiiro owea raihe, Iehova wade auwoha noudo nou kiiro koweari. 5Wia Diabolo nouro nou auwo tutu akabu barito owaboiiaro, batibati auwoha, oopo gemawa nouro nouido naibaha iwaevia na’u komo ta’uwa. 6Wia Diabolo nouido naibaha aro: Nei himia pupuo na wia moari nana’i auwoha moro roido ainai‐maati, nouri nei moido tau imaatiwa, ina dubu nou mo nirowa nouido moro ainamaati. 7Ina ro mo hohowa aiwaroboriatuti nana auwoha roro aiwai‐rahooi. 8Wia Iesuro nouido naibaha omowameai naiba iaowa: Satana ro mo dooudo tatateai ta’u. Titi tau iati, Rovia Iehova ro himia Urio‐abea roro nouido naiheha koroboriatutiha taroboriatuti wia roro nouido gauwoha komotoiha tamotoidio. 9Nouro nou Ierusalemaito naibaha owaboiia wia Tana‐moto gimini bari ohuwa nouro nou naibaha owomi wia nouido nou naiba iaowa: Ina rovia Iehova Mereri, ro himiaro taraive noudo. 10Mabu nouri titi tau iati,
Nouro nou himia gururu‐oubido wade modobo aiwai‐maati neiio ro meaha eaurimoi, 11wia
Nei himia tuito ro meaha waimo‐ohidioi,
Ro kono akaburo omodoria tore.
12Wia Iesu naibaha omowameai, nouido naiba iaowa: Wade ata nou tau aro, Iehova ro himia Urio‐abea roro kematuheiha ematuhe aue.
13Wia nou ta’uwa Diabolo auwoha kematuhe nana naibaha oropoiiawa, nouro noudo naibaha emeheai komo ta’uwa.
14Wia Iesu Galilaiaito naibaha araiwai, Tana‐urio pupuito wia nou paina auwo oiti naibaha o’u nouri batibati auwoha. 15Wia nouro nei sunagowa naibaha imatomudio wia oubi auwoha nou paina meaha naibaha owaumo.
16Wia nouro Nasaretaito naibaha araiwai nou himia ohio kemidio batiri. Sunagoito nouro naibaha odorowa Sabati hiwiowa, nou himia kidia aibo, ina nou naibaha oto’a titi iapoi. 17Wia Isaia peroveta dubu wade kiao buka neiio nouido naibaha emaaumo ina buka nou naibaha emapeemai, batii nouro naibaha owea, titi toubatiwa iati naiba,
18Iehova Tana‐urio nou momu aramitiai,
Nouri nouro mo Tana tau nowai pai‐mea nana tato oubido itomui,
Nouro mo tau notiodoiro giopu miboi oubi mea iwai wia kimopiwuti wadei kitohiti oubido naiba irowaduuti
Wia idomai tato oubido idomai irawodaiiwamoi
Wia gooa kiwai oubido meaha itioduti,
19Wia Iehova mea konobo owaduuti.
20Wia buka nou naibaha omopai ina hiwaa‐mereido naibaha owaiwai wia nou naibaha emi wia sunagowa kemidio oubi auwoha neiio nou idomaito eauriwaumo. 21Wia nou neido aroi naibaha iaii: Hiwio nouri titi kiati wade nouri nou naiheha o’uro rio himia gareito. 22Wia oubi auwoha nou meaha naibaha owaduutiwaumo, nei auwoha naibaha aemaeawaumo mabu nouri imini mea wade nou maataudo naibaha o’umo wia nei naibaha iaowaumo: Nouri Iosepa merera? 23Wia nou neido naibaha iaowa: Noupa nouri oro‐aibo wadei rioo moido naibaha aiwaimo‐iaoi; Doketa ro himia goho mea tawai. Nouri nana imoo naibaha norovidiowaumo ro Kapenaumowa tau idodiai ro himia batii nouowa taiidodiai. 24Nou naiba iaowa: Naiheha mo rioido ainiao, Peroveta dubu nou himia bati oubio nou niro biahai. 25Wia mo rioido ainaro naihehari; Same upi godo Isaraelawa naibaha emidioumo Elia hiwio’i, nou ta’uwa toboro naibaha omopai konobo neewa na’u wia bara 6, nou ta’uwa auwo due ta’uwa batibati auwoha naibaha o’uro; 26nei auwohaido nouro Elia otiodoi biahai, na’u Sarepeta Sidona o’boido wia nou same o’bori. 27Godo lepera ramu oubi Isaraelawa emidioumo nou ta’uwa Elisaia peroveta dubu naibaha emidio ina nei sovio iwai biahai, na’u Naamana, Suria dubu, nou himia gauwoha. 28Wia sunagowa kemidio oubi auwoha ina nouri wade neiio naibaha irovidiowaumo nei tiaha heauwo oitiumo; 29nei auwoha naiba otoaumo wia oopoudo neiio nou naibaha ihoioutiwaumo wia nei himia oopo akabu bariwa koari neiio nou noito naibaha owaboiiaumo nou noudo amehuamoi. 30Wia Iesu nei turiwa naibaha oroho wia nou naveito naibaha o’uro.
31Wia Kapenauma, na’u oopo Galilaia napuowa, nouro noito naibaha oruoro wia Sabati hiwiowa nouro neido naibaha iatomuaiwa. 32Nei auwoha emaeawaumo nou himia kitomudio wadewa, nouri nou wade pai aibori, pupuo ramu. 33Wia dubu na’u, auwo irio uba urio ramu, sunagowa naibaha emidio ina nou wade gema naibaha imakakaiwadiowa. 34Nou naiba iaowa: Tanebeedemama imeiti, touna ria’idai imeitido? Rovia Iesu, Nasareta duburi. Rora ro’uro imeiti iahuetamamai? Mo umori ro boti, Rovia Iehova Tana‐duburi. 35Wia Iesuro nou naibaha emadohiomai naiba iaowa: Mubaha taiti. Tahuodidio nou aueudo. Ina oubi nei turiwa uba‐urioro nou naibaha amehua nouro nou aueudo naibaha ohuodidiowa, nouido gooa owai biahai. 36Wia nei auwoha naibaha emaeawaumo nei himia himia naibaha orowaduutiwaumo naiba iaowaumo: Touna wade nouri? Pai aibori wia pupuo ramuri nouro uba‐urioido wade modoboito iaowa, wia nei naibaha rorowo‐huodidiodumo. 37Nou ta’uwa nou paina naibaha obo’owa oopo oopo modobo batibati auwoha.
38Wia nou naibaha otoa, sunagoudo naibaha ohuo, Simona motoito naibaha odoro wia Simona o’boa mamu auwo kaupi emahebidio wia neiio nou Iesuido naibaha owaduoumo. 39Wia nou korou bati tariwa nouro naibaha otoa wia kaupi nouro naibaha adohiomai wia kaupiro nou naibaha emeheai ina nou hagohagoha naibaha o’ibua neido naibaha imiowa.
40Ina nou ta’uwa dohodohowa, hiwio kahoiiowa, oubi auwoha nei himia temeteme oubi neiio nouido naibaha iworohowaumo wia nei auwohaido nouro tuito naibaha iatibowa wia nei meaha naibaha iwai. 41Wia ubauba urio’i oubi godogodo aueudo naibaha orowohuodutiwaumo naiba imakakaiwadiowaumo naiba iaowaumo: Rovia Keriso, Iehova Mereri. Wia nouro nei naibaha iadohiomai, nei kiao wade nouro naibaha imadohiomai mabu nouri neivia umori nou Kerisori.
42Wia nou ta’uwa hiwio iheheaiwa nou naibaha odorowa wia buru batito naibaha o’u wia oubio nouido naibaha omohowaumo wia nouido naiba o’uwaumo wia neiio nou naibaha adohowaumo nei imeheai tore. 43Wia nou neido naiba iaowa. Iehova bubu‐bati pai‐mea amida oopo oopowa moro kiitoutiha itouti nouri mo neiri notiodoiro. 44Wia Galilaia sunago amidawa nouro naibaha itomututi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.