Mataio 25
25
1Ina toboro bububati nou 10 buhebaio nei aibori. Neiio nei lamepa naibaha iwoumo wia orio kidabuai mere omotoi naibaha o’uwaumo. 2Wia amida 5 imini tatori wia amida 5 imini ramuri. 3Wia imini tato buhebaio nei lamepa naibaha imidaumo wia lamepa diomo neiio imidaimo biahai. 4Wia imini ramu buhebaio diomo wauraubu ramu nei naibaha imidaumo nei himia lamepa badi. 5Wia nou ta’uwa orio kidubuai mere hagohagoha o’u biahai nei auwoha duduruori wia uwo aibori. 6Wia duo gohowa na’u wade iauwoidiowa: Taaurimo orio kidabuai mere airo’uro, rio nouido ta’umo omotoi. 7Nou ta’uwa nouri buhebaio naibaha iro’ibuaumo wia nei lamepa wiki idodiaiwaumo. 8Wia imini tato buhebaio’i, imini ramu buhebaioido naibaha iaowaumo: Rio diomo imo tanimaatimo, nouri imo lamepa airioruodiodumo. 9Wia imini ramu buhebaio’i naibaha imowameaumo naiba iaowaumo Oo, noupa imo diomo modobo biahai rioido wia imoido. Ata ta’umo diomo amida rio himeao imeimoi, oubi amida aueudo. 10Ina nou ta’uwa nei naibaha araiwaumo diomo kime bati noudo, orio kidabuai mere naibaha eredeawa wia nouri opuito korododiai oubi nei noumu naibaha idoumo kidabuai horiomoo’i iaurimoi, wia biri naibaha opaumo. 11Dooudo, amida buhebaio naibaha eredeaumo wia neiio naiba iaowaumo: Pai‐dubu e, Pai‐dubu e, imo biri tanimaerairo. 12Wia nou naibaha imowameai naiba iaowa: Naiheha mo rioido ainaro, mo umo biahai rio. 13Taaurimo rio, nouri rio umo biahai hiwio nouri wia ta’u nouri, Oubiha‐mere aiwauro’ui.
14Mabu nouri toboro bubu bati nou dubu bati auwoito ko’ui, nou aibori. Nou kowaati oubi nou naibaha itua wia nou himia nana’i neido imaati. 15Wia na’u dubuido 5 talena nouro emaai wia ataido neewa talena wia ataido na’u talena, nei himia himiaido nouro imaati nei imini nou aibo; ina nou himia naveito nou naibaha o’u. 16Ina duburo 5 talena ivia, nou neimu naibaha o’u paki batito wia ata 5 talena nouro naibaha ivia. 17Ina nou aibo dubunu neewa talena iviamama ata talena neewa nouro naibaha iviamama. 18Wia nouri dubu nou na’u talena owea, nou naibaha o’u wia bobo nouro naibaha ahe’ere wia nou pai‐dubu moni nouro naibaha omopiraa. 19Dooudo tutu ta’uwa nouri kiwaati oubi pai‐dubu, nou naibaha o’uro wia nei kiwaati nana naibaha imeauri. 20Wia 5 talena kivia dubu nou naibaha o’u wia 5 ata naibaha iwou, wia nou naibaha iaowa: Pai‐dubu e, rovia 5 talena moido taunimaai, ta’auri moro ata 5 talena tau nivia. 21Nou pai‐dubu nouido naiba iaowa: Roro meaha idodiai; rovia meahari wia naiheha kowaati mereri; keke nana amida roro meamea iauri, moro ro pai ainawai nana godogodoito; ta’uro ro himia pai‐dubu horiomooito. 22Wia nou aibo neewa talena kiviamama dubu nou naibaha o’u, naiba iaowa: Pai‐dubu e, neewa talena ro moido tau nimaaimama. Ta’auri ata neewa talena moro tau niviamama. 23Nou pai‐dubu nouido naiba iaowa: Roro meaha idodiai. Rovia meahari wia naiheha kowaati mereri, keke nana amida roro meamea iauri, mo ro pai ainawai nana godogodoito. Ta’uro ro himia pai‐dubu horiomooido. 24Ina na’u talena kowea dubu nou naibaha o’uro, naiba iaowa; Pai‐dubu e, ro kidia mo umori. Rovia tiaha koko duburi. Nouri nana roro ibo biahai roro airiwohaudio wia nouri nana roro idiamo biahai ina roro airiworoho. 25Wia mo tore naati ina mo naibaha no’u wia ro talena moro hopu gorowa nopiraa. Taiauri ro himia nana nouri. 26Nou pai‐duburo nouido naibaha omowameai naiba iaowa: Ro ubari wia dawadawa kowaati mereri; rovia umori moro ibotato nana’i nou niwohaudio wia moro idiamo tato nana’i nou niworoho. 27Nou meaha mo moni roro oubi ata batimaai ina mo araiwaiwa, mo moni, wiha moni nou ramu, moro baniviaro. 28Nouri talena nou aueudo tamoviodoiro wia 10 talena kiworoho dubuido tamaai. 29Mabu nouri, dubu nou nana amida airia, do’o ata nouido aiwamaati wia nou godogodo iawa; wia dubu nou nana tato doo nou himia nana auwoha nou mabudo aiwaimo‐orowaihiiti. 30Wia uba kowaati mere, durii bati wegeito, rioo taho’iutimo wia idebi irotutimoi wia niimo imotooubutimoi, neiio nouowa waimo‐emidioi.
31Nou ta’uwa Oubiha‐mere nou moari ramu aiwauro’ui wia tana gururu‐mere auwoha noumu, ina nou ta’uwa nou moari kemi batiwa nouro aiwami. 32Wia batibati oubi auwoha nei nou hohowa aiwaimoorowaihehedio wia na’u patu ata patu aueudo nouro aiwaitatei, naiba mamoe dabi dubu nou mamoe goati aueudo naibaha airimotatedio. 33Wia mamoe nou tuiha hapuoito wia goati nou pere hapuoito nouro naiba aiwai‐tateai. 34Ina Pai‐dubu tuiha hapuo oubido nou naibaha waroi: Ta’umo, mo Abearo rio geii geiiha rimowai. Nouri bububati rioido tau idodiai nou ta’uwa bati bati auwoha nouro idodiai, batii nouri rioo tairahoomo. 35Nouri mo dou niroro nou naai, ina rio moido dou tau nemaatiumo; mo obo niroro nou naai, ina rio moido obo tau nemaaumo; mo douboi mereri, ina rioo mo tau naubuaumo rio motoito. 36Mo turuuhari, ina rio mo tau nowamitiaumo; mo uba norou, ina rio moido tau o’umo mo eaurimoi; mo durii motowa nou nemidio, wia rio moido naibaha o’umo. 37Ina meamea oubi nouido aiwaimo‐omowameai naiba aiwaimo‐aroi; Pai‐dubu e, tou hiwiowa neiauriumo ro, ro dou niroi ina imo roido dou naibaha nemaatiumo, wia ro obo niroi ina imo roido obo naibaha nemaaumo? 38Tou hiwiowa neiauriumo ro douboi mereri, ina imo ro nou nauubuaumo imo motoito, wia turuuhai imoo tou aaiwa nou wamitiaumo? 39Wia tou hiwiowa neauriumo imoo, ro uba korouwa wia durii motowa nou emidio, ina roido imo nou no’umo? 40Wia Pai‐duburo naibaha wamowameai, neido naibaha waroi: Naiheha mo rioido ainaro, naiba naiba mo niama na’u mo niama keke, rioo nouido naibaha idodiaumo, nou aibo rio moido idodiaiwatutiumo. 41Nou ta’uwa pere hapuowa oubido nouro naibaha aiwaroi: Rio ubauba oubi, mo mabudo tatateaimo, karae karae kupoito ta’umo; kupo nouri pai uba urioido wia nou gururu mereido tau idodiai. 42Nouri mo dou niroro nou na’ai, ina rioo moido dou emaatimo biahai; mo obo niroro nou na’ai ina rioo moido obo emaaimo biahai. 43Mo douboi mereri, ina rioo mo aubuaimo biahai rio motoito. Mo turuuhari ina rioo mo owamiteaimo biahai: ina mo uba nou norou wia durii motowa nou nemidio, ina rioo moido o’umo biahai. 44Wia nei naiba nouido aiwaimo‐omowameai, naiba aiwaimo‐aroi: Pai‐dubu e, tou hiwiowa neiauriumo imoo ro dou niroi wia obo niroi wia douboi mereri wia turuuhari wia uba korouwa wia durii motowa ina imo roido omotoimo biahai? 45Wia Pai‐duburo naibaha wamowameai, neido naibaha waroi; Naiheha mo rioido ainaro, naiba naiba na’u keke mere, nouri mere udori, rio nouido idodiaimo biahai, nou aibo rio moido idodiaimo biahai. 46Wia nouri oubio karae karae ubauba wiha batito aiwaimo‐o’ui, wia mea mea oubio kiiro karae batito aiwaimo o’ui.
Currently Selected:
Mataio 25: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Mataio 25
25
1Ina toboro bububati nou 10 buhebaio nei aibori. Neiio nei lamepa naibaha iwoumo wia orio kidabuai mere omotoi naibaha o’uwaumo. 2Wia amida 5 imini tatori wia amida 5 imini ramuri. 3Wia imini tato buhebaio nei lamepa naibaha imidaumo wia lamepa diomo neiio imidaimo biahai. 4Wia imini ramu buhebaio diomo wauraubu ramu nei naibaha imidaumo nei himia lamepa badi. 5Wia nou ta’uwa orio kidubuai mere hagohagoha o’u biahai nei auwoha duduruori wia uwo aibori. 6Wia duo gohowa na’u wade iauwoidiowa: Taaurimo orio kidabuai mere airo’uro, rio nouido ta’umo omotoi. 7Nou ta’uwa nouri buhebaio naibaha iro’ibuaumo wia nei lamepa wiki idodiaiwaumo. 8Wia imini tato buhebaio’i, imini ramu buhebaioido naibaha iaowaumo: Rio diomo imo tanimaatimo, nouri imo lamepa airioruodiodumo. 9Wia imini ramu buhebaio’i naibaha imowameaumo naiba iaowaumo Oo, noupa imo diomo modobo biahai rioido wia imoido. Ata ta’umo diomo amida rio himeao imeimoi, oubi amida aueudo. 10Ina nou ta’uwa nei naibaha araiwaumo diomo kime bati noudo, orio kidabuai mere naibaha eredeawa wia nouri opuito korododiai oubi nei noumu naibaha idoumo kidabuai horiomoo’i iaurimoi, wia biri naibaha opaumo. 11Dooudo, amida buhebaio naibaha eredeaumo wia neiio naiba iaowaumo: Pai‐dubu e, Pai‐dubu e, imo biri tanimaerairo. 12Wia nou naibaha imowameai naiba iaowa: Naiheha mo rioido ainaro, mo umo biahai rio. 13Taaurimo rio, nouri rio umo biahai hiwio nouri wia ta’u nouri, Oubiha‐mere aiwauro’ui.
14Mabu nouri toboro bubu bati nou dubu bati auwoito ko’ui, nou aibori. Nou kowaati oubi nou naibaha itua wia nou himia nana’i neido imaati. 15Wia na’u dubuido 5 talena nouro emaai wia ataido neewa talena wia ataido na’u talena, nei himia himiaido nouro imaati nei imini nou aibo; ina nou himia naveito nou naibaha o’u. 16Ina duburo 5 talena ivia, nou neimu naibaha o’u paki batito wia ata 5 talena nouro naibaha ivia. 17Ina nou aibo dubunu neewa talena iviamama ata talena neewa nouro naibaha iviamama. 18Wia nouri dubu nou na’u talena owea, nou naibaha o’u wia bobo nouro naibaha ahe’ere wia nou pai‐dubu moni nouro naibaha omopiraa. 19Dooudo tutu ta’uwa nouri kiwaati oubi pai‐dubu, nou naibaha o’uro wia nei kiwaati nana naibaha imeauri. 20Wia 5 talena kivia dubu nou naibaha o’u wia 5 ata naibaha iwou, wia nou naibaha iaowa: Pai‐dubu e, rovia 5 talena moido taunimaai, ta’auri moro ata 5 talena tau nivia. 21Nou pai‐dubu nouido naiba iaowa: Roro meaha idodiai; rovia meahari wia naiheha kowaati mereri; keke nana amida roro meamea iauri, moro ro pai ainawai nana godogodoito; ta’uro ro himia pai‐dubu horiomooito. 22Wia nou aibo neewa talena kiviamama dubu nou naibaha o’u, naiba iaowa: Pai‐dubu e, neewa talena ro moido tau nimaaimama. Ta’auri ata neewa talena moro tau niviamama. 23Nou pai‐dubu nouido naiba iaowa: Roro meaha idodiai. Rovia meahari wia naiheha kowaati mereri, keke nana amida roro meamea iauri, mo ro pai ainawai nana godogodoito. Ta’uro ro himia pai‐dubu horiomooido. 24Ina na’u talena kowea dubu nou naibaha o’uro, naiba iaowa; Pai‐dubu e, ro kidia mo umori. Rovia tiaha koko duburi. Nouri nana roro ibo biahai roro airiwohaudio wia nouri nana roro idiamo biahai ina roro airiworoho. 25Wia mo tore naati ina mo naibaha no’u wia ro talena moro hopu gorowa nopiraa. Taiauri ro himia nana nouri. 26Nou pai‐duburo nouido naibaha omowameai naiba iaowa: Ro ubari wia dawadawa kowaati mereri; rovia umori moro ibotato nana’i nou niwohaudio wia moro idiamo tato nana’i nou niworoho. 27Nou meaha mo moni roro oubi ata batimaai ina mo araiwaiwa, mo moni, wiha moni nou ramu, moro baniviaro. 28Nouri talena nou aueudo tamoviodoiro wia 10 talena kiworoho dubuido tamaai. 29Mabu nouri, dubu nou nana amida airia, do’o ata nouido aiwamaati wia nou godogodo iawa; wia dubu nou nana tato doo nou himia nana auwoha nou mabudo aiwaimo‐orowaihiiti. 30Wia uba kowaati mere, durii bati wegeito, rioo taho’iutimo wia idebi irotutimoi wia niimo imotooubutimoi, neiio nouowa waimo‐emidioi.
31Nou ta’uwa Oubiha‐mere nou moari ramu aiwauro’ui wia tana gururu‐mere auwoha noumu, ina nou ta’uwa nou moari kemi batiwa nouro aiwami. 32Wia batibati oubi auwoha nei nou hohowa aiwaimoorowaihehedio wia na’u patu ata patu aueudo nouro aiwaitatei, naiba mamoe dabi dubu nou mamoe goati aueudo naibaha airimotatedio. 33Wia mamoe nou tuiha hapuoito wia goati nou pere hapuoito nouro naiba aiwai‐tateai. 34Ina Pai‐dubu tuiha hapuo oubido nou naibaha waroi: Ta’umo, mo Abearo rio geii geiiha rimowai. Nouri bububati rioido tau idodiai nou ta’uwa bati bati auwoha nouro idodiai, batii nouri rioo tairahoomo. 35Nouri mo dou niroro nou naai, ina rio moido dou tau nemaatiumo; mo obo niroro nou naai, ina rio moido obo tau nemaaumo; mo douboi mereri, ina rioo mo tau naubuaumo rio motoito. 36Mo turuuhari, ina rio mo tau nowamitiaumo; mo uba norou, ina rio moido tau o’umo mo eaurimoi; mo durii motowa nou nemidio, wia rio moido naibaha o’umo. 37Ina meamea oubi nouido aiwaimo‐omowameai naiba aiwaimo‐aroi; Pai‐dubu e, tou hiwiowa neiauriumo ro, ro dou niroi ina imo roido dou naibaha nemaatiumo, wia ro obo niroi ina imo roido obo naibaha nemaaumo? 38Tou hiwiowa neiauriumo ro douboi mereri, ina imo ro nou nauubuaumo imo motoito, wia turuuhai imoo tou aaiwa nou wamitiaumo? 39Wia tou hiwiowa neauriumo imoo, ro uba korouwa wia durii motowa nou emidio, ina roido imo nou no’umo? 40Wia Pai‐duburo naibaha wamowameai, neido naibaha waroi: Naiheha mo rioido ainaro, naiba naiba mo niama na’u mo niama keke, rioo nouido naibaha idodiaumo, nou aibo rio moido idodiaiwatutiumo. 41Nou ta’uwa pere hapuowa oubido nouro naibaha aiwaroi: Rio ubauba oubi, mo mabudo tatateaimo, karae karae kupoito ta’umo; kupo nouri pai uba urioido wia nou gururu mereido tau idodiai. 42Nouri mo dou niroro nou na’ai, ina rioo moido dou emaatimo biahai; mo obo niroro nou na’ai ina rioo moido obo emaaimo biahai. 43Mo douboi mereri, ina rioo mo aubuaimo biahai rio motoito. Mo turuuhari ina rioo mo owamiteaimo biahai: ina mo uba nou norou wia durii motowa nou nemidio, ina rioo moido o’umo biahai. 44Wia nei naiba nouido aiwaimo‐omowameai, naiba aiwaimo‐aroi: Pai‐dubu e, tou hiwiowa neiauriumo imoo ro dou niroi wia obo niroi wia douboi mereri wia turuuhari wia uba korouwa wia durii motowa ina imo roido omotoimo biahai? 45Wia Pai‐duburo naibaha wamowameai, neido naibaha waroi; Naiheha mo rioido ainaro, naiba naiba na’u keke mere, nouri mere udori, rio nouido idodiaimo biahai, nou aibo rio moido idodiaimo biahai. 46Wia nouri oubio karae karae ubauba wiha batito aiwaimo‐o’ui, wia mea mea oubio kiiro karae batito aiwaimo o’ui.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.