Mareko 16
16
1Ina Iudaia Sabati hiwio naibaha oropoiio, Maria Magadala wia Maria Iakobo mamu wia Salome, nibo mea nana neibio naibaha imebumo neibi Iesu goho adiribi o’u niroi. 2Wia auwo pura hiwio’i nouowa, hiwio kiahiaiwa neibi gabidi motoito naibaha o’uwabumo wia nou ta’uwa hiwio naibaha iororo. 3Wia neibi himia naiba iaowabumo: Akabu gema botiro biri puruoudo imeibido rodododiodai? 4Mabu nouri nou auwo gemari. Ina nou ta’uwa neibi iauotaibumo, neibio naibaha eauribumu akabu gema tau odododio. 5Ina neibi gabidi motoito naibaha idobumo, neibio orio dubu naibaha eauribumo tuiha hapuowa emidio, tutu meaiha bohoboho hipura amitidio ina neibio tiaha tore emaatiwabumo. 6Nou neibido naiba iaowa: Tore moa; rieibi Iesu, Nasareta dubu sataurowa nou owaumo, nou romohobidumo; nou tau oroitorai: nou nouowa biahai Ta’auribi nou oubio kedea batii nouowa. 7Taraiwaibi rieibi himia naveito, naiba taroubi nou himia kitomudio mereido wia Pitaido, nouvia Galilaiaito opuito o’u: rioo nouowa aiwaimo‐oweai naiba nou opuito nou iaotuti rioido. 8Wia neibi hagohagoha naibaha ihuowabumo wia gabidi motoudo naibaha odauwabumo; nouri neibi tama aiimuruowaubumo wia neibio naibaha emaeawabumo: dubu ataido neibio wade ata iaoubi biahai mabu nouri neibi tiaha tore emahebidiowabumo.
9Wia nou ta’uwa Iesu naibaha oroitorai; auwo pura hiwio’i kiheheaiwa, opuito Maria Magadalaito nou himiaro naibaha omowaetai, opuito nouri o’bo nouro 7 uba urio iheewa nou aueudo. 10Wia nou naibaha o’u naibaha orowaduuti noumo koroho oubi’i neido, nou ta’uwa nei giopu miboi emahebidiowaumo wia idebi irotutiwaumo. 11Wia nouri oubi, ina neiio idaorovidioumo nouvia kiirori wia o’boi nouri nouro nou tau eauri, neiio nouido orovidioumo biahai.
12Dooudo nou tiaha goho aibo omowaetai neewatoi dubuido, nou ta’uwa neiti aiorohouwaudo wia bui navewa naibaha rohowaudo. 13Ina nou ta’uwa neiti naibaha araiwaudo, amida oubi auwohaido neitio naibaha orowaduutiwaudo ina neiio neitido irovidioumo biahai.
14Dooudo nou 11 kitomudio mereido omowaetai, nou ta’uwa nei aiihowaumo. Nouro nei naiba imadohiomai, mabu nouri neiio araromodioumo biahai wia nei imini kokori, nouri nou koroitoraiwa keauri oubii neiio neido irovidioumo biahai. 15Nou neido naiba iaowa; Oopo oopoito auwoha tarohoumo; Pai‐mea oubi auwohaido tarowaduutimo. 16Nouri oubi neiio orovidiomowa wia bapatiso oitutimowa neivia aiwaimo‐oroitouti wia nouri oubi neiio irovidioumo tatowa nei himiao gooa waimo‐orowaidioi. 17Wia kiraromodio oubii, modobo’i nouri neiio aiwaimo‐iviai: uba urio mo painawa neiio aiwaimo‐iahiiti; ata oubi wadeito neiio aiwaimo‐iaoi. 18Ede neiio aiwaimo‐iohi ina ubauba na neiio aiwaimo‐idioi nouri na nei gooa iwaimo raihe; neiio tuito temeteme oubi aiwaimoiatiboi ina nei meaha aiwaimo‐oituti.
19Wia Pai‐dubu, Iesu, ina nou neido naiba aro; toboroito nou naibaha oviowaro wia Iehova tuiha hapuowa nou naibaha emi. 20Nei naibaha o’uwaumo wia oopo oopo auwoha totomuito naiba iaowaumo, Pai‐dubu nou neimu kowaatiri wia nouri wade nou naiheha iwai, tiaha dooudo korobodo na’i nou ramu.
Currently Selected:
Mareko 16: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Mareko 16
16
1Ina Iudaia Sabati hiwio naibaha oropoiio, Maria Magadala wia Maria Iakobo mamu wia Salome, nibo mea nana neibio naibaha imebumo neibi Iesu goho adiribi o’u niroi. 2Wia auwo pura hiwio’i nouowa, hiwio kiahiaiwa neibi gabidi motoito naibaha o’uwabumo wia nou ta’uwa hiwio naibaha iororo. 3Wia neibi himia naiba iaowabumo: Akabu gema botiro biri puruoudo imeibido rodododiodai? 4Mabu nouri nou auwo gemari. Ina nou ta’uwa neibi iauotaibumo, neibio naibaha eauribumu akabu gema tau odododio. 5Ina neibi gabidi motoito naibaha idobumo, neibio orio dubu naibaha eauribumo tuiha hapuowa emidio, tutu meaiha bohoboho hipura amitidio ina neibio tiaha tore emaatiwabumo. 6Nou neibido naiba iaowa: Tore moa; rieibi Iesu, Nasareta dubu sataurowa nou owaumo, nou romohobidumo; nou tau oroitorai: nou nouowa biahai Ta’auribi nou oubio kedea batii nouowa. 7Taraiwaibi rieibi himia naveito, naiba taroubi nou himia kitomudio mereido wia Pitaido, nouvia Galilaiaito opuito o’u: rioo nouowa aiwaimo‐oweai naiba nou opuito nou iaotuti rioido. 8Wia neibi hagohagoha naibaha ihuowabumo wia gabidi motoudo naibaha odauwabumo; nouri neibi tama aiimuruowaubumo wia neibio naibaha emaeawabumo: dubu ataido neibio wade ata iaoubi biahai mabu nouri neibi tiaha tore emahebidiowabumo.
9Wia nou ta’uwa Iesu naibaha oroitorai; auwo pura hiwio’i kiheheaiwa, opuito Maria Magadalaito nou himiaro naibaha omowaetai, opuito nouri o’bo nouro 7 uba urio iheewa nou aueudo. 10Wia nou naibaha o’u naibaha orowaduuti noumo koroho oubi’i neido, nou ta’uwa nei giopu miboi emahebidiowaumo wia idebi irotutiwaumo. 11Wia nouri oubi, ina neiio idaorovidioumo nouvia kiirori wia o’boi nouri nouro nou tau eauri, neiio nouido orovidioumo biahai.
12Dooudo nou tiaha goho aibo omowaetai neewatoi dubuido, nou ta’uwa neiti aiorohouwaudo wia bui navewa naibaha rohowaudo. 13Ina nou ta’uwa neiti naibaha araiwaudo, amida oubi auwohaido neitio naibaha orowaduutiwaudo ina neiio neitido irovidioumo biahai.
14Dooudo nou 11 kitomudio mereido omowaetai, nou ta’uwa nei aiihowaumo. Nouro nei naiba imadohiomai, mabu nouri neiio araromodioumo biahai wia nei imini kokori, nouri nou koroitoraiwa keauri oubii neiio neido irovidioumo biahai. 15Nou neido naiba iaowa; Oopo oopoito auwoha tarohoumo; Pai‐mea oubi auwohaido tarowaduutimo. 16Nouri oubi neiio orovidiomowa wia bapatiso oitutimowa neivia aiwaimo‐oroitouti wia nouri oubi neiio irovidioumo tatowa nei himiao gooa waimo‐orowaidioi. 17Wia kiraromodio oubii, modobo’i nouri neiio aiwaimo‐iviai: uba urio mo painawa neiio aiwaimo‐iahiiti; ata oubi wadeito neiio aiwaimo‐iaoi. 18Ede neiio aiwaimo‐iohi ina ubauba na neiio aiwaimo‐idioi nouri na nei gooa iwaimo raihe; neiio tuito temeteme oubi aiwaimoiatiboi ina nei meaha aiwaimo‐oituti.
19Wia Pai‐dubu, Iesu, ina nou neido naiba aro; toboroito nou naibaha oviowaro wia Iehova tuiha hapuowa nou naibaha emi. 20Nei naibaha o’uwaumo wia oopo oopo auwoha totomuito naiba iaowaumo, Pai‐dubu nou neimu kowaatiri wia nouri wade nou naiheha iwai, tiaha dooudo korobodo na’i nou ramu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.