Mareko 2
2
1Hiwio amida, ina nei tau oropoiioumo nou Kapenaumaito ina odorowa. Oubi amidao naiba owaduoumo nou motowa remidio. 2Nou ta’uwa oubi godogodo naibaha idabuaiwaumo, nouri nou bati hiae biahai naiba biri mabuwa hia’e biahai wia nouro neido totomu naibaha iaowa. 3Wia nei nouido naibaha o’umo muo ramu dubu neiio nouido naibaha owoumo, neewa neewa mere potoo naibaha aotaibumo naiba owoubumo. 4Iesuido neibi taiba ko’ui tarito, nouri oubi godogodori; nouri neibio evia naibaha emahirutibumo, Iesu kotoi bati gamoo, ina neibio idamahirutibumo muo ramu dubu, koroutetepe ramu, neibio naibaha oworuobumo. 5Ina Iesuro neibi himia kiraromodio na’i naibaha imeauriwabi nou muo ramu dubuido naiba iaowa: Mo mere, ro himia uba uba kidia tau ripiti. 6Wia titikiati oubi amida neivia nouowa emidiowaumo wia nei himia iminiwa naibaha iraromodiowaumo: 7Teiri dubunu uba uba kiao wade naiba iaowa? Boti ubauba kidia airipitidai? Iehova nou himia gauwoha. 8Ina nou ta’uwa Iesu urio umo daiti nei himia iminito kiraromodio na’i; nou neido naiba iaowa: Tounai nouri na rio himia iminiwa nou riraromodiodumo. 9Touwai pauwo na, muo ramu dubuido naiba aroi, ro himia ubauba kidia tau ripiti, e muo ramu dubuido naiba aroi: Ro tatoa, tetepe tamidai, ta’u. 10Ina nouri rio umo aroitidumo Oubiha‐mere nou pupuo ramuri, oopo auwoha, oubi ubauba kidia airipitidiodai (nou muo ramu dubuido naiba iaowa). 11Mo roido ainaro: Tatoa, tetepe tamidai, ro himia motoito ta’u. 12Ina nou ta’uwa nou naibaha otoa wia tetepe naibaha emidai ina nei auwoha nei hohowa nou naibaha ohuo. Nouri nei auwoha aiemaeawaumo; Iehovaido naiba emabitiwaumo, naiba iaowaumo: Imo kidia ata nou aibo eaurimo biahai.
13Ina hiwio ata Iesu auwo‐turi barawa naibaha o’u wia oubi auwoha nouido naibaha o’umo; nou neido naibaha imatomudiowa. 14Ina nouro dahodai, Iesuro Levi, Alepaio mere, naibaha eauri, gavana wiha motowa emidio: Nou nouido naiba aro: Mo tanobodoro. Nou naibaha otoa ina Iesu dooudo naibaha orobodowa. 15Ina nou ta’uwa, Iesu nou motowa naibaha emidio ihoi, gavana wiha keauri oubi wia ubauba oubi godogodo nei Iesumu wia nou himia kitomudio meremu naibaha emidiowaumo, mabu nouri nei godogodori wia nei nou dooudo orobodowaumo. 16Ina titikiati oubira, Parisea oubira neiio daauriumo, gavana wiha keauri oubimu ubaubu oubimu nou naibaha ihowa, neiio nou himia kitomudio mereido naibaha iaowaumo: Gavana wiha keauri oubimu, wia ubauba oubimu, nou teiri riho wia teiri ridio? 17Ina Iesuro naibaha orowai, nou neido naiba iaowa: Pupu‐pupuo oubi doketa niro biahai, temeteme oubi nei himia gauwoha; mo meamea oubi, imimi imowai itoai, ko’u biahai; ubauba oubi imini imowai ituai no’uro.
18Ioane kitomudio mere wia Parisea kitomudio mere, hiwio amida nei ihotato emidiotutiumo; wia nei nouido naibaha o’umo, naiba iaowaumo: Teiriri Ioane kitomudio mere wia Parisea kitomudio mere, ihotato remidiodumu, wia ro himia kitomudio mere nei ihotato emidioumo biahai? 19Iesu neido naiba iaowa: Orio kidabuai mere neimu emidiowa, teiri nei ihotato remidiodumo? nou ta’uwa orio kidabuai mere neimu emidiowa nei ihotato emidioumo biahai. 20Doo hiwio amida aiwaumo’ui, ina orio kidabuai mere nei aueudo aiwatateai, wia hiwio’i nouowa neiio ihotato aiwaimoemidioi. 21Dubu ata, orio hipura pamu uduuduo owateai raihe mabu nouri orio kowateai hipura, pamu uduuduo aiwarekekeai, wia pituu nou auwo aiwaiti. 22Dubu ata orio wine tauo wauraubuwa karate biahai nouri orio winero tauo wauraubu aiwapoiai, winera wauraubura uba auwoha naibaha waidoiti. Nouri orio wine orio wauraubuwa karateha warate.
23Ina Sabati hiwiowa koni bati turiwa Iesu naibaha o’uwa, wia nou kitomudio mere naiba o’uwaumo, koni kia’e kia’e. 24Wia Parisea oubi nouido naiba iaowaumo: Taiaurimo nei, na ata rio kododiaiha ododiaimo biahai Sabati hiwiowa, teiri rododiaidumo? 25Nou neido naiba aro: Rio titi iapomo tatora, nouri nana Davida nou idodiai, nou ta’uwa nou nana niroi wia nou dou niroro aai wia nei noumu? 26Taiba Davida, Iehova motoito naibaha odorowa, Abiata, auwo‐kohena dubu kemidio hiwiowa; ina tana‐dou nouro ihowa wia noumu kemidio oubi neido naibaha imaatiwa. Dou nouri dubu ata iho raihe, kohena oubi nei himia gauwoha. 27Wia nou neido naiba iaowa: Sabati hiwio dubuido ododiai; dubu Sabati hiwioido Iehovaro ododiai biahai. 28Nouri Oubiha‐mere nou pairi Sabati hiwioido.
Currently Selected:
Mareko 2: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Mareko 2
2
1Hiwio amida, ina nei tau oropoiioumo nou Kapenaumaito ina odorowa. Oubi amidao naiba owaduoumo nou motowa remidio. 2Nou ta’uwa oubi godogodo naibaha idabuaiwaumo, nouri nou bati hiae biahai naiba biri mabuwa hia’e biahai wia nouro neido totomu naibaha iaowa. 3Wia nei nouido naibaha o’umo muo ramu dubu neiio nouido naibaha owoumo, neewa neewa mere potoo naibaha aotaibumo naiba owoubumo. 4Iesuido neibi taiba ko’ui tarito, nouri oubi godogodori; nouri neibio evia naibaha emahirutibumo, Iesu kotoi bati gamoo, ina neibio idamahirutibumo muo ramu dubu, koroutetepe ramu, neibio naibaha oworuobumo. 5Ina Iesuro neibi himia kiraromodio na’i naibaha imeauriwabi nou muo ramu dubuido naiba iaowa: Mo mere, ro himia uba uba kidia tau ripiti. 6Wia titikiati oubi amida neivia nouowa emidiowaumo wia nei himia iminiwa naibaha iraromodiowaumo: 7Teiri dubunu uba uba kiao wade naiba iaowa? Boti ubauba kidia airipitidai? Iehova nou himia gauwoha. 8Ina nou ta’uwa Iesu urio umo daiti nei himia iminito kiraromodio na’i; nou neido naiba iaowa: Tounai nouri na rio himia iminiwa nou riraromodiodumo. 9Touwai pauwo na, muo ramu dubuido naiba aroi, ro himia ubauba kidia tau ripiti, e muo ramu dubuido naiba aroi: Ro tatoa, tetepe tamidai, ta’u. 10Ina nouri rio umo aroitidumo Oubiha‐mere nou pupuo ramuri, oopo auwoha, oubi ubauba kidia airipitidiodai (nou muo ramu dubuido naiba iaowa). 11Mo roido ainaro: Tatoa, tetepe tamidai, ro himia motoito ta’u. 12Ina nou ta’uwa nou naibaha otoa wia tetepe naibaha emidai ina nei auwoha nei hohowa nou naibaha ohuo. Nouri nei auwoha aiemaeawaumo; Iehovaido naiba emabitiwaumo, naiba iaowaumo: Imo kidia ata nou aibo eaurimo biahai.
13Ina hiwio ata Iesu auwo‐turi barawa naibaha o’u wia oubi auwoha nouido naibaha o’umo; nou neido naibaha imatomudiowa. 14Ina nouro dahodai, Iesuro Levi, Alepaio mere, naibaha eauri, gavana wiha motowa emidio: Nou nouido naiba aro: Mo tanobodoro. Nou naibaha otoa ina Iesu dooudo naibaha orobodowa. 15Ina nou ta’uwa, Iesu nou motowa naibaha emidio ihoi, gavana wiha keauri oubi wia ubauba oubi godogodo nei Iesumu wia nou himia kitomudio meremu naibaha emidiowaumo, mabu nouri nei godogodori wia nei nou dooudo orobodowaumo. 16Ina titikiati oubira, Parisea oubira neiio daauriumo, gavana wiha keauri oubimu ubaubu oubimu nou naibaha ihowa, neiio nou himia kitomudio mereido naibaha iaowaumo: Gavana wiha keauri oubimu, wia ubauba oubimu, nou teiri riho wia teiri ridio? 17Ina Iesuro naibaha orowai, nou neido naiba iaowa: Pupu‐pupuo oubi doketa niro biahai, temeteme oubi nei himia gauwoha; mo meamea oubi, imimi imowai itoai, ko’u biahai; ubauba oubi imini imowai ituai no’uro.
18Ioane kitomudio mere wia Parisea kitomudio mere, hiwio amida nei ihotato emidiotutiumo; wia nei nouido naibaha o’umo, naiba iaowaumo: Teiriri Ioane kitomudio mere wia Parisea kitomudio mere, ihotato remidiodumu, wia ro himia kitomudio mere nei ihotato emidioumo biahai? 19Iesu neido naiba iaowa: Orio kidabuai mere neimu emidiowa, teiri nei ihotato remidiodumo? nou ta’uwa orio kidabuai mere neimu emidiowa nei ihotato emidioumo biahai. 20Doo hiwio amida aiwaumo’ui, ina orio kidabuai mere nei aueudo aiwatateai, wia hiwio’i nouowa neiio ihotato aiwaimoemidioi. 21Dubu ata, orio hipura pamu uduuduo owateai raihe mabu nouri orio kowateai hipura, pamu uduuduo aiwarekekeai, wia pituu nou auwo aiwaiti. 22Dubu ata orio wine tauo wauraubuwa karate biahai nouri orio winero tauo wauraubu aiwapoiai, winera wauraubura uba auwoha naibaha waidoiti. Nouri orio wine orio wauraubuwa karateha warate.
23Ina Sabati hiwiowa koni bati turiwa Iesu naibaha o’uwa, wia nou kitomudio mere naiba o’uwaumo, koni kia’e kia’e. 24Wia Parisea oubi nouido naiba iaowaumo: Taiaurimo nei, na ata rio kododiaiha ododiaimo biahai Sabati hiwiowa, teiri rododiaidumo? 25Nou neido naiba aro: Rio titi iapomo tatora, nouri nana Davida nou idodiai, nou ta’uwa nou nana niroi wia nou dou niroro aai wia nei noumu? 26Taiba Davida, Iehova motoito naibaha odorowa, Abiata, auwo‐kohena dubu kemidio hiwiowa; ina tana‐dou nouro ihowa wia noumu kemidio oubi neido naibaha imaatiwa. Dou nouri dubu ata iho raihe, kohena oubi nei himia gauwoha. 27Wia nou neido naiba iaowa: Sabati hiwio dubuido ododiai; dubu Sabati hiwioido Iehovaro ododiai biahai. 28Nouri Oubiha‐mere nou pairi Sabati hiwioido.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.