Mareko 7
7
1Ina nou ta’uwa Parisea oubi wia amida titi oubi nei Ierusalemaudo da’umo nei Iesu mabuwa naibaha idabuwaumo. 2Ina nou kitomudio mere amida neiio idaiauriumo tu oroduutimo tato dou daihowaumo, neiio nei aimaowaumo. 3Mabu nouri Parisea oubi wia Iudea oubi auwoha ina nei tu iroduutimo tatowa nei dou iho raihe. Nei himia abeamio kidia nei giieha iohidiotutiumo. 4Wia nou ta’uwa nei paki batiudo araiwaimowa, ina nei tu iduutimo tatowa nei dou iho raihe. Wia amida kidia godogodo nei himia abeamioudo iviatutitutiumo nouri, nei giieiha neiri riohidiodumu; koimo wia obo kiworoho ooroii wia kepuri wia dodoo nei kiduutiramuri. 5Wia Parisea oubira titi oubira, neiio nouido naibaha atodoumo: Ro himia kitomudio mere, mamusi mamusi kidia’i teiri emada’uriaumo nei dou teiri rimedumo ihomoi tu iroduutimo tato. 6Nou neido naibaha imowameai, naiba iaowa: Isaia nou naiheha wade aro rio kidia’i, rio kiromohuwodio oubi; naiba nou titi nou iati:
Nouri oubii neiio mo puruoito nemabitidumo
Ina nei himia imini mo aueudo auwowai.
7Neiio moido buru aibo roroboriatutidumo;
Neiio oubi wade modobo gauwoha riatomuaidumo.
8Rio Iehova bubui aiemadauriaumo. Rio oubi tauotauo wade’i giieiha iohiaumo. 9Wia nou neido naiba iaowa: Bowia naiheha Iehova bubui rioo aiemadauriaumo, mabu nouri rio niro rio himia abeamio kidia’i giieiha ohiaumo. 10Nouri Mosero naibaro: Ro abeara mamura niainiai taimahebidiomama neitido wia nouri dubu nou himia mamura abeara ubauba wadeito imama’utimamawa, nou koihiaiha moihiai. 11Ata rioo naiba iaowaumo: Ina duburo nou himia abeaido wia mamuido naiba arowa: Nana nouri ro nanaito batiahoo neivia Kobano (nouri wade kowaevia, Iehovaido kemaai nanari). 12Rioo aiodohiomaumo nou himia abeara mamura iwabatutimama tore. 13Rioo Iehova wade buru aibo owaumo rio himia wade modobo’i noudo, wia godogodo nana naiba rioo nou rimododiaiwadumo. 14Nouro oubi gema nouido ina naibaha itua wia neido naiba iaowa: Rio auwoha moido tarovidioumo wia umo taitimo nouri. 15Nana auwoha wegeudo, dubu niro goroito idowa dubu uba owaimo raihe, wia dubudo kihuoduti na’i neiio dubu uba kowaimoi. 16Dubu nou gare ramu, nouro morovidio. 17Ina nou ta’uwa, oubi gema aueudo, nou motoito naibaha odoro, nou kitomudio mereo, oroaibo wade nouri, nouido naibaha atodoumo. 18Wia nou neido naiba iaowa: Rio imini naiba ia tatora. Rio iaurimo tatora wegewa nana idowa dubu uba owai raihe? 19Nouri nou iminito idoutimo biahai nou himia tuburuito kidoutimoi wia wegeito kihuomoi. Nouri kiao wade ramu kihona auwoha nouro meaha idodiaiwai. 20Nou naiba iaowa: Dubuudo kihuoduti na’i neiio nou uba kowaimoi. 21Mabu nouri ubauba kiraromodio na’i neiio goroudo, dubu nou himia iminiudo, naibaha ihuomo wia siwokori kidia naiba, wia iwo kidia wia oubi kirowoto kidia. 22Wia piro kidia, hogoi kidia, ubauba kidia, kiromohuwodio kidia, iwo idomai, ubauba imini, kerema’uti kidia, kiparo kidia, dawadawa kidia. 23Nouri ubauba nana auwoha nirogoroudo kihuodutimoi wia dubu ubauba kowaimoi.
24Wia nou naiba oibua, nouri mabudo Turora Sidonara hapuoito naibaha o’uro. Na’u motoito nou naibaha odoro wia nou niro biahai oubi umoitimoi ata teiri kopiroi nou. 25Wia na’u o’bo, nou himia behera uba urio ramu oroho. Iesu pai nouro darovidio, nou naibaha o’uro, nou kono mabuwa naibaha omoa. 26Nouri o’bo nouvia Heleni o’bori nou himia oubi Penisia Suria oubiri wia nou Iesu hobo atodoi uba urio nou beheudo owahii. 27Iesu nouido naiba iaowa: Mere niro miapeutimo opuito. Nou meaha biahai mere aueudo dou imei ina kaukauido imeheei. 28Wia nou nouido naiba omowameai, naiba iaowa, Bowia Pai‐dubu, naihehari, ata dodoo goroudo kaukau, mere dou huopi naibaha ihoumo. 29Nouro nouido naiba iaowa: Ro himia naveito ta’o nouri ro kiao wade nou meahari. Uba urio nou tau rohuodidio ro behera aueudo. 30Wia nou naibaha araiwairo nou himia motoito, ina nouro naibaha owearo nou behera uwo batiwa orou wia uba urio nou aueudo tau ohuodidio.
31Wia hiwio ata nou Turo naibaha emeheai wia Sidonaito naibaha ohuodidio wia Galilaia auwo‐turito naibaha o’u, nouri 10 oopo bati turiwa nou naibaha iwarario. 32Na’u dubu gare tumutumuri wia wade kiwaobeutiri, neiio Iesuido naibaha owoumo. Nei nouido naibaha atodoumo nou tu nou ohuwa itomai. 33Iesuro nouri dubu oubi gema aueudo naibaha otateai. Nou tu niro kopo, neewa gare pituuwa naibaha iwodoidiomama wia nou haugeito naibaha amotidio wia nou mototobe naibaha atibodoi. 34Wia nouro toboro naibaha emarovia nou hera naibaha omovioidio wia nouido naiba aro: Epata. Wade nouri kowaeviari, Tara’erai. 35Ina nou gare naibaha ara’erai wia nou mototobe ehume goruo oruo naibaha oiti. Nou wade gamooiha naibaha iaowa. 36Iesu nou himia wade modoboito aro neido, oubi amidaido orowaduutimo aue ata, ina nou neido wade modobo godogodo iaowa, neiio minamina ramu owaduutiwaumo. 37Wia neiio auwo niimo emaeawaumo naiba iaowaumo: Nana auwoha nouro meaha idodiai. Gare tumu tumu oubi nou wade irovidioi riwai wia mauu oubi wade iaoi riwai.
Currently Selected:
Mareko 7: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Mareko 7
7
1Ina nou ta’uwa Parisea oubi wia amida titi oubi nei Ierusalemaudo da’umo nei Iesu mabuwa naibaha idabuwaumo. 2Ina nou kitomudio mere amida neiio idaiauriumo tu oroduutimo tato dou daihowaumo, neiio nei aimaowaumo. 3Mabu nouri Parisea oubi wia Iudea oubi auwoha ina nei tu iroduutimo tatowa nei dou iho raihe. Nei himia abeamio kidia nei giieha iohidiotutiumo. 4Wia nou ta’uwa nei paki batiudo araiwaimowa, ina nei tu iduutimo tatowa nei dou iho raihe. Wia amida kidia godogodo nei himia abeamioudo iviatutitutiumo nouri, nei giieiha neiri riohidiodumu; koimo wia obo kiworoho ooroii wia kepuri wia dodoo nei kiduutiramuri. 5Wia Parisea oubira titi oubira, neiio nouido naibaha atodoumo: Ro himia kitomudio mere, mamusi mamusi kidia’i teiri emada’uriaumo nei dou teiri rimedumo ihomoi tu iroduutimo tato. 6Nou neido naibaha imowameai, naiba iaowa: Isaia nou naiheha wade aro rio kidia’i, rio kiromohuwodio oubi; naiba nou titi nou iati:
Nouri oubii neiio mo puruoito nemabitidumo
Ina nei himia imini mo aueudo auwowai.
7Neiio moido buru aibo roroboriatutidumo;
Neiio oubi wade modobo gauwoha riatomuaidumo.
8Rio Iehova bubui aiemadauriaumo. Rio oubi tauotauo wade’i giieiha iohiaumo. 9Wia nou neido naiba iaowa: Bowia naiheha Iehova bubui rioo aiemadauriaumo, mabu nouri rio niro rio himia abeamio kidia’i giieiha ohiaumo. 10Nouri Mosero naibaro: Ro abeara mamura niainiai taimahebidiomama neitido wia nouri dubu nou himia mamura abeara ubauba wadeito imama’utimamawa, nou koihiaiha moihiai. 11Ata rioo naiba iaowaumo: Ina duburo nou himia abeaido wia mamuido naiba arowa: Nana nouri ro nanaito batiahoo neivia Kobano (nouri wade kowaevia, Iehovaido kemaai nanari). 12Rioo aiodohiomaumo nou himia abeara mamura iwabatutimama tore. 13Rioo Iehova wade buru aibo owaumo rio himia wade modobo’i noudo, wia godogodo nana naiba rioo nou rimododiaiwadumo. 14Nouro oubi gema nouido ina naibaha itua wia neido naiba iaowa: Rio auwoha moido tarovidioumo wia umo taitimo nouri. 15Nana auwoha wegeudo, dubu niro goroito idowa dubu uba owaimo raihe, wia dubudo kihuoduti na’i neiio dubu uba kowaimoi. 16Dubu nou gare ramu, nouro morovidio. 17Ina nou ta’uwa, oubi gema aueudo, nou motoito naibaha odoro, nou kitomudio mereo, oroaibo wade nouri, nouido naibaha atodoumo. 18Wia nou neido naiba iaowa: Rio imini naiba ia tatora. Rio iaurimo tatora wegewa nana idowa dubu uba owai raihe? 19Nouri nou iminito idoutimo biahai nou himia tuburuito kidoutimoi wia wegeito kihuomoi. Nouri kiao wade ramu kihona auwoha nouro meaha idodiaiwai. 20Nou naiba iaowa: Dubuudo kihuoduti na’i neiio nou uba kowaimoi. 21Mabu nouri ubauba kiraromodio na’i neiio goroudo, dubu nou himia iminiudo, naibaha ihuomo wia siwokori kidia naiba, wia iwo kidia wia oubi kirowoto kidia. 22Wia piro kidia, hogoi kidia, ubauba kidia, kiromohuwodio kidia, iwo idomai, ubauba imini, kerema’uti kidia, kiparo kidia, dawadawa kidia. 23Nouri ubauba nana auwoha nirogoroudo kihuodutimoi wia dubu ubauba kowaimoi.
24Wia nou naiba oibua, nouri mabudo Turora Sidonara hapuoito naibaha o’uro. Na’u motoito nou naibaha odoro wia nou niro biahai oubi umoitimoi ata teiri kopiroi nou. 25Wia na’u o’bo, nou himia behera uba urio ramu oroho. Iesu pai nouro darovidio, nou naibaha o’uro, nou kono mabuwa naibaha omoa. 26Nouri o’bo nouvia Heleni o’bori nou himia oubi Penisia Suria oubiri wia nou Iesu hobo atodoi uba urio nou beheudo owahii. 27Iesu nouido naiba iaowa: Mere niro miapeutimo opuito. Nou meaha biahai mere aueudo dou imei ina kaukauido imeheei. 28Wia nou nouido naiba omowameai, naiba iaowa, Bowia Pai‐dubu, naihehari, ata dodoo goroudo kaukau, mere dou huopi naibaha ihoumo. 29Nouro nouido naiba iaowa: Ro himia naveito ta’o nouri ro kiao wade nou meahari. Uba urio nou tau rohuodidio ro behera aueudo. 30Wia nou naibaha araiwairo nou himia motoito, ina nouro naibaha owearo nou behera uwo batiwa orou wia uba urio nou aueudo tau ohuodidio.
31Wia hiwio ata nou Turo naibaha emeheai wia Sidonaito naibaha ohuodidio wia Galilaia auwo‐turito naibaha o’u, nouri 10 oopo bati turiwa nou naibaha iwarario. 32Na’u dubu gare tumutumuri wia wade kiwaobeutiri, neiio Iesuido naibaha owoumo. Nei nouido naibaha atodoumo nou tu nou ohuwa itomai. 33Iesuro nouri dubu oubi gema aueudo naibaha otateai. Nou tu niro kopo, neewa gare pituuwa naibaha iwodoidiomama wia nou haugeito naibaha amotidio wia nou mototobe naibaha atibodoi. 34Wia nouro toboro naibaha emarovia nou hera naibaha omovioidio wia nouido naiba aro: Epata. Wade nouri kowaeviari, Tara’erai. 35Ina nou gare naibaha ara’erai wia nou mototobe ehume goruo oruo naibaha oiti. Nou wade gamooiha naibaha iaowa. 36Iesu nou himia wade modoboito aro neido, oubi amidaido orowaduutimo aue ata, ina nou neido wade modobo godogodo iaowa, neiio minamina ramu owaduutiwaumo. 37Wia neiio auwo niimo emaeawaumo naiba iaowaumo: Nana auwoha nouro meaha idodiai. Gare tumu tumu oubi nou wade irovidioi riwai wia mauu oubi wade iaoi riwai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.