Matiu 12
12
NA SOPENA 12.
1Me na rani hina Iesu molaho me na vonana oni me na sapat; tau ra uluo hina temarohati, tevaere ari oni, tehania. 2Maa ra Varisi, terenia tau, teaso ta mea, Oirenia, ra uluo himu teve na sanu, moso tevea me na sapat. 3Maa moaso ta mera, Otosaevievi na sanu Tevit movea mine, me na rani motea momarohati, inie me ra tajua taha toho valuia; 4paleve moruhusahe me na pea i Atua, mohani na pret tapu, moso inie me ra tajua taha toho valuia tehania, motaho-nae ra varese hi na lotu hire hasera tehania? 5E otosaevievi me na leo hi Atua paleve me na sapat ra varese hi na lotu me na pea i Atua teve na varao hi na lotu me na sapat, mosaoso mera? 6Maa aaso ta meamiu, itea tomotoho nai, mosale jivi na pea i Atua. 7Maa va amiu otopinisi na leo naa tau, Inau ameje na lolotamautu motahonae jivi na losumete ra sanu hi na lotu, otosaetieti ra taha tahonae. 8Suria Matu i, tajua inie na moli hi na sapat.
9Tau molaho ture na vanua nee, moruhusahe me na peara hi na lotu: 10te tajua itea taha have mate paletea motoho ae. Tau tetuhae, teaso, Na vei mauri ra taha rojo me na sapat motataholo e mojoa? sura vetivetia. 11Tau moaso ta mera, Isei meamiu, na pilana sip ae, va ijovi me na moru tahajia me na sapat, isaaloae, isarahusaheae? 12Suria, na volina tajua motavere jivi na volina sip! Io, na vei tahonae me na sapat motataholo. 13Tau moaso ta me na tajua, Oisehe na havemu. Tau mosehea; tau momauri pala vala havena. 14Maa ra Yarisi teruhusivo teasoasosuria, tilosia paleve. 15Tau Iesu mopinisia tau, molaho ture na vanua nee: tau ra tajua ra tari telaho tahuna; tau movei mauri hire vunuvunu, 16movaraira tisapisea ta mera: 17sura ve na leo hi Aisaia naprovet motaraae, moaso,
18Otorenia, na tajua hi na pilau varao inau alavia;
Matuu tahonae, na talumeu moejieji suria:
Aijura Talumeu tauae,
Tau ilalaa na tataholo ta me ra tajua taha lolopohitupu.
19Isahusahusahi, isaore pati,
Saitea iroho na loena me na rio.
20Na orua taha malope isatope tusia,
Na ruru asu isavunu meteia,
Me na rani ive na tataholo ijivira.
21Ra tajua taha lolopohitupu tirohoroho me na hisena.
22Tau telava tajua motea ta mea, na tamate motea motoho me na lolona, mopisi, momoto: tau movei mauri nie, suria na taha moto movavaha, morioriova. 23Tau hire vunuvunu teuloulo, teaso, Iano matu i Tevit, e mojoa? 24Maa ra Varisi terohoe tau, teaso, Na tajua naa morahuraha ra tamate hi Peelsepap na moli hi ra tamate, hasa. 25Tau mopinisi ra sera ninima, moaso ta mera, Te vanua iteava ijuijuli valuia, isori pa; te vanua itea e te pea itea va ijuijuli valuia, isahauhaua: 26Setan mono va irahuraha i Setan, inie mositapuna juijuli valuia; na vanuana ihauhaua paleve suria? 27Inau mono va arahuraha ra tamate hi Peelsepap, ra matumiu lamane terahurahara hisei? ihire tipiseamiu suria. 28Maa va inau arahurahara tamate hi Na Talume i Atua, tau ra sanu hi Atua tenumai meamiu. 29E itea iruhusahe me na pea na tajua taha hauhaua, ipalihora pilana sanu paleve, va isavuna hajiri na tajua taha hauhaua? tau ipalihora pilana sanu. 30Itea va isatoho valuiau, mosatuau; itea mono va isarahu huhurahi valuiau, mojajala. 31Suria aaso tameamiu, Na lolo i Atua imalumu ratajua suri ra pilara vei vasoosoo mera pilara etieti vasoosoo vunuvunu; maa isamalumu hire sura etieti vasoosoo ta Na Talume Tapu. 32Imalumu itea mono va ietieti ta Matu i tajua; maa va itea ietieti ta Na Talume Tapu, isamalumu nie me na rani naanoi me na rani inumai pa mono. 33Otosininima na hau motea motahonae, na vana mono motahonae; e otosininima na hau motea moso, na vana mono moso: suria otopinisi na hau motea hi na vana. 34Amiu otomatu ra mata, amiu otooso, otoaso tahonae paleve? suria na vavana tajua movavaha ra sanu me na lolona. 35Na tajua tahonae mosahara sanu tahonae me na lolona tahonae: na tajua oso mono mosahara sanu oso me na lolona oso. 36Aaso ta meamiu, sura aso oso vunuvunu ra tajua teaso, tisive-tivetia me na pohi hi na aso majaraha. 37Suria, suri ra aso himu tiuteho, suri ra aso himu titami niho.
38Tau na valura tajua hi na uli pepeme na valura Varisi tetami mea, teaso, Varese, amamamejeiho oipiseamamu na matamata. 39Maa motami, moaso ta mera, Ra tajua me na rani oso tetiro na matamata; maa tireni na matamata hi na provet Jona hasa: 40suria pala Jona motoho mine na rani motolu me na pohi motolu me na lolona maji tahajia; palahi Matu i tajua ivarihi toho na rani motolu me na pohi motolu me na lolona tano. 41Ra tajua hi Nineve timaraha pa me na pohi hi na aso majaraha valui ra tajua me na rani naanoi, tau titami hire: suria tejomi ra pilara vei vasoosoo sura lalaa hi Jona ta mera; maa itea na taha sale jivi Jona tomotoho nai. 42Tupu i moli hi na vanua paleasivo imaraha me na pohi hi na aso majaraha valui ra tajua me na rani naanoi, tau itami hire: suria mosahamai majuri ma na vanua motea neeva jujua sura roho na lolorani hi Solomon; maa itea na taha sale jivi Solomon tomotoho nai. 43Maa na talume taha looloota motea moruhusivo me na lolona tajua motea tau, molaliolaho me na vonae na pei mojoa ae, motiro na marohi, mosapasuae. 44Tau moaso, Aitamule me na peau aruhusumai ae; tau monumai mea tau, mopasuae motohotoho tipa, momasara, ra sanu tesituri tataholo ae. 45Tau movano, molavi valuia ra talume taha oso jivia molima-raverua maa, teruhusahe, temaraha ae: tau na lolona tajua nee naanoi moso jivia me na esa mine. Ipalahi me ra tajua hi na rani hija naanoi mono. 46Moaso tohoreji me ra tajua taha huhurahi, tinana me ra tasina teturi toho me na majaraha, temeje na aso mea. 47Tau itea moaso mea, Tinamu me ra tasimu teturi toho me na majaraha, temeje na aso meho. 48Maa motami, moaso ta na taha varaia, Isei tinau? isei ra tasiu? 49Tau mopisu ra uluo hina hi na havena, moaso, Otoriorio, ihire tinau me ra tasiu! 50Suria itea va ive ra sanu Tamau me na tailahi moaso, inie tasiu, mavineu, tinau.
Currently Selected:
Matiu 12: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
Matiu 12
12
NA SOPENA 12.
1Me na rani hina Iesu molaho me na vonana oni me na sapat; tau ra uluo hina temarohati, tevaere ari oni, tehania. 2Maa ra Varisi, terenia tau, teaso ta mea, Oirenia, ra uluo himu teve na sanu, moso tevea me na sapat. 3Maa moaso ta mera, Otosaevievi na sanu Tevit movea mine, me na rani motea momarohati, inie me ra tajua taha toho valuia; 4paleve moruhusahe me na pea i Atua, mohani na pret tapu, moso inie me ra tajua taha toho valuia tehania, motaho-nae ra varese hi na lotu hire hasera tehania? 5E otosaevievi me na leo hi Atua paleve me na sapat ra varese hi na lotu me na pea i Atua teve na varao hi na lotu me na sapat, mosaoso mera? 6Maa aaso ta meamiu, itea tomotoho nai, mosale jivi na pea i Atua. 7Maa va amiu otopinisi na leo naa tau, Inau ameje na lolotamautu motahonae jivi na losumete ra sanu hi na lotu, otosaetieti ra taha tahonae. 8Suria Matu i, tajua inie na moli hi na sapat.
9Tau molaho ture na vanua nee, moruhusahe me na peara hi na lotu: 10te tajua itea taha have mate paletea motoho ae. Tau tetuhae, teaso, Na vei mauri ra taha rojo me na sapat motataholo e mojoa? sura vetivetia. 11Tau moaso ta mera, Isei meamiu, na pilana sip ae, va ijovi me na moru tahajia me na sapat, isaaloae, isarahusaheae? 12Suria, na volina tajua motavere jivi na volina sip! Io, na vei tahonae me na sapat motataholo. 13Tau moaso ta me na tajua, Oisehe na havemu. Tau mosehea; tau momauri pala vala havena. 14Maa ra Yarisi teruhusivo teasoasosuria, tilosia paleve. 15Tau Iesu mopinisia tau, molaho ture na vanua nee: tau ra tajua ra tari telaho tahuna; tau movei mauri hire vunuvunu, 16movaraira tisapisea ta mera: 17sura ve na leo hi Aisaia naprovet motaraae, moaso,
18Otorenia, na tajua hi na pilau varao inau alavia;
Matuu tahonae, na talumeu moejieji suria:
Aijura Talumeu tauae,
Tau ilalaa na tataholo ta me ra tajua taha lolopohitupu.
19Isahusahusahi, isaore pati,
Saitea iroho na loena me na rio.
20Na orua taha malope isatope tusia,
Na ruru asu isavunu meteia,
Me na rani ive na tataholo ijivira.
21Ra tajua taha lolopohitupu tirohoroho me na hisena.
22Tau telava tajua motea ta mea, na tamate motea motoho me na lolona, mopisi, momoto: tau movei mauri nie, suria na taha moto movavaha, morioriova. 23Tau hire vunuvunu teuloulo, teaso, Iano matu i Tevit, e mojoa? 24Maa ra Varisi terohoe tau, teaso, Na tajua naa morahuraha ra tamate hi Peelsepap na moli hi ra tamate, hasa. 25Tau mopinisi ra sera ninima, moaso ta mera, Te vanua iteava ijuijuli valuia, isori pa; te vanua itea e te pea itea va ijuijuli valuia, isahauhaua: 26Setan mono va irahuraha i Setan, inie mositapuna juijuli valuia; na vanuana ihauhaua paleve suria? 27Inau mono va arahuraha ra tamate hi Peelsepap, ra matumiu lamane terahurahara hisei? ihire tipiseamiu suria. 28Maa va inau arahurahara tamate hi Na Talume i Atua, tau ra sanu hi Atua tenumai meamiu. 29E itea iruhusahe me na pea na tajua taha hauhaua, ipalihora pilana sanu paleve, va isavuna hajiri na tajua taha hauhaua? tau ipalihora pilana sanu. 30Itea va isatoho valuiau, mosatuau; itea mono va isarahu huhurahi valuiau, mojajala. 31Suria aaso tameamiu, Na lolo i Atua imalumu ratajua suri ra pilara vei vasoosoo mera pilara etieti vasoosoo vunuvunu; maa isamalumu hire sura etieti vasoosoo ta Na Talume Tapu. 32Imalumu itea mono va ietieti ta Matu i tajua; maa va itea ietieti ta Na Talume Tapu, isamalumu nie me na rani naanoi me na rani inumai pa mono. 33Otosininima na hau motea motahonae, na vana mono motahonae; e otosininima na hau motea moso, na vana mono moso: suria otopinisi na hau motea hi na vana. 34Amiu otomatu ra mata, amiu otooso, otoaso tahonae paleve? suria na vavana tajua movavaha ra sanu me na lolona. 35Na tajua tahonae mosahara sanu tahonae me na lolona tahonae: na tajua oso mono mosahara sanu oso me na lolona oso. 36Aaso ta meamiu, sura aso oso vunuvunu ra tajua teaso, tisive-tivetia me na pohi hi na aso majaraha. 37Suria, suri ra aso himu tiuteho, suri ra aso himu titami niho.
38Tau na valura tajua hi na uli pepeme na valura Varisi tetami mea, teaso, Varese, amamamejeiho oipiseamamu na matamata. 39Maa motami, moaso ta mera, Ra tajua me na rani oso tetiro na matamata; maa tireni na matamata hi na provet Jona hasa: 40suria pala Jona motoho mine na rani motolu me na pohi motolu me na lolona maji tahajia; palahi Matu i tajua ivarihi toho na rani motolu me na pohi motolu me na lolona tano. 41Ra tajua hi Nineve timaraha pa me na pohi hi na aso majaraha valui ra tajua me na rani naanoi, tau titami hire: suria tejomi ra pilara vei vasoosoo sura lalaa hi Jona ta mera; maa itea na taha sale jivi Jona tomotoho nai. 42Tupu i moli hi na vanua paleasivo imaraha me na pohi hi na aso majaraha valui ra tajua me na rani naanoi, tau itami hire: suria mosahamai majuri ma na vanua motea neeva jujua sura roho na lolorani hi Solomon; maa itea na taha sale jivi Solomon tomotoho nai. 43Maa na talume taha looloota motea moruhusivo me na lolona tajua motea tau, molaliolaho me na vonae na pei mojoa ae, motiro na marohi, mosapasuae. 44Tau moaso, Aitamule me na peau aruhusumai ae; tau monumai mea tau, mopasuae motohotoho tipa, momasara, ra sanu tesituri tataholo ae. 45Tau movano, molavi valuia ra talume taha oso jivia molima-raverua maa, teruhusahe, temaraha ae: tau na lolona tajua nee naanoi moso jivia me na esa mine. Ipalahi me ra tajua hi na rani hija naanoi mono. 46Moaso tohoreji me ra tajua taha huhurahi, tinana me ra tasina teturi toho me na majaraha, temeje na aso mea. 47Tau itea moaso mea, Tinamu me ra tasimu teturi toho me na majaraha, temeje na aso meho. 48Maa motami, moaso ta na taha varaia, Isei tinau? isei ra tasiu? 49Tau mopisu ra uluo hina hi na havena, moaso, Otoriorio, ihire tinau me ra tasiu! 50Suria itea va ive ra sanu Tamau me na tailahi moaso, inie tasiu, mavineu, tinau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.