Matiu 14
14
NA SOPENA 14.
1Me na rani hina Herot na moli moroho na taveti suri Iesu, moaso ta me ra pilana tajua, 2Iano inie Jon Na Paptais; motamaraha me na mate; ra sanu hauhaua naa tevarao me na lolona suria. 3Suria Herot mohijitohoa i Jon mine, mohajiria, mojuria me na pea hi na hajihajiri suri Herotias, tupu i tuahana Vilip. 4Suria Jon moaso mine ta mea, Mosatataholo iniho olavia. 5Tau momeje na vei meteia, moine ra tajua, suria ihire tejuria tau inie na provet motea. 6Maa me na pohi hi na tauni hi Herot monumai, matuna hajae hi Herotias mopolo me na vuati, movei Herot moejieji. 7Tau moaso taharahu hi na lau tusi irahu ta mea na sanu ituhatuha nie. 8Tau inie, tinana movuna pisea ta mea, moaso, Oirahu ta meau nai na re i Jon Na Paptais me na rova. 9Tau na moli momamahanu; maa sura sena lau tusi, suri ra tajua taha sihe valuia me na hanihani mono, movaraira tirahu ta mea; 10tau mosulara, tepahi tusa re i Jon me na pea hi na hajihajiri. 11Tau telava rena me na rova, terahu ta me na uluo hajae: tau inie molavia ta me tinana. 12Tau ra uluo hina tenumai, terahuralia na epena mate, tejapovia; tau tevano, tevetia ta me Iesu.
13Tau Iesu morohoe tau, molaho ture na vanua nee me na ovo motea, isitapuna nie movano me na vanua motea mosaite sanu ae: tau ra tajua ra tari taha huhurahi terohoe tau, telaho tahuna me na ulu, ture ra vanua. 14Tau monumai, moreni ra tajua ra tari ra tari tehuhurahi, mojomira, movei mauri rataha rojo hira. 15Tau mena ravi, ra uluo hina tenumai mea, teaso, Na vanua naa mosaite sanu ae, na rani mosori; oisulara tajua tilaho, suria tivano me ra vanua, tivoli na hara. 16Maa Iesu moaso ta mera, Moso tilaho; motahonae amiu otorahu hara ta mera. 17Teaso ta mea, Na piet nai molima hasa, na maji morua. 18Tau moaso, Otolavira ta meau nai. 19Tau movaraira tajua taha huhurahi tesihe tasivo me na pere; tau molavi na pret molima rae na maji morua, moriosahe me na tailahi, molotu, motope tusia, morahu na pret ta me ra uluo hina, tau hire terahu ta rne ra tajua. 20Hire vunuvunu tehanihani, tehani tiasihi: tau terahurahara turehe hi na hara tetetoho reji ra taha havulatea vana morua tetavere. 21Hire ra tajua taha hanihani ra tajua taripoe lima, ra hajae mono, ra paule taiti mono.
22Tau vileahi mounuunu ra uluo hina teate me na ovo, hire temajiha vano me na vala tasi, inie mosulara tajua telaho. 23Tau mosulara telaho tau, isitapuna nie mosahe me na vuti sura matapisi: tau me na ravi inie hasena motoho neeno. 24Maa na ovo tomotoho me na vuati hi na tasi, tomomalemalelehi hi na navo; suria na lahi motara. 25Tau me na hure tupu hi na naho irani monumai mera, tomolaho ta na tasi. 26Tau ra uluo hina terenia tomolaho ta na tasi, temamahanu, teaso, Iano na talume; tau teulo sura ine nie. 27Maa Iesu moaso vileahi ta mera, moaso, Otoejieji; isinau; toho na ine. 28Tau Pitermotami mea, moaso, Moli, va isiniho, oivaraiau ainuv mata meho ta na tasi. 29Tau moaso, Oinumai. Tau Piter motivu me na ovo, molaho ta na tasi, sura vano me Iesu. 30Maa morena lahi mohauhaua, moine; tau movaere majuju, moulo, moaso, Moli, oituiturituau. 31Tau Iesu mosehe na havena vileahi, moautohoae, moaso ta mea, O iniho, na taha rohoroho taiti, surasava osarohoroho? 32Tau teraate me na ovo tau, na lahi mosari. 33Tauhire me na ovo telotu mea, teaso, Motaharahu, iniho omatu i Atua. 34Tau tevano me na vala tasi, tenumai me na ulu, me Kenesaret. 35Tau ra tajua hi na vanua neeno tepinisia tau, tesula ra varisula me ra vanua vunuvunu taroroi mea, tau telavi ra taha rojo vunuvunu ta mea; 36teusia titiela tihisi hi na visivisina hasa: tau ra tajua taha tielia temauri.
Currently Selected:
Matiu 14: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
Matiu 14
14
NA SOPENA 14.
1Me na rani hina Herot na moli moroho na taveti suri Iesu, moaso ta me ra pilana tajua, 2Iano inie Jon Na Paptais; motamaraha me na mate; ra sanu hauhaua naa tevarao me na lolona suria. 3Suria Herot mohijitohoa i Jon mine, mohajiria, mojuria me na pea hi na hajihajiri suri Herotias, tupu i tuahana Vilip. 4Suria Jon moaso mine ta mea, Mosatataholo iniho olavia. 5Tau momeje na vei meteia, moine ra tajua, suria ihire tejuria tau inie na provet motea. 6Maa me na pohi hi na tauni hi Herot monumai, matuna hajae hi Herotias mopolo me na vuati, movei Herot moejieji. 7Tau moaso taharahu hi na lau tusi irahu ta mea na sanu ituhatuha nie. 8Tau inie, tinana movuna pisea ta mea, moaso, Oirahu ta meau nai na re i Jon Na Paptais me na rova. 9Tau na moli momamahanu; maa sura sena lau tusi, suri ra tajua taha sihe valuia me na hanihani mono, movaraira tirahu ta mea; 10tau mosulara, tepahi tusa re i Jon me na pea hi na hajihajiri. 11Tau telava rena me na rova, terahu ta me na uluo hajae: tau inie molavia ta me tinana. 12Tau ra uluo hina tenumai, terahuralia na epena mate, tejapovia; tau tevano, tevetia ta me Iesu.
13Tau Iesu morohoe tau, molaho ture na vanua nee me na ovo motea, isitapuna nie movano me na vanua motea mosaite sanu ae: tau ra tajua ra tari taha huhurahi terohoe tau, telaho tahuna me na ulu, ture ra vanua. 14Tau monumai, moreni ra tajua ra tari ra tari tehuhurahi, mojomira, movei mauri rataha rojo hira. 15Tau mena ravi, ra uluo hina tenumai mea, teaso, Na vanua naa mosaite sanu ae, na rani mosori; oisulara tajua tilaho, suria tivano me ra vanua, tivoli na hara. 16Maa Iesu moaso ta mera, Moso tilaho; motahonae amiu otorahu hara ta mera. 17Teaso ta mea, Na piet nai molima hasa, na maji morua. 18Tau moaso, Otolavira ta meau nai. 19Tau movaraira tajua taha huhurahi tesihe tasivo me na pere; tau molavi na pret molima rae na maji morua, moriosahe me na tailahi, molotu, motope tusia, morahu na pret ta me ra uluo hina, tau hire terahu ta rne ra tajua. 20Hire vunuvunu tehanihani, tehani tiasihi: tau terahurahara turehe hi na hara tetetoho reji ra taha havulatea vana morua tetavere. 21Hire ra tajua taha hanihani ra tajua taripoe lima, ra hajae mono, ra paule taiti mono.
22Tau vileahi mounuunu ra uluo hina teate me na ovo, hire temajiha vano me na vala tasi, inie mosulara tajua telaho. 23Tau mosulara telaho tau, isitapuna nie mosahe me na vuti sura matapisi: tau me na ravi inie hasena motoho neeno. 24Maa na ovo tomotoho me na vuati hi na tasi, tomomalemalelehi hi na navo; suria na lahi motara. 25Tau me na hure tupu hi na naho irani monumai mera, tomolaho ta na tasi. 26Tau ra uluo hina terenia tomolaho ta na tasi, temamahanu, teaso, Iano na talume; tau teulo sura ine nie. 27Maa Iesu moaso vileahi ta mera, moaso, Otoejieji; isinau; toho na ine. 28Tau Pitermotami mea, moaso, Moli, va isiniho, oivaraiau ainuv mata meho ta na tasi. 29Tau moaso, Oinumai. Tau Piter motivu me na ovo, molaho ta na tasi, sura vano me Iesu. 30Maa morena lahi mohauhaua, moine; tau movaere majuju, moulo, moaso, Moli, oituiturituau. 31Tau Iesu mosehe na havena vileahi, moautohoae, moaso ta mea, O iniho, na taha rohoroho taiti, surasava osarohoroho? 32Tau teraate me na ovo tau, na lahi mosari. 33Tauhire me na ovo telotu mea, teaso, Motaharahu, iniho omatu i Atua. 34Tau tevano me na vala tasi, tenumai me na ulu, me Kenesaret. 35Tau ra tajua hi na vanua neeno tepinisia tau, tesula ra varisula me ra vanua vunuvunu taroroi mea, tau telavi ra taha rojo vunuvunu ta mea; 36teusia titiela tihisi hi na visivisina hasa: tau ra tajua taha tielia temauri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.