Matiu 16
16
NA SOPENA 16.
1Tau ra Varisi me ra Satiusi tenumai, tetapusia, tetuhae ipise na matamata mosumai me na tailahi, ipisea ta mera. 2Maa motami, moaso ta mera, Me na ravi otoaso, Irani tahonae: suria na tailahi mohahara. 3Tau me na malaha, otoaso, Irani oso na havui: suria na tailahi mohahara, na loota tomomarevereve. Amiu otopinisa evi na tailahi; maa otosapinisa evi ra matamata hi na rani hija. 4Ra taha oso me na rani hija naanoi temeje na matamata; maa tilavi na matamata hi na provet Jona hasa. Tau mojurira, molaho.
5Tau ra uluo hina tenumai me na vala tasi, tejomuture na lavi na hanihani. 6Tau Iesu moaso ta mera, Otomata amiu sura hara Varisi me ra Satiusi. 7Tau tesitapura ninima, teaso, Tosalavi na hanihani. 8Tau Iesu, mopinisia, moaso, O amiu, ra taha rohoroho malumulumu, surasava otositapumiu ninima, suria mosaite hamiu? 9Otosapinisia reji, otosaninima ra pret molima hi ra tajua taripoe lima, otorahurahara taha movisa? 10Otosaninima mono ra pret molimaraverua hi ra tajua taripoe vati, otorahurahara taha movisa? 11Surasava otosapinisia asaaso ta meamiu suri na hanihani? Maa otomata atniu sura hara Varisi me ra Satiusi. 12Tau tepinisia mosavaraira temata hire surahanihani, maa movaraira temata hire sura lalaa hi ra Varisi me ra Satiusi.
13Tau Iesu monumai me ra vanua i Sesaria Vilipai tau, motuhatuha ra uluo hina, moaso, Ra tajua teaso Matu i tajua inie isei? 14Teaso, Na valura teaso, Jon Na Paptais; na valura, Elaija: na valura, Jeremaia e motea hi ra provet. 15Moaso ta mera, Amiu otoaso inau isei? 16Tau Saimon Piter motami, moaso, Iniho Na Kristo, Matuna Atua taha mauri. 17Tau Iesu motami, moaso ta mea, Iniho otahonae, Saimou Par-Jona, suria na tajua mosapisea ta meho, Tamau rne na tailahi mopisea ta meho. 18Aaso ta meho mono, Iniho Piter, me na malo naa aisari na pilau ekalesia; ra hauhaua hi na vanua oso tisahauhaua jivia. 19Airahu ta meho ra ki hi na vanua hi na tailahi: oihajiri na sanu me na ulu, ihajiria me na tailahi: oirunei na sauu me na ulu, iruneia me na tailahi. 20Tau movaraira uluo hina tesavetia ta me ra tajua inie Na Kristo.
21Majuri me na rani hina Iesu movaere pisera uluo hina, inie isahe me ra. Terusalem, ra varie me ra varese hi na lotu me ra tajua hi na uli pepe tive ra sanu oso mea, tilosu meteia, tau itamaraha me na vaha toluna pohi. 22Tau Piter molavia, movaere umae, moaso, Aue, Moli, moso palahi: ra sanu naa tisanumai meho. 23Maa moilao, moaso me Piter, Oirovo, Setan: omeje na horohoroau: suria osaninima ra sanu hi Atua, oninima ra sanu hi ra tajua. 24Tau Iesu moaso ta me ra uluo hina, Te tajua itea va imeje na laho tahuu, motahonae isaninima ra sipilana sanu, ilavi ra sanu oso, ilaho tahuu. 25Suria itea va imeje na ene na sena mauri ivei pelea: itea va ivei pele na sena mauri suriau, ipasuae. 26Suria motahonae me na tajua paleve va ilavi na sanu tari, tau ivei pele na sena mauri? e te tajua itea ialiali hi nasava hi na sena mauri? 27Suria Matu i tajua itasumai me na tahonae hi Tamana valui ra pilana enjel; me na rani hina ive ra sanu ta me ra tajua pala ra sanu tevera. 28Aaso taharahu ta meamiu, Na valura tajua nai, tisamate me na rani tireni Matu i tajua inumai me na vanuana.
Currently Selected:
Matiu 16: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
Matiu 16
16
NA SOPENA 16.
1Tau ra Varisi me ra Satiusi tenumai, tetapusia, tetuhae ipise na matamata mosumai me na tailahi, ipisea ta mera. 2Maa motami, moaso ta mera, Me na ravi otoaso, Irani tahonae: suria na tailahi mohahara. 3Tau me na malaha, otoaso, Irani oso na havui: suria na tailahi mohahara, na loota tomomarevereve. Amiu otopinisa evi na tailahi; maa otosapinisa evi ra matamata hi na rani hija. 4Ra taha oso me na rani hija naanoi temeje na matamata; maa tilavi na matamata hi na provet Jona hasa. Tau mojurira, molaho.
5Tau ra uluo hina tenumai me na vala tasi, tejomuture na lavi na hanihani. 6Tau Iesu moaso ta mera, Otomata amiu sura hara Varisi me ra Satiusi. 7Tau tesitapura ninima, teaso, Tosalavi na hanihani. 8Tau Iesu, mopinisia, moaso, O amiu, ra taha rohoroho malumulumu, surasava otositapumiu ninima, suria mosaite hamiu? 9Otosapinisia reji, otosaninima ra pret molima hi ra tajua taripoe lima, otorahurahara taha movisa? 10Otosaninima mono ra pret molimaraverua hi ra tajua taripoe vati, otorahurahara taha movisa? 11Surasava otosapinisia asaaso ta meamiu suri na hanihani? Maa otomata atniu sura hara Varisi me ra Satiusi. 12Tau tepinisia mosavaraira temata hire surahanihani, maa movaraira temata hire sura lalaa hi ra Varisi me ra Satiusi.
13Tau Iesu monumai me ra vanua i Sesaria Vilipai tau, motuhatuha ra uluo hina, moaso, Ra tajua teaso Matu i tajua inie isei? 14Teaso, Na valura teaso, Jon Na Paptais; na valura, Elaija: na valura, Jeremaia e motea hi ra provet. 15Moaso ta mera, Amiu otoaso inau isei? 16Tau Saimon Piter motami, moaso, Iniho Na Kristo, Matuna Atua taha mauri. 17Tau Iesu motami, moaso ta mea, Iniho otahonae, Saimou Par-Jona, suria na tajua mosapisea ta meho, Tamau rne na tailahi mopisea ta meho. 18Aaso ta meho mono, Iniho Piter, me na malo naa aisari na pilau ekalesia; ra hauhaua hi na vanua oso tisahauhaua jivia. 19Airahu ta meho ra ki hi na vanua hi na tailahi: oihajiri na sanu me na ulu, ihajiria me na tailahi: oirunei na sauu me na ulu, iruneia me na tailahi. 20Tau movaraira uluo hina tesavetia ta me ra tajua inie Na Kristo.
21Majuri me na rani hina Iesu movaere pisera uluo hina, inie isahe me ra. Terusalem, ra varie me ra varese hi na lotu me ra tajua hi na uli pepe tive ra sanu oso mea, tilosu meteia, tau itamaraha me na vaha toluna pohi. 22Tau Piter molavia, movaere umae, moaso, Aue, Moli, moso palahi: ra sanu naa tisanumai meho. 23Maa moilao, moaso me Piter, Oirovo, Setan: omeje na horohoroau: suria osaninima ra sanu hi Atua, oninima ra sanu hi ra tajua. 24Tau Iesu moaso ta me ra uluo hina, Te tajua itea va imeje na laho tahuu, motahonae isaninima ra sipilana sanu, ilavi ra sanu oso, ilaho tahuu. 25Suria itea va imeje na ene na sena mauri ivei pelea: itea va ivei pele na sena mauri suriau, ipasuae. 26Suria motahonae me na tajua paleve va ilavi na sanu tari, tau ivei pele na sena mauri? e te tajua itea ialiali hi nasava hi na sena mauri? 27Suria Matu i tajua itasumai me na tahonae hi Tamana valui ra pilana enjel; me na rani hina ive ra sanu ta me ra tajua pala ra sanu tevera. 28Aaso taharahu ta meamiu, Na valura tajua nai, tisamate me na rani tireni Matu i tajua inumai me na vanuana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.