Matiu 21
21
NA SOPENA 21.
1Tau tenumai taroroi me Jerusalem tau, tenumai me Petpej, me na vuti hi ra Oliv, 2tau Iesu mosulara uluo hina morua, moaso ta merarua, Oravano me na vanua neevano, tau orarena horese motea moliho, matuna mono valuia: oraruneirarua, oralavirarua ta meau. 3Va itea iaso na sanu ta meamurua, oraaso, Na Moli mosimejeirarua; tau vilevileahi isulararua. 4Na sanu naamonumai, sura ve na leo hi na provet mine motaraae naanoi, moaso,
5Otovarai matu hajae hi Saion,
Na Moli himu monumai meho,
Mololo tamautu, moate me na horese,
Moate me na matuna horese.
6Tau ra uluo hina teravano, terave na sanu Iesu moaso merarua, 7teralavi na horese, me matuna, terajuri ra visivisirarua tauararua; tau moate mea. 8Tau ra tajua ra tari ra tari tevoroera visivisira ta na rio; na valura maa tepahi ra rahara hau tevoroera ta na rio. 9Tau ra tajua taha laho majiha, me ra tajua taha laho tahuna, teore, teaso, Hosana me matu i Tevit: Inie na taha numai me na hise i Iehova motahonae; Hosana me na tailahi. 10Tau monumai me Jerusalem tau, ra tajua vunuvunu me na vanua teuloulo mea, teaso, Iano isei? 11Tau ra tajua ra tari ra tari teaso, Iano na provet, Iesu, hi Nasaret hi Kalili.
12Tau Iesu moruhusahe me na peahi na lotu me Atua, morahuraha ra tajua vunuvunu ra taha volivoli me ra taha ua me na pea hina lotu, motahaperehe ra avaava hi ra taha aliali sule, motahaperehe ra sihesihera taha uara manu; 13moaso ta mera, Moulia, Otojura peau na pea hi na lotu: maa amiu otovea na vonae hi ra taha papaliho. 14Tau ra taha pisi me ra taha laho taviriahi tenumai mea me na pea hi na lotu: tau movei mauri hire. 15Maa ra varese hi na lotu me ra tajua hi na uli pepe tereni ra sanu uloulo movera tau, tereni ra paule teore me na pea hi na lotu, teaso, Hosana me matu i Tevit; tepuripuri tahajia nie, 16teaso mea, Orohora paule naa teaso nasava? Iesu moaso ta mera, Io: otosaevievi, Na vavara paule taiti teaviavi tahonae meho? 17Tau molaho turera, movano me Petane, momaraha ae.
18Tau me na malaha hina tomotamulo toho me na vanua tahajia, momarohati. 19Morena hau peturi motea me na valuna rio, monumai mea, morena rauna hasa ae; tau moaso ta mea, Motahonae oisavae tuitui. Tau vilevileahi na hau peturi momaririha. 20Tau ra uluo hina terenia tau, teuloulo, teaso, Na hau peturi momaririha vilevileahi paleve? 21Iesu motami, moaso ta mera, Aaso taharahu ta meamiu, Va na semiu rohoroho ae, otorohoroho, tau otosavei hasa na sanu inau avea me na hau peturi, maa va amiu otoaso me na vuti naa, Motahonae itea irahurahaho, iputuheho ta na tasi, natuha inumai. 22Ra sanu vunuvunu mono ototuhatuha me na matapisi, va otorohoroho, otolavira.
23Tau moruhusahamai me na pea hi na lotu tau, ra varese hi na lotu me ra varie hi ra tajua tenumai mea, molalaa tohoreji, teaso, Iniho ove ra sanu naa hi na leo hisei? Isei movaraiho? 24Iesu motami, moaso ta mera, Inau mono aitu-haamiu na aso motea, va amiu ototami meau inau mono aivaraiamiu ave ra sanu naa hi na leo hisei. 25Na paptais hi Jon momajuri veae? momajuri me na tailahi e momajuri me ra tajua? Tau tesitapura aso mera, teaso, Va tiaso, Momajuri me na tailahi, tau inie iaso pa ta meja, Surasava otosarohoroho mea suria? 26Maa va tiaso, Momajuri me ra tajua; toine ra tajua; suria ra tajua vunuvunu teninima tau Jon inie na pro-vet motea. 27Tau tetami me Iesu, teaso, Iai, amamasapinisia. Tau inie mono moaso ta mera, Inau mono aisava-raiamiu ave ra sanu naa hi na leo hisei. 28Maa otojuria tau nasava? Te tajua itea ra matuna morua ae; monumai me na majihana, moaso, Matuu, oivano, oivarao na havui me na uma. 29Motami, moaso, Aue, tapuu: maa taupa motaninima, movano. 30Tau monumai me tasina, moaso ta mea palahi. Inie motami, moaso, Io, tata, aivano: maa mosavano. 31Isei hirarua move na sanu tamana moaso? Teaso, Na maji-hana. Iesu moaso ta mera, Aaso taha-rahu ta meamiu, ra tajua taha lava sulehi na mata ra sanu, me ra hajae taha veiveileo, tiruhusahe me na vanua i Atua majiha meamiu. 32Suria Jon monumai meamiu me na vei tataholo, amiu otosa-rohoroho mea: maa ra tajua taha lava sule hi na mata ra sanu, me ra hajae taha veiveileo, hire terohoroho mea: maa amiu, otorenia tau, otosataninima, suri amiu mono otorohoroho mea. 33Otoroho na aso liholiho motea maa: Te tajua itea na peana ae, molavo na uma, mopoloe, mojuru moru hi na vei uain ae, mosara pea sahejua ae, tau morahu ta me ra taha mata nie, inie movano me na vanua motatea. 34Tau na rani hi na vana krep vahatea imalua, mosulara pilana tajua ta me ra taha mata sura lavi na vana. 35Tau ra taha mata telavi ra pilana tajua, temarasi motea, telosu mete motea, tepipi motea hi na sule. 36Vahatea maa, mosulara pilana tajua motavere jivi hi ra tajua mosulara majiha: tau tevei palahi ta mera mono. 37Maa tahu hira mosula i matuna tamera, moaso, Tininima tahonae matuu lamane. 38Maa ra taha mata tereni matuna tau, tesitapura aso mera, Iano na taha taitarihi; otonumai, motahonae tilosu meteia, tilavi ra sanu inie motaitarihira. 39Tau telavia, terahurahae me na uma, telosu meteia, 40Taupa na varese hi na uma inumai pa, ivei nasava ta me ra taha mata neeno suria? 41Teaso ta mea, Hosu meteira tajua oso naa, irahu na uma ta me na valura taha mata, tirahu ta mea na vara me na rani hina. 42Iesu moaso ta mera, Otosaevievi me na pepe hi Atua,
Na sule ra tajua hi na taitai pea teputuhea mine,
Isinie naanoi na sule sale jivi hira:
Iehova movei a,
Touloulo suria?
43Inau aaso ta meamiu suria, Tirahutuhe ra sanu hi Atua tureamiu, tirahu ta me ra tajua hi na vanua nonoho, ra taha tahonae sura lavira. 44Itea vaijovi ta na sule naa itahajajalae: maa inie va ijovi ta na itajua motea ivorojajalae pala tano. 45Tau ra varese hi na lotu me ra Varisi, teroho ra pilana aso liholiho tau, tepinisia molalaa surira. 46Maa temeje na lavia, teine ra tajua, suria ihire teninima tau inie na provet motea.
Currently Selected:
Matiu 21: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
Matiu 21
21
NA SOPENA 21.
1Tau tenumai taroroi me Jerusalem tau, tenumai me Petpej, me na vuti hi ra Oliv, 2tau Iesu mosulara uluo hina morua, moaso ta merarua, Oravano me na vanua neevano, tau orarena horese motea moliho, matuna mono valuia: oraruneirarua, oralavirarua ta meau. 3Va itea iaso na sanu ta meamurua, oraaso, Na Moli mosimejeirarua; tau vilevileahi isulararua. 4Na sanu naamonumai, sura ve na leo hi na provet mine motaraae naanoi, moaso,
5Otovarai matu hajae hi Saion,
Na Moli himu monumai meho,
Mololo tamautu, moate me na horese,
Moate me na matuna horese.
6Tau ra uluo hina teravano, terave na sanu Iesu moaso merarua, 7teralavi na horese, me matuna, terajuri ra visivisirarua tauararua; tau moate mea. 8Tau ra tajua ra tari ra tari tevoroera visivisira ta na rio; na valura maa tepahi ra rahara hau tevoroera ta na rio. 9Tau ra tajua taha laho majiha, me ra tajua taha laho tahuna, teore, teaso, Hosana me matu i Tevit: Inie na taha numai me na hise i Iehova motahonae; Hosana me na tailahi. 10Tau monumai me Jerusalem tau, ra tajua vunuvunu me na vanua teuloulo mea, teaso, Iano isei? 11Tau ra tajua ra tari ra tari teaso, Iano na provet, Iesu, hi Nasaret hi Kalili.
12Tau Iesu moruhusahe me na peahi na lotu me Atua, morahuraha ra tajua vunuvunu ra taha volivoli me ra taha ua me na pea hina lotu, motahaperehe ra avaava hi ra taha aliali sule, motahaperehe ra sihesihera taha uara manu; 13moaso ta mera, Moulia, Otojura peau na pea hi na lotu: maa amiu otovea na vonae hi ra taha papaliho. 14Tau ra taha pisi me ra taha laho taviriahi tenumai mea me na pea hi na lotu: tau movei mauri hire. 15Maa ra varese hi na lotu me ra tajua hi na uli pepe tereni ra sanu uloulo movera tau, tereni ra paule teore me na pea hi na lotu, teaso, Hosana me matu i Tevit; tepuripuri tahajia nie, 16teaso mea, Orohora paule naa teaso nasava? Iesu moaso ta mera, Io: otosaevievi, Na vavara paule taiti teaviavi tahonae meho? 17Tau molaho turera, movano me Petane, momaraha ae.
18Tau me na malaha hina tomotamulo toho me na vanua tahajia, momarohati. 19Morena hau peturi motea me na valuna rio, monumai mea, morena rauna hasa ae; tau moaso ta mea, Motahonae oisavae tuitui. Tau vilevileahi na hau peturi momaririha. 20Tau ra uluo hina terenia tau, teuloulo, teaso, Na hau peturi momaririha vilevileahi paleve? 21Iesu motami, moaso ta mera, Aaso taharahu ta meamiu, Va na semiu rohoroho ae, otorohoroho, tau otosavei hasa na sanu inau avea me na hau peturi, maa va amiu otoaso me na vuti naa, Motahonae itea irahurahaho, iputuheho ta na tasi, natuha inumai. 22Ra sanu vunuvunu mono ototuhatuha me na matapisi, va otorohoroho, otolavira.
23Tau moruhusahamai me na pea hi na lotu tau, ra varese hi na lotu me ra varie hi ra tajua tenumai mea, molalaa tohoreji, teaso, Iniho ove ra sanu naa hi na leo hisei? Isei movaraiho? 24Iesu motami, moaso ta mera, Inau mono aitu-haamiu na aso motea, va amiu ototami meau inau mono aivaraiamiu ave ra sanu naa hi na leo hisei. 25Na paptais hi Jon momajuri veae? momajuri me na tailahi e momajuri me ra tajua? Tau tesitapura aso mera, teaso, Va tiaso, Momajuri me na tailahi, tau inie iaso pa ta meja, Surasava otosarohoroho mea suria? 26Maa va tiaso, Momajuri me ra tajua; toine ra tajua; suria ra tajua vunuvunu teninima tau Jon inie na pro-vet motea. 27Tau tetami me Iesu, teaso, Iai, amamasapinisia. Tau inie mono moaso ta mera, Inau mono aisava-raiamiu ave ra sanu naa hi na leo hisei. 28Maa otojuria tau nasava? Te tajua itea ra matuna morua ae; monumai me na majihana, moaso, Matuu, oivano, oivarao na havui me na uma. 29Motami, moaso, Aue, tapuu: maa taupa motaninima, movano. 30Tau monumai me tasina, moaso ta mea palahi. Inie motami, moaso, Io, tata, aivano: maa mosavano. 31Isei hirarua move na sanu tamana moaso? Teaso, Na maji-hana. Iesu moaso ta mera, Aaso taha-rahu ta meamiu, ra tajua taha lava sulehi na mata ra sanu, me ra hajae taha veiveileo, tiruhusahe me na vanua i Atua majiha meamiu. 32Suria Jon monumai meamiu me na vei tataholo, amiu otosa-rohoroho mea: maa ra tajua taha lava sule hi na mata ra sanu, me ra hajae taha veiveileo, hire terohoroho mea: maa amiu, otorenia tau, otosataninima, suri amiu mono otorohoroho mea. 33Otoroho na aso liholiho motea maa: Te tajua itea na peana ae, molavo na uma, mopoloe, mojuru moru hi na vei uain ae, mosara pea sahejua ae, tau morahu ta me ra taha mata nie, inie movano me na vanua motatea. 34Tau na rani hi na vana krep vahatea imalua, mosulara pilana tajua ta me ra taha mata sura lavi na vana. 35Tau ra taha mata telavi ra pilana tajua, temarasi motea, telosu mete motea, tepipi motea hi na sule. 36Vahatea maa, mosulara pilana tajua motavere jivi hi ra tajua mosulara majiha: tau tevei palahi ta mera mono. 37Maa tahu hira mosula i matuna tamera, moaso, Tininima tahonae matuu lamane. 38Maa ra taha mata tereni matuna tau, tesitapura aso mera, Iano na taha taitarihi; otonumai, motahonae tilosu meteia, tilavi ra sanu inie motaitarihira. 39Tau telavia, terahurahae me na uma, telosu meteia, 40Taupa na varese hi na uma inumai pa, ivei nasava ta me ra taha mata neeno suria? 41Teaso ta mea, Hosu meteira tajua oso naa, irahu na uma ta me na valura taha mata, tirahu ta mea na vara me na rani hina. 42Iesu moaso ta mera, Otosaevievi me na pepe hi Atua,
Na sule ra tajua hi na taitai pea teputuhea mine,
Isinie naanoi na sule sale jivi hira:
Iehova movei a,
Touloulo suria?
43Inau aaso ta meamiu suria, Tirahutuhe ra sanu hi Atua tureamiu, tirahu ta me ra tajua hi na vanua nonoho, ra taha tahonae sura lavira. 44Itea vaijovi ta na sule naa itahajajalae: maa inie va ijovi ta na itajua motea ivorojajalae pala tano. 45Tau ra varese hi na lotu me ra Varisi, teroho ra pilana aso liholiho tau, tepinisia molalaa surira. 46Maa temeje na lavia, teine ra tajua, suria ihire teninima tau inie na provet motea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.