Yowannisi 5
5
Baata Yeshe Uroon Yesuusi Wodiyoo
1Ebiyee gubb, Ayihudeenaꞌochi baaroo bi tunetoyich Yesuusi Yerusaalem hammiye. 2Yerusaalem, Bageenaꞌochi Kellee gaꞌooch Hibiree noonoona Beetisayidi#5:2 Ikkikke wonnee Yaafe Macaafooch, “Beetizaati” getteetone. getteebeeti ikke kote aaco beehe; uuche bashoo (yambaaro) bi guudoona beehe. 3Eboshichi daggooch meeti biiyechinaꞌo, aaf doogeenaꞌo, baata yesheenaꞌo, boonoshi ashittino qititinaꞌoo qeyii beeheete. [Eboshi aachi shuuroon quyee beeheete. 4Ikkikkoochaa Doonochi maraakoo ebi kote aacooch kindiꞌi aacon shuurikkii beehe. Ebi aaco shuuritoyee gubb shiichiꞌi are aacooch giyimmo amee biiyoocheenolla wodii beehe.] 5Arooch shaashaa shimitte naton biiyeti ikke uro beehe. 6Yesuusi hini qeyiibeeti uroon ciinniꞌi, and beddaahaa wodde naton eechiꞌi bi beemon ariiꞌi, “Wodoon qaawii beetine?” iꞌi echehe.
7Biiyeti uroo “Ta doonocho, aaco shuurimmona, aacooch taan giijjemmi asho aalloone; ta giya iyaa, baroo tayee shiichii giyiye” iꞌi wochiye.
8Yesuusiyoo “Tiyi ne yeebboon qodi shaagiree hambe” iye. 9Bekkech aroochee uro wodiye; bi yeebboonoo qoddii shaaggiꞌi hammiye.
Are aabo shambetoone. 10Ebich Ayihudee ukkireenaꞌo woditi uroon “Hanaach shambetoone; shambetoona yeebboon qoddii shaagon no sheeroo daaggaanoone” iyeete.
11Tunetaa uro wochiꞌi, “Taan wodiiti uro ‘Ne yeebboon qodi shaagiree hambe’ iꞌi taach gettitone” iye.
12Boonoshiyoo “ ‘Ne yeebboon qodi shaagiree hambe’ iꞌi neech gettiti uro aabine?” iꞌi echeheete.
13Tunebaani arooch beeti asho meeto bi tunetoyich, wotta Yesuusi asheenaꞌo daggoona aricheyaanoon beshee bi hammitoyich, woditi uro koni biin wodiito gaata ariyoon hakkaanoone.
14Ebiyee gubb, Yesuusi uroon yaafee kexoochaa daneꞌi, “And wodito neene; ebiyee beshe mooyo ne toommooch bi waataachemmoyich, ebiyee bekk axaaxoon shuuneyaahine” iye. 15Uro hammiꞌi Ayihudee ukkireenaꞌoyich “Taan wodiito Yesuusine” iꞌi gettiye.
16Ebich shambetooba eboshin bi shuunetoyich, Ayihudee ukkireenaꞌo Yesuusin duꞌii beeheete. 17Tunetaa boonoshich Yesuusi “Ta Nihoo hanaach beddaahaa shuunee beetone; tawoo ta qelloona shuunaabeeto taane” iꞌi gettiye. 18Ayihudee ukkireenaꞌo shambetoon bi shaaddetoyich baach tuneyaanoon, bi qelloon Yeerina tachiꞌi, “Yeeri ta Nihoone” bi itoyich, biin beshoon wuxiya qaawiyeete.
Bi Bushoon Yeeri Doonjiyoo
19Ebich Yesuusi wochiꞌi boonoshich ishichiye, “Iberoon ittoshich gettoye: Nihoo Yeeri tuniibeeto bullin bi Bushoo wotta biichoommon tunii beetone; ebich Nihoo Yeeri tuniitaa bi beeggitonalli, Bushoo bi qelloona amoonolla shuunoon hakkaache. 20Ebiyoo Nihoo Yeeri bi Bushoon shunnii bi beetoyichiye; wotta bi shuuneebeeto bullin biich bekkii bi beetoyichiye; ittoshiyoo ittoshi worganemmoyich ebiyee beshe shuunoon biich bekkiyemmone. 21Nihoo Yeeri qititinaꞌon tiijjiꞌi kashoon bi imoommon, ebiyoommon bi Bushoo wotta imma bi qaawitinaꞌoyich kashoon immemmone. 22-23Wotta Nihoo Yeeri ikke ashi toommoochona nallaachemmone; asheenaꞌo bulli Nihoo Yeerin boonoshi oogii beetoommon ebiyoommon bi Bushoon boonoshi oogiyemmoyich, nalloo bullin bi Bushoyich immitone; ebich bi Bushoon oogiyaano biin deejjiti bi Nihoo Yeerin oogiyaanoone.
24“Iberoon ittoshich gettoye: Ta qaaroon waayeebeeto, taanoo deejjiti Yeeri toommooch mulloon tooꞌiibeeto, bulli yemeenee kashechone; qitoochee kashooch kimmitalli, nalloo bi toommooch kindaachemmone. 25Iberoon ittoshich gettoye: Qititinaꞌo Yeerichi Bushoo qaaroon boonoshi waayemmi aabo woyemmone; ebiyoo andiye; waayemminaꞌo kashoon danemminaꞌone. 26Nihoo Yeeri bi qelloona kashecho bi tunoommon ebiyoommon wotta bi Bushoyich bi qelloona kasho bi beeyemmoyich immitone. 27Biyoo Ashi Bushoo bi tunetoyich, bi nallemmoyich, Nihoo Yeeri biin doonjiitone.
28-29“Qititinaꞌo bulli bi qaaroon boonoshi waayemmi aabo woyemmone; deꞌoon shuunetinaꞌo kashoona boonoshi beeyemmoyich, gondoon shuunetinaꞌoo boonoshi toommooch bi nalleyemmoyich qitoochee tiyemminaꞌone. Ebich worganeyaahote” iye.
Yesuusi Koni Bi Gaata Miixeebeeti Miixeenaꞌo
30Yesuusi daakkiꞌi ishichiye: “Ta, ta qelloona ikke mooyonona tuniyoon hakkaano taane; Yeer waanee ta waayetoniye ta nallaabeeto. Taan deejjitochi daaggoonalli, ta daaggoon qaawaano ta tunetoyich, ta nalloo tatoone.
31“Ta wochaꞌa ta qellichon ta miixegaata, ta miixoon iberiyemmo aalloone. 32Taachon miixeebeeti baroo beetone; biyoo taachon miixee bi beeti miixo iberoo bi tunoon ariibeeto taane.
33“Ittoshiyoo Yowannis waan wocheto ittoshine; biyoo ibereechon miixetone. 34Ishichii ta ii beeto, ittoshi wodemmoyichalli, ta, ta qelloona ashi miixoon qaawaꞌa toonoone. 35Yowannisi micciibee aaxxeebeeti bekkoone; ittoshiyoo giisheche yemeenoon bi bekkoona emiriya shunnito ittoshine.
36“Tunetaa Yowannisi miixetoyee beshoon miixeebeeto taach beetone. Ebi ta tuniyaabeeti, Nihoo Yeeri shuune ta ciichemmoyich bi immiti shuunoo, Nihoo Yeeri taan bi deejjoon taachon miixee beetone. 37Wotta taan wocheti Nihoo Yeeri taachon miixetone; tunebaani bi qaaroon cir waayeyaano ittoshine; bi aafoonoo beegaano ittoshine. 38Bi wocheton ittoshi iberiyoo qajjitoyich, bi qaaro ittoshi mullooch aalloone. 39Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone. 40Tunebaani kashoon danoyich ta waan womoyich shunaachote.
41“Ta, ta qelloona asho taan bi oogiyemmoyich qaawaache. 42Tunebaani ta ittoshin ariibeeto taane; Yeerin ittoshi mulloona shunni ittoshi qayon ariibeeto taane. 43Ta, ta Nihoochi shigoona waato taane; tunebaani ta yibbaatoon iberiyaano ittoshine. Baroo bi shigoona bi waagaata, bi yibbaatoon iberiibeeto ittoshine. 44Ittoshi, ittoshi qelli qelli oogoon daneya qaawiyote; tunebaani bi ikkeeto tuneti Yeer waanee danemmi oogoon qaawaachote. Illa aabichiree taan iberiyoon hakkehote?
45“Taan ‘Nihoo Yeer waan hamiree noon taggemmone’ getiree gabiyaahote. Ittoshin taggemmo beetone; aroo ittoshi gibeneebeeti Muusine. 46Bi taachon kooritone; ebich biin ittoshi iberiito gaata, taan iberiyesho ittoshine. 47Bi kooriton iberiyaanoon ittoshi qajjitoyee, ta yibbaatoon aabichiree iberiyehote?” iye.
Currently Selected:
Yowannisi 5: KBRC
Highlight
Share
Copy
Want to have your highlights saved across all your devices? Sign up or sign in
SIM International, 2020.
Yowannisi 5
5
Baata Yeshe Uroon Yesuusi Wodiyoo
1Ebiyee gubb, Ayihudeenaꞌochi baaroo bi tunetoyich Yesuusi Yerusaalem hammiye. 2Yerusaalem, Bageenaꞌochi Kellee gaꞌooch Hibiree noonoona Beetisayidi#5:2 Ikkikke wonnee Yaafe Macaafooch, “Beetizaati” getteetone. getteebeeti ikke kote aaco beehe; uuche bashoo (yambaaro) bi guudoona beehe. 3Eboshichi daggooch meeti biiyechinaꞌo, aaf doogeenaꞌo, baata yesheenaꞌo, boonoshi ashittino qititinaꞌoo qeyii beeheete. [Eboshi aachi shuuroon quyee beeheete. 4Ikkikkoochaa Doonochi maraakoo ebi kote aacooch kindiꞌi aacon shuurikkii beehe. Ebi aaco shuuritoyee gubb shiichiꞌi are aacooch giyimmo amee biiyoocheenolla wodii beehe.] 5Arooch shaashaa shimitte naton biiyeti ikke uro beehe. 6Yesuusi hini qeyiibeeti uroon ciinniꞌi, and beddaahaa wodde naton eechiꞌi bi beemon ariiꞌi, “Wodoon qaawii beetine?” iꞌi echehe.
7Biiyeti uroo “Ta doonocho, aaco shuurimmona, aacooch taan giijjemmi asho aalloone; ta giya iyaa, baroo tayee shiichii giyiye” iꞌi wochiye.
8Yesuusiyoo “Tiyi ne yeebboon qodi shaagiree hambe” iye. 9Bekkech aroochee uro wodiye; bi yeebboonoo qoddii shaaggiꞌi hammiye.
Are aabo shambetoone. 10Ebich Ayihudee ukkireenaꞌo woditi uroon “Hanaach shambetoone; shambetoona yeebboon qoddii shaagon no sheeroo daaggaanoone” iyeete.
11Tunetaa uro wochiꞌi, “Taan wodiiti uro ‘Ne yeebboon qodi shaagiree hambe’ iꞌi taach gettitone” iye.
12Boonoshiyoo “ ‘Ne yeebboon qodi shaagiree hambe’ iꞌi neech gettiti uro aabine?” iꞌi echeheete.
13Tunebaani arooch beeti asho meeto bi tunetoyich, wotta Yesuusi asheenaꞌo daggoona aricheyaanoon beshee bi hammitoyich, woditi uro koni biin wodiito gaata ariyoon hakkaanoone.
14Ebiyee gubb, Yesuusi uroon yaafee kexoochaa daneꞌi, “And wodito neene; ebiyee beshe mooyo ne toommooch bi waataachemmoyich, ebiyee bekk axaaxoon shuuneyaahine” iye. 15Uro hammiꞌi Ayihudee ukkireenaꞌoyich “Taan wodiito Yesuusine” iꞌi gettiye.
16Ebich shambetooba eboshin bi shuunetoyich, Ayihudee ukkireenaꞌo Yesuusin duꞌii beeheete. 17Tunetaa boonoshich Yesuusi “Ta Nihoo hanaach beddaahaa shuunee beetone; tawoo ta qelloona shuunaabeeto taane” iꞌi gettiye. 18Ayihudee ukkireenaꞌo shambetoon bi shaaddetoyich baach tuneyaanoon, bi qelloon Yeerina tachiꞌi, “Yeeri ta Nihoone” bi itoyich, biin beshoon wuxiya qaawiyeete.
Bi Bushoon Yeeri Doonjiyoo
19Ebich Yesuusi wochiꞌi boonoshich ishichiye, “Iberoon ittoshich gettoye: Nihoo Yeeri tuniibeeto bullin bi Bushoo wotta biichoommon tunii beetone; ebich Nihoo Yeeri tuniitaa bi beeggitonalli, Bushoo bi qelloona amoonolla shuunoon hakkaache. 20Ebiyoo Nihoo Yeeri bi Bushoon shunnii bi beetoyichiye; wotta bi shuuneebeeto bullin biich bekkii bi beetoyichiye; ittoshiyoo ittoshi worganemmoyich ebiyee beshe shuunoon biich bekkiyemmone. 21Nihoo Yeeri qititinaꞌon tiijjiꞌi kashoon bi imoommon, ebiyoommon bi Bushoo wotta imma bi qaawitinaꞌoyich kashoon immemmone. 22-23Wotta Nihoo Yeeri ikke ashi toommoochona nallaachemmone; asheenaꞌo bulli Nihoo Yeerin boonoshi oogii beetoommon ebiyoommon bi Bushoon boonoshi oogiyemmoyich, nalloo bullin bi Bushoyich immitone; ebich bi Bushoon oogiyaano biin deejjiti bi Nihoo Yeerin oogiyaanoone.
24“Iberoon ittoshich gettoye: Ta qaaroon waayeebeeto, taanoo deejjiti Yeeri toommooch mulloon tooꞌiibeeto, bulli yemeenee kashechone; qitoochee kashooch kimmitalli, nalloo bi toommooch kindaachemmone. 25Iberoon ittoshich gettoye: Qititinaꞌo Yeerichi Bushoo qaaroon boonoshi waayemmi aabo woyemmone; ebiyoo andiye; waayemminaꞌo kashoon danemminaꞌone. 26Nihoo Yeeri bi qelloona kashecho bi tunoommon ebiyoommon wotta bi Bushoyich bi qelloona kasho bi beeyemmoyich immitone. 27Biyoo Ashi Bushoo bi tunetoyich, bi nallemmoyich, Nihoo Yeeri biin doonjiitone.
28-29“Qititinaꞌo bulli bi qaaroon boonoshi waayemmi aabo woyemmone; deꞌoon shuunetinaꞌo kashoona boonoshi beeyemmoyich, gondoon shuunetinaꞌoo boonoshi toommooch bi nalleyemmoyich qitoochee tiyemminaꞌone. Ebich worganeyaahote” iye.
Yesuusi Koni Bi Gaata Miixeebeeti Miixeenaꞌo
30Yesuusi daakkiꞌi ishichiye: “Ta, ta qelloona ikke mooyonona tuniyoon hakkaano taane; Yeer waanee ta waayetoniye ta nallaabeeto. Taan deejjitochi daaggoonalli, ta daaggoon qaawaano ta tunetoyich, ta nalloo tatoone.
31“Ta wochaꞌa ta qellichon ta miixegaata, ta miixoon iberiyemmo aalloone. 32Taachon miixeebeeti baroo beetone; biyoo taachon miixee bi beeti miixo iberoo bi tunoon ariibeeto taane.
33“Ittoshiyoo Yowannis waan wocheto ittoshine; biyoo ibereechon miixetone. 34Ishichii ta ii beeto, ittoshi wodemmoyichalli, ta, ta qelloona ashi miixoon qaawaꞌa toonoone. 35Yowannisi micciibee aaxxeebeeti bekkoone; ittoshiyoo giisheche yemeenoon bi bekkoona emiriya shunnito ittoshine.
36“Tunetaa Yowannisi miixetoyee beshoon miixeebeeto taach beetone. Ebi ta tuniyaabeeti, Nihoo Yeeri shuune ta ciichemmoyich bi immiti shuunoo, Nihoo Yeeri taan bi deejjoon taachon miixee beetone. 37Wotta taan wocheti Nihoo Yeeri taachon miixetone; tunebaani bi qaaroon cir waayeyaano ittoshine; bi aafoonoo beegaano ittoshine. 38Bi wocheton ittoshi iberiyoo qajjitoyich, bi qaaro ittoshi mullooch aalloone. 39Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone. 40Tunebaani kashoon danoyich ta waan womoyich shunaachote.
41“Ta, ta qelloona asho taan bi oogiyemmoyich qaawaache. 42Tunebaani ta ittoshin ariibeeto taane; Yeerin ittoshi mulloona shunni ittoshi qayon ariibeeto taane. 43Ta, ta Nihoochi shigoona waato taane; tunebaani ta yibbaatoon iberiyaano ittoshine. Baroo bi shigoona bi waagaata, bi yibbaatoon iberiibeeto ittoshine. 44Ittoshi, ittoshi qelli qelli oogoon daneya qaawiyote; tunebaani bi ikkeeto tuneti Yeer waanee danemmi oogoon qaawaachote. Illa aabichiree taan iberiyoon hakkehote?
45“Taan ‘Nihoo Yeer waan hamiree noon taggemmone’ getiree gabiyaahote. Ittoshin taggemmo beetone; aroo ittoshi gibeneebeeti Muusine. 46Bi taachon kooritone; ebich biin ittoshi iberiito gaata, taan iberiyesho ittoshine. 47Bi kooriton iberiyaanoon ittoshi qajjitoyee, ta yibbaatoon aabichiree iberiyehote?” iye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
SIM International, 2020.