उत्पत्ति 6:1-4
उत्पत्ति 6:1-4 BHDNT
फिरी ज़ैखन मैन्हु धेरती पुड़ बड़े बधने लगे, ते तैन केरि कुइयां पैदा भोइ, तैखन परमेशरेरे मट्ठेईं मैन्हु केरि कुइयां तेक्की, कि तैना खूबसूरतन; ते तैनेईं ज़ै-ज़ै चाई तैस सेइं ड्लाह बनाव। तैखन यहोवा ज़ोवं, “मेरी आत्मा इन्साने मां हमेशा न राहेली, किजोकि मैन्हु भी शरीर आहे; तैसेरी उमर 120 साल भोल्ही।” तैन दिहाड़न मां धेरती पुड़ महाबली रहते थिये; ते इसेरे बदले ज़ैखन परमेशरेरे मट्ठा मैन्हेरी कुइयन कां जेआं तैखन तैन केरे ज़िरिये ज़ै औलाद पैदा भोइ, तैना मट्ठा शूरबीर भोतां थियां, ज़ैन केरि मुशूरी पुराने ज़माने करां आहे।
Bible App
Bible App for Kids
