मरकुस 5
5
बुरी आत्मा रे सताईरे माहणुये जो चंगा करना
(मत्ती 8:28-34; लूका 8:26-39)
1ताहली जे यीशु कने तिसरे चेले गलील दरयावा रे पार गिरासेनियां रे इलाके च पुज्जे, 2कने ताहली जे यीशु किश्तिया परा ते उतरया तां इकदम इक माहणु सै जे बुरीआत्मा रे वशा च था, कब्राँ चते निकल़ीने यीशुये जो मिल्या। 3सै कब्राँ च रैई कराँ था कने कोई बी तिस्सो लोहे रियां जंजीराँ ने बी नीं बन्ही सकदा था, काँह्भई सै बौहत खतरनाक था, 4काँह्भई तिस्सो बार-बार लोहे रियां जंजीराँ ने बन्हां थे, पर तिने सै तोड़ी तियां कने तिसरे पीस-पीस करी ते, कने कोई तिस्सो अपणे बशा च नीं करी सकदा था। 5सै दिन-रात कब्राँ कने पहाड़ां च रड़ांदा कने अप्पूँजो पत्थराँ ने जख्मी करदा रैयाँ था।
6सै यीशुये जो दूरा तेई देखीने दौड़या, कने आदर देणे खातर तिसरे सामणे घुटने पर आईने मत्था टेक्कया, 7-8यीशु तिसने गल्लां था, “बुरीआत्मा, इस माहणुये चते निकल़ी जा!” पर बुरे आत्मे तिसजो जल्दी छड्डया नींआ, सै जोरा ने रड़ान्दे हुये गलाया, “यीशु, हऊँ जाणाँ भई तू महान परमेशरा रा पुत्र आ! तू काँह मिन्जो परेशान करया राँ? तू परमेशरा रे नौआं ते मेरने ये वायदा कर भई तू मिन्जो पीड़ा नीं देंगा।” 9यीशुये तिसते पुच्छया, “तेरा नौं क्या?” तिने तिसने गलाया, “मेरा नौं आ सेना; काँह्भई अहें बौहत ए सै जे इस माहणुये च वास कराँ ये।” 10कने बुरीआत्मे यीशुये ते बार-बार बिनती कित्ती भई, “अहांजो इस इलाके ते बाहर नीं भेज।”
11तित्थी पहाड़ा पर सूराँ रा इक झुण्ड चरने लगीरा था। 12कने बुरीआत्में यीशुये ते विनती करीने बोल्या, भई “अहांजो इन्हां सूराँ च भेजी दे भई अहें तिन्हांरे अन्दर जाओ।” 13इस खातर यीशुये तिन्हांजो अनुमति दित्ति कने सै बुरीआत्मां तिस माहणुये चते निकल़ीने सूराँ च बड़ी गियां। सै झुण्ड पहाड़ा ते कण्डे दौड़ीने दरयावा च पैईग्या कने डुब्बीग्या। तिन्हां सूअरां री गिणती तकरीवन दो हज़ार थी।
14कने तिन्हांरे चरवाहयां नट्ठीने नगर कने गाँवां च जाईने ये खबर सुणाई, कने सै जे हुईरा था, लोक तिस्सो देखणे आये। 15यीशु तित्थी जे था तिसा जगह आईने लोकें तिस माहणुये जो तिसच जे बुरीआत्मां समाई रियां थिआं, कपड़े पैहनीरा कने होशा च बैठिरा देखीने डरीगे। 16कने देखणे औल़यां लोकें तिसरा, तिसच जे बुरीआत्मा थिआं, कने सूराँ जो, सै जे किछ हुया था तिसरा पूरा हाल तिन्हाजो सुणाया। 17कने सै यीशुये ने विनती करीने बोलणे लगे अहांरे इलाके ते चली जा।
18कने तंजे सै किश्तिया परा जो चढ़ने लगया, तां सै माहणु तिसच जे पैहले बुरीआत्मा थिआं यीशुये ते विनती करने लगया, “मिन्जो अप्पूँ सौगी रैहणे री इजाजत दे।” 19पर यीशुये तिस्सो अपणे सौगी औणे री इजाजत नीं दित्ति, कने तिस्सो गलाया, “अपणे घरा जाईने अपणे परिवारा जो दस भई तेरे पर दया करीने प्रभुये तेरे खातर कितणे बड्डे-बड्डे काम्म कित्तिरे।” 20फेरी सै माह्णु अपणे इलाके च चलिग्या। तिने पूरे दिकापुलिस#5:20 स दस शैहरां रे लाके जो दिकादुलिस बोल्या जां च ये प्रचार करना शुरु करित्या भई यीशुये तिसरे खातर कितना किछ कित्या; कने सारे लोक हैरान रैई जांए।
यीशुये रा याईर री कुड़िया जो जिऊंदा करना
(मत्ती 9:18-26; लूका 8:40-56)
21इक बार फेरी यीशु किश्तिया च गलील दरयावा रे दुज्जे कनारे गया। ताहली जे सै ऊत्थी पुज्जया कने कनारे पर ही खढ़िरा था, फेरी बौहत सारे लोक यीशुये ले कट्ठे हुईगै। 22कने याईर नौआं रा इक माहणु आया सै जे यहूदी सभा घरा रे सरदाराँ चते था, सै तिस्सो आदर देणे खातर तिसरे पैराँ इ पैईग्या, 23कने तिने येढ़ा बोलीने यीशुये ते बौहत अरज कित्ती, “मेरी छोट्टी कुड़ी मरने इ औल़ी : इस खातर तुहें मेरे घरें आईने तिसा पर हात्थ रक्खा भई सै ठीक हुईने जिऊंदी रौ।” 24फेरी सै अपणयां चेलयां ने तिस सौगी चलीप्या; कने बड्डी भीड़ तिसरे पिछे हुईगी, येत्थी तकौ भई लोक तिसरे नेड़े जाणे खातर तिसजो चऊँ पासयां ते दबाया राँ थे।
25तित्थी इक जनाना थी, तिसाजो जे बारा साल्लां ते खून बैहणे री बमारी थी। 26तिसे मत्यां डाक्टरां ते अपणा इलाज करवाया, कने अपणा सारा पैसा लाईने बी सै ठीक नीं हुई, पर तिसारी हालत होर बी खराब हुईगी। 27-28ताहली जे तिसे जनाने यीशुये रा लोकां जो ठीक करने रे बारे च सुणया, तां तिसे सोच्या, “जे हऊँ सिर्फ तिसरे कपड़े जोई छुई लेऊँ, तां मांह ठीक हुई जाणा।” इस खातर सै भीड़ा चते तिसरे पिछे आई कने तिसरे कपड़े जो छुईल्या। 29कने इकदम तिसारा खून बैहणा रुकिग्या, कने तिसाजो अपणे शरीरा च पता लगीग्या भई हऊँ इसा बमारिया ते ठीक हुईगी। 30यीशुये जो ताहलूं इ महसूस हुईग्या भई मेरे चते सामर्थ्य निकल़ीरी, कने भीड़ा च चऊँ पासयां देखीने पुच्छया, “मेरे कपड़यां ने कुण छोया?” 31तिसरे चेलयां तिस्सो गलाया, “तुहें देख्या रायें भई भीड़ धक्का मुक्का करयां राईं, कने तू बोलां भई किने तिज्जो छुया?” 32यीशु लगातार इक्खा-उक्खा देखदा रैया ये जाणने रे खातर भई ये किने कित्या था। 33तां सै जनाना डरदी कने कंबदी हुई आई, काँह्भई तिसे सोच्या भई यीशुये माह पर गुस्सा करना भई तिसे व्यवस्था जो तोड़या था, पर सै जाणाँ थी भई यीशुये तिसाजो ठीक कित्या। इस खातर सै तिसरे पैराँ पर पैईने तिस्सो सारियां गल्लां सच-सच दस्सी तियां। 34यीशुये तिसाने गलाया, “पुत्री, तू ठीक हुईगी काँह्भई तैं विश्वास कित्या भई हऊँ तिज्जो ठीक करी सक्कां: बेफिक्र हुईने जा, कने तेरी दर्दनाक बमारी हुण नीं औणी।”
35सै येढ़ा गलाया इ कराँ था भई यहूदी सभा घरा रे सरदार याईर रे घरा ते किछ लोकें आईने गलाया, “तेरी कुड़ी त हुण मरीगी, गुरुये जो अपणे घरें सद्दीने परेशान करने री जरूरत नीं।” 36तिसा गल्ला जो जे सै गलाया राँ थे, यीशुये तिन्हां गल्लां जो अणसुणी करीने यहूदी सभा घरा रे सरदारा ने गलाया, “मत डरदा, सिर्फ विश्वास रख।” 37कने तिने सिर्फ पतरस, याकूब कने याकूब रा भाई यूहन्ना कने याईर जोई अप्पूँ सौगी औणे री अनुमति दित्ति। तिने भीड़ा चते होर किसी जो औणे नीं दित्या। 38यहूदी सभा घरा रे सरदारा रे घरा च पुज्जीने, तिने लोकां जो बौहत रोंदे कने रड़ांदे देख्या। 39तां यीशुये अन्दर जाईने तिन्हांजो गलाया, “बच्ची मरीरी नीं, सिर्फ सुत्तीरी। इस खातर तुहांजो इयां हल्ला करने कने रोणे री जरूरत नीं।” 40पर लोक तिस पर हसणे लगे, पर तिने तिन्हां सारयां जो बाहर जाणे जो बोल्या, कने कुड़िया रे मौ-बुढ़यां कने अपणे तिन्नां चेलयां जो अपणे सौगी अन्दर लेईग्या, तित्थी जे कुड़ी रखीरी थी। 41कने तिसा कुड़िया रा हात्थ पकड़ीने तिसाजो गलाया, “तलीता कूमी!” मतलब “छोट्टी जेई कुड़िये, हऊँ तिज्जो बोलां, उट्ठ!” 42कने सै कुड़ी इकदम उट्ठीने चलने-फिरने लगी; (काँह्भई सै बाराँ साल्लां री थी) येढ़ा देखीने लोक बड़े हैरान हुईगे। 43फेरी यीशुये सख्तिया ने चेतावनी दित्ति भई सै इसा खबरा जो नीं फैलाओ भई तिने कुड़िया जो मूईरेयां चते जिऊंदा कित्या था। यीशुये तिसारे माता-पिता जो गलाया, “इसाजो किछ खाणे जो देआ।”
Currently Selected:
मरकुस 5: KFSNT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
मरकुस 5
5
बुरी आत्मा रे सताईरे माहणुये जो चंगा करना
(मत्ती 8:28-34; लूका 8:26-39)
1ताहली जे यीशु कने तिसरे चेले गलील दरयावा रे पार गिरासेनियां रे इलाके च पुज्जे, 2कने ताहली जे यीशु किश्तिया परा ते उतरया तां इकदम इक माहणु सै जे बुरीआत्मा रे वशा च था, कब्राँ चते निकल़ीने यीशुये जो मिल्या। 3सै कब्राँ च रैई कराँ था कने कोई बी तिस्सो लोहे रियां जंजीराँ ने बी नीं बन्ही सकदा था, काँह्भई सै बौहत खतरनाक था, 4काँह्भई तिस्सो बार-बार लोहे रियां जंजीराँ ने बन्हां थे, पर तिने सै तोड़ी तियां कने तिसरे पीस-पीस करी ते, कने कोई तिस्सो अपणे बशा च नीं करी सकदा था। 5सै दिन-रात कब्राँ कने पहाड़ां च रड़ांदा कने अप्पूँजो पत्थराँ ने जख्मी करदा रैयाँ था।
6सै यीशुये जो दूरा तेई देखीने दौड़या, कने आदर देणे खातर तिसरे सामणे घुटने पर आईने मत्था टेक्कया, 7-8यीशु तिसने गल्लां था, “बुरीआत्मा, इस माहणुये चते निकल़ी जा!” पर बुरे आत्मे तिसजो जल्दी छड्डया नींआ, सै जोरा ने रड़ान्दे हुये गलाया, “यीशु, हऊँ जाणाँ भई तू महान परमेशरा रा पुत्र आ! तू काँह मिन्जो परेशान करया राँ? तू परमेशरा रे नौआं ते मेरने ये वायदा कर भई तू मिन्जो पीड़ा नीं देंगा।” 9यीशुये तिसते पुच्छया, “तेरा नौं क्या?” तिने तिसने गलाया, “मेरा नौं आ सेना; काँह्भई अहें बौहत ए सै जे इस माहणुये च वास कराँ ये।” 10कने बुरीआत्मे यीशुये ते बार-बार बिनती कित्ती भई, “अहांजो इस इलाके ते बाहर नीं भेज।”
11तित्थी पहाड़ा पर सूराँ रा इक झुण्ड चरने लगीरा था। 12कने बुरीआत्में यीशुये ते विनती करीने बोल्या, भई “अहांजो इन्हां सूराँ च भेजी दे भई अहें तिन्हांरे अन्दर जाओ।” 13इस खातर यीशुये तिन्हांजो अनुमति दित्ति कने सै बुरीआत्मां तिस माहणुये चते निकल़ीने सूराँ च बड़ी गियां। सै झुण्ड पहाड़ा ते कण्डे दौड़ीने दरयावा च पैईग्या कने डुब्बीग्या। तिन्हां सूअरां री गिणती तकरीवन दो हज़ार थी।
14कने तिन्हांरे चरवाहयां नट्ठीने नगर कने गाँवां च जाईने ये खबर सुणाई, कने सै जे हुईरा था, लोक तिस्सो देखणे आये। 15यीशु तित्थी जे था तिसा जगह आईने लोकें तिस माहणुये जो तिसच जे बुरीआत्मां समाई रियां थिआं, कपड़े पैहनीरा कने होशा च बैठिरा देखीने डरीगे। 16कने देखणे औल़यां लोकें तिसरा, तिसच जे बुरीआत्मा थिआं, कने सूराँ जो, सै जे किछ हुया था तिसरा पूरा हाल तिन्हाजो सुणाया। 17कने सै यीशुये ने विनती करीने बोलणे लगे अहांरे इलाके ते चली जा।
18कने तंजे सै किश्तिया परा जो चढ़ने लगया, तां सै माहणु तिसच जे पैहले बुरीआत्मा थिआं यीशुये ते विनती करने लगया, “मिन्जो अप्पूँ सौगी रैहणे री इजाजत दे।” 19पर यीशुये तिस्सो अपणे सौगी औणे री इजाजत नीं दित्ति, कने तिस्सो गलाया, “अपणे घरा जाईने अपणे परिवारा जो दस भई तेरे पर दया करीने प्रभुये तेरे खातर कितणे बड्डे-बड्डे काम्म कित्तिरे।” 20फेरी सै माह्णु अपणे इलाके च चलिग्या। तिने पूरे दिकापुलिस#5:20 स दस शैहरां रे लाके जो दिकादुलिस बोल्या जां च ये प्रचार करना शुरु करित्या भई यीशुये तिसरे खातर कितना किछ कित्या; कने सारे लोक हैरान रैई जांए।
यीशुये रा याईर री कुड़िया जो जिऊंदा करना
(मत्ती 9:18-26; लूका 8:40-56)
21इक बार फेरी यीशु किश्तिया च गलील दरयावा रे दुज्जे कनारे गया। ताहली जे सै ऊत्थी पुज्जया कने कनारे पर ही खढ़िरा था, फेरी बौहत सारे लोक यीशुये ले कट्ठे हुईगै। 22कने याईर नौआं रा इक माहणु आया सै जे यहूदी सभा घरा रे सरदाराँ चते था, सै तिस्सो आदर देणे खातर तिसरे पैराँ इ पैईग्या, 23कने तिने येढ़ा बोलीने यीशुये ते बौहत अरज कित्ती, “मेरी छोट्टी कुड़ी मरने इ औल़ी : इस खातर तुहें मेरे घरें आईने तिसा पर हात्थ रक्खा भई सै ठीक हुईने जिऊंदी रौ।” 24फेरी सै अपणयां चेलयां ने तिस सौगी चलीप्या; कने बड्डी भीड़ तिसरे पिछे हुईगी, येत्थी तकौ भई लोक तिसरे नेड़े जाणे खातर तिसजो चऊँ पासयां ते दबाया राँ थे।
25तित्थी इक जनाना थी, तिसाजो जे बारा साल्लां ते खून बैहणे री बमारी थी। 26तिसे मत्यां डाक्टरां ते अपणा इलाज करवाया, कने अपणा सारा पैसा लाईने बी सै ठीक नीं हुई, पर तिसारी हालत होर बी खराब हुईगी। 27-28ताहली जे तिसे जनाने यीशुये रा लोकां जो ठीक करने रे बारे च सुणया, तां तिसे सोच्या, “जे हऊँ सिर्फ तिसरे कपड़े जोई छुई लेऊँ, तां मांह ठीक हुई जाणा।” इस खातर सै भीड़ा चते तिसरे पिछे आई कने तिसरे कपड़े जो छुईल्या। 29कने इकदम तिसारा खून बैहणा रुकिग्या, कने तिसाजो अपणे शरीरा च पता लगीग्या भई हऊँ इसा बमारिया ते ठीक हुईगी। 30यीशुये जो ताहलूं इ महसूस हुईग्या भई मेरे चते सामर्थ्य निकल़ीरी, कने भीड़ा च चऊँ पासयां देखीने पुच्छया, “मेरे कपड़यां ने कुण छोया?” 31तिसरे चेलयां तिस्सो गलाया, “तुहें देख्या रायें भई भीड़ धक्का मुक्का करयां राईं, कने तू बोलां भई किने तिज्जो छुया?” 32यीशु लगातार इक्खा-उक्खा देखदा रैया ये जाणने रे खातर भई ये किने कित्या था। 33तां सै जनाना डरदी कने कंबदी हुई आई, काँह्भई तिसे सोच्या भई यीशुये माह पर गुस्सा करना भई तिसे व्यवस्था जो तोड़या था, पर सै जाणाँ थी भई यीशुये तिसाजो ठीक कित्या। इस खातर सै तिसरे पैराँ पर पैईने तिस्सो सारियां गल्लां सच-सच दस्सी तियां। 34यीशुये तिसाने गलाया, “पुत्री, तू ठीक हुईगी काँह्भई तैं विश्वास कित्या भई हऊँ तिज्जो ठीक करी सक्कां: बेफिक्र हुईने जा, कने तेरी दर्दनाक बमारी हुण नीं औणी।”
35सै येढ़ा गलाया इ कराँ था भई यहूदी सभा घरा रे सरदार याईर रे घरा ते किछ लोकें आईने गलाया, “तेरी कुड़ी त हुण मरीगी, गुरुये जो अपणे घरें सद्दीने परेशान करने री जरूरत नीं।” 36तिसा गल्ला जो जे सै गलाया राँ थे, यीशुये तिन्हां गल्लां जो अणसुणी करीने यहूदी सभा घरा रे सरदारा ने गलाया, “मत डरदा, सिर्फ विश्वास रख।” 37कने तिने सिर्फ पतरस, याकूब कने याकूब रा भाई यूहन्ना कने याईर जोई अप्पूँ सौगी औणे री अनुमति दित्ति। तिने भीड़ा चते होर किसी जो औणे नीं दित्या। 38यहूदी सभा घरा रे सरदारा रे घरा च पुज्जीने, तिने लोकां जो बौहत रोंदे कने रड़ांदे देख्या। 39तां यीशुये अन्दर जाईने तिन्हांजो गलाया, “बच्ची मरीरी नीं, सिर्फ सुत्तीरी। इस खातर तुहांजो इयां हल्ला करने कने रोणे री जरूरत नीं।” 40पर लोक तिस पर हसणे लगे, पर तिने तिन्हां सारयां जो बाहर जाणे जो बोल्या, कने कुड़िया रे मौ-बुढ़यां कने अपणे तिन्नां चेलयां जो अपणे सौगी अन्दर लेईग्या, तित्थी जे कुड़ी रखीरी थी। 41कने तिसा कुड़िया रा हात्थ पकड़ीने तिसाजो गलाया, “तलीता कूमी!” मतलब “छोट्टी जेई कुड़िये, हऊँ तिज्जो बोलां, उट्ठ!” 42कने सै कुड़ी इकदम उट्ठीने चलने-फिरने लगी; (काँह्भई सै बाराँ साल्लां री थी) येढ़ा देखीने लोक बड़े हैरान हुईगे। 43फेरी यीशुये सख्तिया ने चेतावनी दित्ति भई सै इसा खबरा जो नीं फैलाओ भई तिने कुड़िया जो मूईरेयां चते जिऊंदा कित्या था। यीशुये तिसारे माता-पिता जो गलाया, “इसाजो किछ खाणे जो देआ।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.