लूका 8
8
यीसू री सेऊआदारणीया
1एता ले बाद झटपट यीसू सैहरा-सैहरा होर गांऊँआं-गांऊँआं प्रचार करदे हुए, होर परमेसरा रे राजा री खुसी री खबर सुणांदे हुए फिरदा लग्या। होर बारा चेले तेस साउगी थे। 2होर बौह्त सारी ज्नानिया भी तेस साउगी थी, जो दुस्टात्मा ले होर बमारिया ले छुड़ाई गईरी थी। होर स्यों येई, मरियम जेस्सा जो मगदलीना (मगदल गांऊँआं) री बोल्हा ऐं थे, जेस्सा मन्झा ले जे सात दुस्टात्मा काढी गईरी थी। 3होर राजा हेरोदेसा रे भंडारी खुजे री लाड़ी योअन्ना होर सूसन्नाह होर भी बौह्त सारी ज्नानिया आपणी जायदाद मन्झ ले देई किन्हें यीसू होर तेसरे चेले री मदद करहा ई थी।
बेजा बाह्णे वाल़े रा उदाहरण
(मत्ती 13:1-9; मरकु. 4:1-9)
4जेबे बडी भीड़ कठी हुई, होर गांऊँआं रे कई लोक तेस वाले आहूँआं ऐं थे, यीसूए तिन्हा किन्हें उदाहरणा मन्झ बोल्या: 5“एक किसान बेजा बाह्णे रे कठे डोर्हीया जो गया, होर बेजा बाह्णे रे टैमा कुछ बेजा पैंडे रे बाढे पया होर जिखी गया, होर आसमाना रे चिड़ुऐ आई किन्हें से बेजा चुगी लया। 6होर कुछ पात्थरा वाली जमीना पर पया, होर छोड़े ई जम्मी गया, पर पाणी नी मिलणे री वजहा ले से सुक्की गया। 7होर कुछ बेजा झाकड़ा मन्झ पया, होर झाकड़ा साउगी बढ़ी किन्हें से दबाई दितेया। 8पर कुछ बेजा बांकी जमीना पर पया, होर बढ़ी किन्हें बौह्त फलेया; होर बढ़ी किन्हें तिन्हें सौ गुणा फल ल्यान्देया।” ये बोली किन्हें यीसूए जोरा किन्हें बोल्या, “जो मेरी गल्ला सुणदा लगीरा से बड़े ध्याना किन्हें सुणें।”
उदाहरणा रा मकसद
(मत्ती 10:13-17; मरकु. 4:10-12)
9यीसू रे चेले तेस ले पूछेया कि, “ये उदाहरण रा क्या मतलब आ?” 10तिन्हें बोल्या, “तुस्सा जो ता परमेसरा रे राजा रे भेदा री समझ दितीरी, पर होरी जो उदाहरणा मन्झ सुनाणा पहूंआं।” इधी कठे कि;
“स्यों कामा जो देखदे हुए भी नी देखे,
होर मेरी गल्ला जो सुणदे हुए भी नी समझे।”#8:10 मत्ती 4:11, यसा. 6:9-10
बेजा बाह्णे वाल़े उदाहरणा रा मतलब
(मत्ती 13:18-23; मरकु. 4:13-20)
11“उदाहरण रा मतलब ये आ: कि बेजा ता परमेसरा रा बचन आ। 12पैंडे रे बाढे पर पऊणे वाल़े बेजा तिन्हा लोका साहीं आ, जिन्हें परमेसरा रे बचना जो सुणेया; तेबे सैतान आई किन्हें तिन्हारे मना मन्झा ले बचन चकी किन्हें लई जाहाँ, ताकि स्यों विस्वास करी किन्हें उद्धार नी पाई ले। 13गट्टे वाली जमीना पर पऊणे वाल़ा बेजा तिन्हा लोका साहीं आ कि, जेबे स्यों सुणहां ऐं, ता बड़ी खुसी किन्हें परमेसरा जो बचन जो मन्हां ऐं। पर आपणे अंदर जड़ नी पकड़णने री वजहा ले स्यों थोह्ड़े ही ध्याड़े तक विस्वास रख्हा ऐं; होर परखणी रे टैम स्यों परमेसरा रे बचना पर विस्वास करना छाडी देहां ऐं। 14झाकड़ा मन्झ पऊणे वाल़ा बेजा तिन्हा लोका साहीं आ, जिन्हें परमेसरा रे बचना जो सुणेया, होर संसारा री चिन्ता, पैसे रा धोखा होर जिन्दगी रे सुख विलासा मन्झ फसी जाहें, होर स्यों परमेसरा री इच्छा पर नी चली पांदे। 15पर बढ़िया जमीना पर पऊणे वाल़ा बेजा तिन्हा लोका साहीं आ, जो भले होर खरे मना ले परमेसरा रे बचना जो सुणे होर सबर रखी किन्हें परमेसरा री इच्छा जो पूरी करहे।”
दिऊये रा उदाहरण
(मरकु. 4:21-25)
16“कोई भी दिऊये जो भ्खाई किन्हें तेता जो भांडे रे हेठ होर ना मांजे हेठ रख्दा, पर से दिऊये जो दीवटा पर रख्हा, ताकि घरा रे अंदर आऊणें वाल़े पर प्रयासा हो। 17क्यूंकि हर एक चीज़ जेह्ड़ी छुपिरी, से जाहिर हुई जाणी, होर हर एक रहस्य, प्रयासे मन्झ आऊंणा। 18इधी कठे चतन्न रैहया कि, तुस्से क्या सुणहां ऐं? क्यूंकि जेह्ड़े मेरी गल्ला जो सुणे, तिन्हा जो ज्यादा समझ आऊणीं; पर जेह्ड़े लोक नी सुणदे लगिरे तिन्हा वाले जो भी सोच समझ हाई; से तिन्हा ले लई लिती जाणी। जेस जो स्यों आपणा मन्हां ऐं।”
यीसू री माऊ होर भाई
(मत्ती 12:46-50; मरकु. 3:31-35)
19यीसू री माऊ होर भाई तेस वाले आये, पर भीड़ा री वजहा ले स्यों तेस किन्हें मिली नी सके। 20होर यीसू किन्हें बोल्या गया कि, “तेरी माऊ होर तेरे छोटे भाई बाहर खड़ीरे होर तुध किन्हें मिलणा चाहें।” 21पर यीसूए जवाब दितेया होर तिन्हा जो बोल्या कि, “मेरी माऊ होर मेरे भाई यूं ऐं, जो परमेसरा रा बचन सुणहां ऐं होर मन्हां ऐं।”
तूफान सांत करणा
(मत्ती 8:23-27; मरकु. 4:35-41)
22फेरी एक ध्याड़े यीसू आपणे चेले साउगी किस्तिया पर चढ़ी गया, होर यीसूए तिन्हा किन्हें बोल्या कि, “आऊआ, गलील समुद्रा रे दूजे बाढे वखा जो चल्हा ऐं।” होर तेबे स्यों किस्ती मन्झ बैठी किन्हें चली गये। 23होर जेबे किस्ती चल्या करहा थी, ता यीसू सई गया। होर समुद्रा मन्झ एक बडा तूफान आया, होर किस्ती पाणी किन्हें भहर्रदी लगी, होर स्यों खतरे मन्झ थे। 24तेबे स्यों यीसू वाले आये होर तिन्हें से जगाया, होर बोल्या, “हे माल्क! हे माल्क! आस्से डूबी किन्हें मरणे वाल़े ऐं।” तेबे यीसूऐ उठी किन्हें तूफान होर लैहरा प्रुआची होर स्यों रुकी गये, होर सभ कुछ सांत हुई गया। 25होर यीसूऐ तिन्हा किन्हें बोल्या, “तुस्सा रा विस्वास केथी था?” पर स्यों डरी गये, होर हरान हुई किन्हें आपु मन्झ बोल्दे लगे, “ये कुणहां? कि तूफान होर पाणी री लैहरा भी एसरा हुक्म मन्हां ऐं।”
दुस्टात्मा ले दुखी माह्णुं रा ठीक हूंणा
(मत्ती 8:28-34; मरकु. 5:1-20)
26फेरी यीसू होर तेसरे चेले गिरासेनिया रे ईलाके मन्झ पूजी गये, जो समुद्रा रे पार गलील जिल्ले रे साम्हणें था। 27जेबे से बाढे पुज्हेया, ता तेस गांऊँआं रा एक माह्णुं तेस किन्हें मिल्या, जेस मन्झ जे दुस्टात्मा थी होर से बौह्त ध्याड़े ले कपड़े नी पैहणदा था होर ना घरा मन्झ रैंहयां था, पर से कब्रा मन्झ रैंहयां था। 28से यीसू जो देखी किन्हें चिंगेया, होर तेसरे साम्हणें पई किन्हें जोरा किन्हें बोल्दा लग्या, “हे परमप्रधान परमेसरा रे मह्ठे यीसू! तेरा मेरे किन्हें क्या रिस्ता? हांऊँ तुध ले अर्ज करहा कि, मुंजो दुःख नी दे।” 29क्यूंकि यीसूए हुक्म दितेया, हे दुस्टात्मा, एस माह्णुं मन्झा ले निकली जा, इधी कठे कि से तेस पर हावी हुंहाँ ईं थी: होर जेब्की लोक तेस जो सांगला होर बेड़िया किन्हें बान्हा ऐं थे, तेबे भी से जंजीरा जो त्रोड़ी देहां था, होर दुस्टात्मा तेस मन्झ बसी गईरी थी। 30होर यीसूए तिन्हा ले पूछेया, “तेरा नांऊँ क्या आ?” तिन्हें बोल्या, “मेरा नांऊँ सेना आ,” क्यूंकि तेस मन्झ बौह्त दुस्टात्मा स्माईरी थी। 31होर तिन्हें तेस ले बौह्त अर्ज किती कि, “से तिन्हा जो डुगहे गड्ढे मन्झ जाणे रा हुक्म नी दे।” 32तेथी प्हाड़ा पर सुअरा रा एक बडा झुंड चरेया करहा था, होर तिन्हें तेस ले अर्ज किती कि, “आस्सा जो इन्हा सुअरा मन्झ भेजी दे।” होर तिन्हें स्यों जाणे दिते। 33होर तेबे दुस्टात्मा तेस माह्णुं ले निकली किन्हें सुअरा मन्झ चली गयी होर से सुअरा रा झुंड प्रचण्ड हुई किन्हें ढलाना परा ले समुद्रा मन्झ पई गया, होर डूबी मरेया।
34होर तिन्हारे पुहाल ये जो हुईरा था एता जो देखी किन्हें भगी गये, होर गांऊँआं मन्झ जाई किन्हें ये खबर दिती। 35होर जो कुछ हुएआ था तेता जो देखणे रे कठे लोक आये, होर स्यों यीसू वाले आई किन्हें जेस माह्णुं मन्झा ले जे दुस्टात्मा काढी री थी; यीसू रे पैरा वाले तेस जो कपड़े पैहनी किन्हें होर आपणे पुरे होसा मन्झ ठीक हुई किन्हें बैठीरे देख्या, होर स्यों ये देखी किन्हें डरी गये। 36होर देखणे वाल़े तेस जो दसेया कि, से दुस्टात्मा रा स्ताईरा आदमी किहाँ ठीक हुआ। 37तेबे गिरासेनिया रे ईलाके रे ओरले परले सब लोक तेस वाले आई किन्हें अर्ज करदे लगे कि, आस्सा रे ईलाके ले चली जा; क्यूंकि तिन्हा स्यों बड़े भारी डरी गईरे थे: होर यीसू किस्तिया मन्झ चढ़ी किन्हें वापस चली गया। 38जेस आदमी ले जे दुस्टात्मा काढी री थी, से यीसू ले अर्ज करदा लग्या कि, मुंजो आपणे साउगी रैहणे दे, पर यीसूए से वापस भेजी दितेया, होर तेस किन्हें बोल्या, 39“आपणे घरा जो वापस चली जा होर जाई किन्हें आपणे लोका जो दस कि, परमेसरे तेरे कठे केह्ड़े बडे-बडे काम किते।” से जाई किन्हें सारे गांऊँआं मन्झ प्रचार करदा लग्या कि, यीसूए मेरे कठे केह्ड़े बडे-बडे काम किते।
याईरा री मरिरी मह्ठी होर एक ब्मार ज्नाने
(मत्ती 9:18-26; मरकु. 5:21-43)
40जेबे यीसू गलील समुद्रा री दूजी तरफ पुज्हेया, ता लोके तेसरा स्वागत कितेया, क्यूंकि स्यों सभ तेस जो न्यहाल्या करहा ऐं थे। 41होर याईर नांऊँआं रा एक माह्णुं जो यहूदी सभा रा मुखिया था, से आया, होर यीसू रे पैरा पर पई गया होर अर्ज करदा लग्या कि, “मेरे घरा जो चल।” 42क्यूंकि तेसरी बारा साला री एकलौती मह्ठी थी, होर से मरणे वाली थी। जेबे से जाया करहा था, तेबे लोक तेस पर पई जाया करहा ऐं थे। 43होर एक ज्नाने जेस्सा जो बारा साला ले खून बैहणे री ब्मारी थी, होर जो आपणी सारी कमाई बैदा री पीछे खर्च करी बैठीरी थी होर फेरी भी से ठीक नी हुईरी थी। 44तेस्से पीछे ले आई किन्हें तेसरे कपड़े रा पूह्ंग छुहेया, होर झटपट तेस्सा रा खून बैहणा बंद हुई गया।
45एता पर यीसूए बोल्या, “हांऊँ कुने छुहेया?” जेबे सब मुखरदे लगे, ता पतरस होर तेसरे साथीये बोल्या, “हे माल्का, तुजो ता भीड़ दबाया करहा ई होर तेरे प्रयाल्हे पया करहा ई।” 46पर यीसूए बोल्या, “केसिए हांऊँ छुहेया क्यूंकि मैं जाणी लईरा कि मेरे मन्झा ले सामर्थ निकली।” 47जेबे ज्नाने देख्या कि, हांऊँ ल्हुखी नी सक्दी, ता से काम्दी हुई आई, होर तेस्से तेसरे पैरा पर पई किन्हें सब लोका रे साम्हणें दसेया कि, मैं केस वजहा ले तू छुहेया, होर किहाँ ठीक हुई गयी। 48यीसूए तेस्सा किन्हें बोल्या, “मह्ठीऐ तैं विस्वास कितेया कि हांऊँ तुजो ठीक करी सक्हा, इधी कठे तू ठीक हुई, सांति किन्हें चली जा।”
49यीसू ये बोल्या ई करहा था कि, केसिए यहूदी सभा रे मुखिये रे घरा ले तेथी आई किन्हें तेस किन्हें बोल्या कि, “तेरी बेटी मरी गयी, तू गुरु जो परेसान नी कर।” 50जो कुछ हुईरा था तेता जो सुणी किन्हें यीसूए याईरा जो जवाब दितेया, “मत डर; सिर्फ विस्वास रख, तेस्सा ठीक हुई जाणा।” 51घरा मन्झ आई किन्हें तिन्हें जवाब दितेया पतरस होर यहून्ना होर याकूब होर मह्ठी रे माऊ-बापू जो छाडी किन्हें तिन्हें होर केसी जो आपणे साउगी अंदर नी आऊणें दितेया। 52होर सब तेस्सा रे कठे रोया पिटेया करहा ऐं थे, पर तिन्हें बोल्या, “रोआ मत; से मरीरी नी ई, पर सया करहा ई।” 53एता पर लोके तेसरा मज़ाक डूआया, क्यूंकि स्यों ये जाणहां ऐं थे कि मह्ठी ता मरी चुकीरी। 54पर तिन्हें तेस्सा रा हाथ पकड़ेया, होर तिन्हें जोरा किन्हें बोल्या, “मह्ठीऐ उठी जा!” 55तेबे से दबारा जिउंदी हुई गई होर झटपट उठी गयी; फेरी तिन्हें हुक्म दितेया कि, एस्सा जो कुछ खाणे जो देआ। 56तेस्सा रे माऊ-बापू हरान हुई गये, पर तिन्हें स्यों खबरदार किते कि ये जो कुछ भी हुएया, केसी किन्हें देख्या बोल्दे।
Currently Selected:
लूका 8: MJLNT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
लूका 8
8
यीसू री सेऊआदारणीया
1एता ले बाद झटपट यीसू सैहरा-सैहरा होर गांऊँआं-गांऊँआं प्रचार करदे हुए, होर परमेसरा रे राजा री खुसी री खबर सुणांदे हुए फिरदा लग्या। होर बारा चेले तेस साउगी थे। 2होर बौह्त सारी ज्नानिया भी तेस साउगी थी, जो दुस्टात्मा ले होर बमारिया ले छुड़ाई गईरी थी। होर स्यों येई, मरियम जेस्सा जो मगदलीना (मगदल गांऊँआं) री बोल्हा ऐं थे, जेस्सा मन्झा ले जे सात दुस्टात्मा काढी गईरी थी। 3होर राजा हेरोदेसा रे भंडारी खुजे री लाड़ी योअन्ना होर सूसन्नाह होर भी बौह्त सारी ज्नानिया आपणी जायदाद मन्झ ले देई किन्हें यीसू होर तेसरे चेले री मदद करहा ई थी।
बेजा बाह्णे वाल़े रा उदाहरण
(मत्ती 13:1-9; मरकु. 4:1-9)
4जेबे बडी भीड़ कठी हुई, होर गांऊँआं रे कई लोक तेस वाले आहूँआं ऐं थे, यीसूए तिन्हा किन्हें उदाहरणा मन्झ बोल्या: 5“एक किसान बेजा बाह्णे रे कठे डोर्हीया जो गया, होर बेजा बाह्णे रे टैमा कुछ बेजा पैंडे रे बाढे पया होर जिखी गया, होर आसमाना रे चिड़ुऐ आई किन्हें से बेजा चुगी लया। 6होर कुछ पात्थरा वाली जमीना पर पया, होर छोड़े ई जम्मी गया, पर पाणी नी मिलणे री वजहा ले से सुक्की गया। 7होर कुछ बेजा झाकड़ा मन्झ पया, होर झाकड़ा साउगी बढ़ी किन्हें से दबाई दितेया। 8पर कुछ बेजा बांकी जमीना पर पया, होर बढ़ी किन्हें बौह्त फलेया; होर बढ़ी किन्हें तिन्हें सौ गुणा फल ल्यान्देया।” ये बोली किन्हें यीसूए जोरा किन्हें बोल्या, “जो मेरी गल्ला सुणदा लगीरा से बड़े ध्याना किन्हें सुणें।”
उदाहरणा रा मकसद
(मत्ती 10:13-17; मरकु. 4:10-12)
9यीसू रे चेले तेस ले पूछेया कि, “ये उदाहरण रा क्या मतलब आ?” 10तिन्हें बोल्या, “तुस्सा जो ता परमेसरा रे राजा रे भेदा री समझ दितीरी, पर होरी जो उदाहरणा मन्झ सुनाणा पहूंआं।” इधी कठे कि;
“स्यों कामा जो देखदे हुए भी नी देखे,
होर मेरी गल्ला जो सुणदे हुए भी नी समझे।”#8:10 मत्ती 4:11, यसा. 6:9-10
बेजा बाह्णे वाल़े उदाहरणा रा मतलब
(मत्ती 13:18-23; मरकु. 4:13-20)
11“उदाहरण रा मतलब ये आ: कि बेजा ता परमेसरा रा बचन आ। 12पैंडे रे बाढे पर पऊणे वाल़े बेजा तिन्हा लोका साहीं आ, जिन्हें परमेसरा रे बचना जो सुणेया; तेबे सैतान आई किन्हें तिन्हारे मना मन्झा ले बचन चकी किन्हें लई जाहाँ, ताकि स्यों विस्वास करी किन्हें उद्धार नी पाई ले। 13गट्टे वाली जमीना पर पऊणे वाल़ा बेजा तिन्हा लोका साहीं आ कि, जेबे स्यों सुणहां ऐं, ता बड़ी खुसी किन्हें परमेसरा जो बचन जो मन्हां ऐं। पर आपणे अंदर जड़ नी पकड़णने री वजहा ले स्यों थोह्ड़े ही ध्याड़े तक विस्वास रख्हा ऐं; होर परखणी रे टैम स्यों परमेसरा रे बचना पर विस्वास करना छाडी देहां ऐं। 14झाकड़ा मन्झ पऊणे वाल़ा बेजा तिन्हा लोका साहीं आ, जिन्हें परमेसरा रे बचना जो सुणेया, होर संसारा री चिन्ता, पैसे रा धोखा होर जिन्दगी रे सुख विलासा मन्झ फसी जाहें, होर स्यों परमेसरा री इच्छा पर नी चली पांदे। 15पर बढ़िया जमीना पर पऊणे वाल़ा बेजा तिन्हा लोका साहीं आ, जो भले होर खरे मना ले परमेसरा रे बचना जो सुणे होर सबर रखी किन्हें परमेसरा री इच्छा जो पूरी करहे।”
दिऊये रा उदाहरण
(मरकु. 4:21-25)
16“कोई भी दिऊये जो भ्खाई किन्हें तेता जो भांडे रे हेठ होर ना मांजे हेठ रख्दा, पर से दिऊये जो दीवटा पर रख्हा, ताकि घरा रे अंदर आऊणें वाल़े पर प्रयासा हो। 17क्यूंकि हर एक चीज़ जेह्ड़ी छुपिरी, से जाहिर हुई जाणी, होर हर एक रहस्य, प्रयासे मन्झ आऊंणा। 18इधी कठे चतन्न रैहया कि, तुस्से क्या सुणहां ऐं? क्यूंकि जेह्ड़े मेरी गल्ला जो सुणे, तिन्हा जो ज्यादा समझ आऊणीं; पर जेह्ड़े लोक नी सुणदे लगिरे तिन्हा वाले जो भी सोच समझ हाई; से तिन्हा ले लई लिती जाणी। जेस जो स्यों आपणा मन्हां ऐं।”
यीसू री माऊ होर भाई
(मत्ती 12:46-50; मरकु. 3:31-35)
19यीसू री माऊ होर भाई तेस वाले आये, पर भीड़ा री वजहा ले स्यों तेस किन्हें मिली नी सके। 20होर यीसू किन्हें बोल्या गया कि, “तेरी माऊ होर तेरे छोटे भाई बाहर खड़ीरे होर तुध किन्हें मिलणा चाहें।” 21पर यीसूए जवाब दितेया होर तिन्हा जो बोल्या कि, “मेरी माऊ होर मेरे भाई यूं ऐं, जो परमेसरा रा बचन सुणहां ऐं होर मन्हां ऐं।”
तूफान सांत करणा
(मत्ती 8:23-27; मरकु. 4:35-41)
22फेरी एक ध्याड़े यीसू आपणे चेले साउगी किस्तिया पर चढ़ी गया, होर यीसूए तिन्हा किन्हें बोल्या कि, “आऊआ, गलील समुद्रा रे दूजे बाढे वखा जो चल्हा ऐं।” होर तेबे स्यों किस्ती मन्झ बैठी किन्हें चली गये। 23होर जेबे किस्ती चल्या करहा थी, ता यीसू सई गया। होर समुद्रा मन्झ एक बडा तूफान आया, होर किस्ती पाणी किन्हें भहर्रदी लगी, होर स्यों खतरे मन्झ थे। 24तेबे स्यों यीसू वाले आये होर तिन्हें से जगाया, होर बोल्या, “हे माल्क! हे माल्क! आस्से डूबी किन्हें मरणे वाल़े ऐं।” तेबे यीसूऐ उठी किन्हें तूफान होर लैहरा प्रुआची होर स्यों रुकी गये, होर सभ कुछ सांत हुई गया। 25होर यीसूऐ तिन्हा किन्हें बोल्या, “तुस्सा रा विस्वास केथी था?” पर स्यों डरी गये, होर हरान हुई किन्हें आपु मन्झ बोल्दे लगे, “ये कुणहां? कि तूफान होर पाणी री लैहरा भी एसरा हुक्म मन्हां ऐं।”
दुस्टात्मा ले दुखी माह्णुं रा ठीक हूंणा
(मत्ती 8:28-34; मरकु. 5:1-20)
26फेरी यीसू होर तेसरे चेले गिरासेनिया रे ईलाके मन्झ पूजी गये, जो समुद्रा रे पार गलील जिल्ले रे साम्हणें था। 27जेबे से बाढे पुज्हेया, ता तेस गांऊँआं रा एक माह्णुं तेस किन्हें मिल्या, जेस मन्झ जे दुस्टात्मा थी होर से बौह्त ध्याड़े ले कपड़े नी पैहणदा था होर ना घरा मन्झ रैंहयां था, पर से कब्रा मन्झ रैंहयां था। 28से यीसू जो देखी किन्हें चिंगेया, होर तेसरे साम्हणें पई किन्हें जोरा किन्हें बोल्दा लग्या, “हे परमप्रधान परमेसरा रे मह्ठे यीसू! तेरा मेरे किन्हें क्या रिस्ता? हांऊँ तुध ले अर्ज करहा कि, मुंजो दुःख नी दे।” 29क्यूंकि यीसूए हुक्म दितेया, हे दुस्टात्मा, एस माह्णुं मन्झा ले निकली जा, इधी कठे कि से तेस पर हावी हुंहाँ ईं थी: होर जेब्की लोक तेस जो सांगला होर बेड़िया किन्हें बान्हा ऐं थे, तेबे भी से जंजीरा जो त्रोड़ी देहां था, होर दुस्टात्मा तेस मन्झ बसी गईरी थी। 30होर यीसूए तिन्हा ले पूछेया, “तेरा नांऊँ क्या आ?” तिन्हें बोल्या, “मेरा नांऊँ सेना आ,” क्यूंकि तेस मन्झ बौह्त दुस्टात्मा स्माईरी थी। 31होर तिन्हें तेस ले बौह्त अर्ज किती कि, “से तिन्हा जो डुगहे गड्ढे मन्झ जाणे रा हुक्म नी दे।” 32तेथी प्हाड़ा पर सुअरा रा एक बडा झुंड चरेया करहा था, होर तिन्हें तेस ले अर्ज किती कि, “आस्सा जो इन्हा सुअरा मन्झ भेजी दे।” होर तिन्हें स्यों जाणे दिते। 33होर तेबे दुस्टात्मा तेस माह्णुं ले निकली किन्हें सुअरा मन्झ चली गयी होर से सुअरा रा झुंड प्रचण्ड हुई किन्हें ढलाना परा ले समुद्रा मन्झ पई गया, होर डूबी मरेया।
34होर तिन्हारे पुहाल ये जो हुईरा था एता जो देखी किन्हें भगी गये, होर गांऊँआं मन्झ जाई किन्हें ये खबर दिती। 35होर जो कुछ हुएआ था तेता जो देखणे रे कठे लोक आये, होर स्यों यीसू वाले आई किन्हें जेस माह्णुं मन्झा ले जे दुस्टात्मा काढी री थी; यीसू रे पैरा वाले तेस जो कपड़े पैहनी किन्हें होर आपणे पुरे होसा मन्झ ठीक हुई किन्हें बैठीरे देख्या, होर स्यों ये देखी किन्हें डरी गये। 36होर देखणे वाल़े तेस जो दसेया कि, से दुस्टात्मा रा स्ताईरा आदमी किहाँ ठीक हुआ। 37तेबे गिरासेनिया रे ईलाके रे ओरले परले सब लोक तेस वाले आई किन्हें अर्ज करदे लगे कि, आस्सा रे ईलाके ले चली जा; क्यूंकि तिन्हा स्यों बड़े भारी डरी गईरे थे: होर यीसू किस्तिया मन्झ चढ़ी किन्हें वापस चली गया। 38जेस आदमी ले जे दुस्टात्मा काढी री थी, से यीसू ले अर्ज करदा लग्या कि, मुंजो आपणे साउगी रैहणे दे, पर यीसूए से वापस भेजी दितेया, होर तेस किन्हें बोल्या, 39“आपणे घरा जो वापस चली जा होर जाई किन्हें आपणे लोका जो दस कि, परमेसरे तेरे कठे केह्ड़े बडे-बडे काम किते।” से जाई किन्हें सारे गांऊँआं मन्झ प्रचार करदा लग्या कि, यीसूए मेरे कठे केह्ड़े बडे-बडे काम किते।
याईरा री मरिरी मह्ठी होर एक ब्मार ज्नाने
(मत्ती 9:18-26; मरकु. 5:21-43)
40जेबे यीसू गलील समुद्रा री दूजी तरफ पुज्हेया, ता लोके तेसरा स्वागत कितेया, क्यूंकि स्यों सभ तेस जो न्यहाल्या करहा ऐं थे। 41होर याईर नांऊँआं रा एक माह्णुं जो यहूदी सभा रा मुखिया था, से आया, होर यीसू रे पैरा पर पई गया होर अर्ज करदा लग्या कि, “मेरे घरा जो चल।” 42क्यूंकि तेसरी बारा साला री एकलौती मह्ठी थी, होर से मरणे वाली थी। जेबे से जाया करहा था, तेबे लोक तेस पर पई जाया करहा ऐं थे। 43होर एक ज्नाने जेस्सा जो बारा साला ले खून बैहणे री ब्मारी थी, होर जो आपणी सारी कमाई बैदा री पीछे खर्च करी बैठीरी थी होर फेरी भी से ठीक नी हुईरी थी। 44तेस्से पीछे ले आई किन्हें तेसरे कपड़े रा पूह्ंग छुहेया, होर झटपट तेस्सा रा खून बैहणा बंद हुई गया।
45एता पर यीसूए बोल्या, “हांऊँ कुने छुहेया?” जेबे सब मुखरदे लगे, ता पतरस होर तेसरे साथीये बोल्या, “हे माल्का, तुजो ता भीड़ दबाया करहा ई होर तेरे प्रयाल्हे पया करहा ई।” 46पर यीसूए बोल्या, “केसिए हांऊँ छुहेया क्यूंकि मैं जाणी लईरा कि मेरे मन्झा ले सामर्थ निकली।” 47जेबे ज्नाने देख्या कि, हांऊँ ल्हुखी नी सक्दी, ता से काम्दी हुई आई, होर तेस्से तेसरे पैरा पर पई किन्हें सब लोका रे साम्हणें दसेया कि, मैं केस वजहा ले तू छुहेया, होर किहाँ ठीक हुई गयी। 48यीसूए तेस्सा किन्हें बोल्या, “मह्ठीऐ तैं विस्वास कितेया कि हांऊँ तुजो ठीक करी सक्हा, इधी कठे तू ठीक हुई, सांति किन्हें चली जा।”
49यीसू ये बोल्या ई करहा था कि, केसिए यहूदी सभा रे मुखिये रे घरा ले तेथी आई किन्हें तेस किन्हें बोल्या कि, “तेरी बेटी मरी गयी, तू गुरु जो परेसान नी कर।” 50जो कुछ हुईरा था तेता जो सुणी किन्हें यीसूए याईरा जो जवाब दितेया, “मत डर; सिर्फ विस्वास रख, तेस्सा ठीक हुई जाणा।” 51घरा मन्झ आई किन्हें तिन्हें जवाब दितेया पतरस होर यहून्ना होर याकूब होर मह्ठी रे माऊ-बापू जो छाडी किन्हें तिन्हें होर केसी जो आपणे साउगी अंदर नी आऊणें दितेया। 52होर सब तेस्सा रे कठे रोया पिटेया करहा ऐं थे, पर तिन्हें बोल्या, “रोआ मत; से मरीरी नी ई, पर सया करहा ई।” 53एता पर लोके तेसरा मज़ाक डूआया, क्यूंकि स्यों ये जाणहां ऐं थे कि मह्ठी ता मरी चुकीरी। 54पर तिन्हें तेस्सा रा हाथ पकड़ेया, होर तिन्हें जोरा किन्हें बोल्या, “मह्ठीऐ उठी जा!” 55तेबे से दबारा जिउंदी हुई गई होर झटपट उठी गयी; फेरी तिन्हें हुक्म दितेया कि, एस्सा जो कुछ खाणे जो देआ। 56तेस्सा रे माऊ-बापू हरान हुई गये, पर तिन्हें स्यों खबरदार किते कि ये जो कुछ भी हुएया, केसी किन्हें देख्या बोल्दे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.