OGOKORA KW’ABATOMWA 3
3
Okogwenigwa kw’omosabereri orenge rigata
1Petero na Yohana nigo barenge gotiira gochia ase Hekalu chinsa chi’ogosaba, chinsa kianda. 2Na omonto oyomo, orenge rigata korwa okoiborwa kwaye, ore kobogorigwa nabanto na kobekwa kera rituko ase egesieri gie Hekalu kiare korokwa Egesieri Ekiya, erinde asabe ebiegwa ase abwo baare gosoa ase Hekalu. 3Agachia korora Petero na Yohana kobagosoa Hekalu ime, agasaba bamoe ebiegwa. 4Petero akamobeta amaiso, amo na Yohana, akabora, “Torigererie intwe!”
5Akabarigereria, osemeretie ng’a naegwe egento korwa asebare. 6Korende Petero akamotebia, “Efeta timbwati, nonya netahabu, korende eki mbwate nakio ngokoa: Ase erieta ria Yeso Kristo o Nazareti, tenena ogende!”
7Akamobwata okoboko gw’okorio, akamoimokia igoro. Erio kegima amagoro aye ne chinengo chi’amagoro aye bikanyora chinguru. 8Akaimoka bwango, agatenena, agachaka kogenda, agasoa Hekalu ime amo nabarabwo, ogotaara na gotuma‐tuma, na komotogia Nyasae. 9Abanto bonsi bakamorora ogotaara na komotogia Nyasae. 10Bakamomanya ng’a nere oria orenge goikaransa na gosaba ebiegwa aria ase Egesieri Ekiya gie Hekalu. Erio bagaichorwa nogokumia na ogoichana ase amang’ana aria akoregete asare.
11Ekero are kobwata‐bwata Petero na Yohana, abanto bonsi ase ogokumia bakaminyoka na gosangererekana amo asebare ase egesona kiare korokwa Egesona gia Sulemani.
Ogokwana gwa Petero ase Hekalu ime
12Ekero Petero arora aya akaboria abanto, “Inwe abasacha ba Israeli, inki mogokumeria aya gose nase ki mogotobeta amaiso, ng’a buna intwe ase chinguru chiaito abanyene, gose ase obuya bwaito, twamokora oyo ogenda? 13Nyasae o Ibrahimu, na o Isaka, na o Yakobo, Nyasae bwe chisokoro chiaito, oeire Omosomba oye Yeso obonene, ere inwe mokamorua na komwanga ase obosio bwa Pilato, ekero agambete ekina kiaye ng’a amosibore. 14Korende mokamwanga oria Omochenu, Omonyene Oboronge, na mokaboria moegwe omoiti. 15Mogaita Omorua bw’obogima. Korende Nyasae akamobokia korwa ase abakure, na ase ayio intwe nigo tore abarori. 16Na ase okwegena kw’erieta riaye, erieta riaye riamobekire chinguru omonto oyo mwarorire aiga na komomanya; na okwegena koria kore ase enchera ya Yeso kwamonyoreire obogima oboikeranu, buna mwarorire mwensi.
17“Na bono baminto, namanyire ng’a nigo mwakorete aya ase ogotamanya kwaino, buna abanene baino bakorete. 18Korende aya Nyasae akwanete ase emenwa y’ababani bonsi, ng’a Kristo oye nachandwe, oyaikeranirie ase enchera eye. 19Ase ayio onchoka, moirane, erinde ebibe biaino bitinyigwe, erio chingaki chi’ogotimokigwa chinyare gocha korwa ase obosio bw’Omonene, 20anyare gotoma Kristo, oria mwarageretwe korwa kare, nere Yeso. 21Ere igoro yagwenerete komonyora, goika chichiche chingaki chi’ebinto bionsi bigokorwa ebiyia, ebiakwanetwe na Nyasae ase emenwa y’ababani baye abachenu korwa kare. 22Musa natebete: Omonene Nyasae nabaimokerie omobani onga buna inche korwa ase egati y’abamino. Momoigwere ase amang’ana onsi arabatebie. 23Naende nebe ng’a kera omonto otaigwereti omobani oyio nigo arasirigwe na gwatananwa korwa ase egati y’abanto. 24Na ababani bonsi abakwanete korwa Samweli, na baria bachete korwa nyuma yaye, bakararia igoro y’amatuko aya. 25Inwe nigo more abana b’ababani na ab’okobwatana koria Nyasae abwatanete ne chisokoro chiaino, ekero atebetie Ibrahimu: Ase oroiboro rwao ebisaku bionsi bi’ense inabisesenigwe. 26Nyasae ekero abogetie Omosomba oye,#3:26 Nere Kristo akamotoma asemore ritang’ani, erinde abasesenie ase ogwatanana kera oyomo oino korwa ase obobe bwaye.”
Currently Selected:
OGOKORA KW’ABATOMWA 3: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
OGOKORA KW’ABATOMWA 3
3
Okogwenigwa kw’omosabereri orenge rigata
1Petero na Yohana nigo barenge gotiira gochia ase Hekalu chinsa chi’ogosaba, chinsa kianda. 2Na omonto oyomo, orenge rigata korwa okoiborwa kwaye, ore kobogorigwa nabanto na kobekwa kera rituko ase egesieri gie Hekalu kiare korokwa Egesieri Ekiya, erinde asabe ebiegwa ase abwo baare gosoa ase Hekalu. 3Agachia korora Petero na Yohana kobagosoa Hekalu ime, agasaba bamoe ebiegwa. 4Petero akamobeta amaiso, amo na Yohana, akabora, “Torigererie intwe!”
5Akabarigereria, osemeretie ng’a naegwe egento korwa asebare. 6Korende Petero akamotebia, “Efeta timbwati, nonya netahabu, korende eki mbwate nakio ngokoa: Ase erieta ria Yeso Kristo o Nazareti, tenena ogende!”
7Akamobwata okoboko gw’okorio, akamoimokia igoro. Erio kegima amagoro aye ne chinengo chi’amagoro aye bikanyora chinguru. 8Akaimoka bwango, agatenena, agachaka kogenda, agasoa Hekalu ime amo nabarabwo, ogotaara na gotuma‐tuma, na komotogia Nyasae. 9Abanto bonsi bakamorora ogotaara na komotogia Nyasae. 10Bakamomanya ng’a nere oria orenge goikaransa na gosaba ebiegwa aria ase Egesieri Ekiya gie Hekalu. Erio bagaichorwa nogokumia na ogoichana ase amang’ana aria akoregete asare.
11Ekero are kobwata‐bwata Petero na Yohana, abanto bonsi ase ogokumia bakaminyoka na gosangererekana amo asebare ase egesona kiare korokwa Egesona gia Sulemani.
Ogokwana gwa Petero ase Hekalu ime
12Ekero Petero arora aya akaboria abanto, “Inwe abasacha ba Israeli, inki mogokumeria aya gose nase ki mogotobeta amaiso, ng’a buna intwe ase chinguru chiaito abanyene, gose ase obuya bwaito, twamokora oyo ogenda? 13Nyasae o Ibrahimu, na o Isaka, na o Yakobo, Nyasae bwe chisokoro chiaito, oeire Omosomba oye Yeso obonene, ere inwe mokamorua na komwanga ase obosio bwa Pilato, ekero agambete ekina kiaye ng’a amosibore. 14Korende mokamwanga oria Omochenu, Omonyene Oboronge, na mokaboria moegwe omoiti. 15Mogaita Omorua bw’obogima. Korende Nyasae akamobokia korwa ase abakure, na ase ayio intwe nigo tore abarori. 16Na ase okwegena kw’erieta riaye, erieta riaye riamobekire chinguru omonto oyo mwarorire aiga na komomanya; na okwegena koria kore ase enchera ya Yeso kwamonyoreire obogima oboikeranu, buna mwarorire mwensi.
17“Na bono baminto, namanyire ng’a nigo mwakorete aya ase ogotamanya kwaino, buna abanene baino bakorete. 18Korende aya Nyasae akwanete ase emenwa y’ababani bonsi, ng’a Kristo oye nachandwe, oyaikeranirie ase enchera eye. 19Ase ayio onchoka, moirane, erinde ebibe biaino bitinyigwe, erio chingaki chi’ogotimokigwa chinyare gocha korwa ase obosio bw’Omonene, 20anyare gotoma Kristo, oria mwarageretwe korwa kare, nere Yeso. 21Ere igoro yagwenerete komonyora, goika chichiche chingaki chi’ebinto bionsi bigokorwa ebiyia, ebiakwanetwe na Nyasae ase emenwa y’ababani baye abachenu korwa kare. 22Musa natebete: Omonene Nyasae nabaimokerie omobani onga buna inche korwa ase egati y’abamino. Momoigwere ase amang’ana onsi arabatebie. 23Naende nebe ng’a kera omonto otaigwereti omobani oyio nigo arasirigwe na gwatananwa korwa ase egati y’abanto. 24Na ababani bonsi abakwanete korwa Samweli, na baria bachete korwa nyuma yaye, bakararia igoro y’amatuko aya. 25Inwe nigo more abana b’ababani na ab’okobwatana koria Nyasae abwatanete ne chisokoro chiaino, ekero atebetie Ibrahimu: Ase oroiboro rwao ebisaku bionsi bi’ense inabisesenigwe. 26Nyasae ekero abogetie Omosomba oye,#3:26 Nere Kristo akamotoma asemore ritang’ani, erinde abasesenie ase ogwatanana kera oyomo oino korwa ase obobe bwaye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020