OMOCHANKO 35
35
Yakobo okogenda Beteli
1Nyasae agatebia Yakobo, “Imoka, otiire ogende Beteli, omenye aroro, oagachere Nyasae egesasimero agwo, Nyasae, oyo okoorokerete ekero kware gotama korwa ase Esau omino.”
2Erio Yakobo agatebia abanto baye amo nabwo bonsi barenge komo, “Rusia ebinyasae ebigeni, ebi mobwate ase egati yaino, mwesibie inwe abanyene, moonchorerie chianga chiaino. 3Toimoke totiire kogenda Beteli, erinde ing’agachere Nyasae egesasimero aroro, Nyasae oyonyigwete ekero keria narenge nobokong’u, akaba amo nainche ase orogendo rwane rwonsi.” 4Barabwo bakaa Yakobo ebinyasae ebigeni bionsi ebio babwate, na ebigera babegete ase amato abo, na Yakobo akabitindeka inse y’omote onga buna omotontera, oyorenge ang’e na Sekemu.
5Ekero baimogete kogenda orogendo rwabo, okoondokia gokarua ase Nyasae, gokabwata abanto b’emechie eria yabaetanaine; ase igo tibanyara kobwatia basinto ba Yakobo. 6Yakobo amo nabwo bonsi barenge nere bagaika Lusu, noro Beteli, ase ense ya Kanani. 7Agwo akaagacha egesasimero, akaroka aase aria Eli‐Beteli#35:7 Eli‐Beteli: engencho yaye: Nyasae o Beteli (1 Am ’Eb 2:1–2) (1 Am ’Eb 1:34–37), ekiagera agwo nao Nyasae aorokerete Yakobo, ekero ere arenge gotama korwa ase oyomwabo. 8Agwo Debora, omoreri o Rebeka, agakwa, agatindekwa inse y’omote onga buna omotontera. Aase agwo akarokwa Aloni‐Bakuti.
9Nyasae akaorokera Yakobo naende, ekero ere are korwa Padan‐Aramu, akamosesenia. 10Agwo Nyasae akamotebia,
“Erieta riao n’Yakobo,
bono tokorokwa naende Yakobo,
korende nigo orarokwe Israeli.”
Ase igo akamoroka Israeli. 11Naende Nyasae akamotebia,
“Inche Nyasae Omobui,
genderera komenteka, obuche.
Egesaku na emeganda y’ebisaku nigo erarue asore,
na abaruoti mbarue asore.
12Na ense eye naete Ibrahimu na Isaka,
ninkoyee aye na ororeria rwao rorache korwa nyuma yao.”
13Erio Nyasae akaimoka gochia igoro korwa asare, agwo ase arenge gokwana nere. 14Yakobo agatenenia rigena buna esiiro aase aria Nyasae akwanerete nere, akaumora ekeng’wanso gi’ekenyugwa amo namaguta igoro yaye. 15Igo Yakobo akaroka aase aria Nyasae akwanerete nere Beteli.
Ogokwa kwa Raeli
16Erio kobare orogendo rwabo korwa Beteli, ekero batigairie orogendo oroke baike Efarati, Raeli agachaka kobina ase okoibora, akaba nobokong’u bw’okoibora. 17Ekero arenge koromwa mono, omoiboria akamotebia, “Toondoka, ekiagera naende nomwana omoisia oraibore.” 18Agwo akaba okogireka ase ogokwa; na ekero arenge ang’e ase ogokwa, akaroka omwana oyio Ben‐Oni#35:18 Ben‐Oni, engencho yaye: omwana omomura bw’emechando yane, korende ise akamoroka Benjamin.#35:18 Benjamin; engencho yaye: omwana omomura bw’okoboko kwane gw’okorio (1 Am ’Eb 1:38–42) (1 Am ’Eb 1:43–54)
19Erio Raeli agakwa, agatindekwa agwo ase enchera ekogenda Efarati, nao Bethlehemu. 20Na Yakobo agatenenia rigena ri’ekeinyorio ase embeera ya Raeli, nao rire goika rero iga. 21Erio Israeli akaimoka, akagenda, agatenenia eema yaye ng’umbu y’omorobiri o Ederi.
Abamura ba Yakobo
22Engaki eria Israeli amenyete ase ense eria, Reuben akagenda akarara na Bilia, omokungu o ise, oria o sere‐sere, na Israeli akaigwa amang’ana ayio.
Abamura ba Yakobo nigo barenge ikomi na babere. 23Abana abamura ba Lea nabwo aba: Reuben, omwana omotangi o Yakobo, na Simeoni, na Lawi, na Yuda, na Isakaru, na Sabuloni. 24Abana abamura ba Raeli nabwo Yusufu na Benjamin. 25Abana abamura ba Bilia, omoiseke omosomba o Raeli, nabwo Dani na Nafutali. 26Abana abamura ba Silpa, omoiseke omosomba o Lea, nabwo Gadi na Aseri. Aba nabwo abana abamura Yakobo aiboreretwe agwo Padan‐Aramu.
Ogokwa gwa Isaka
27Yakobo agaika ase omochie o Isaka ise aaria Mamure, ang’e na Kiriati‐Ariba, nao Heburoni, agwo ase Ibrahimu na Isaka bamenyete buna abamenyi. 28Isaka nigo akoorete emiaka rigana erimo, na emerongo etano na etato (180). 29Erio Isaka agakwa, agasangerereka amo nabanto baye, ore omogotu kegima, omonto bw’emiaka emenge, na abamura baye, Esau na Yakobo, bakamotindeka.
Currently Selected:
OMOCHANKO 35: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
OMOCHANKO 35
35
Yakobo okogenda Beteli
1Nyasae agatebia Yakobo, “Imoka, otiire ogende Beteli, omenye aroro, oagachere Nyasae egesasimero agwo, Nyasae, oyo okoorokerete ekero kware gotama korwa ase Esau omino.”
2Erio Yakobo agatebia abanto baye amo nabwo bonsi barenge komo, “Rusia ebinyasae ebigeni, ebi mobwate ase egati yaino, mwesibie inwe abanyene, moonchorerie chianga chiaino. 3Toimoke totiire kogenda Beteli, erinde ing’agachere Nyasae egesasimero aroro, Nyasae oyonyigwete ekero keria narenge nobokong’u, akaba amo nainche ase orogendo rwane rwonsi.” 4Barabwo bakaa Yakobo ebinyasae ebigeni bionsi ebio babwate, na ebigera babegete ase amato abo, na Yakobo akabitindeka inse y’omote onga buna omotontera, oyorenge ang’e na Sekemu.
5Ekero baimogete kogenda orogendo rwabo, okoondokia gokarua ase Nyasae, gokabwata abanto b’emechie eria yabaetanaine; ase igo tibanyara kobwatia basinto ba Yakobo. 6Yakobo amo nabwo bonsi barenge nere bagaika Lusu, noro Beteli, ase ense ya Kanani. 7Agwo akaagacha egesasimero, akaroka aase aria Eli‐Beteli#35:7 Eli‐Beteli: engencho yaye: Nyasae o Beteli (1 Am ’Eb 2:1–2) (1 Am ’Eb 1:34–37), ekiagera agwo nao Nyasae aorokerete Yakobo, ekero ere arenge gotama korwa ase oyomwabo. 8Agwo Debora, omoreri o Rebeka, agakwa, agatindekwa inse y’omote onga buna omotontera. Aase agwo akarokwa Aloni‐Bakuti.
9Nyasae akaorokera Yakobo naende, ekero ere are korwa Padan‐Aramu, akamosesenia. 10Agwo Nyasae akamotebia,
“Erieta riao n’Yakobo,
bono tokorokwa naende Yakobo,
korende nigo orarokwe Israeli.”
Ase igo akamoroka Israeli. 11Naende Nyasae akamotebia,
“Inche Nyasae Omobui,
genderera komenteka, obuche.
Egesaku na emeganda y’ebisaku nigo erarue asore,
na abaruoti mbarue asore.
12Na ense eye naete Ibrahimu na Isaka,
ninkoyee aye na ororeria rwao rorache korwa nyuma yao.”
13Erio Nyasae akaimoka gochia igoro korwa asare, agwo ase arenge gokwana nere. 14Yakobo agatenenia rigena buna esiiro aase aria Nyasae akwanerete nere, akaumora ekeng’wanso gi’ekenyugwa amo namaguta igoro yaye. 15Igo Yakobo akaroka aase aria Nyasae akwanerete nere Beteli.
Ogokwa kwa Raeli
16Erio kobare orogendo rwabo korwa Beteli, ekero batigairie orogendo oroke baike Efarati, Raeli agachaka kobina ase okoibora, akaba nobokong’u bw’okoibora. 17Ekero arenge koromwa mono, omoiboria akamotebia, “Toondoka, ekiagera naende nomwana omoisia oraibore.” 18Agwo akaba okogireka ase ogokwa; na ekero arenge ang’e ase ogokwa, akaroka omwana oyio Ben‐Oni#35:18 Ben‐Oni, engencho yaye: omwana omomura bw’emechando yane, korende ise akamoroka Benjamin.#35:18 Benjamin; engencho yaye: omwana omomura bw’okoboko kwane gw’okorio (1 Am ’Eb 1:38–42) (1 Am ’Eb 1:43–54)
19Erio Raeli agakwa, agatindekwa agwo ase enchera ekogenda Efarati, nao Bethlehemu. 20Na Yakobo agatenenia rigena ri’ekeinyorio ase embeera ya Raeli, nao rire goika rero iga. 21Erio Israeli akaimoka, akagenda, agatenenia eema yaye ng’umbu y’omorobiri o Ederi.
Abamura ba Yakobo
22Engaki eria Israeli amenyete ase ense eria, Reuben akagenda akarara na Bilia, omokungu o ise, oria o sere‐sere, na Israeli akaigwa amang’ana ayio.
Abamura ba Yakobo nigo barenge ikomi na babere. 23Abana abamura ba Lea nabwo aba: Reuben, omwana omotangi o Yakobo, na Simeoni, na Lawi, na Yuda, na Isakaru, na Sabuloni. 24Abana abamura ba Raeli nabwo Yusufu na Benjamin. 25Abana abamura ba Bilia, omoiseke omosomba o Raeli, nabwo Dani na Nafutali. 26Abana abamura ba Silpa, omoiseke omosomba o Lea, nabwo Gadi na Aseri. Aba nabwo abana abamura Yakobo aiboreretwe agwo Padan‐Aramu.
Ogokwa gwa Isaka
27Yakobo agaika ase omochie o Isaka ise aaria Mamure, ang’e na Kiriati‐Ariba, nao Heburoni, agwo ase Ibrahimu na Isaka bamenyete buna abamenyi. 28Isaka nigo akoorete emiaka rigana erimo, na emerongo etano na etato (180). 29Erio Isaka agakwa, agasangerereka amo nabanto baye, ore omogotu kegima, omonto bw’emiaka emenge, na abamura baye, Esau na Yakobo, bakamotindeka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020