OMOCHANKO 46
46
Israeli na abana baye bakong’anya gochia Misiri
1Ase igo Israeli akaimoka, akagenda, akaira ebinto bionsi ebi abwate, agaika Beeri‐Seba, akaruera Nyasae o Isaka ise ekeng’wanso. 2Nyasae akarangeria Israeli ase okorora ekero kia botuko, akabora, “Yakobo! Yakobo!”
Ere agaitaba, “Nao inde aa.”
3Erio akamotebia, “Inche ninche Nyasae, Nyasae o iso; tobaisa kwoboa gotirimboka gochia Misiri, ekiagera ningokore obe egesaku ekenene aroro. 4Inche nintirimboke amo naye goika Misiri, naende tinkomocha gokoirania; na Yusufu nabe okoirania amaiso ao kogwakure.”
5Erio Yakobo akaimoka korwa Beeri‐Seba, akagenda. Basinto ba Israeli bakabogoria Yakobo ise, amo nabana babo abake, na abakungu babo ase chigari chiria Farao abatomerete chibabogorie. 6Bakaira chitugo chiabo ne chinibo chiabo echi baniberete ase ense ya Kanani. Nabo bagaika Misiri, Yakobo na oroiboro rwaye rwonsi amo nere, 7abana baye abamura na abamura babo; na abana baye abaiseke, na abaiseke b’abamura babo. Naboigo akaira oroiboro rwaye rwonsi, akagenda nabarabwo goika Misiri.
Ororeria rwa Israeli
8Aya naro amarieta Abaisraeli abwo bagendete Misiri: Yakobo na abana baye, nabwo aba: Reuben, nere omotangi o Yakobo. 9Abana abamura ba Reuben nabwo aba: Hanoki, na Palu, na Hezironi, na Karimi. 10Na abana abamura ba Simeoni nabwo aba: Yemueli, na Yamini, na Ohadi, na Yakini, na Sohari, na Sauli, omwana bw’omokungu Omokanani. 11Na abana abamura ba Lawi nabwo aba: Gerisoni, na Kohati, na Merari. 12Na abana abamura ba Yuda nabwo aba: Eri, na Onani, na Sela, na Peresu, na Zera; korende Eri na Onani bagakwera ase ense ya Kanani. Na abana ba Peresu nabwo Hezironi na Hamuli. 13Na abana abamura ba Isakaru nabwo aba: Tola, na Pua, na Yobu, na Simuroni. 14Na abana abamura ba Sabuloni nabwo aba: Seredi na Eloni, na Yaleeli. 15Aba nabwo abana abamura Lea aiborerete Yakobo agwo Padan‐Aramu. Na omoiseke oyomo aiborete, nere Dina. Abana baye bonsi amo nabachokoro, abamura na abaiseke, nigo barenge emerongo etato na batato.
16Abana abamura ba Gadi nabwo aba: Sifioni, na Hagi, na Suni, na Esiboni, na Eri, na Arodi, na Areli. 17Na abana abamura b’Aseri nabwo aba: Imuna, na Isiva, na Isivi, na Beria, na omoiseke omwabo nere Sera. Na abamura ba Beria nabwo Heberi na Malikieli. 18Aba nabwo abamura na abachokoro ba Silpa, oyio Labani aete Lea, omwana oye omosubati. Abwo Silpa aiborerete Yakobo, abanto ikomi na batano nomo.
19Abana abamura ba Raeli, moka Yakobo, nabwo Yusufu na Benjamin. 20Yusufu akaiborerwa Manase na Efraimu, ase ense ya Misiri. Asenati, mosubati o Potifera, omokuani bw’Oni, akamoiborera abana abwo abamura. 21Na abana abamura ba Benjamin nabwo aba: Bela, na Bekeri, na Asibeli, na Gera, na Naamani, na Eki, na Roshi, na Mupimu, na Hupimu, na Aridi. 22Aba nabwo abamura na abachokoro Raeli aiborerete Yakobo, abanto ikomi na bane.
23Omwana omomura o Dani nere Husimu. 24Na abana abamura ba Nafutali nabwo aba: Yaseeli, na Guni, na Yaseri, na Silemu. 25Aba nabwo abamura na abachokoro abamura Bilia aiborerete Yakobo, abanto batano na babere.
26Abanto bonsi abagendete amo na Yakobo ase ense ya Misiri, abwo baiboretwe korwa asare, nigo barenge emerongo etano nomo, na batano nomo. Abakungu b’abana abamura ba Yakobo, barabwo tibabariri. 27Na abana abamura ba Yusufu, abaiboreretwe agwo Misiri, mbabere barenge. Abanto bonsi ba Yakobo abasoete Misiri nigo barenge emerongo etano na ebere.
Yusufu okorotota Israeli ise
28Yakobo agatoma Yuda amotang’anere kogenda ase Yusufu, erinde aoroke ase obosio bwaye agwo Goseni, Naboigo bagaika ase ensemo ya Goseni. 29Erio Yusufu akabeka egari yaye ang’e, akayeriina, akagenda korotota Israeli aria Goseni. Ekero achia goika asare akamoboania rigoti riaye engaki etari nke. 30Israeli agatebia Yusufu, “Bono tiga inkwe, ekiagera nakororire obosio bwao, naende narorire ng’a moyo ore.”
31Yusufu agatebia abamwabo na abanto b’enka ya ise, “Nkogenda inde ase Farao imotebie: Abaminto na abanto b’enka ya tata, aba barenge ase ense ya Kanani, bachire asende. 32Na abanto abwo nabatugi be chitugo, na bono barentire chitugo chiabo, ching’ondi ne chiombe, na binde bionsi bare nabio. 33Bono, Farao karabarangerie na kobaboria meremo ki monarete gokora, 34nigo moramoiranerie: Intwe abasomba bao nigo tore abatugi be chitugo korwa obwana bwaito goika rero; buna tore igo, nabo ne chisokoro chiaito chiarenge. Na igo namonyore ribaga komenya ase ensemo ya Goseni, ekiagera kera omorisia bwe chitugo nigo are okogechia ase Abamisiri.”
Currently Selected:
OMOCHANKO 46: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
OMOCHANKO 46
46
Israeli na abana baye bakong’anya gochia Misiri
1Ase igo Israeli akaimoka, akagenda, akaira ebinto bionsi ebi abwate, agaika Beeri‐Seba, akaruera Nyasae o Isaka ise ekeng’wanso. 2Nyasae akarangeria Israeli ase okorora ekero kia botuko, akabora, “Yakobo! Yakobo!”
Ere agaitaba, “Nao inde aa.”
3Erio akamotebia, “Inche ninche Nyasae, Nyasae o iso; tobaisa kwoboa gotirimboka gochia Misiri, ekiagera ningokore obe egesaku ekenene aroro. 4Inche nintirimboke amo naye goika Misiri, naende tinkomocha gokoirania; na Yusufu nabe okoirania amaiso ao kogwakure.”
5Erio Yakobo akaimoka korwa Beeri‐Seba, akagenda. Basinto ba Israeli bakabogoria Yakobo ise, amo nabana babo abake, na abakungu babo ase chigari chiria Farao abatomerete chibabogorie. 6Bakaira chitugo chiabo ne chinibo chiabo echi baniberete ase ense ya Kanani. Nabo bagaika Misiri, Yakobo na oroiboro rwaye rwonsi amo nere, 7abana baye abamura na abamura babo; na abana baye abaiseke, na abaiseke b’abamura babo. Naboigo akaira oroiboro rwaye rwonsi, akagenda nabarabwo goika Misiri.
Ororeria rwa Israeli
8Aya naro amarieta Abaisraeli abwo bagendete Misiri: Yakobo na abana baye, nabwo aba: Reuben, nere omotangi o Yakobo. 9Abana abamura ba Reuben nabwo aba: Hanoki, na Palu, na Hezironi, na Karimi. 10Na abana abamura ba Simeoni nabwo aba: Yemueli, na Yamini, na Ohadi, na Yakini, na Sohari, na Sauli, omwana bw’omokungu Omokanani. 11Na abana abamura ba Lawi nabwo aba: Gerisoni, na Kohati, na Merari. 12Na abana abamura ba Yuda nabwo aba: Eri, na Onani, na Sela, na Peresu, na Zera; korende Eri na Onani bagakwera ase ense ya Kanani. Na abana ba Peresu nabwo Hezironi na Hamuli. 13Na abana abamura ba Isakaru nabwo aba: Tola, na Pua, na Yobu, na Simuroni. 14Na abana abamura ba Sabuloni nabwo aba: Seredi na Eloni, na Yaleeli. 15Aba nabwo abana abamura Lea aiborerete Yakobo agwo Padan‐Aramu. Na omoiseke oyomo aiborete, nere Dina. Abana baye bonsi amo nabachokoro, abamura na abaiseke, nigo barenge emerongo etato na batato.
16Abana abamura ba Gadi nabwo aba: Sifioni, na Hagi, na Suni, na Esiboni, na Eri, na Arodi, na Areli. 17Na abana abamura b’Aseri nabwo aba: Imuna, na Isiva, na Isivi, na Beria, na omoiseke omwabo nere Sera. Na abamura ba Beria nabwo Heberi na Malikieli. 18Aba nabwo abamura na abachokoro ba Silpa, oyio Labani aete Lea, omwana oye omosubati. Abwo Silpa aiborerete Yakobo, abanto ikomi na batano nomo.
19Abana abamura ba Raeli, moka Yakobo, nabwo Yusufu na Benjamin. 20Yusufu akaiborerwa Manase na Efraimu, ase ense ya Misiri. Asenati, mosubati o Potifera, omokuani bw’Oni, akamoiborera abana abwo abamura. 21Na abana abamura ba Benjamin nabwo aba: Bela, na Bekeri, na Asibeli, na Gera, na Naamani, na Eki, na Roshi, na Mupimu, na Hupimu, na Aridi. 22Aba nabwo abamura na abachokoro Raeli aiborerete Yakobo, abanto ikomi na bane.
23Omwana omomura o Dani nere Husimu. 24Na abana abamura ba Nafutali nabwo aba: Yaseeli, na Guni, na Yaseri, na Silemu. 25Aba nabwo abamura na abachokoro abamura Bilia aiborerete Yakobo, abanto batano na babere.
26Abanto bonsi abagendete amo na Yakobo ase ense ya Misiri, abwo baiboretwe korwa asare, nigo barenge emerongo etano nomo, na batano nomo. Abakungu b’abana abamura ba Yakobo, barabwo tibabariri. 27Na abana abamura ba Yusufu, abaiboreretwe agwo Misiri, mbabere barenge. Abanto bonsi ba Yakobo abasoete Misiri nigo barenge emerongo etano na ebere.
Yusufu okorotota Israeli ise
28Yakobo agatoma Yuda amotang’anere kogenda ase Yusufu, erinde aoroke ase obosio bwaye agwo Goseni, Naboigo bagaika ase ensemo ya Goseni. 29Erio Yusufu akabeka egari yaye ang’e, akayeriina, akagenda korotota Israeli aria Goseni. Ekero achia goika asare akamoboania rigoti riaye engaki etari nke. 30Israeli agatebia Yusufu, “Bono tiga inkwe, ekiagera nakororire obosio bwao, naende narorire ng’a moyo ore.”
31Yusufu agatebia abamwabo na abanto b’enka ya ise, “Nkogenda inde ase Farao imotebie: Abaminto na abanto b’enka ya tata, aba barenge ase ense ya Kanani, bachire asende. 32Na abanto abwo nabatugi be chitugo, na bono barentire chitugo chiabo, ching’ondi ne chiombe, na binde bionsi bare nabio. 33Bono, Farao karabarangerie na kobaboria meremo ki monarete gokora, 34nigo moramoiranerie: Intwe abasomba bao nigo tore abatugi be chitugo korwa obwana bwaito goika rero; buna tore igo, nabo ne chisokoro chiaito chiarenge. Na igo namonyore ribaga komenya ase ensemo ya Goseni, ekiagera kera omorisia bwe chitugo nigo are okogechia ase Abamisiri.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020