OMOCHANKO 50
50
Ogotindekwa kwa Yakobo
1Erio Yusufu akamogwera ise obosio bwaye, akarera na komonyunyunta. 2Agachika abarwaria abaare komokorera, ng’a baake Israeli ise amariogo, tabaisa kogunda; naboigo abarwaria bamokorerete, 3goika amatuko emerongo ene agaikerana. Ase amatuko ang’ana buna ayio naro egetondo kiare goakwa amariogo. Abamisiri bakamoreera Israeli amatuko emerongo etano na ebere.
4Ekero amatuko okomoreera Israeli aerete, Yusufu agakwana nabanto b’enka ya Farao, akabora, “Onye nkonyora ogwancherwa ase amaiso aino, komoranche monteberie Farao 5ng’a tata nandierete omwando ogoteba: Ng’ang’e inde gokwa, ong’ire ontindeke ase oboina boria naremete ase ense ya Kanani. Momonsabere ribaga ngende gotindeka tata, erio ning’irane.”
6Farao akairaneria, “Tiira ochie gotindeka iso, buna akorierete omwando.”
7Erio Yusufu agatiira gochia gotindeka ise. Abasomba bonsi ba Farao bakagenda amo nere, na abagaaka bonsi b’enka yaye, na abagaaka bonsi ba Misiri, 8na bonsi ab’enka ya Yusufu, amo nabamwabo, na ab’enka ya ise. Abana babo boka bagatigara Goseni amo ne ching’ondi ne chiombe chiabo. 9Naende Yusufu akaira amo nere chigari na abariini chibarasi; bakaba omoganda omonene mono.
10Ekero baigete ase ekeooreri gi’Atadi ng’umbu y’orooche rwa Yorodan, bakaba bakorera ebirero ebinene mono. Agwo Yusufu akagenderera komoreera ise ase engaki y’amatuko atano na abere. 11Na Abakanani abamenyete ase ense eria, ekero bachia korora ebirero agwo Atadi ase ekeooreri, bakabora, “Ebirero ebi bi’Abamisiri nebinene mono.” Ase ayio, aase aria ng’umbu ya Yorodan akarokwa Abeli‐Misiri.#50:11 Abeli‐Misiri, engencho yaye: Ekerero ki’Abamisiri
12Naboigo basinto ba Yakobo bakorete buna ise abachigete. 13Bakamoimokia, bakamoira goika ase ense ya Kanani. Erio bakamotindeka ase rikuruma riria riare, ase oboremo agwo Makipela, moocha ya Mamure, oboremo boria Ibrahimu agorete korwa ase Efuroni Omohiti abe aase aye agotindeka abakure. 14Yusufu, ekero akoorire gotindeka ise, akairana Misiri amo nabamwabo na bonsi abatiirete amo nere.
Yusufu okoremia abamwabo
15Ekero abamwabo Yusufu baroche ng’a ise okure, bagatebania. “Aande Yusufu nigo aratorege, arusie egesiomba ase amabe aria twamokorerete.” 16Ase ayio bagatoma abanto ase Yusufu komotebia ng’a, “Iso nigo atebete iga ritang’ani atarakwa. 17Motebie Yusufu iga: Nagosabire obaabere abamino amamocho abo na ebibe biabo bagokorerete. Nimanyete ng’a mbagokorerete bobe. Ase igo bono twagosabire, otwabere ebibe biaito, naki intwe nabasomba ba Nyasae o iso.” Yusufu akarera ekero abamwabo bamoboretie amang’ana ayio.
18Erio abamwabo bagacha, bagatung’ama inse ase obosio bwaye, bakabora, “Intwe iga nabasomba bao tore.”
19Korende Yusufu akabatebia, “Timoiroka! Inee! Inche inde ribaga ria Nyasae? 20Ekeene, inwe nabo mwarengereretie gonkorera amabe, korende Nyasae akayaonchora akaba amaya, na buna mwarorire rero iga, otooririe obogima bw’abanto abange. 21Gaki, bono timoiroka! Nimbaragerie inwe amo nabana baino.” Naboigo akaba okobaremia, agakwana nabarabwo amang’ana amaya.
Ogokwa kwa Yusufu
22Yusufu akamenya Misiri, ere amo nabanto bamwabo, agakoora emiaka rigana erimo, na ikomi (110). 23Agwo akarora abana b’Efraimu na abachokoro baye goika ekiaare kia gatato, akarora na abana ba Makiri, omwana o Manase, baiboreretwe ase Yusufu. 24Yusufu agatebia abamwabo, “Ng’ang’e inde gokwa, korende amaene Nyasae nabanyorere enchera y’okobarusia ase ense eye, abatiirie mogende ase ense eria abarierete eira na gotiana, ng’a nae Ibrahimu, na Isaka, na Yakobo.”
25Yusufu agatiania abana ba Israeli agwo, akabora, “Bono, ekero Nyasae arabachere abakonye, goika moire amauga aane; mogende naro.” 26Erio Yusufu agakwa gakoorire emiaka rigana erimo na ikomi (110). Bakamoaka amariogo, tabaisa kogunda, bakamobeka ase esanduku ime aaria Misiri.
Currently Selected:
OMOCHANKO 50: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
OMOCHANKO 50
50
Ogotindekwa kwa Yakobo
1Erio Yusufu akamogwera ise obosio bwaye, akarera na komonyunyunta. 2Agachika abarwaria abaare komokorera, ng’a baake Israeli ise amariogo, tabaisa kogunda; naboigo abarwaria bamokorerete, 3goika amatuko emerongo ene agaikerana. Ase amatuko ang’ana buna ayio naro egetondo kiare goakwa amariogo. Abamisiri bakamoreera Israeli amatuko emerongo etano na ebere.
4Ekero amatuko okomoreera Israeli aerete, Yusufu agakwana nabanto b’enka ya Farao, akabora, “Onye nkonyora ogwancherwa ase amaiso aino, komoranche monteberie Farao 5ng’a tata nandierete omwando ogoteba: Ng’ang’e inde gokwa, ong’ire ontindeke ase oboina boria naremete ase ense ya Kanani. Momonsabere ribaga ngende gotindeka tata, erio ning’irane.”
6Farao akairaneria, “Tiira ochie gotindeka iso, buna akorierete omwando.”
7Erio Yusufu agatiira gochia gotindeka ise. Abasomba bonsi ba Farao bakagenda amo nere, na abagaaka bonsi b’enka yaye, na abagaaka bonsi ba Misiri, 8na bonsi ab’enka ya Yusufu, amo nabamwabo, na ab’enka ya ise. Abana babo boka bagatigara Goseni amo ne ching’ondi ne chiombe chiabo. 9Naende Yusufu akaira amo nere chigari na abariini chibarasi; bakaba omoganda omonene mono.
10Ekero baigete ase ekeooreri gi’Atadi ng’umbu y’orooche rwa Yorodan, bakaba bakorera ebirero ebinene mono. Agwo Yusufu akagenderera komoreera ise ase engaki y’amatuko atano na abere. 11Na Abakanani abamenyete ase ense eria, ekero bachia korora ebirero agwo Atadi ase ekeooreri, bakabora, “Ebirero ebi bi’Abamisiri nebinene mono.” Ase ayio, aase aria ng’umbu ya Yorodan akarokwa Abeli‐Misiri.#50:11 Abeli‐Misiri, engencho yaye: Ekerero ki’Abamisiri
12Naboigo basinto ba Yakobo bakorete buna ise abachigete. 13Bakamoimokia, bakamoira goika ase ense ya Kanani. Erio bakamotindeka ase rikuruma riria riare, ase oboremo agwo Makipela, moocha ya Mamure, oboremo boria Ibrahimu agorete korwa ase Efuroni Omohiti abe aase aye agotindeka abakure. 14Yusufu, ekero akoorire gotindeka ise, akairana Misiri amo nabamwabo na bonsi abatiirete amo nere.
Yusufu okoremia abamwabo
15Ekero abamwabo Yusufu baroche ng’a ise okure, bagatebania. “Aande Yusufu nigo aratorege, arusie egesiomba ase amabe aria twamokorerete.” 16Ase ayio bagatoma abanto ase Yusufu komotebia ng’a, “Iso nigo atebete iga ritang’ani atarakwa. 17Motebie Yusufu iga: Nagosabire obaabere abamino amamocho abo na ebibe biabo bagokorerete. Nimanyete ng’a mbagokorerete bobe. Ase igo bono twagosabire, otwabere ebibe biaito, naki intwe nabasomba ba Nyasae o iso.” Yusufu akarera ekero abamwabo bamoboretie amang’ana ayio.
18Erio abamwabo bagacha, bagatung’ama inse ase obosio bwaye, bakabora, “Intwe iga nabasomba bao tore.”
19Korende Yusufu akabatebia, “Timoiroka! Inee! Inche inde ribaga ria Nyasae? 20Ekeene, inwe nabo mwarengereretie gonkorera amabe, korende Nyasae akayaonchora akaba amaya, na buna mwarorire rero iga, otooririe obogima bw’abanto abange. 21Gaki, bono timoiroka! Nimbaragerie inwe amo nabana baino.” Naboigo akaba okobaremia, agakwana nabarabwo amang’ana amaya.
Ogokwa kwa Yusufu
22Yusufu akamenya Misiri, ere amo nabanto bamwabo, agakoora emiaka rigana erimo, na ikomi (110). 23Agwo akarora abana b’Efraimu na abachokoro baye goika ekiaare kia gatato, akarora na abana ba Makiri, omwana o Manase, baiboreretwe ase Yusufu. 24Yusufu agatebia abamwabo, “Ng’ang’e inde gokwa, korende amaene Nyasae nabanyorere enchera y’okobarusia ase ense eye, abatiirie mogende ase ense eria abarierete eira na gotiana, ng’a nae Ibrahimu, na Isaka, na Yakobo.”
25Yusufu agatiania abana ba Israeli agwo, akabora, “Bono, ekero Nyasae arabachere abakonye, goika moire amauga aane; mogende naro.” 26Erio Yusufu agakwa gakoorire emiaka rigana erimo na ikomi (110). Bakamoaka amariogo, tabaisa kogunda, bakamobeka ase esanduku ime aaria Misiri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020