KUMA 2
2
Kũsyawa kwa Mose
1Na kwaenda mũndũ wa nyũmba ya Livai, na amũtwaa mwĩĩtu wa a Livai. #Kuma 6.20; Mot 26.59. 2Na mũndũ mũka ũsu aitava, na asyaa mwana: na oona kana nĩ kana kaseo, akavitha myei ĩtatũ. #Meko 7.20; Aevl 11.23. 3Na yĩla ũtaatonya kũkavithĩkya, akosea kakalawa ka malula na akavaka lami na kĩsia; na eekĩa kala kana nthĩnĩ, na aia makangaanĩ ũtee wa ũsĩ. 4Na mwĩĩtu‐a‐inyia wako aũngama kũasa amanye ũndũ keĩkwa. #Kuma 15.20; Mot 26.59. 5Na mwĩĩtu wa Valao atheea ũsĩnĩ atuunye; na athũkũmi make eĩtu matambũka ũtee wa ũsĩ; nake oona kakalawa nthĩnĩ wa makangaa, na atũma mũthũkũmi wake mwĩĩtu aete. 6Na akavingũa, na oona kala kana: na, sisya, kana nĩkaĩaa. Na akew’ĩa ĩnee, na asya, Kaa nĩ kamwe ka ana ma Aevelania. 7Na ĩndĩ mwĩĩtu‐ainyĩa wako akũlya mwĩĩtu wa Valao, Nĩende nĩkwĩtĩe mũei akanĩ ma Aevelania, akũee kana? 8Na mwĩĩtu wa Valao amwia, Enda. Na ũla mwĩĩtu athi, eeta inyia wa kala kana. 9Na mwĩĩtu wa Valao amwĩa, Kua kana kaa ũthi nako ũkandee, na ngaũnenga ĩtuvi yaku. Na ũla mũndũ mũka akua kana, na akaea. 10Na kana keana, na akaete kwa mwĩĩtu wa Valao, na katw’ĩka mwana wake. Na syĩtwa yake amwĩta Mose, na asya, Nĩkwĩthĩwa nĩnamumisye manzĩnĩ. #Meko 7.21.
Mose aikĩĩa Mitiani
11Na kweethĩwa mĩthenya ĩsũ, yĩla Mose weanie, aenda kwa ana‐a‐ĩthe make, na asisya mĩio yoo: na oona Mũmisili akĩmũkũna Mũevelania, ũmwe wa ana‐a‐ĩthe make. #Meko 7.23; Aevl 11.24. 12Na asisya kũũ na kũũ, na yĩla wonĩe atĩ vati mũndũ, amũaa ũla Mũmisili, na amumbĩka kĩthangathĩnĩ. #Meko 7.24. 13Na aumaala ũnĩ ũsu, na, sĩsya, andũ elĩ ma Aevelania nĩmokitaa ene kwa ene: na amwĩa ũla ũmũtheie ũngĩ, Wĩmũkũna mũtindan’ya waku nĩkĩ? #Lk 12.14; Meko 7.26–28. 14Nake amũkũlya, Ũla ũkũtw’ĩte mũnene na mũsili ĩũlũ waitũ nũũ? Wĩsũanĩa kũmbũaa, o tondũ ũnamũaie ũla Mũmisili? Na Mose atelema, na asya, Kaĩ ũndũ ũsu nĩ ũmanyĩku. 15Na ĩndĩ yĩla Valao wewie ũndũ ũsu, enda kũmũaa Mose. Ĩndĩ Mose akĩa, auma kwa Valao, na atũa nthĩ ya Mitiani: na ekala nthĩ ũtee wa kĩthima. #Mwa 24.11; Meko 7.29.
16Na ĩndĩ mũthembi wa Mitiani aĩ na eĩtu mũonza: nao mooka na matava manzĩ, na mausũsya mĩvalati manzĩ manyithye ndĩthya ya mbũi na malondu ya ĩthe woo. #Mwa 29.2; Kuma 3.1; 1 Sam 9.11. 17Na aĩthi mooka na mamalũngya; ĩndĩ Mose ookĩla na amatethya, na anyĩthya ndĩthya yoo. #Mwa 29.10. 18Na yila mookie vala Leueli ĩthe woo ũĩ, amakũlya, Ũmũnthĩ mwooka mĩtũkĩ ũũ ata? #Mot 10.29. 19Na mamwĩa, Mũmisili nũtũvonokisye mokonĩ ma aĩthi, o na ĩngĩ nũtũtavĩĩe manzĩ, na anyithya ndĩthya. 20Na akũlya eĩtũ make, Na aĩva? Mũtiie mũndũ ũsu nĩkĩ? Mwĩtei, aye lĩu. #Mwa 31.54. 21Na Mose eanĩwa nĩ kwĩkala na mũndũ ũsu: na amũnenga Mose Nzivola mwĩĩtu wake. 22Na asyaa mwana, nake amwĩta syĩtwa yake Ngelisoni; nũndũ aisye, Nĩnaĩ mwĩkali wa ũeninĩ nthĩ ĩngĩ. #Kuma 18.3; Meko 7.29.
23Na kweethĩwa matukũ asu maingĩ mathela, mũsumbĩ wa Misili akw’a: na ana ma Isilaeli mavevũũka kwondũ wa ũkombo ũsu, na maĩa, na kĩĩo kyoo kwondũ wa ũla ũkombo kyavika kwa Ngai. #Kuma 3.9; 7.7; Kũt 26.7. 24Na Ngai eew’a kũluma kwoo, na Ngai alilikana ũtianĩo wake na Avalaamu, na Isaka, na Yakovo. #Mwa 28.13; Kuma 6.5; Sav 105.42. 25Na Ngai oona ana ma Isilaeli, na Ngaĩ asisya ũndũ woo. #Kuma 3.7; 4.31; Lk 1.25.
Currently Selected:
KUMA 2: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
KUMA 2
2
Kũsyawa kwa Mose
1Na kwaenda mũndũ wa nyũmba ya Livai, na amũtwaa mwĩĩtu wa a Livai. #Kuma 6.20; Mot 26.59. 2Na mũndũ mũka ũsu aitava, na asyaa mwana: na oona kana nĩ kana kaseo, akavitha myei ĩtatũ. #Meko 7.20; Aevl 11.23. 3Na yĩla ũtaatonya kũkavithĩkya, akosea kakalawa ka malula na akavaka lami na kĩsia; na eekĩa kala kana nthĩnĩ, na aia makangaanĩ ũtee wa ũsĩ. 4Na mwĩĩtu‐a‐inyia wako aũngama kũasa amanye ũndũ keĩkwa. #Kuma 15.20; Mot 26.59. 5Na mwĩĩtu wa Valao atheea ũsĩnĩ atuunye; na athũkũmi make eĩtu matambũka ũtee wa ũsĩ; nake oona kakalawa nthĩnĩ wa makangaa, na atũma mũthũkũmi wake mwĩĩtu aete. 6Na akavingũa, na oona kala kana: na, sisya, kana nĩkaĩaa. Na akew’ĩa ĩnee, na asya, Kaa nĩ kamwe ka ana ma Aevelania. 7Na ĩndĩ mwĩĩtu‐ainyĩa wako akũlya mwĩĩtu wa Valao, Nĩende nĩkwĩtĩe mũei akanĩ ma Aevelania, akũee kana? 8Na mwĩĩtu wa Valao amwia, Enda. Na ũla mwĩĩtu athi, eeta inyia wa kala kana. 9Na mwĩĩtu wa Valao amwĩa, Kua kana kaa ũthi nako ũkandee, na ngaũnenga ĩtuvi yaku. Na ũla mũndũ mũka akua kana, na akaea. 10Na kana keana, na akaete kwa mwĩĩtu wa Valao, na katw’ĩka mwana wake. Na syĩtwa yake amwĩta Mose, na asya, Nĩkwĩthĩwa nĩnamumisye manzĩnĩ. #Meko 7.21.
Mose aikĩĩa Mitiani
11Na kweethĩwa mĩthenya ĩsũ, yĩla Mose weanie, aenda kwa ana‐a‐ĩthe make, na asisya mĩio yoo: na oona Mũmisili akĩmũkũna Mũevelania, ũmwe wa ana‐a‐ĩthe make. #Meko 7.23; Aevl 11.24. 12Na asisya kũũ na kũũ, na yĩla wonĩe atĩ vati mũndũ, amũaa ũla Mũmisili, na amumbĩka kĩthangathĩnĩ. #Meko 7.24. 13Na aumaala ũnĩ ũsu, na, sĩsya, andũ elĩ ma Aevelania nĩmokitaa ene kwa ene: na amwĩa ũla ũmũtheie ũngĩ, Wĩmũkũna mũtindan’ya waku nĩkĩ? #Lk 12.14; Meko 7.26–28. 14Nake amũkũlya, Ũla ũkũtw’ĩte mũnene na mũsili ĩũlũ waitũ nũũ? Wĩsũanĩa kũmbũaa, o tondũ ũnamũaie ũla Mũmisili? Na Mose atelema, na asya, Kaĩ ũndũ ũsu nĩ ũmanyĩku. 15Na ĩndĩ yĩla Valao wewie ũndũ ũsu, enda kũmũaa Mose. Ĩndĩ Mose akĩa, auma kwa Valao, na atũa nthĩ ya Mitiani: na ekala nthĩ ũtee wa kĩthima. #Mwa 24.11; Meko 7.29.
16Na ĩndĩ mũthembi wa Mitiani aĩ na eĩtu mũonza: nao mooka na matava manzĩ, na mausũsya mĩvalati manzĩ manyithye ndĩthya ya mbũi na malondu ya ĩthe woo. #Mwa 29.2; Kuma 3.1; 1 Sam 9.11. 17Na aĩthi mooka na mamalũngya; ĩndĩ Mose ookĩla na amatethya, na anyĩthya ndĩthya yoo. #Mwa 29.10. 18Na yila mookie vala Leueli ĩthe woo ũĩ, amakũlya, Ũmũnthĩ mwooka mĩtũkĩ ũũ ata? #Mot 10.29. 19Na mamwĩa, Mũmisili nũtũvonokisye mokonĩ ma aĩthi, o na ĩngĩ nũtũtavĩĩe manzĩ, na anyithya ndĩthya. 20Na akũlya eĩtũ make, Na aĩva? Mũtiie mũndũ ũsu nĩkĩ? Mwĩtei, aye lĩu. #Mwa 31.54. 21Na Mose eanĩwa nĩ kwĩkala na mũndũ ũsu: na amũnenga Mose Nzivola mwĩĩtu wake. 22Na asyaa mwana, nake amwĩta syĩtwa yake Ngelisoni; nũndũ aisye, Nĩnaĩ mwĩkali wa ũeninĩ nthĩ ĩngĩ. #Kuma 18.3; Meko 7.29.
23Na kweethĩwa matukũ asu maingĩ mathela, mũsumbĩ wa Misili akw’a: na ana ma Isilaeli mavevũũka kwondũ wa ũkombo ũsu, na maĩa, na kĩĩo kyoo kwondũ wa ũla ũkombo kyavika kwa Ngai. #Kuma 3.9; 7.7; Kũt 26.7. 24Na Ngai eew’a kũluma kwoo, na Ngai alilikana ũtianĩo wake na Avalaamu, na Isaka, na Yakovo. #Mwa 28.13; Kuma 6.5; Sav 105.42. 25Na Ngai oona ana ma Isilaeli, na Ngaĩ asisya ũndũ woo. #Kuma 3.7; 4.31; Lk 1.25.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956