MWAMBĨLĨLYO 27
27
Yakovo akĩathimwa nĩ Isaka
1Na kweethĩwa, yĩla Isaka waĩ mũkũu, na metho make me mbindu, atona, amwĩta Esau mwana wake mũkũũ, na amwĩa, Mwana wakwa: na asũngĩa, Nĩ vaa. #Mwa 48.10; 1 Sam 3.2. 2Na amwĩa, sisya yu, nĩ mũkũu, o na ndyĩsĩ mũthenya wa kũkw’a kwakwa. 3Na yu ĩndĩ, nĩngũkwĩsũva, osa mĩio yaku, thyaka waku na ũta waku, ũende weũnĩ ũnzyĩmĩe; #Mwa 25.27,28. 4naku ũnzeũvĩsye lĩu mũseo, tondũ nendete ũndetee, nĩye; nĩ kana ngoo yakwa ĩkũathime ndanakw’a. #Mwa 27.9,10; 48.9,15; 49.28.
5Na Leveka eew’a Isaka akĩneena na Esau mwana wake. Na Esau athi weũnĩ kũsyĩma nyama sya nzyĩma, na kwiete. 6Na Leveka aneena na Yakovo mwana wake, akĩmwĩa, Sisya, nĩneew’a au aineena na Esau mwana‐a‐mwenyu, akĩmwĩa, 7Ndetee nyama sya nzyĩma, ũnzeũvĩsye lĩu mũseo, nĩye, na ngĩkũathimĩa mbee wa Yeova, ndanakw’a. 8Yu ĩndĩ, mwana wakwa, ĩw’a wasya wakwa o ũndũ ngũkwĩaĩa. 9Enda yu ndĩthyanĩ ya mbũi na malondu, na ndatĩlya vo tũtena twĩlĩ tũseo twa mbũi: nakwa nĩngũtũseũvya lĩu mũseo nũndũ wa au, o tondũ wendete: 10naku ũkamũtwaĩa au, aye, nĩ kana akũathime atanakw’a. #Mwa 27.4. 11Na Yakovo amwĩa Leveka inyia wake, Sisya, Esau mwana‐a‐ia nĩ mũndũ wĩ na maw’ĩa, nakwa nĩ mũndũ mũtendeu. #Mwa 25.25. 12Nokwĩthĩwa nau ambavata, na ngeethĩwa kwake ta mũkengani; na ĩndĩ ngĩyĩetee kĩumo, na ti ũathimo. #Mwa 27.22; Kũt 27.18. 13Na inyia wake amwĩa, Kĩumo kyaku nĩkĩthĩwe ĩũlũ wakwa, mwana wakwa; ĩndĩ ĩw’a wasya wakwa, na enda ũndatĩlye tw’o. #Mwa 27.8; 1 Sam 25.24; 2 Sam 14.9. 14Na athi, na alatya, na atũetee inyia wake: na inyia wake aseũvya lĩu mũseo, o tondũ ĩthe wake wendete. 15Na Leveka oosa ngũa nzeo sya Esau mwana wake mũkũũ, ila syaĩ kwake nyũmbanĩ, na eekĩa Yakovo mwana wake mũnini: #Mwa 27.27. 16na mbũa sya tũtena twa mbũi asyĩkĩa mokonĩ make, na ũtendeunĩ wa ngingo yake: 17na amũnenga mwana wake Yakovo kw’okonĩ kwake lĩu mũseo na kĩmũtũ kĩla ũseũvisye.
18Na ooka kwa ĩthe, na amwĩa, Nau; nake asũngĩa, Nĩ vaa; nue ũũ, mwana wakwa? 19Na Yakovo amwĩa ĩthe, Ninyie Esau ĩkithathi yaku; nĩneeka o tondũ ũmbĩie; nĩngũkwĩsũva ũkĩla, wĩkale nthĩ ũye nyama syakwa sya nzyĩma, nĩ kana ngoo yaku ĩngathime. 20Na Isaka amũkũlya mwana wake, Wasyona na mĩtũkĩ ĩana ũu ata, mwana wakwa? Na asũngĩa, Nĩkwĩthĩwa Yeova Ngai waku nĩwambaĩlĩlya. 21Na Isaka amwĩa Yakovo, Nĩngũkwĩsũva, mwana wakwa, thengeea, nĩkũvavate, kana nue mwana wakwa Esau, kana tiwe. #Mwa 27.12. 22Na Yakovo amũthengeea Isaka ĩthe wake; nake amũvavata, na asya, Wasya nĩ wasya wa Yakovo, ĩndĩ moko nĩ moko ma Esau. 23Na ndaamũmanya, nĩkwĩthĩwa moko make maĩ na maw’ĩa, ta moko ma Esau mwana‐a‐inyia: na ĩndĩ amũathima. #Mwa 27.16; Aevl 11.20. 24Na akũlya, Nue ki mwana wakwa Esau? Nake asũngĩa, Ninyie. 25Na amwĩa, Ndetee vakuvĩ, nakwa nĩngũya nyama sya nzyĩma sya mwana wakwa, nĩ kana ngoo yakwa ĩkũathime. Na amũetee vakuvĩ, nake aya: na amũetee mbinyu na anyw’a. #Mwa 27.10. 26Na Isaka ĩthe wake amwĩa, Mwana wakwa, thengeea yu, ũmumunye. 27Nake athengeea, amũmumunya: na anyungĩa mũuke wa ngũa syake, na amũathima, na asya,
Sisya, mũuke wa mwana wakwa
Nĩ ta mũuke wa kĩsesi kĩathimĩtwe nĩ Yeova: #Mwa 27.15; Osea 14.6; Aevl 6.7.
28Na Ngai akũnenge sya ĩmwe ya ĩtunĩ,
Na sya ũnou wa nthĩ,
Na wingĩ wa lĩu wa mbaa ngetha na mbinyu mbĩthĩ: #Kũt 33.13,28; 2 Sam 1.21; Yoe 2.19; Nzek 8.12.
29Ngo sya andũ ikũthũkũme, Na mbaĩ ikũkunamĩe: Ĩthĩwa mwĩaĩi ĩũlũ wa ana‐a‐au, Na ana‐a‐mwenyu nĩmakũkunamĩae: Naumanĩwe o ũla ũkũumanĩaa, Na naathimwe o ũla ũkũathimaa. #Mwa 12.3; 49.8; 2 Sam 8.14.
30Na kweethĩwa, kavinda kala Isaka waminie kũmũathima Yakovo, na Yakovo eethĩwa akyuma mbee wa Isaka ĩthe wake, Esau mwana‐a‐inyia ooka aumĩte nzyĩmanĩ yake. 31Nake aseũvya lĩu mũseo, amũtwaĩa ĩthe; na amwĩa ĩthe, Nau okĩle, aye nyama sya nzyĩma sya mwana wake, nĩ kana ngoo yaku ĩngathime. 32Na Isaka ĩthe wake amũkũiya, Nue ũũ? Nake asũngĩa, Ninyie mwana waku, ĩkithathi yaku, Esau. 33Na Isaka atetema mũno mũnene, na akũlya, Nũũ ĩndĩ ũsu wosie nyama sya nzyĩma, na andetee, nakwa nĩnaya syonthe mbee wa ũtanoka, na namũathima? Ĩĩ, nake akaathimwa. #Mot 23.20. 34Esau eew’a ndeto sya ĩthe, aĩa kĩĩo kĩnene mũno kĩ woo, na amwĩa ĩthe, Ngathima, nyie nakwa, ame nau. #Aevl 12.17. 35Na amwĩa, Mwana‐a‐mwenyu nĩwũkie na ũĩ wa ũkengani, na akũvena ũathimo waku. 36Nake asya, Ndetawa w’o syĩtwa yake Yakovo? Nũndũ nũngũanĩsye mavinda asu elĩ: nĩwosie ũkithathi wakwa; na, sisya, yu nĩwambena kũathimwa kwakwa. Na akũlya, Ndũnandialĩlya nyie ũathimo? #Mwa 25.26,33. 37Na Isaka asũngĩa na amwĩa Esau, Sisya, namũtw’a mwĩaĩi waku, na ana‐a‐ĩthe onthe nĩnamũnenga methĩwe athũkũmi; na namwĩkalya na lĩu wa mbaa ngetha na mbinyu mbĩthĩ: naku yu, mwana wakwa, nĩkwĩke ata? #Mwa 27.28,29. 38Na Esau akũlya ĩthe, Wĩ na ũathimo o ũmwe tũ, we nau? Ngathima nyie, o nakwa, ame nau. Na Esau ookĩlya wasya, aĩa. #Aevl 12.17. 39Na Isaka ĩthe wake asũngĩa amwĩa,
Sisya, kũla kũnou kwa nthĩ kũkeethĩwa wĩkalo waku,
Na sya ĩmwe ya ĩtunĩ kuma ĩũlũ; #Mwa 36.6,7.
40Na kwondũ wa ũvyũ waku ũkeethĩwa thayũ, naku ũkamũthũkũma mwana‐a‐mwenyu;
Na kũkeethĩwa, yĩla ũkavonoka,
Ũkathingithya ĩsoki yake yume ngingonĩ yaku. #Mwa 25.23; 2 Asu 8.20,22.
Isaka akĩtũma Yakovo Aalani
41Na ĩndĩ Esau amũmena Yakovo kwondũ wa ũathimo ũla ĩthe wamũathimie: na Esau asya ngoonĩ yake, Mĩthenya ya kũmũĩĩa nau yĩ vakuvĩ; nĩvo ngoaa mwana‐a‐ia Yakovo. 42Na Leveka atavw’a ndeto sya Esau mwana wake mũkũũ; nake atũmana amwĩta Yakovo mwana wake mũnini, na amwĩa, Sisya, Esau, mwana‐a‐mwenyu, nũkwĩkiakisya ũndũ waku, akĩtw’ĩĩa kũkũaa. 43Na yu ĩndĩ, mwana wakwa, Ĩw’a wasya wakwa; ũkĩla, ũkĩĩe Aalani kwa mwana‐a‐ia Lavani; 44ũkekale kwake matukũ mavũthũ, mũvaka ũthatu mwai wa mwana‐a‐mwenyu ũlike; 45mũvaka ũthatu wa mwana‐a‐mwenyu wume kwaku, nake oolwa nĩ ũla wamwĩkie: nĩvo ngatũmana, nĩkũete kuma kũu; nũndũ wa kĩ nĩkwĩĩw’e nĩ inyw’ĩ elĩ mũthenya ũmwe?
46Na Leveka amwĩa Isaka, Nĩngũnow’a thayũ wakwa nũndũ wa eĩtu ma Ethi: ethĩwa Yakovo akatwaa mũka wa eĩtu ma Ethi, ta asu, ma eĩtu ma nthĩ ĩno, thayũ wakwa ũkambaĩla kyaũ? #Mwa 26.34,35.
Currently Selected:
MWAMBĨLĨLYO 27: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MWAMBĨLĨLYO 27
27
Yakovo akĩathimwa nĩ Isaka
1Na kweethĩwa, yĩla Isaka waĩ mũkũu, na metho make me mbindu, atona, amwĩta Esau mwana wake mũkũũ, na amwĩa, Mwana wakwa: na asũngĩa, Nĩ vaa. #Mwa 48.10; 1 Sam 3.2. 2Na amwĩa, sisya yu, nĩ mũkũu, o na ndyĩsĩ mũthenya wa kũkw’a kwakwa. 3Na yu ĩndĩ, nĩngũkwĩsũva, osa mĩio yaku, thyaka waku na ũta waku, ũende weũnĩ ũnzyĩmĩe; #Mwa 25.27,28. 4naku ũnzeũvĩsye lĩu mũseo, tondũ nendete ũndetee, nĩye; nĩ kana ngoo yakwa ĩkũathime ndanakw’a. #Mwa 27.9,10; 48.9,15; 49.28.
5Na Leveka eew’a Isaka akĩneena na Esau mwana wake. Na Esau athi weũnĩ kũsyĩma nyama sya nzyĩma, na kwiete. 6Na Leveka aneena na Yakovo mwana wake, akĩmwĩa, Sisya, nĩneew’a au aineena na Esau mwana‐a‐mwenyu, akĩmwĩa, 7Ndetee nyama sya nzyĩma, ũnzeũvĩsye lĩu mũseo, nĩye, na ngĩkũathimĩa mbee wa Yeova, ndanakw’a. 8Yu ĩndĩ, mwana wakwa, ĩw’a wasya wakwa o ũndũ ngũkwĩaĩa. 9Enda yu ndĩthyanĩ ya mbũi na malondu, na ndatĩlya vo tũtena twĩlĩ tũseo twa mbũi: nakwa nĩngũtũseũvya lĩu mũseo nũndũ wa au, o tondũ wendete: 10naku ũkamũtwaĩa au, aye, nĩ kana akũathime atanakw’a. #Mwa 27.4. 11Na Yakovo amwĩa Leveka inyia wake, Sisya, Esau mwana‐a‐ia nĩ mũndũ wĩ na maw’ĩa, nakwa nĩ mũndũ mũtendeu. #Mwa 25.25. 12Nokwĩthĩwa nau ambavata, na ngeethĩwa kwake ta mũkengani; na ĩndĩ ngĩyĩetee kĩumo, na ti ũathimo. #Mwa 27.22; Kũt 27.18. 13Na inyia wake amwĩa, Kĩumo kyaku nĩkĩthĩwe ĩũlũ wakwa, mwana wakwa; ĩndĩ ĩw’a wasya wakwa, na enda ũndatĩlye tw’o. #Mwa 27.8; 1 Sam 25.24; 2 Sam 14.9. 14Na athi, na alatya, na atũetee inyia wake: na inyia wake aseũvya lĩu mũseo, o tondũ ĩthe wake wendete. 15Na Leveka oosa ngũa nzeo sya Esau mwana wake mũkũũ, ila syaĩ kwake nyũmbanĩ, na eekĩa Yakovo mwana wake mũnini: #Mwa 27.27. 16na mbũa sya tũtena twa mbũi asyĩkĩa mokonĩ make, na ũtendeunĩ wa ngingo yake: 17na amũnenga mwana wake Yakovo kw’okonĩ kwake lĩu mũseo na kĩmũtũ kĩla ũseũvisye.
18Na ooka kwa ĩthe, na amwĩa, Nau; nake asũngĩa, Nĩ vaa; nue ũũ, mwana wakwa? 19Na Yakovo amwĩa ĩthe, Ninyie Esau ĩkithathi yaku; nĩneeka o tondũ ũmbĩie; nĩngũkwĩsũva ũkĩla, wĩkale nthĩ ũye nyama syakwa sya nzyĩma, nĩ kana ngoo yaku ĩngathime. 20Na Isaka amũkũlya mwana wake, Wasyona na mĩtũkĩ ĩana ũu ata, mwana wakwa? Na asũngĩa, Nĩkwĩthĩwa Yeova Ngai waku nĩwambaĩlĩlya. 21Na Isaka amwĩa Yakovo, Nĩngũkwĩsũva, mwana wakwa, thengeea, nĩkũvavate, kana nue mwana wakwa Esau, kana tiwe. #Mwa 27.12. 22Na Yakovo amũthengeea Isaka ĩthe wake; nake amũvavata, na asya, Wasya nĩ wasya wa Yakovo, ĩndĩ moko nĩ moko ma Esau. 23Na ndaamũmanya, nĩkwĩthĩwa moko make maĩ na maw’ĩa, ta moko ma Esau mwana‐a‐inyia: na ĩndĩ amũathima. #Mwa 27.16; Aevl 11.20. 24Na akũlya, Nue ki mwana wakwa Esau? Nake asũngĩa, Ninyie. 25Na amwĩa, Ndetee vakuvĩ, nakwa nĩngũya nyama sya nzyĩma sya mwana wakwa, nĩ kana ngoo yakwa ĩkũathime. Na amũetee vakuvĩ, nake aya: na amũetee mbinyu na anyw’a. #Mwa 27.10. 26Na Isaka ĩthe wake amwĩa, Mwana wakwa, thengeea yu, ũmumunye. 27Nake athengeea, amũmumunya: na anyungĩa mũuke wa ngũa syake, na amũathima, na asya,
Sisya, mũuke wa mwana wakwa
Nĩ ta mũuke wa kĩsesi kĩathimĩtwe nĩ Yeova: #Mwa 27.15; Osea 14.6; Aevl 6.7.
28Na Ngai akũnenge sya ĩmwe ya ĩtunĩ,
Na sya ũnou wa nthĩ,
Na wingĩ wa lĩu wa mbaa ngetha na mbinyu mbĩthĩ: #Kũt 33.13,28; 2 Sam 1.21; Yoe 2.19; Nzek 8.12.
29Ngo sya andũ ikũthũkũme, Na mbaĩ ikũkunamĩe: Ĩthĩwa mwĩaĩi ĩũlũ wa ana‐a‐au, Na ana‐a‐mwenyu nĩmakũkunamĩae: Naumanĩwe o ũla ũkũumanĩaa, Na naathimwe o ũla ũkũathimaa. #Mwa 12.3; 49.8; 2 Sam 8.14.
30Na kweethĩwa, kavinda kala Isaka waminie kũmũathima Yakovo, na Yakovo eethĩwa akyuma mbee wa Isaka ĩthe wake, Esau mwana‐a‐inyia ooka aumĩte nzyĩmanĩ yake. 31Nake aseũvya lĩu mũseo, amũtwaĩa ĩthe; na amwĩa ĩthe, Nau okĩle, aye nyama sya nzyĩma sya mwana wake, nĩ kana ngoo yaku ĩngathime. 32Na Isaka ĩthe wake amũkũiya, Nue ũũ? Nake asũngĩa, Ninyie mwana waku, ĩkithathi yaku, Esau. 33Na Isaka atetema mũno mũnene, na akũlya, Nũũ ĩndĩ ũsu wosie nyama sya nzyĩma, na andetee, nakwa nĩnaya syonthe mbee wa ũtanoka, na namũathima? Ĩĩ, nake akaathimwa. #Mot 23.20. 34Esau eew’a ndeto sya ĩthe, aĩa kĩĩo kĩnene mũno kĩ woo, na amwĩa ĩthe, Ngathima, nyie nakwa, ame nau. #Aevl 12.17. 35Na amwĩa, Mwana‐a‐mwenyu nĩwũkie na ũĩ wa ũkengani, na akũvena ũathimo waku. 36Nake asya, Ndetawa w’o syĩtwa yake Yakovo? Nũndũ nũngũanĩsye mavinda asu elĩ: nĩwosie ũkithathi wakwa; na, sisya, yu nĩwambena kũathimwa kwakwa. Na akũlya, Ndũnandialĩlya nyie ũathimo? #Mwa 25.26,33. 37Na Isaka asũngĩa na amwĩa Esau, Sisya, namũtw’a mwĩaĩi waku, na ana‐a‐ĩthe onthe nĩnamũnenga methĩwe athũkũmi; na namwĩkalya na lĩu wa mbaa ngetha na mbinyu mbĩthĩ: naku yu, mwana wakwa, nĩkwĩke ata? #Mwa 27.28,29. 38Na Esau akũlya ĩthe, Wĩ na ũathimo o ũmwe tũ, we nau? Ngathima nyie, o nakwa, ame nau. Na Esau ookĩlya wasya, aĩa. #Aevl 12.17. 39Na Isaka ĩthe wake asũngĩa amwĩa,
Sisya, kũla kũnou kwa nthĩ kũkeethĩwa wĩkalo waku,
Na sya ĩmwe ya ĩtunĩ kuma ĩũlũ; #Mwa 36.6,7.
40Na kwondũ wa ũvyũ waku ũkeethĩwa thayũ, naku ũkamũthũkũma mwana‐a‐mwenyu;
Na kũkeethĩwa, yĩla ũkavonoka,
Ũkathingithya ĩsoki yake yume ngingonĩ yaku. #Mwa 25.23; 2 Asu 8.20,22.
Isaka akĩtũma Yakovo Aalani
41Na ĩndĩ Esau amũmena Yakovo kwondũ wa ũathimo ũla ĩthe wamũathimie: na Esau asya ngoonĩ yake, Mĩthenya ya kũmũĩĩa nau yĩ vakuvĩ; nĩvo ngoaa mwana‐a‐ia Yakovo. 42Na Leveka atavw’a ndeto sya Esau mwana wake mũkũũ; nake atũmana amwĩta Yakovo mwana wake mũnini, na amwĩa, Sisya, Esau, mwana‐a‐mwenyu, nũkwĩkiakisya ũndũ waku, akĩtw’ĩĩa kũkũaa. 43Na yu ĩndĩ, mwana wakwa, Ĩw’a wasya wakwa; ũkĩla, ũkĩĩe Aalani kwa mwana‐a‐ia Lavani; 44ũkekale kwake matukũ mavũthũ, mũvaka ũthatu mwai wa mwana‐a‐mwenyu ũlike; 45mũvaka ũthatu wa mwana‐a‐mwenyu wume kwaku, nake oolwa nĩ ũla wamwĩkie: nĩvo ngatũmana, nĩkũete kuma kũu; nũndũ wa kĩ nĩkwĩĩw’e nĩ inyw’ĩ elĩ mũthenya ũmwe?
46Na Leveka amwĩa Isaka, Nĩngũnow’a thayũ wakwa nũndũ wa eĩtu ma Ethi: ethĩwa Yakovo akatwaa mũka wa eĩtu ma Ethi, ta asu, ma eĩtu ma nthĩ ĩno, thayũ wakwa ũkambaĩla kyaũ? #Mwa 26.34,35.
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956