MWAMBĨLĨLYO 36
36
Mosyaanĩo ma Esau
(1 MAVINDA 1.34–36)
1Aa nĩmo mosyaanĩo ma Esau (nĩwe Etomu). #Mwa 25.30. 2Esau atwaa aka make eĩtunĩ ma Kanaani: Ata mwĩĩtu wa Eloni Mũititi, na Oolivama mwĩĩtu wa Anaa, mwĩĩtu wa Nziveoni Mũivi, #Mwa 26.34. 3na Mbasemathi mwĩĩtu wa Isumaeli, mwĩĩtu‐a‐inyia wa Nevaiothi. #Mwa 28.9. 4Na Ata amũsyaĩa Esau Elivasi; na Mbasemathi asyaa Leueli; #1 Mav 1.35. 5na Oolivama asyaa Yeusu, na Yalamu, na Kola: aa nĩo ana ma Esau, ala wasyaĩwe nthĩ ya Kanaani. 6Na Esau oosa aka make, na ana make, na eĩtu make, na andũ onthe ma nyũmba yake, na indo syake, na nyamũ syake syonthe, na ũthwii wake w’onthe, ũla weyũmbanĩsye nthĩ ya Kanaani; na aenda nthĩ yĩ kũasa na mwana‐a‐inyia Yakovo. 7Nũndũ ũthwii woo waingĩvie mũno ũndũ matatonya kũtũan’ya; na nthĩ ya kwĩkala kwoo ũeninĩ ndĩaatonya kũmeanĩa nũndũ wa indo syoo. #Mwa 13.6; 17.8. 8Na Esau atũaa kĩĩmanĩ kya Seili: Esau nĩwe Etomu. #Mwa 32.3.
9Na aa nĩmo mosyaanĩo ma Esau ĩthe wa Aetomu ma kĩima kya Seili: 10aa nĩmo masyĩtwa ma ana ma Esau: Elivasi mwana wa Ata mũka wa Esau, na Leueli mwana wa Mbasemathi mũka wa Esau. #Mwa 36.4. 11Na ana ma Elivasi maĩ Temani, na Omali, na Nzevo, na Ngatamu, na Kenasĩ. #1 Mav 1.36,37. 12Na Timina aĩ mũka ngombo wa Elivasi mwana wa Esau; nake amũsyaĩa Elivasi Amaleki: asu nĩo ana ma Ata, mũka wa Esau. #Mot 24.20; Kũt 25.17–19; 1 Sam 15.2,3. 13Na aa nĩo ana ma Leueli: Naathi, na Nzela, na Samama, na Misa: asu nĩo maĩ ana ma Mbasemathi, mũka wa Esau. 14Na aa maĩ ana ma Oolivama mwĩĩtu wa Anaa, mwĩĩtu wa Nziveoni, mũka wa Esau: na amũsyaĩa Esau Yeusu, na Yalamu, na Kola.
15Aa nĩo anene ananĩ ma Esau: ana ma Elivasi ĩkithathi ya Esau: mũnene Temani, na mũnene Omali, na mũnene Nzevo, na mũnene Kenasi, 16na mũnene Kola, na mũnene Ngatamu, na mũnene Amaleki: asu nĩo anene ala maĩ ma Elivasi, nthĩ ya Etomu; asu nĩo ana ma Ata. 17Na aa nĩo ana ma Leueli, mwana wa Esau: mũnene Naathi, na mũnene Nzela, na mũnene Samama, na mũnene Misa: asu nĩo anene ala maĩ ma Leueli nthĩ ya Etomu; asu nĩ ana ma Mbasemathi, mũka wa Esau. 18Na aa nĩo ana ma Oolivama, mũka wa Esau: mũnene Yeusu, na mũnene Yalamu, na mũnene Kola: asu nĩo anene ala maĩ ma Oolivama mwĩĩtu wa Anaa, mũka wa Esau. 19Asu nĩo ana ma Esau, na nĩo anene moo: ũsu nĩwe Etomu.
Mosyaanĩo ma Seili
(1 MAVINDA 1.38–42)
20Aa nĩo ana ma Seili Mũoli, ala matwĩe nthĩ ĩsu: Lotani na Sovali na Nziveoni na Anaa, #1 Mav 1.38–42. #Mwa 14.6; Kũt 2.12,22. 21na Ndisoni na Eseli na Ndisani: asu nĩo anene ala ma Aoli, ana ma Seili nthĩ ya Etomu. 22Na ana ma Lotani maĩ Oli na Emani; na mwĩĩtu‐a‐inyia wa Lotani aĩ Timina. 23Na aa nĩo ana ma Sovali: Alivani na Manaathi na Evali, na Sevo na Onamu. 24Na aa nĩo ma Nziveoni: Aia na Anaa; nĩwe Anaa ũla wonie mbuluti sya manzĩ mavyũ weũnĩ, yĩla waĩthasya mang’oi ma Nziveoni ĩthe wake. 25Na aa nĩo ana ma Anaa: Ndisoni na Oolivama mwĩĩtu wa Anaa. 26Na aa nĩo ana ma Ndisoni: Emitani na Esivani na Ithilani na Kelani. 27Aa nĩo ana ma Eseli: Mbĩliani na Nzaavani na Akani. 28Aa nĩo ana ma Ndisani: Usi na Alani. 29Aa nĩo anene ma Aoli: mũnene Lotani, na mũnene Sovali, na mũnene Nziveoni, na mũnene Anaa, 30na mũnene Ndisoni, na mũnene Eseli, na mũnene Ndisani: asu nĩo anene ma Aoli, kũatĩĩa anene moo nthĩ ya Seili.
Asumbĩ ma Etomu
(1 MAVINDA 1.43–54)
31Na aa nĩo asumbĩ ala masumbĩkie nthĩ ya Etomu, mbee wa kũtanasumbĩka mũsumbĩ o na wĩva ĩũlũ wa ana ma Isilaeli. #1 Mav 1.43–50. 32Na Mbela mwana wa Mbeoli asumbĩka Etomu; na syĩtwa ya ndũa yake yeetawa Ndiniava. 33Na Mbela akw’a, na Yovavu mwana wa Nzela wa ku Mbosila asũmbĩka vandũ vake. 34Na Yovavu akw’a, na Usamu wa nthĩ ya Atemani asumbĩka vandũ vake. 35Na Usamu akw’a, na Aatati mwana wa Mbetati, ũla wakũnĩe Mitiani ũiĩnĩ wa Moavi, asumbĩka vandũ vake: na syĩtwa ya ndũa yake yeetwa Avithi. 36Na Aatati akw’a, na Samala wa Maseleka asumbĩka vandũ vake. #1 Mav 1.51–54. 37Na Samala akw’a, na Sauli wa ku Leovothi vakuvĩ na ũla Ũsĩ asumbĩka vandũ vake. 38Na Sauli akw’a, na Mbaali‐aanani mwana wa Akivoli asumbĩka vandũ vake. 39Na Mbaali‐aanani mwana wa Akivoli akw’a, na Aatali asumbĩka vandũ vake: na syĩtwa ya ndũa yake yeetawa Vau, na syĩtwa ya mũka eetawa Meetaveli, mwĩĩtu wa Matileti, mwĩĩtu wa Menzaavu.
40Na aa nĩo masyĩtwa ma anene ala maĩ ma Esau, kũatĩĩa mĩvĩa yoo, kwĩanana na kũndũ kwoo, na masyĩtwa moo: mũnene Timina, na mũnene Aliva, na mũnene Yethethi, #1 Mav 1.51–54. 41na mũnene Oolivama, na mũnene Ela, na mũnene Vinoni, 42na mũnene Kenasi, na mũnene Temani, na mũnene Mivisalu, 43na mũnene Makitieli, na mũnene Ilami: asu nĩo anene ma Etomu, kwĩanana na mawĩkalo moo nthĩ ya ng’ũndũ yoo. Ũsũ nĩwe Esau, ĩthe wa Aetomu.
Currently Selected:
MWAMBĨLĨLYO 36: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
