MWAMBĨLĨLYO 38
38
Yuta na Tamali
1Na kweethĩwa ĩvinda yĩu, Yuta atheea kuma kwa ana‐a‐ĩthe, aathũkĩla kwa Mũatulamu ũmwe, ũla syĩtwa yake wetawa Iila. #Mwa 19.3; 2 Asu 4.8. 2Na Yuta oona mwĩĩtu kũu wa Mũkanaani ũmwe ũla syĩtwa yake wetawa Suua; nake amũtwaa, na alika kwake. #Mwa 46.12; 1 Mav 2.3. 3Nake aya ĩvu, na asyaa mwana; na amwĩta syĩtwa yake Eeli. 4Na aya ĩvu ĩngĩ, na asyaa mwana; na amwĩta syĩtwa yake Onani. 5Na ongela ũsyaa mwana ũngĩ, na amwĩta syĩtwa yake Siela: na akĩmũsyaa, Yuta aĩ Kesivu. 6Na Yuta atwaĩa Eeli ĩkithathi yake mũka, na syĩtwa yake eetawa Tamali. 7Nake Eeli, ĩkithathi ya Yuta, aĩ mwathe methonĩ ma Yeova; na Yeova amũaa. 8Na Yuta amwĩa Onani, Lika kwa mũka wa mwana‐a‐mwenyu, ũmwĩke ũndũ waĩle kwĩkawa kwa mwana‐a‐inyia wa mũũme, na ũkimũũngamĩsya mwana‐a‐mwenyu ũsyao. #Kũt 25.5,6; Mko 12.19. 9Na Onani amanya kana ũsyao ndũkethĩwa wake; na kweethĩwa, alika kwa mũka wa mwana‐a‐inyia, eta nthĩ, ndakanenge mwana‐a‐inyia ũsyao. 10Na ũndũ ũla wekie waĩ ũthũku methonĩ ma Yeova: na amũaa o nake. #Mot 26.19. 11Na ĩndĩ Yuta amwĩa Tamali mũka‐a‐mwana, Ĩkala wĩ ndiwa nyũmbanĩ ya au, kũvika yĩla Siela mwana wakwa ũkeana; nũndũ aisye, Nake ndakese ũkw’a, ta ana‐a‐inyia. Na Tamali athi ekala nyũmbanĩ kwa ĩthe wake. #Ali 22.13; Lu 1.13.
12Na matukũ amwe mathela mwĩĩtu wa Suua, mũka wa Yuta, akw’a; na Yuta akiakiw’a, na ambata kũvika Timina kwa atili ma w’ĩa wa malondu make, we na mũnyanyae Iila ũla Mũatulamu. #Mwa 24.67; 2 Sam 13.39. 13Na Tamali atavw’a, kũineenwa, Sisya, ĩthe wa mũemeu nũkwambata Timina kũtila malondu make w’ĩa. 14Nake aumya ngũa sya ũtiwa wake, na eevw’ĩka suka wake mũvũthũ, na eekunĩkĩlya, na ekala mbingĩlonĩ ya Enaimu, ĩla yĩ nzĩanĩ ya Timina; nũndũ oonie kana Siela aĩ aneana, nake ndaanenganwe kwake ethĩwe mũka. #Mwa 38.11,26. 15Yila Yuta wamwonie, atalĩlya kana nĩ ĩlwaya; nũndũ eevw’ĩkĩte ũthyũ. 16Na aathũkĩla vala ũĩ kuma nzĩanĩ, na amwĩa, Nĩngũkwĩsũva, ũka, nĩlike kwaku: nũndũ ndaamanya kana nĩ mũka‐a‐mwana. Na akũlya, ũkanenga kyaũ, nĩ kana ũtonye ũlika kwakwa? #Esek 16.33. 17Nake asũngĩa, Ngakũetee katena ka mbũi kuma ĩĩthyanĩ. Na akũlya, Ũkanenga ngwatĩlĩlyo mũvaka wĩete? 18Nake akũlya, Nĩkũnenge ngwatĩlĩlyo myaũ? Na asũngĩa, Ngome yaku ya ũvana ũsiĩlo, na ũlii waku, na ndata yaku yĩ kw’okonĩ kwaku. Na amũnenga, na alika kwake, nake aya ĩvu nũndũ wake. 19Na ookĩla, athi, na aumya suka wake mũvũthũ, na eekĩa ngũa sya ũtiwa wake. #Mwa 38.14. 20Na Yuta atwaa katena ka mbũi na kw’oko kwa mũnyanyae Mũatulamu, nĩ kana ose ngwatĩlĩlyo kw’okonĩ kwa ũla mũndũ mũka: ĩndĩ ndaamwĩthĩa. 21Nĩvo ĩndĩ wamakũlilye andũ ma vandũ vake, akyasya, Yĩĩva ĩlwaya, yĩla yaĩ Enaimu ũtee wa nzĩa? Nao masũngĩa, Vaa vatyaaĩthĩwa ĩlwaya. 22Na asyoka kwa Yuta, na amwĩa, Ndineeyona; na andũ ma vandũ vau nao masya, Vaa vatyaaĩthĩwa ĩlwaya. 23Na Yuta asya, Nĩeyosee, tũikese ũsonokw’a. Sisya, nĩtwaĩte katena kaa, o na ndũneeyona.
24Na kweethĩwa myei ĩtatu yathela, Yuta atavw’a, kũineenwa, Tamali mũkawa‐mwana waku nĩwekie ũmalwaya; na mũndũ ũngi, sisya, e na ĩvu kwondũ wa ũmalwaya. Na Yuta asya, Mumaalyei, avĩvw’e. #Ali 21.9; Asi 19.2. 25Aumaalw’a, atũmana kwa ĩthe wa mũũme, akyasya, Kwa mũndũ mwene ii, nyie nĩ ĩvu: na asya, Nĩngũkwĩsũva, manya, ii nĩ syaũ, ngome ya ũvana ũsiĩlo, na ndii, na ndata. #Mwa 38.18. 26Na Yuta asyĩtĩkĩla, na asya, Nĩwe mũlũngalu kwĩ nyie, nĩkwĩthĩwa ndyaamũnenga Siela mwana wakwa. Nake ndaamũmanya ĩngĩ nongi. #Mwa 38.14; 1 Sam 24.17. 27Na kweethĩwa ĩvinda ya kwaũnya kwake, sisya, mavatha maĩ ĩvunĩ yake. 28Na kweethĩwa, akĩsyaa, kamwe kaumĩlya kw’oko: na mwĩsikya oosa ũlii mũtune na ooveea kw’oko kwako, akyasya, Kaa nĩko kauma mbee. 29Na kweethĩwa, kakĩtũnga kw’oko kwako, sisya, mwana‐a‐inyia auma: na asya, Nĩkĩ weevũthũĩa? Kwondũ wa ũu syĩtwa yako keetwa Velesi. #1 Mav 2.4. 30Na ĩtina mwana‐a‐inyia auma, ũsu waĩ na ũlii mũtune kw’okonĩ: na syĩtwa yako keetwa Nzela.
Currently Selected:
MWAMBĨLĨLYO 38: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
