MWAMBĨLĨLYO 43
43
Ana‐a‐ĩthe ma Yosevu makĩsyoka Misili vamwe na Mbenyamini
1Na yũa yaĩ ĩnene nthĩ. #Mwa 41.57. 2Na kweethĩwa, yĩla maminie ũya lĩu ũla maumisye Misili, ĩthe woo amea, Syokai, mũkatũthooee lĩu mũnini. 3Na Yuta aneena nake, akĩmwĩa, Ũla mũndũ nĩwatũkũsĩĩe mũno, akĩtwĩa, Mũikona ũthyũ wakwa, mwana‐a‐ĩthe wenyu ate vamwe nenyu. #Mwa 42.20. 4Ethĩwa ũkamũtũma mwana‐a‐asa naitũ, tũkatheea kũkũthooea lĩu: 5ĩndĩ ethĩwa ndũũmũtũma, tũikatheea; nũndũ ũla mũndũ nĩwatwĩie, Mũikona ũthyũ wakwa, mwana‐a‐ĩthe wenyu ate vamwe nenyu. 6Na Isilaeli akũlya, Nĩkĩ mwambĩka ũthũku ta ũu, kũtavya mũndũ ũsu kana mwĩ na mwana‐a‐au ũngĩ? 7Nao masũngĩa, Mũndũ ũsu atũkũlilye mũno ũvoo witũ, na ũvoo wa ũko witũ, akyasya, Au e o thayũ? Mwĩ na mwana‐a‐ĩthe ũngĩ? Naitũ twamũtavisye ũvoo kwĩanana na ndeto isu: twaĩ tũtonya kũmanya o na vanini kana akasya, Theeai na mwana‐a‐au? 8Na Yuta amwĩa Isilaeli ĩthe wake, Tũma kĩmwana vamwe nakwa, naitũ tũkookĩla tũende; nĩ kana twĩkale thayũ, tũikakw’e, ithyĩ, o naku, na syana sitũ nini nasyo. #Mwa 42.2. 9Ngeethĩwa nĩ mũĩkĩĩwa kwondũ wake; kw’okonĩ kwakwa ũkamũkũlya: ethĩwa ndimũete kwaku, na kũmwia mbee waku, nĩvo nĩĩthĩwa nĩkũvĩtanĩsye tene na tene: #Mwa 42.37. 10nũndũ keka twĩkalangĩte, nĩ w’o twĩthĩwa yu tũsyokete ĩvinda ya kelĩ. 11Na ĩthe woo Isilaeli amea, Ethĩwa nĩ ũu yu, ĩkai ũũ: osai mosyao ma nthĩ maseo mbee mĩionĩ yenyu, mũmũkuĩe ũla mũndũ mũthĩnzĩo, seli mũnini, na ũkĩ wa nzũkĩ mũnini, na mĩtĩ ĩnyungaa nesa na manemane, na mbĩndĩ sya mbatani, na malosi: #Mwa 32.20; 37.25. 12na mũitwaa mbesa kũndũ kwĩlĩ kw’okonĩ kwenyu; na mbesa ila syatũngĩiwe makanyw’anĩ ma makunia menyu mũkue ĩngĩ kw’okonĩ kwenyu; nokwĩthĩwa waĩ ĩvĩtyo: #Mwa 42.25,35. 13na ĩngĩ mwosei mwana‐a‐au nake, na ũkĩlai, mũsyokee ũla mũndũ: 14na Ngai Mwene Vinya W’onthe namwĩw’ĩe tei kwa ũla mũndũ, nĩ kana amũthaĩsye mwana‐a‐ĩthe wenyu ũla ũngĩ na Mbenyamini. Na ethĩwa ngakw’ĩĩwa nĩ syana syakwa, nĩnakw’ĩĩwa. #Mwa 42.36; Nee 1.11. 15Na ala andũ moosa mũthĩnzĩo ũsu, na moosa mbesa kũndũ kwĩlĩ kw’okonĩ kwoo, na Mbenyamini; na mookĩla, na matheea Misili, na maũngama mbee wa Yosevu.
16Na Yosevu amwona Mbenyamini e vamwe nao, amwĩa mũsyaĩĩsya wa nyũmba yake, Ete andũ asu nyũmbanĩ, noithĩnza, na kũseũvya; nũndũ andũ asu nĩmeũya vamwe nakwa syũa yaũngama. #Mwa 24.2; 39.4. 17Na ũla mũndũ eeka o ũndũ Yosevu wamwĩaĩe; na mũndũ ũsu aete ala andũ nyũmbanĩ ya Yosevu. 18Na andũ asu meew’a w’ĩa, nũndũ maetiwe nyũmbanĩ ya Yosevu; na masya, Nũndũ wa mbesa ila syatũngĩiwe makunianĩ maitũ ĩvinda ya mbee nĩtwaetwe nthĩnĩ; nĩ kana amanthe ũndũ wa ũtwilĩĩla, na kũtũvalũkĩla, atũthũkũmĩthye ithyĩ, na mang’oi maitũ. 19Na mamũthengeea mũsyaĩĩsya wa nyũmba ya Yosevu, na maneena nake me mũomonĩ wa nyũmba, 20na mamwĩa, Atĩ, mwĩaĩi wakwa, nĩ w’o nĩtwatheeie ĩvinda ya mbee kũthooa lĩu: #Mwa 42.3,10. 21na kweethĩwa, twavika vandũ vala twaee, twathasya makunia maitũ, na, sisya, mbesa sya kĩla mũndũ syaĩ kanyw’anĩ wa ĩkunia yake, mbesa sitũ ũito wasyo wĩanĩe: naitũ nĩtwaitũnga na moko maitũ. #Mwa 42.27,35. 22Na mbesa ingĩ twaete na moko maitũ tũthooe lĩu: tũyĩsĩ nũũ wekĩie mbesa sitũ makunianĩ maitũ. 23Na amasũngĩa, Mũuo wĩthĩwe kwenyu, mũikakĩe: Ngai wenyu, na Ngai wa ĩthe wenyu, nĩwamũnengie ũthwii makunianĩ menyu: nyie naĩ na mbesa syenyu. Na amaumĩlĩlya Simeoni. 24Na ũla mũndũ aete andũ asu nyũmbanĩ ya Yosevu, na amanenga manzĩ, na mathambya maũũ moo; na anenga mang’oi moo lĩu. #Mwa 18.4; 24.32. 25Na ũla mũthĩnzĩo maia wũmbanĩtw’e Yosevu akyũka syũa yaũngama: nũndũ nĩmeewie kana nĩmeũya lĩu kw’o.
26Na Yosevu enũka, mamũetee mũthĩnzĩo nyũmbanĩ ũla waĩ mokonĩ moo, na mamwĩkunamĩsya nthĩ. #Mwa 42.6. 27Na amakũlya ũvoo woo, na asya, Ĩthe wenyu no mũvoo, ũla mũtumĩa mwaneenie ũndũ wake? E thayũ o na yu? #Mwa 42.11,13. 28Na mamũsũngĩa, Mũthũkũmi waku asa waitũ no mũvoo, e thayũ o na yu. Na makunamya mĩtwe yoo, na meekunamya kũvika nthĩ. #Mwa 37.7,9; Nth 14.19. 29Nake ookĩlya metho make, na oona mwana‐a‐inyia Mbenyamini, ũla wasyaanĩw’e nake, na akũlya, Yĩĩ nĩ ĩlumaita yenyu, yĩla mwaneenie nakwa ũndũ wayo? Na ayĩa, Ngai nakwĩke nesa, mwana wakwa. #Mwa 35.17,18; 42.13. 30Na Yosevu eekalaata; nũndũ ngoo yake yaĩ na mea ma mwana‐a‐inyia: na amantha vandũ va kũĩĩa; na alika kasũmbanĩ kake, aĩĩa vo. #Mwa 42.24; 2 Sam 18.33; 1 Asu 3.26; Yel 31.20. 31Na athamba ũthyũ, na aumaala; na eeyũmĩĩsya, na asya. Iai lĩu mesanĩ. 32Na maia kwondũ wake weka, na kwondũ woo me oka, na kwondũ wa Amisili, ala maĩsaa vamwe nake, me oka: nĩkwĩthĩwa Amisili matitonya kũya lĩu vamwe na Aevelania; nũndũ ũu nĩ ũthatyo kwa Amisili. #Mwa 46.34; Kuma 8.26. 33Na mekala mbee wake, ĩkithathi kwĩanana na ũkithathi wayo, na ĩlumaita kwĩanana na ũlumaita wayo: na ala andũ maseng’a ene kwa ene. 34Na matwaĩwa lĩu kuma mbee wake: ĩndĩ lĩu wa Mbenyamini waĩ mwingĩ kũndũ kũtano kwĩ lĩu w’onthe wa ũmwe. Na manyw’a, na matana vamwe nake. #Mwa 45.22.
Currently Selected:
MWAMBĨLĨLYO 43: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MWAMBĨLĨLYO 43
43
Ana‐a‐ĩthe ma Yosevu makĩsyoka Misili vamwe na Mbenyamini
1Na yũa yaĩ ĩnene nthĩ. #Mwa 41.57. 2Na kweethĩwa, yĩla maminie ũya lĩu ũla maumisye Misili, ĩthe woo amea, Syokai, mũkatũthooee lĩu mũnini. 3Na Yuta aneena nake, akĩmwĩa, Ũla mũndũ nĩwatũkũsĩĩe mũno, akĩtwĩa, Mũikona ũthyũ wakwa, mwana‐a‐ĩthe wenyu ate vamwe nenyu. #Mwa 42.20. 4Ethĩwa ũkamũtũma mwana‐a‐asa naitũ, tũkatheea kũkũthooea lĩu: 5ĩndĩ ethĩwa ndũũmũtũma, tũikatheea; nũndũ ũla mũndũ nĩwatwĩie, Mũikona ũthyũ wakwa, mwana‐a‐ĩthe wenyu ate vamwe nenyu. 6Na Isilaeli akũlya, Nĩkĩ mwambĩka ũthũku ta ũu, kũtavya mũndũ ũsu kana mwĩ na mwana‐a‐au ũngĩ? 7Nao masũngĩa, Mũndũ ũsu atũkũlilye mũno ũvoo witũ, na ũvoo wa ũko witũ, akyasya, Au e o thayũ? Mwĩ na mwana‐a‐ĩthe ũngĩ? Naitũ twamũtavisye ũvoo kwĩanana na ndeto isu: twaĩ tũtonya kũmanya o na vanini kana akasya, Theeai na mwana‐a‐au? 8Na Yuta amwĩa Isilaeli ĩthe wake, Tũma kĩmwana vamwe nakwa, naitũ tũkookĩla tũende; nĩ kana twĩkale thayũ, tũikakw’e, ithyĩ, o naku, na syana sitũ nini nasyo. #Mwa 42.2. 9Ngeethĩwa nĩ mũĩkĩĩwa kwondũ wake; kw’okonĩ kwakwa ũkamũkũlya: ethĩwa ndimũete kwaku, na kũmwia mbee waku, nĩvo nĩĩthĩwa nĩkũvĩtanĩsye tene na tene: #Mwa 42.37. 10nũndũ keka twĩkalangĩte, nĩ w’o twĩthĩwa yu tũsyokete ĩvinda ya kelĩ. 11Na ĩthe woo Isilaeli amea, Ethĩwa nĩ ũu yu, ĩkai ũũ: osai mosyao ma nthĩ maseo mbee mĩionĩ yenyu, mũmũkuĩe ũla mũndũ mũthĩnzĩo, seli mũnini, na ũkĩ wa nzũkĩ mũnini, na mĩtĩ ĩnyungaa nesa na manemane, na mbĩndĩ sya mbatani, na malosi: #Mwa 32.20; 37.25. 12na mũitwaa mbesa kũndũ kwĩlĩ kw’okonĩ kwenyu; na mbesa ila syatũngĩiwe makanyw’anĩ ma makunia menyu mũkue ĩngĩ kw’okonĩ kwenyu; nokwĩthĩwa waĩ ĩvĩtyo: #Mwa 42.25,35. 13na ĩngĩ mwosei mwana‐a‐au nake, na ũkĩlai, mũsyokee ũla mũndũ: 14na Ngai Mwene Vinya W’onthe namwĩw’ĩe tei kwa ũla mũndũ, nĩ kana amũthaĩsye mwana‐a‐ĩthe wenyu ũla ũngĩ na Mbenyamini. Na ethĩwa ngakw’ĩĩwa nĩ syana syakwa, nĩnakw’ĩĩwa. #Mwa 42.36; Nee 1.11. 15Na ala andũ moosa mũthĩnzĩo ũsu, na moosa mbesa kũndũ kwĩlĩ kw’okonĩ kwoo, na Mbenyamini; na mookĩla, na matheea Misili, na maũngama mbee wa Yosevu.
16Na Yosevu amwona Mbenyamini e vamwe nao, amwĩa mũsyaĩĩsya wa nyũmba yake, Ete andũ asu nyũmbanĩ, noithĩnza, na kũseũvya; nũndũ andũ asu nĩmeũya vamwe nakwa syũa yaũngama. #Mwa 24.2; 39.4. 17Na ũla mũndũ eeka o ũndũ Yosevu wamwĩaĩe; na mũndũ ũsu aete ala andũ nyũmbanĩ ya Yosevu. 18Na andũ asu meew’a w’ĩa, nũndũ maetiwe nyũmbanĩ ya Yosevu; na masya, Nũndũ wa mbesa ila syatũngĩiwe makunianĩ maitũ ĩvinda ya mbee nĩtwaetwe nthĩnĩ; nĩ kana amanthe ũndũ wa ũtwilĩĩla, na kũtũvalũkĩla, atũthũkũmĩthye ithyĩ, na mang’oi maitũ. 19Na mamũthengeea mũsyaĩĩsya wa nyũmba ya Yosevu, na maneena nake me mũomonĩ wa nyũmba, 20na mamwĩa, Atĩ, mwĩaĩi wakwa, nĩ w’o nĩtwatheeie ĩvinda ya mbee kũthooa lĩu: #Mwa 42.3,10. 21na kweethĩwa, twavika vandũ vala twaee, twathasya makunia maitũ, na, sisya, mbesa sya kĩla mũndũ syaĩ kanyw’anĩ wa ĩkunia yake, mbesa sitũ ũito wasyo wĩanĩe: naitũ nĩtwaitũnga na moko maitũ. #Mwa 42.27,35. 22Na mbesa ingĩ twaete na moko maitũ tũthooe lĩu: tũyĩsĩ nũũ wekĩie mbesa sitũ makunianĩ maitũ. 23Na amasũngĩa, Mũuo wĩthĩwe kwenyu, mũikakĩe: Ngai wenyu, na Ngai wa ĩthe wenyu, nĩwamũnengie ũthwii makunianĩ menyu: nyie naĩ na mbesa syenyu. Na amaumĩlĩlya Simeoni. 24Na ũla mũndũ aete andũ asu nyũmbanĩ ya Yosevu, na amanenga manzĩ, na mathambya maũũ moo; na anenga mang’oi moo lĩu. #Mwa 18.4; 24.32. 25Na ũla mũthĩnzĩo maia wũmbanĩtw’e Yosevu akyũka syũa yaũngama: nũndũ nĩmeewie kana nĩmeũya lĩu kw’o.
26Na Yosevu enũka, mamũetee mũthĩnzĩo nyũmbanĩ ũla waĩ mokonĩ moo, na mamwĩkunamĩsya nthĩ. #Mwa 42.6. 27Na amakũlya ũvoo woo, na asya, Ĩthe wenyu no mũvoo, ũla mũtumĩa mwaneenie ũndũ wake? E thayũ o na yu? #Mwa 42.11,13. 28Na mamũsũngĩa, Mũthũkũmi waku asa waitũ no mũvoo, e thayũ o na yu. Na makunamya mĩtwe yoo, na meekunamya kũvika nthĩ. #Mwa 37.7,9; Nth 14.19. 29Nake ookĩlya metho make, na oona mwana‐a‐inyia Mbenyamini, ũla wasyaanĩw’e nake, na akũlya, Yĩĩ nĩ ĩlumaita yenyu, yĩla mwaneenie nakwa ũndũ wayo? Na ayĩa, Ngai nakwĩke nesa, mwana wakwa. #Mwa 35.17,18; 42.13. 30Na Yosevu eekalaata; nũndũ ngoo yake yaĩ na mea ma mwana‐a‐inyia: na amantha vandũ va kũĩĩa; na alika kasũmbanĩ kake, aĩĩa vo. #Mwa 42.24; 2 Sam 18.33; 1 Asu 3.26; Yel 31.20. 31Na athamba ũthyũ, na aumaala; na eeyũmĩĩsya, na asya. Iai lĩu mesanĩ. 32Na maia kwondũ wake weka, na kwondũ woo me oka, na kwondũ wa Amisili, ala maĩsaa vamwe nake, me oka: nĩkwĩthĩwa Amisili matitonya kũya lĩu vamwe na Aevelania; nũndũ ũu nĩ ũthatyo kwa Amisili. #Mwa 46.34; Kuma 8.26. 33Na mekala mbee wake, ĩkithathi kwĩanana na ũkithathi wayo, na ĩlumaita kwĩanana na ũlumaita wayo: na ala andũ maseng’a ene kwa ene. 34Na matwaĩwa lĩu kuma mbee wake: ĩndĩ lĩu wa Mbenyamini waĩ mwingĩ kũndũ kũtano kwĩ lĩu w’onthe wa ũmwe. Na manyw’a, na matana vamwe nake. #Mwa 45.22.
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956