MWAMBĨLĨLYO 9
9
Ũtianĩo wa Ngai na Noa
1Na Ngai aathima Noa na ana make, na amea, Ongelekai, mwingĩve, na mũyusũsya nthĩ. #Mwa 8.17. 2Na kũkĩwa kwenyu na kwĩw’ĩwa w’ĩa kwenyũ kũkeethĩwa ĩũlũ wa kĩla nyamũ ya nthĩ, na ĩũlũ wa kĩla nyũnyi ya yayaya; nasyo syonthe ila syusũĩte nthĩ, na makũyũ onthe ma ũkanganĩ, ninenganĩtwe mokonĩ menyu. #Mwa 1.26. 3Kĩla kĩndũ kĩendaa kĩ thayũ kĩkeethĩwa lĩu kwenyu; o ta nyũnyi nziũ nĩnĩmũnengete syonthe. #Mwa 1.29; Kũt 12.15; 1 Tim 4.3,4. 4Ĩndĩ nyama ĩ na thayũ wayo, nĩw’o nthakame yayo, mũtikaye. #Ali 3.17; 7.26; 17.10,11; Kũt 12.16,23; 1 Sam 14.34; Meko 15.20,29. 5Na vate ndĩi nthakame yenyu, nthakame ya mathayũ menyu, ngaandũa; kw’okonĩ kwa kĩla nyamũ ngaandũa: na kw’okonĩ kwa mũndũ, o kw’okonĩ kwa mwana‐a‐inyia wa kĩla mũndũ, ngaandũa thayũ wa mũndũ. #Kuma 21.28; Mot 35.30,31. 6Ũla ũketa nthakame ya mũndũ, nthakame yake ĩketwa nĩ mũndũ: nũndũ mũvw’anonĩ wa Ngaĩ nĩwombie mũndũ. #Mwa 1.27; Kuma 21.12,14; Ali 24.17; Mot 35.33; Mt 26.52; Ũvu 13.10. 7Nenyu, ongelekai, mwingĩve; syaanai mũno kũũ nthĩ, na mũyingĩva ĩũlũ wayo.
8Na Ngai aneena na Noa, na ana make vamwe nake, akĩmea, 9Nakwa, sisya, nĩngũlũlũmĩlya ũtianĩo wakwa nenyu, na ũsyao wenyu ĩtina wenyu; #Mwa 6.18. 10o na kĩla kyũmbe kĩ thayũ kĩ vamwe nenyu, na nyũnyi, na indo, na kĩla nyamũ ya nthĩ vamwe nenyu; syonthe ila syumĩte ngalawanĩ, o kĩla nyamũ ya nthĩ. 11Na ngalũlũmĩlya ũtianĩo wakwa nenyu; o na mĩĩ yonthe ndĩkanangwa ĩngĩ nĩ manzĩ ma kĩla kĩw’ũ kingĩ; o na kũikethĩwa kĩw’ũ kingĩ ĩngĩ, kya kwananga nthĩ. #Isa 54.9. 12Na Ngai asya, Ũũ nĩw’o ũvano wa ũtianĩo ũla ngũtianĩa katĩ wakwa nenyu na kĩla kĩndũ kĩ thayũ kĩ vamwe nenyu, nzyawa na nzyawa: 13nyie nĩngwia ũtaathi wakwa ĩthweonĩ, naw’o ũkeethĩwa ũvano wa ũtianĩo katĩ wakwa na nthĩ. #Esek 1.28; Ũvu 4.3. 14Na kũkeethĩwa, yĩla ngaete ĩthweo ĩũlũ wa nthĩ, ũtaathĩ ũkoonekaa ĩthweonĩ, 15nakwa ngalilikana ũtianĩo wakwa, ũla wĩ katĩ wakwa nenyu na kĩla kyũmbe kĩ thayũ kya mĩĩ yonthe; na manzĩ maikethĩwa kĩla kĩw’ũ kingĩ ĩngĩ kya kwananga mĩĩ yonthe. #Ali 26.42,45; 1 Asu 8.23; Isa 54.9. 16Na ũtaathi ũkeethĩwa ĩthweonĩ; nakwa ngoosisya, nĩ kana nĩlilikanae ũtianĩo wa tene na tene ũla wĩ katĩ wa Ngai na kĩla kyũmbe kĩ thayũ kya mĩĩ yonthe kĩ ĩũlũ wa nthĩ. #Mwa 17.7,19; 2 Sam 23.5. 17Na Ngai amwĩa Noa, Ũsu nĩ ũvano wa ũtianĩo ũla nalũlũmĩlya katĩ wakwa na mĩĩ yonthe ĩla yĩ ĩũlũ wa nthĩ.
Noa na ana make
18Na ana ma Noa, ala maumie ngalawanĩ, nĩ Semu na Amu na Yavethi: na Amu nĩ ĩthe wa Kanaani. #Mwa 6.10. 19Asu atatũ nĩo ana ma Noa: na nũndũ wa asu nthĩ yonthe yausũa. #Mwa 10.1–32.
20Na Noa ambĩlĩlya kwĩthĩwa mũĩmi, na avanda mũũnda mĩsavivũ: 21na anyw’a mbinyu, akwatwa nĩyo: na eethĩwa evuĩte e ĩeemanĩ yake. 22Na Amu, ĩthe wa Kanaani, oona ĩthe wake e mũthei, na atavya ana‐a‐inyia make elĩ me nza. 23Na Semu na Yavethi moosa ngũa, mailĩĩla ituonĩ syoo me elĩ, na mathi na kyamũtete, mavw’ĩka ĩthe woo e mũthei; na mothyũ moo melekele ĩtina, na matyaona ĩthe woo e mũthei. 24Na Noa aamũka kuma mbinyunĩ yake, na amanya ũndũ wĩkiwe nĩ mwana wake ũla mũnini. #Ava 2.15. 25Nake asya,
Naumanĩwe Kanaani;
Mũthũkũmi wa athũkũmi akeethĩwa kwa ana‐a‐inyia make. #Kũt 27.16; Yos 9.23; Asi 1.28; 1 Asu 9.20,21.
26Na asya,
Nataĩwe Yeova, Ngai wa Semu;
Na Kanaani nĩethĩwe mũthũkũmi wake,
27Ngai anenevye Yavethi,
Nake nĩekale maeemanĩ ma Semu;
Na Kanaani nĩethĩwe mũthũkũmi wake.
28Na Noa ekala ĩtina wa kĩla kĩw’ũ kingĩ myaka maana atatũ na mĩongo ĩtano. 29Na matukũ onthe ma Noa maĩ myaka maana kenda na mĩongo ĩtano: na akw’a.
Currently Selected:
MWAMBĨLĨLYO 9: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MWAMBĨLĨLYO 9
9
Ũtianĩo wa Ngai na Noa
1Na Ngai aathima Noa na ana make, na amea, Ongelekai, mwingĩve, na mũyusũsya nthĩ. #Mwa 8.17. 2Na kũkĩwa kwenyu na kwĩw’ĩwa w’ĩa kwenyũ kũkeethĩwa ĩũlũ wa kĩla nyamũ ya nthĩ, na ĩũlũ wa kĩla nyũnyi ya yayaya; nasyo syonthe ila syusũĩte nthĩ, na makũyũ onthe ma ũkanganĩ, ninenganĩtwe mokonĩ menyu. #Mwa 1.26. 3Kĩla kĩndũ kĩendaa kĩ thayũ kĩkeethĩwa lĩu kwenyu; o ta nyũnyi nziũ nĩnĩmũnengete syonthe. #Mwa 1.29; Kũt 12.15; 1 Tim 4.3,4. 4Ĩndĩ nyama ĩ na thayũ wayo, nĩw’o nthakame yayo, mũtikaye. #Ali 3.17; 7.26; 17.10,11; Kũt 12.16,23; 1 Sam 14.34; Meko 15.20,29. 5Na vate ndĩi nthakame yenyu, nthakame ya mathayũ menyu, ngaandũa; kw’okonĩ kwa kĩla nyamũ ngaandũa: na kw’okonĩ kwa mũndũ, o kw’okonĩ kwa mwana‐a‐inyia wa kĩla mũndũ, ngaandũa thayũ wa mũndũ. #Kuma 21.28; Mot 35.30,31. 6Ũla ũketa nthakame ya mũndũ, nthakame yake ĩketwa nĩ mũndũ: nũndũ mũvw’anonĩ wa Ngaĩ nĩwombie mũndũ. #Mwa 1.27; Kuma 21.12,14; Ali 24.17; Mot 35.33; Mt 26.52; Ũvu 13.10. 7Nenyu, ongelekai, mwingĩve; syaanai mũno kũũ nthĩ, na mũyingĩva ĩũlũ wayo.
8Na Ngai aneena na Noa, na ana make vamwe nake, akĩmea, 9Nakwa, sisya, nĩngũlũlũmĩlya ũtianĩo wakwa nenyu, na ũsyao wenyu ĩtina wenyu; #Mwa 6.18. 10o na kĩla kyũmbe kĩ thayũ kĩ vamwe nenyu, na nyũnyi, na indo, na kĩla nyamũ ya nthĩ vamwe nenyu; syonthe ila syumĩte ngalawanĩ, o kĩla nyamũ ya nthĩ. 11Na ngalũlũmĩlya ũtianĩo wakwa nenyu; o na mĩĩ yonthe ndĩkanangwa ĩngĩ nĩ manzĩ ma kĩla kĩw’ũ kingĩ; o na kũikethĩwa kĩw’ũ kingĩ ĩngĩ, kya kwananga nthĩ. #Isa 54.9. 12Na Ngai asya, Ũũ nĩw’o ũvano wa ũtianĩo ũla ngũtianĩa katĩ wakwa nenyu na kĩla kĩndũ kĩ thayũ kĩ vamwe nenyu, nzyawa na nzyawa: 13nyie nĩngwia ũtaathi wakwa ĩthweonĩ, naw’o ũkeethĩwa ũvano wa ũtianĩo katĩ wakwa na nthĩ. #Esek 1.28; Ũvu 4.3. 14Na kũkeethĩwa, yĩla ngaete ĩthweo ĩũlũ wa nthĩ, ũtaathĩ ũkoonekaa ĩthweonĩ, 15nakwa ngalilikana ũtianĩo wakwa, ũla wĩ katĩ wakwa nenyu na kĩla kyũmbe kĩ thayũ kya mĩĩ yonthe; na manzĩ maikethĩwa kĩla kĩw’ũ kingĩ ĩngĩ kya kwananga mĩĩ yonthe. #Ali 26.42,45; 1 Asu 8.23; Isa 54.9. 16Na ũtaathi ũkeethĩwa ĩthweonĩ; nakwa ngoosisya, nĩ kana nĩlilikanae ũtianĩo wa tene na tene ũla wĩ katĩ wa Ngai na kĩla kyũmbe kĩ thayũ kya mĩĩ yonthe kĩ ĩũlũ wa nthĩ. #Mwa 17.7,19; 2 Sam 23.5. 17Na Ngai amwĩa Noa, Ũsu nĩ ũvano wa ũtianĩo ũla nalũlũmĩlya katĩ wakwa na mĩĩ yonthe ĩla yĩ ĩũlũ wa nthĩ.
Noa na ana make
18Na ana ma Noa, ala maumie ngalawanĩ, nĩ Semu na Amu na Yavethi: na Amu nĩ ĩthe wa Kanaani. #Mwa 6.10. 19Asu atatũ nĩo ana ma Noa: na nũndũ wa asu nthĩ yonthe yausũa. #Mwa 10.1–32.
20Na Noa ambĩlĩlya kwĩthĩwa mũĩmi, na avanda mũũnda mĩsavivũ: 21na anyw’a mbinyu, akwatwa nĩyo: na eethĩwa evuĩte e ĩeemanĩ yake. 22Na Amu, ĩthe wa Kanaani, oona ĩthe wake e mũthei, na atavya ana‐a‐inyia make elĩ me nza. 23Na Semu na Yavethi moosa ngũa, mailĩĩla ituonĩ syoo me elĩ, na mathi na kyamũtete, mavw’ĩka ĩthe woo e mũthei; na mothyũ moo melekele ĩtina, na matyaona ĩthe woo e mũthei. 24Na Noa aamũka kuma mbinyunĩ yake, na amanya ũndũ wĩkiwe nĩ mwana wake ũla mũnini. #Ava 2.15. 25Nake asya,
Naumanĩwe Kanaani;
Mũthũkũmi wa athũkũmi akeethĩwa kwa ana‐a‐inyia make. #Kũt 27.16; Yos 9.23; Asi 1.28; 1 Asu 9.20,21.
26Na asya,
Nataĩwe Yeova, Ngai wa Semu;
Na Kanaani nĩethĩwe mũthũkũmi wake,
27Ngai anenevye Yavethi,
Nake nĩekale maeemanĩ ma Semu;
Na Kanaani nĩethĩwe mũthũkũmi wake.
28Na Noa ekala ĩtina wa kĩla kĩw’ũ kingĩ myaka maana atatũ na mĩongo ĩtano. 29Na matukũ onthe ma Noa maĩ myaka maana kenda na mĩongo ĩtano: na akw’a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956