MATHAYO 22
22
Ngelekan’yo ya mboka ya mũtwaano
(Luka 14.16–24)
1Na Yesũ asũngĩa na aneena nao ĩngĩ na ngelekan’yo, akyasya, 2#Yoa 3.29.Ũsumbĩ wa ĩtu ũilyĩ ta mũsumbĩ ũmwe, ũla wamũvokee mwana wake mboka ya mũtwaano, 3na atũma ngombo syake kũmeta ala metĩtwe mbokanĩ ya mũtwaano moke: nao malea kũka. 4#Mt 21.36.Atũma ĩngĩ ngombo ingĩ, akyasya, Matavyei ala metĩtwe, Sisyai, nĩnzeũvisye mboka yakwa: ndewa syakwa na indo syakwa nou nĩsyũaiwe, na syĩndũ syonthe nĩsyũmbanĩtw’e: ũkai mbokanĩ ya mũtwaano. 5Ĩndĩ malea kwona ta ũndũ, na meeendea, ũmwe mũũndanĩ wake, ũngĩ ũtandĩthyonĩ wake; 6na ala matialile makwata ngombo syake, masyĩka naĩ, na masyũaa. 7#Mt 24.2.Ĩndĩ ũla mũsumbĩ athata; atũma ita syake, na aananga oaani asu, na avĩvya ndũa yoo. 8Na ĩndĩ aitavya ngombo syake, Mboka ya mũtwaano nĩ nzeũvye, ĩndĩ ala meĩtĩtwe mainaĩla. 9#Mt 13.47; 21.43.Endai ĩndĩ mataanĩsyonĩ ma malelũ, na onthe ala mũkwona, metei moke mũtwaanonĩ. 10Na ngombo isu syaumaala syathi malelũnĩ, na syoomban’ya onthe ala syoonie, ala athũku o na ala aseo: na mũtwaano wausũa aeni. 11Ĩndĩ ũla mũsumbĩ avota nthĩnĩ kũsisya aeni, oonie mũndũ vo ũtekĩĩte ngũa ya mũtwaano: 12na amũkũlya, Mũnyanyawa, ũlikile vaa ata, naku ndwĩ na ngũa ya mũtwaano? Nake avindya ki. 13#Mt 8.12.Nĩvo ĩndĩ mũsumbĩ wameie athũkũmi, Mwovei moko na maũũ, mũmwĩkye kĩvindunĩ nza; vo vakethĩwa kĩĩo na kũvevetan’ya maeo. 14Nĩkwĩthĩwa nĩ aingĩ ala metawa, ĩndĩ ala anyuve nĩ avũthũ.
Ũkũlyo ũndũ wa kumĩsya Kaisali koti
(MALIKO 12.13–17; Luka 20.20–26)
15 #
Yoa 8.6. Nĩvo ĩndĩ Avalisi maendie masũanĩa ũndũ matonya kũmũtea ndetonĩ syake. 16#Mko 3.6; Yoa 3.2.Na matũma amanyĩw’a moo kwake, vamwe na ala ma Elote, makyasya, Mũmanyĩsya, nĩtwĩsĩ kana wĩ wa w’o, na nzĩa ya Ngai nũmanyĩasya w’o, na ndũkĩaa mũndũ o na wĩva: nũndũ ndũsiasya ũthyũ wa mũndũ. 17Tũtavye ĩndĩ, Wĩona ata? Nĩkwosana na ĩla mĩao kũnenga Kaisali koti, kana ti w’o? 18Ĩndĩ Yesũ amanya ũthũku woo, na asya, Nĩkĩ mũũndata, inyw’ĩ angangan’ya? 19Mbon’yai mbesa ya koti. Na mamũetee silingi. 20Na amea, Mũvw’ano ũũ na ũandĩko ũũ nĩ waũ? 21#Alo 13.7.Mamwĩa, Nĩ wa Kaisali. Na ĩndĩ amea, Mũnengei Kaisali syĩndũ sya Kaisali; na Ngai syĩndũ sya Ngai. 22#Yoa 8.9.Na meew’a ũu, maseng’a, na mamũeka, mathi.
Ũkũlyo ũndũ wa ũthayũũkyo
(MALIKO 12.18–27; Luka 20.27–40)
23 #
Meko 23.6,8. Mũthenya ũsu Asatukai mooka vala ũĩ, ala maasya kana kũi ũthayũũkyo; na mamũkũlya, 24#Mwa 38.8; Kũt 25.5,6.makyasya, Mũmanyĩsya, Mose nĩwaisye, Mũndũ akw’a ate na syana, mwana‐a‐inyia wake namwose mũka wake, amũũngamĩsye mwana‐a‐inyia mbeũ. 25Yu ĩndĩ kwitũ kwaĩ aũme mũonza ma inyia ũmwe: na ũla wa mbee atwaa mũka na akw’a, na nĩkwĩthĩwa ndaĩ na mbeũ amũtiĩa mwana‐a‐inyia mũka wake; 26no ta ũu ũla wa kelĩ nake, na wa katatũ, kũvika onthe me mũonza. 27Na ĩtina wa onthe ũla mũndũ mũka akw’a. 28Ũthayũũkyonĩ ĩndĩ akethĩwa e mũka wa wiva wa asu mũonza? Nũndũ onthe maĩ nake. 29Ĩndĩ Yesũ asũngĩa na amea, Nĩmũkũvĩtya, nĩkwĩthĩwa mũtyĩsĩ maandĩko, o na vinya wa Ngai. 30Nũndũ ũthayũũkyonĩ maitwaanaa, o na maitwaawa, ĩndĩ mailyĩ ta alaĩka ala me ĩtunĩ. 31Ĩndĩ ũndũ wa ũthayũũkyo wa akw’ũ, mũtyaasoma ũndũ mwataviwe. Nĩ Ngai, akyasya, 32#Mt 8.11; Kuma 3.6.Nyie nĩ Ngai wa Avalaamu, na Ngai wa Isaka, na Ngai wa Yakovo? Ngai ti Ngai wa ala akw’ũ, ĩndĩ nĩ wa ala me thayũ. 33Na makomano meew’a ũu, maseng’w’a nĩ ũmanyĩsyo wake.
Ũkũlyo ũndũ wa mwĩao ũla mũnene mbee
(MALIKO 12.28–34; Luka 10.25–28)
34Ĩndĩ Avalisi meew’a kana nĩwakilĩthya Asatukai, meeyũmban’ya vamwe. 35Na ũmwe woo, mũmanyĩsya wa mĩao, amũkũlya aimũtata: 36Mũmanyĩsya, mĩaonĩ, mwĩao ũla mũnene nĩ wĩva? 37#Kũt 6.5.Na amwĩa Mwende Mwĩaĩi Ngai waku na ngoo yaku yonthe, na thayũ waku w’onthe, na kĩlĩko kyaku kyonthe. 38Ũu nĩw’o mwĩao ũla mũnene na wa mbee. 39#Ali 19.18.Na wa kelĩ ũvw’anene naw’o, nĩw’o ũũ, Mwende mũtũi waku o tondũ wĩyendete. 40#Mt 7.12; Alo 13.10; Aka 5.14.Mĩao ĩsu ĩlĩ nĩyũmbanĩtye ĩla mĩao yonthe na athani.
Ũkũlyo ũndũ wa Masia
(MALIKO 12.35–37; Luka 20.41–44)
41Na Avalisi mombene, Yesũ amakũlya, 42#Yoa 7.42.asya, Mwĩona ata inyw’ĩ ũndũ wa Klĩsto? Nĩ mwana waũ? Mamwĩa, Nĩ wa Ndaviti. 43Amea, Kũilyĩ ata ĩndĩ, Ndaviti e Vevanĩ kũmwĩta Mwĩaĩi, akyasya,
44Mwĩaĩi amwĩie Mwĩaĩi wakwa,
Ĩkala nthĩ ngalĩ ya kw’oko kwakwa kwa aũme,
#
Mt 26.64; Sav 110.1. Mũvaka nie amaitha maku ungu wa nyaĩĩ syaku?
45Ethĩwa ĩndĩ Ndaviti emwĩta Mwĩaĩi, nĩ mwana wake ata? 46Na vai ũmwe waatonya kũmũsũngĩa ndeto, o na kuma mũthenya ũsu vai mũndũ waatata kũmũkũlya ũndũ ĩngĩ.
Currently Selected:
MATHAYO 22: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MATHAYO 22
22
Ngelekan’yo ya mboka ya mũtwaano
(Luka 14.16–24)
1Na Yesũ asũngĩa na aneena nao ĩngĩ na ngelekan’yo, akyasya, 2#Yoa 3.29.Ũsumbĩ wa ĩtu ũilyĩ ta mũsumbĩ ũmwe, ũla wamũvokee mwana wake mboka ya mũtwaano, 3na atũma ngombo syake kũmeta ala metĩtwe mbokanĩ ya mũtwaano moke: nao malea kũka. 4#Mt 21.36.Atũma ĩngĩ ngombo ingĩ, akyasya, Matavyei ala metĩtwe, Sisyai, nĩnzeũvisye mboka yakwa: ndewa syakwa na indo syakwa nou nĩsyũaiwe, na syĩndũ syonthe nĩsyũmbanĩtw’e: ũkai mbokanĩ ya mũtwaano. 5Ĩndĩ malea kwona ta ũndũ, na meeendea, ũmwe mũũndanĩ wake, ũngĩ ũtandĩthyonĩ wake; 6na ala matialile makwata ngombo syake, masyĩka naĩ, na masyũaa. 7#Mt 24.2.Ĩndĩ ũla mũsumbĩ athata; atũma ita syake, na aananga oaani asu, na avĩvya ndũa yoo. 8Na ĩndĩ aitavya ngombo syake, Mboka ya mũtwaano nĩ nzeũvye, ĩndĩ ala meĩtĩtwe mainaĩla. 9#Mt 13.47; 21.43.Endai ĩndĩ mataanĩsyonĩ ma malelũ, na onthe ala mũkwona, metei moke mũtwaanonĩ. 10Na ngombo isu syaumaala syathi malelũnĩ, na syoomban’ya onthe ala syoonie, ala athũku o na ala aseo: na mũtwaano wausũa aeni. 11Ĩndĩ ũla mũsumbĩ avota nthĩnĩ kũsisya aeni, oonie mũndũ vo ũtekĩĩte ngũa ya mũtwaano: 12na amũkũlya, Mũnyanyawa, ũlikile vaa ata, naku ndwĩ na ngũa ya mũtwaano? Nake avindya ki. 13#Mt 8.12.Nĩvo ĩndĩ mũsumbĩ wameie athũkũmi, Mwovei moko na maũũ, mũmwĩkye kĩvindunĩ nza; vo vakethĩwa kĩĩo na kũvevetan’ya maeo. 14Nĩkwĩthĩwa nĩ aingĩ ala metawa, ĩndĩ ala anyuve nĩ avũthũ.
Ũkũlyo ũndũ wa kumĩsya Kaisali koti
(MALIKO 12.13–17; Luka 20.20–26)
15 #
Yoa 8.6. Nĩvo ĩndĩ Avalisi maendie masũanĩa ũndũ matonya kũmũtea ndetonĩ syake. 16#Mko 3.6; Yoa 3.2.Na matũma amanyĩw’a moo kwake, vamwe na ala ma Elote, makyasya, Mũmanyĩsya, nĩtwĩsĩ kana wĩ wa w’o, na nzĩa ya Ngai nũmanyĩasya w’o, na ndũkĩaa mũndũ o na wĩva: nũndũ ndũsiasya ũthyũ wa mũndũ. 17Tũtavye ĩndĩ, Wĩona ata? Nĩkwosana na ĩla mĩao kũnenga Kaisali koti, kana ti w’o? 18Ĩndĩ Yesũ amanya ũthũku woo, na asya, Nĩkĩ mũũndata, inyw’ĩ angangan’ya? 19Mbon’yai mbesa ya koti. Na mamũetee silingi. 20Na amea, Mũvw’ano ũũ na ũandĩko ũũ nĩ waũ? 21#Alo 13.7.Mamwĩa, Nĩ wa Kaisali. Na ĩndĩ amea, Mũnengei Kaisali syĩndũ sya Kaisali; na Ngai syĩndũ sya Ngai. 22#Yoa 8.9.Na meew’a ũu, maseng’a, na mamũeka, mathi.
Ũkũlyo ũndũ wa ũthayũũkyo
(MALIKO 12.18–27; Luka 20.27–40)
23 #
Meko 23.6,8. Mũthenya ũsu Asatukai mooka vala ũĩ, ala maasya kana kũi ũthayũũkyo; na mamũkũlya, 24#Mwa 38.8; Kũt 25.5,6.makyasya, Mũmanyĩsya, Mose nĩwaisye, Mũndũ akw’a ate na syana, mwana‐a‐inyia wake namwose mũka wake, amũũngamĩsye mwana‐a‐inyia mbeũ. 25Yu ĩndĩ kwitũ kwaĩ aũme mũonza ma inyia ũmwe: na ũla wa mbee atwaa mũka na akw’a, na nĩkwĩthĩwa ndaĩ na mbeũ amũtiĩa mwana‐a‐inyia mũka wake; 26no ta ũu ũla wa kelĩ nake, na wa katatũ, kũvika onthe me mũonza. 27Na ĩtina wa onthe ũla mũndũ mũka akw’a. 28Ũthayũũkyonĩ ĩndĩ akethĩwa e mũka wa wiva wa asu mũonza? Nũndũ onthe maĩ nake. 29Ĩndĩ Yesũ asũngĩa na amea, Nĩmũkũvĩtya, nĩkwĩthĩwa mũtyĩsĩ maandĩko, o na vinya wa Ngai. 30Nũndũ ũthayũũkyonĩ maitwaanaa, o na maitwaawa, ĩndĩ mailyĩ ta alaĩka ala me ĩtunĩ. 31Ĩndĩ ũndũ wa ũthayũũkyo wa akw’ũ, mũtyaasoma ũndũ mwataviwe. Nĩ Ngai, akyasya, 32#Mt 8.11; Kuma 3.6.Nyie nĩ Ngai wa Avalaamu, na Ngai wa Isaka, na Ngai wa Yakovo? Ngai ti Ngai wa ala akw’ũ, ĩndĩ nĩ wa ala me thayũ. 33Na makomano meew’a ũu, maseng’w’a nĩ ũmanyĩsyo wake.
Ũkũlyo ũndũ wa mwĩao ũla mũnene mbee
(MALIKO 12.28–34; Luka 10.25–28)
34Ĩndĩ Avalisi meew’a kana nĩwakilĩthya Asatukai, meeyũmban’ya vamwe. 35Na ũmwe woo, mũmanyĩsya wa mĩao, amũkũlya aimũtata: 36Mũmanyĩsya, mĩaonĩ, mwĩao ũla mũnene nĩ wĩva? 37#Kũt 6.5.Na amwĩa Mwende Mwĩaĩi Ngai waku na ngoo yaku yonthe, na thayũ waku w’onthe, na kĩlĩko kyaku kyonthe. 38Ũu nĩw’o mwĩao ũla mũnene na wa mbee. 39#Ali 19.18.Na wa kelĩ ũvw’anene naw’o, nĩw’o ũũ, Mwende mũtũi waku o tondũ wĩyendete. 40#Mt 7.12; Alo 13.10; Aka 5.14.Mĩao ĩsu ĩlĩ nĩyũmbanĩtye ĩla mĩao yonthe na athani.
Ũkũlyo ũndũ wa Masia
(MALIKO 12.35–37; Luka 20.41–44)
41Na Avalisi mombene, Yesũ amakũlya, 42#Yoa 7.42.asya, Mwĩona ata inyw’ĩ ũndũ wa Klĩsto? Nĩ mwana waũ? Mamwĩa, Nĩ wa Ndaviti. 43Amea, Kũilyĩ ata ĩndĩ, Ndaviti e Vevanĩ kũmwĩta Mwĩaĩi, akyasya,
44Mwĩaĩi amwĩie Mwĩaĩi wakwa,
Ĩkala nthĩ ngalĩ ya kw’oko kwakwa kwa aũme,
#
Mt 26.64; Sav 110.1. Mũvaka nie amaitha maku ungu wa nyaĩĩ syaku?
45Ethĩwa ĩndĩ Ndaviti emwĩta Mwĩaĩi, nĩ mwana wake ata? 46Na vai ũmwe waatonya kũmũsũngĩa ndeto, o na kuma mũthenya ũsu vai mũndũ waatata kũmũkũlya ũndũ ĩngĩ.
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956