MATHAYO 27
27
Yesũ ainenganwe kwa ngavana Vilato
(MALIKO 15.1; Luka 23.1–2; YOANA 18.28–32)
1Na kwakya, athembi onthe anene na atumĩa ma andũ mamũsamĩa Yesũ, nĩ kana mamũae: 2#Lk 23.1; Yoa 18.31,32.na mamwova, mamũtwaa, na mamũnengane kwa ũla ngavana Vilato.
Kĩkw’ũ kya Yutasi
(MEKO MA ATŨMWA 1.18–19)
3 #
Mt 26.15. Na ĩndĩ Yutasi, ũla wamũvũnyanie, oona kana nĩwasilĩlwa, eelila, na amatũngĩa athembi anene na atumĩa ila ilungu mĩongo ĩtatũ sya vetha, 4akyasya, Nĩnĩvĩtĩtye nũndũ nĩnĩmũvũnyanie ũla nthakame yake ĩte ĩvĩtyo. Ĩndĩ mo masya, Ũu nĩ ũndũ witũ ata? Sisya eue. 5#Meko 1.18; 2 Sam 17.23.Nake ekya ila ilungu sya vetha nthĩnĩ wa vala vandũ vatheu, na aumaala; na athi eesũsya. 6#Mko 12.41.Na athembi anene moosa ilungu sya vetha na masya, Kũtyosana na ĩla mĩao kũsia vala vaiawa nthembo, nĩkwĩthĩwa nĩ thooa wa nthakame. 7Na masũanĩa na mathooa kĩsesi kya mũmbi nasyo, kĩthĩwe vandũ va kũthikaa aeni. 8#Meko 1.19.Kwondũ wa ũu kĩsesi kyu kyeetwa, Kĩsesi kya nthakame, kũvika ũmũnthĩ. 9#Nzek 11.12,13; Yel 32.6–9.Nĩvo weanĩw’e ũla waneeniwe nĩ Yelemia, akyasya, Na nĩmoosie ilungu mĩongo ĩtatũ sya vetha, thooa wa ũsu ũla watw’ĩĩwe thooa, ũla amwe ma ana ma Isilaeli mamũtw’ĩĩe thooa; 10na mainengane kwondũ wa kĩsesi kya mũmbi o ũndũ Mwĩaĩi wambĩaĩe.
Yesũ e mbee wa Vilato
(MALIKO 15.2–15; Luka 23.3–5,13–25; YOANA 18.33—19.16)
11 #
Mt 26.63; Isa 53.7. Na Yesũ aũngama mbee wa ngavana: na ngavana amũkũlya, akyasya, We nue Mũsumbĩ wa Ayuti? Na Yesũ amwĩa, We nĩwaneena. 12Na avinganĩw’a nĩ athembi anene na atumĩa, ndaasũngĩa ũndũ. 13Nĩvo ĩndĩ Vilato wamwĩie, Ndũkwĩw’a maũndũ ũndũ meana ala meũkũkũsĩĩa? 14#Yoa 19.9.Nake ndaamũsũngĩa ndeto o na ĩmwe: mũvaka ngavana aseng’a mũno. 15Na ĩndĩ ĩvinda ya mboka ngavana akothaa kũyĩthaĩsya ĩkomano mwovwa ũmwe, o ũla mekwenda. 16Na ĩvinda yĩu maĩ na mwovwa ũmwe wesĩkĩwe, wetawa Valava. 17Na ĩndĩno mombanĩte vamwe, Vilato amea, Mwĩenda nĩmũthaĩsye ũũ? Valava, kana Yesũ ũla wĩtawa Klĩsto? 18#Yoa 11.47,48; 12.19.Nũndũ nĩwesĩ kana mamũnenganie nũndũ wa kĩwĩu. 19Na akĩkalĩla kĩvĩla kya sila, kĩveti kyake kyamũtwaĩa ũtũmane, kĩkyasya, Ndũkethĩwe na ũndũ na mũndũ ũsu mũlũngalu; nũndũ ũmũnthĩ nĩthĩniw’e nĩ maũndũ maingĩ ndotonĩ nũndũ wake. 20Na ala athembi anene na atumĩa mamathinga’ĩĩsya makomano nĩ kana mamwĩtye Valava, na kũmũaa Yesũ. 21Ĩndĩ ngavana asũngĩa na amea, Andũ aa elĩ, mwĩenda nĩmũthaĩsye wĩva? Nao masya, Valava. 22Vilato amea, Nĩmwĩke ata ĩndĩ Yesũ ũla wĩtawa Klĩsto? Onthe masya, Nĩambwe. 23Nake asya, Nĩkĩ, nĩ ũthũku mwaũ wĩkĩte? Ĩndĩ maneena na mawasya manene mũno, makyasya, Nĩambwe. 24#Kũt 21.6. Na ĩndĩ Vilato oona kana ndatonya ũndũ, ĩndĩ kĩtuu nĩkĩkwingĩva, oosa manzĩ, na athambĩsya moko make mbee wa ĩkomano, akyasya, Nyie ndi na ĩvĩtyo nthakamenĩ ya mũndũ ũũ mũlũngalu; sisyai ũndũ ũsu e inyw’ĩ. 25#Meko 5.28.Na andũ onthe masũngĩa, masya, Nthakame yake yĩthĩwe ĩũlũ waitũ, na ĩũlũ wa syana sitũ. 26Nĩvo ĩndĩ wamathaĩsye Valava; ĩndĩ amũkũna Yesũ na kĩvoko kyatũange, na amũnengane ambwe.
Kwambwa kwa Yesũ
(MALIKO 15.16–32; Luka 23.26–43; YOANA 19.17–27)
27Nĩvo asikalĩ ma ngavana mamũtwaie Yesũ kĩsilĩlonĩ, na mamũmbanĩsya nguthu yonthe ya asikalĩ. 28Na mamumya ngũa mamwĩkĩa ngũa ndune mũno. 29Na mavĩlangan’ya ngovia ya mĩw’a na mamwĩkĩa mũtwe wake, na mamũkwatĩthya mũangi kw’okonĩ kwake kwa aũme; na matulya ndu mbee wake na mamũthekeea na kĩvũthya, makyasya, Nũvoo, Mũsumbĩ wa Ayuti! 30#Isa 50.6.Na mamũtw’ĩla mata, na moosa ũla mũangi na mamũkũna mũtwe. 31Na mamina ũmũthekeea, mamumya ĩla ngũa, na mamwĩkĩa ngũa syake, mamũtwaa kũmwamba ngelan’yonĩ.
32Na makyumaala, mamwĩthĩa mũndũ wa Kulene, wetawa Simoni: ũsu mamũkwata na vinya athi nao, nĩ kana amũkuĩe ngelan’yo yake.
33Na mavika vandũ vetawa Kolokotha, ũalyũlo wayo nĩ, Vandũ va kĩng’ala, 34#Sav 69.21.mamũnenga mbinyu ĩvulanĩtw’e na nyongo: nake amĩsama, ndaaĩtĩkĩla kũnyw’a. 35#Sav 22.18.Na mamwamba, maan’ya ngũa syake makĩlimana; nĩ kana kwĩanĩw’e ũla waneeniwe nĩ mwathani, Nĩmaanisye ngũa syakwa katĩ woo, na kwondũ wa kĩtonyeo kyakwa kĩasa nĩmalimanile. 36Na mekala nthĩ vo mamũsyaĩĩsye. 37Na meekĩa ũvingan’yo ĩũlũ wa mũtwe wake, ũandĩkĩtwe, ŨŨ NĨWE YESŨ MŨSUMBĨ WA AYUTI. 38#Isa 53.12.Nĩvo avutani elĩ mambiwe vamwe nake, ũmwe ngalĩ ya kw’oko kwake kwa aũme, na ũngĩ ngalĩ ya kw’oko kwake kwa aka. 39#Sav 22.7; 109.25.Na ala mavĩtaa nzĩanĩ mamũuma, makĩthingithya mĩtwe yoo, 40#Mt 26.61; Yoa 2.19.makyasya, We ũla wanangaa ĩkalũ, nokĩyaka na mĩthenya ĩtatũ, ĩtangĩĩe mwene: ethĩwa nue Mwana wa Ngai, theea wume ngelan’yonĩ. 41No ta ũu ala athembi anene makĩmũthekeea, vamwe na aandĩki na atumĩa, masya, 42Nĩwatangĩĩe angĩ; ndatonya kwĩtangĩĩa mwene. Nĩ mũsumbĩ wa Isilaeli; natheee yu aume ngelan’yonĩ, naitũ nĩtũũmwĩtĩkĩla. 43#Sav 22.8.Nũmũĩkĩĩaa Ngai; namũvonokye yu, ethĩwa nũmwendete: nũndũ aisye, Nyie nĩ Mwana wa Ngai. 44Na avutani nao ala mambĩtwe vamwe nake mamũneenea ndeto ta isu.
Kĩkw’ũ kya Yesũ
(MALIKO 15.33–41; Luka 23.44–49; YOANA 19.28–30)
45Na kuma syũa yaũngama kwatulya kĩvindu nthĩ yonthe kũvika saa kenda. 46#Sav 22.1.Na ta saa kenda Yesũ aneena na wasya mũnene, akyasya, Eli, Eli, lama, savakathani? Ũalyũlo wayo nĩ, Ngai wakwa, Ngai wakwa, ũndekee kĩ? 47Na amwe ma ala maũngeme vo, meew’a ũu, masya, Mũndũ ũũ emwĩta Eliya. 48#Sav 69.21.Na oyu ũmwe woo asemba, na oosa sivanzi, anyw’ĩthya siki yakola, na amĩkĩa mũanginĩ, na amũnenga avivite. 49Na ala angĩ masya, Ekai; tũsisye kana Eliya nũnũkũka kũmũtangĩĩa. 50Na Yesũ aneena ĩngĩ na wasya mũnene, na aumya veva wake. 51#Kuma 26.31; Aevl 10.19,20.Na sisya, ngũa ya tũtũ ya ĩkalũ yatembũka ilungu ilĩ kuma ĩũlũ kũvika nthĩ; na nthĩ yatetema; na mavia manene maatũka; 52#Nda 12.2.na mbũa syavingũka; na mĩĩ mingĩ ya atheu ala maĩ manakoma yathayũũkw’a; 53#Meko 26.23.na makyuma mbũanĩ ĩtina wa kũthayũũka kwake, malika ĩla ndũanĩ ntheu na mamaumĩlĩla aingĩ. 54Na ĩndĩ ũla mũnene wa asikalĩ ĩana, na ala maĩ nake makĩmũsyaĩĩsya Yesũ, moona kĩtetemo kya nthĩ, na maũndũ ala meekĩka, makĩa mũno, makyasya, Nĩ w’o ũũ eĩ Mwana wa Ngai. 55#Lk 8.2,3.Na aka aingĩ maĩ vo makĩsisya me kũasa, ala mamũatĩĩe Yesũ kuma Kalilii, makĩmũtethya: 56#Mt 20.20.na amwe moo maĩ Meli Makatalene, na Meli inyia wa Yakovo na Yose, na inyia wa ana ma Sevetii.
Kũthikwa kwa Yesũ
(MALIKO 15.42–47; Luka 23.50–56; YOANA 19.38–42)
57Na kwavika wĩoo, kwathi mũndũ mũthwii wa nthĩ ya Alimathia, wetawa Yosevu, nake mwene aĩ mũmanyĩw’a wa Yesũ: 58#Kuma 34.25.mũndũ ũsu athi kwa Vilato, amwĩtya mwĩĩ wa Yesũ. Na ĩndĩ Vilato eeaa anengwe. 59Na Yosevu oosa mwĩĩ, na oolingĩla ngũa ntheu ya katane, 60#Isa 53.9.na awia mbũanĩ yake nzaũ, ĩla wasĩte ĩvianĩ ĩnene: na avingilitya ĩvia ĩnene mũomonĩ wa mbũa, na athi. 61Na Meli Makatalene aĩ vo, na Meli ũla ũngĩ, mailyĩ nthĩ melekele ĩla mbũa.
62Na ũnĩ ũsu, naw’o nĩ mũthenya waatĩĩe ũla wa Ũseũvyo, athembi anene na Avalisi mamũmbanĩa Vilato, 63#Mt 27.40; 12.40.makyasya, Vwana, nĩtũlilikene kana mũkengani ũsu yĩla waĩ thayũ aisye, Ĩtina wa matukũ atatũ ngathayũũka. 64Ĩae ĩndĩ kana mbũa isũvĩwe mũno kũvika mũthenya wa katatũ, amanyĩw’a make maikese kũka mamũye, na kũmatavya andũ, Nũthayũũkĩte kuma kwa akw’ũ: na ũkengani wa ĩtina ũkeethĩwa wĩ mũnene kwĩ ũla wa mbee. 65Vilato amea, Mwĩ na asũvĩi: endai mũkamĩlũlũmĩlye mũno o ũndũ mũtonya. 66#Nda 6.17.Nao mathi, malũlũmĩlya mbũa, makĩkĩa ĩvia ũsiĩlo, ala asũvĩi me vamwe nao.
Currently Selected:
MATHAYO 27: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MATHAYO 27
27
Yesũ ainenganwe kwa ngavana Vilato
(MALIKO 15.1; Luka 23.1–2; YOANA 18.28–32)
1Na kwakya, athembi onthe anene na atumĩa ma andũ mamũsamĩa Yesũ, nĩ kana mamũae: 2#Lk 23.1; Yoa 18.31,32.na mamwova, mamũtwaa, na mamũnengane kwa ũla ngavana Vilato.
Kĩkw’ũ kya Yutasi
(MEKO MA ATŨMWA 1.18–19)
3 #
Mt 26.15. Na ĩndĩ Yutasi, ũla wamũvũnyanie, oona kana nĩwasilĩlwa, eelila, na amatũngĩa athembi anene na atumĩa ila ilungu mĩongo ĩtatũ sya vetha, 4akyasya, Nĩnĩvĩtĩtye nũndũ nĩnĩmũvũnyanie ũla nthakame yake ĩte ĩvĩtyo. Ĩndĩ mo masya, Ũu nĩ ũndũ witũ ata? Sisya eue. 5#Meko 1.18; 2 Sam 17.23.Nake ekya ila ilungu sya vetha nthĩnĩ wa vala vandũ vatheu, na aumaala; na athi eesũsya. 6#Mko 12.41.Na athembi anene moosa ilungu sya vetha na masya, Kũtyosana na ĩla mĩao kũsia vala vaiawa nthembo, nĩkwĩthĩwa nĩ thooa wa nthakame. 7Na masũanĩa na mathooa kĩsesi kya mũmbi nasyo, kĩthĩwe vandũ va kũthikaa aeni. 8#Meko 1.19.Kwondũ wa ũu kĩsesi kyu kyeetwa, Kĩsesi kya nthakame, kũvika ũmũnthĩ. 9#Nzek 11.12,13; Yel 32.6–9.Nĩvo weanĩw’e ũla waneeniwe nĩ Yelemia, akyasya, Na nĩmoosie ilungu mĩongo ĩtatũ sya vetha, thooa wa ũsu ũla watw’ĩĩwe thooa, ũla amwe ma ana ma Isilaeli mamũtw’ĩĩe thooa; 10na mainengane kwondũ wa kĩsesi kya mũmbi o ũndũ Mwĩaĩi wambĩaĩe.
Yesũ e mbee wa Vilato
(MALIKO 15.2–15; Luka 23.3–5,13–25; YOANA 18.33—19.16)
11 #
Mt 26.63; Isa 53.7. Na Yesũ aũngama mbee wa ngavana: na ngavana amũkũlya, akyasya, We nue Mũsumbĩ wa Ayuti? Na Yesũ amwĩa, We nĩwaneena. 12Na avinganĩw’a nĩ athembi anene na atumĩa, ndaasũngĩa ũndũ. 13Nĩvo ĩndĩ Vilato wamwĩie, Ndũkwĩw’a maũndũ ũndũ meana ala meũkũkũsĩĩa? 14#Yoa 19.9.Nake ndaamũsũngĩa ndeto o na ĩmwe: mũvaka ngavana aseng’a mũno. 15Na ĩndĩ ĩvinda ya mboka ngavana akothaa kũyĩthaĩsya ĩkomano mwovwa ũmwe, o ũla mekwenda. 16Na ĩvinda yĩu maĩ na mwovwa ũmwe wesĩkĩwe, wetawa Valava. 17Na ĩndĩno mombanĩte vamwe, Vilato amea, Mwĩenda nĩmũthaĩsye ũũ? Valava, kana Yesũ ũla wĩtawa Klĩsto? 18#Yoa 11.47,48; 12.19.Nũndũ nĩwesĩ kana mamũnenganie nũndũ wa kĩwĩu. 19Na akĩkalĩla kĩvĩla kya sila, kĩveti kyake kyamũtwaĩa ũtũmane, kĩkyasya, Ndũkethĩwe na ũndũ na mũndũ ũsu mũlũngalu; nũndũ ũmũnthĩ nĩthĩniw’e nĩ maũndũ maingĩ ndotonĩ nũndũ wake. 20Na ala athembi anene na atumĩa mamathinga’ĩĩsya makomano nĩ kana mamwĩtye Valava, na kũmũaa Yesũ. 21Ĩndĩ ngavana asũngĩa na amea, Andũ aa elĩ, mwĩenda nĩmũthaĩsye wĩva? Nao masya, Valava. 22Vilato amea, Nĩmwĩke ata ĩndĩ Yesũ ũla wĩtawa Klĩsto? Onthe masya, Nĩambwe. 23Nake asya, Nĩkĩ, nĩ ũthũku mwaũ wĩkĩte? Ĩndĩ maneena na mawasya manene mũno, makyasya, Nĩambwe. 24#Kũt 21.6. Na ĩndĩ Vilato oona kana ndatonya ũndũ, ĩndĩ kĩtuu nĩkĩkwingĩva, oosa manzĩ, na athambĩsya moko make mbee wa ĩkomano, akyasya, Nyie ndi na ĩvĩtyo nthakamenĩ ya mũndũ ũũ mũlũngalu; sisyai ũndũ ũsu e inyw’ĩ. 25#Meko 5.28.Na andũ onthe masũngĩa, masya, Nthakame yake yĩthĩwe ĩũlũ waitũ, na ĩũlũ wa syana sitũ. 26Nĩvo ĩndĩ wamathaĩsye Valava; ĩndĩ amũkũna Yesũ na kĩvoko kyatũange, na amũnengane ambwe.
Kwambwa kwa Yesũ
(MALIKO 15.16–32; Luka 23.26–43; YOANA 19.17–27)
27Nĩvo asikalĩ ma ngavana mamũtwaie Yesũ kĩsilĩlonĩ, na mamũmbanĩsya nguthu yonthe ya asikalĩ. 28Na mamumya ngũa mamwĩkĩa ngũa ndune mũno. 29Na mavĩlangan’ya ngovia ya mĩw’a na mamwĩkĩa mũtwe wake, na mamũkwatĩthya mũangi kw’okonĩ kwake kwa aũme; na matulya ndu mbee wake na mamũthekeea na kĩvũthya, makyasya, Nũvoo, Mũsumbĩ wa Ayuti! 30#Isa 50.6.Na mamũtw’ĩla mata, na moosa ũla mũangi na mamũkũna mũtwe. 31Na mamina ũmũthekeea, mamumya ĩla ngũa, na mamwĩkĩa ngũa syake, mamũtwaa kũmwamba ngelan’yonĩ.
32Na makyumaala, mamwĩthĩa mũndũ wa Kulene, wetawa Simoni: ũsu mamũkwata na vinya athi nao, nĩ kana amũkuĩe ngelan’yo yake.
33Na mavika vandũ vetawa Kolokotha, ũalyũlo wayo nĩ, Vandũ va kĩng’ala, 34#Sav 69.21.mamũnenga mbinyu ĩvulanĩtw’e na nyongo: nake amĩsama, ndaaĩtĩkĩla kũnyw’a. 35#Sav 22.18.Na mamwamba, maan’ya ngũa syake makĩlimana; nĩ kana kwĩanĩw’e ũla waneeniwe nĩ mwathani, Nĩmaanisye ngũa syakwa katĩ woo, na kwondũ wa kĩtonyeo kyakwa kĩasa nĩmalimanile. 36Na mekala nthĩ vo mamũsyaĩĩsye. 37Na meekĩa ũvingan’yo ĩũlũ wa mũtwe wake, ũandĩkĩtwe, ŨŨ NĨWE YESŨ MŨSUMBĨ WA AYUTI. 38#Isa 53.12.Nĩvo avutani elĩ mambiwe vamwe nake, ũmwe ngalĩ ya kw’oko kwake kwa aũme, na ũngĩ ngalĩ ya kw’oko kwake kwa aka. 39#Sav 22.7; 109.25.Na ala mavĩtaa nzĩanĩ mamũuma, makĩthingithya mĩtwe yoo, 40#Mt 26.61; Yoa 2.19.makyasya, We ũla wanangaa ĩkalũ, nokĩyaka na mĩthenya ĩtatũ, ĩtangĩĩe mwene: ethĩwa nue Mwana wa Ngai, theea wume ngelan’yonĩ. 41No ta ũu ala athembi anene makĩmũthekeea, vamwe na aandĩki na atumĩa, masya, 42Nĩwatangĩĩe angĩ; ndatonya kwĩtangĩĩa mwene. Nĩ mũsumbĩ wa Isilaeli; natheee yu aume ngelan’yonĩ, naitũ nĩtũũmwĩtĩkĩla. 43#Sav 22.8.Nũmũĩkĩĩaa Ngai; namũvonokye yu, ethĩwa nũmwendete: nũndũ aisye, Nyie nĩ Mwana wa Ngai. 44Na avutani nao ala mambĩtwe vamwe nake mamũneenea ndeto ta isu.
Kĩkw’ũ kya Yesũ
(MALIKO 15.33–41; Luka 23.44–49; YOANA 19.28–30)
45Na kuma syũa yaũngama kwatulya kĩvindu nthĩ yonthe kũvika saa kenda. 46#Sav 22.1.Na ta saa kenda Yesũ aneena na wasya mũnene, akyasya, Eli, Eli, lama, savakathani? Ũalyũlo wayo nĩ, Ngai wakwa, Ngai wakwa, ũndekee kĩ? 47Na amwe ma ala maũngeme vo, meew’a ũu, masya, Mũndũ ũũ emwĩta Eliya. 48#Sav 69.21.Na oyu ũmwe woo asemba, na oosa sivanzi, anyw’ĩthya siki yakola, na amĩkĩa mũanginĩ, na amũnenga avivite. 49Na ala angĩ masya, Ekai; tũsisye kana Eliya nũnũkũka kũmũtangĩĩa. 50Na Yesũ aneena ĩngĩ na wasya mũnene, na aumya veva wake. 51#Kuma 26.31; Aevl 10.19,20.Na sisya, ngũa ya tũtũ ya ĩkalũ yatembũka ilungu ilĩ kuma ĩũlũ kũvika nthĩ; na nthĩ yatetema; na mavia manene maatũka; 52#Nda 12.2.na mbũa syavingũka; na mĩĩ mingĩ ya atheu ala maĩ manakoma yathayũũkw’a; 53#Meko 26.23.na makyuma mbũanĩ ĩtina wa kũthayũũka kwake, malika ĩla ndũanĩ ntheu na mamaumĩlĩla aingĩ. 54Na ĩndĩ ũla mũnene wa asikalĩ ĩana, na ala maĩ nake makĩmũsyaĩĩsya Yesũ, moona kĩtetemo kya nthĩ, na maũndũ ala meekĩka, makĩa mũno, makyasya, Nĩ w’o ũũ eĩ Mwana wa Ngai. 55#Lk 8.2,3.Na aka aingĩ maĩ vo makĩsisya me kũasa, ala mamũatĩĩe Yesũ kuma Kalilii, makĩmũtethya: 56#Mt 20.20.na amwe moo maĩ Meli Makatalene, na Meli inyia wa Yakovo na Yose, na inyia wa ana ma Sevetii.
Kũthikwa kwa Yesũ
(MALIKO 15.42–47; Luka 23.50–56; YOANA 19.38–42)
57Na kwavika wĩoo, kwathi mũndũ mũthwii wa nthĩ ya Alimathia, wetawa Yosevu, nake mwene aĩ mũmanyĩw’a wa Yesũ: 58#Kuma 34.25.mũndũ ũsu athi kwa Vilato, amwĩtya mwĩĩ wa Yesũ. Na ĩndĩ Vilato eeaa anengwe. 59Na Yosevu oosa mwĩĩ, na oolingĩla ngũa ntheu ya katane, 60#Isa 53.9.na awia mbũanĩ yake nzaũ, ĩla wasĩte ĩvianĩ ĩnene: na avingilitya ĩvia ĩnene mũomonĩ wa mbũa, na athi. 61Na Meli Makatalene aĩ vo, na Meli ũla ũngĩ, mailyĩ nthĩ melekele ĩla mbũa.
62Na ũnĩ ũsu, naw’o nĩ mũthenya waatĩĩe ũla wa Ũseũvyo, athembi anene na Avalisi mamũmbanĩa Vilato, 63#Mt 27.40; 12.40.makyasya, Vwana, nĩtũlilikene kana mũkengani ũsu yĩla waĩ thayũ aisye, Ĩtina wa matukũ atatũ ngathayũũka. 64Ĩae ĩndĩ kana mbũa isũvĩwe mũno kũvika mũthenya wa katatũ, amanyĩw’a make maikese kũka mamũye, na kũmatavya andũ, Nũthayũũkĩte kuma kwa akw’ũ: na ũkengani wa ĩtina ũkeethĩwa wĩ mũnene kwĩ ũla wa mbee. 65Vilato amea, Mwĩ na asũvĩi: endai mũkamĩlũlũmĩlye mũno o ũndũ mũtonya. 66#Nda 6.17.Nao mathi, malũlũmĩlya mbũa, makĩkĩa ĩvia ũsiĩlo, ala asũvĩi me vamwe nao.
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956