MALIKO 2
2
Kũvow’a kwa mũndũ mwau mamutha
(MATHAYO 9.1–8; Luka 5.17–26)
1Na matukũ amwe mathela, asyoka ĩngĩ Kavelinaumi, na kwatavanw’a kana e vo nyũmbanĩ. 2Na aingĩ moombana vamwe, mũvaka vatyaatiala ũthei, aiee, o na mũomonĩ: nake amatavya ĩla ndeto. 3Na mooka mamũtee mũndũ ũla waĩ na ũwau wa kwaa mamutha, akuĩtwe nĩ andũ ana. 4Na meethĩa matitonya kũmũthengeea nũndũ wa mũvivinyano wa andũ, mathaĩlya kĩalanĩ vala waĩ: na mavũthũa, matheesya ũkomo ũla ũsu waĩ na ũwau wa kwaa mamutha ũkomee. 5Na Yesũ oona mũĩkĩĩo woo, amwĩa ũla waĩ na ũwau wa kwaa mamutha, Mwana, naĩ syaku nĩsyaekwa. 6Ĩndĩ vaĩ amwe ma aandĩki mekalĩte vo, makĩsũanĩa ngoonĩ syoo, 7#Isa 43.25.Nĩkĩ mũndũ ũũ ũnũũneeka ũu? Nũkũumana: nũũ ũtonya kũekea naĩ ate o ũmwe, nake nĩ Ngaĩ? 8Na oyu Yesũ amanya vevanĩ wake kana nĩmeũsũanĩa ũu nthĩnĩ woo, amea, Nĩkĩ mũũsũanĩa maũndũ asu ngoonĩ syenyu? 9Ũla ũvũthũ nĩ wĩva, kũtavya ũũ eĩ na ũwau wa kwaa mamutha, Naĩ syaku nĩsyaekwa; kana kwasya, Ũkĩla noyosa ũkomo waku ũende? 10Ĩndĩ nĩ kana mũmanye atĩ Mwana wa mũndũ e na ũkũmũ kũũ nthĩ wa kũekea naĩ (amwĩa ũla waĩ na ũwau wa kwaa mamutha), 11Nĩngũkwĩa, Ũkĩla, ũkue ũkomo waku, wĩnũke. 12Nake ookĩla, na oyu akua ũkomo, aumaala onthe makyona; na kwondũ wa ũu onthe maseng’a, na mamũtaĩa Ngai, makyasya, Tũtyaaona ũndũ ta ũu ĩngĩ nongi.
Kwĩtwa kwa Livai
(MATHAYO 9.9–13; Luka 5.27–32)
13Na aumaala ĩngĩ athi ũtee wa ũkanga; na ĩkomano yonthe yamũmbanĩa, nake amamanyĩsya. 14#Yoa 1.43.Na avĩtĩte, oona Livai mwana wa Alivaio ekalĩte vala vaumĩaw’a koti, na amwĩa, Mbikĩla. Nake ookĩla amũvikĩla.
15Na kweethĩwa ekalĩte nyũmba ya mũndũ ũsu akĩya lĩu, aumya ma koti na andũ athe aingĩ mekala nthĩ vamwe na Yesũ na amanyĩw’a make: nĩkwĩthĩwa maĩ aingĩ, na nĩmamũvikĩlĩte. 16Na aandĩki ma Avalisi, mamwona akĩya vamwe na aumya ma koti na andũ athe, mamea amanyĩw’a make, Kũilyĩ ata ũũ ũnũkũya na kũnyw’a vamwe na aumya ma koti na andũ athe? 17Na Yesũ eew’a ũũ amea, Ala mate awau mati vata wa mũiiti, ĩndĩ no ala awau: ndyaaũka kwĩta ala alũngalu ĩndĩ nĩ ala athe.
Ũndũ wa kũtĩĩa ũya
(MATHAYO 9.14–17; Luka 5.33–39)
18Na amanyĩw’a ma Yoana na ma Avalisi nĩmatĩĩaa ũya: nao mooka mamwĩa Yesũ, Nĩkĩ amanyĩw’a ma Yoana na amanyĩw’a ma Avalisi nĩmatĩĩaa ũya, ĩndĩ amanyĩw’a maku matitĩĩaa ũya? 19Na Yesũ amakũlya, Ala metĩtwe mũtwaanonĩ nĩmatonya kũtĩĩa ũya ĩvinda yĩla mũtwaanĩ wĩ vamwe nao? Mũtwaani e vo vamwe nao maitonya kũtĩĩa ũya. 20Ĩndĩ mĩthenya nĩyũkĩte, yĩla mũtwaani ũkaumw’a kwoo, na ĩndĩ makatĩĩa ũya mĩthenya ĩsu. 21Na vai mũndũ ũliaa kĩlio kya ngũa nzaũ ngũanĩ ngũũ: nũndũ alia, kĩla kyeũ kĩkĩawa vo nĩkyumasya kĩlungu ngũanĩ ngũũ, na ũtembũku ũiendeea ũineneva. 22O na vai mũndũ wĩkĩaa mbinyu mbĩthĩ mathatwanĩ makũũ; nũndũ eekĩa, ĩla mbinyu ĩkatembũa mathatwa, na mbinyu ĩkĩtĩka, na mathatwa makyanangĩka: ĩndĩ mekĩaa mbinyu mbĩthĩ mathatwanĩ meũ.
Ũndũ wa kũlilikana savato
(MATHAYO 12.1–8; Luka 6.1–5)
23Na kweethĩwa, aendele mĩũndanĩ ya nganũ mũthenya wa savato, amanyĩw’a make mambĩlĩlya kũtũla iia sya nganũ, maendete. 24Na Avalisi mamwĩa, Sisya, nĩkĩ mekwĩka mũthenya wa savato ũndũ ũtosana na ĩla mĩao? 25Na amea, Mũtyaasoma nongĩ ũndũ Ndavĩtĩ wekie, yĩla waĩ na thĩna, na akĩw’a nzaa, we na ala maĩ nake? 26#1 Sam 21.1–6; Ali 24.5–9.Ũndũ wavotĩe nyũmbanĩ ya Ngai, yĩla Aviathalĩ waĩ mũthembi mũnene, na aya imũtũ ila syaiĩawa Ngai, naw’o ndwosana na ĩla mĩao kũĩwa nĩ mũndũ ate o athembi na anenga ala maĩ nake nao? 27#Kũt 5.14.Na amea, Savato watwiwe nũndũ wa mũndũ, na ti mũndũ nũndũ wa savato: 28kwondũ wa ũu Mwana wa mũndũ nĩ Mwĩaĩi o na wa savato.
Currently Selected:
MALIKO 2: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MALIKO 2
2
Kũvow’a kwa mũndũ mwau mamutha
(MATHAYO 9.1–8; Luka 5.17–26)
1Na matukũ amwe mathela, asyoka ĩngĩ Kavelinaumi, na kwatavanw’a kana e vo nyũmbanĩ. 2Na aingĩ moombana vamwe, mũvaka vatyaatiala ũthei, aiee, o na mũomonĩ: nake amatavya ĩla ndeto. 3Na mooka mamũtee mũndũ ũla waĩ na ũwau wa kwaa mamutha, akuĩtwe nĩ andũ ana. 4Na meethĩa matitonya kũmũthengeea nũndũ wa mũvivinyano wa andũ, mathaĩlya kĩalanĩ vala waĩ: na mavũthũa, matheesya ũkomo ũla ũsu waĩ na ũwau wa kwaa mamutha ũkomee. 5Na Yesũ oona mũĩkĩĩo woo, amwĩa ũla waĩ na ũwau wa kwaa mamutha, Mwana, naĩ syaku nĩsyaekwa. 6Ĩndĩ vaĩ amwe ma aandĩki mekalĩte vo, makĩsũanĩa ngoonĩ syoo, 7#Isa 43.25.Nĩkĩ mũndũ ũũ ũnũũneeka ũu? Nũkũumana: nũũ ũtonya kũekea naĩ ate o ũmwe, nake nĩ Ngaĩ? 8Na oyu Yesũ amanya vevanĩ wake kana nĩmeũsũanĩa ũu nthĩnĩ woo, amea, Nĩkĩ mũũsũanĩa maũndũ asu ngoonĩ syenyu? 9Ũla ũvũthũ nĩ wĩva, kũtavya ũũ eĩ na ũwau wa kwaa mamutha, Naĩ syaku nĩsyaekwa; kana kwasya, Ũkĩla noyosa ũkomo waku ũende? 10Ĩndĩ nĩ kana mũmanye atĩ Mwana wa mũndũ e na ũkũmũ kũũ nthĩ wa kũekea naĩ (amwĩa ũla waĩ na ũwau wa kwaa mamutha), 11Nĩngũkwĩa, Ũkĩla, ũkue ũkomo waku, wĩnũke. 12Nake ookĩla, na oyu akua ũkomo, aumaala onthe makyona; na kwondũ wa ũu onthe maseng’a, na mamũtaĩa Ngai, makyasya, Tũtyaaona ũndũ ta ũu ĩngĩ nongi.
Kwĩtwa kwa Livai
(MATHAYO 9.9–13; Luka 5.27–32)
13Na aumaala ĩngĩ athi ũtee wa ũkanga; na ĩkomano yonthe yamũmbanĩa, nake amamanyĩsya. 14#Yoa 1.43.Na avĩtĩte, oona Livai mwana wa Alivaio ekalĩte vala vaumĩaw’a koti, na amwĩa, Mbikĩla. Nake ookĩla amũvikĩla.
15Na kweethĩwa ekalĩte nyũmba ya mũndũ ũsu akĩya lĩu, aumya ma koti na andũ athe aingĩ mekala nthĩ vamwe na Yesũ na amanyĩw’a make: nĩkwĩthĩwa maĩ aingĩ, na nĩmamũvikĩlĩte. 16Na aandĩki ma Avalisi, mamwona akĩya vamwe na aumya ma koti na andũ athe, mamea amanyĩw’a make, Kũilyĩ ata ũũ ũnũkũya na kũnyw’a vamwe na aumya ma koti na andũ athe? 17Na Yesũ eew’a ũũ amea, Ala mate awau mati vata wa mũiiti, ĩndĩ no ala awau: ndyaaũka kwĩta ala alũngalu ĩndĩ nĩ ala athe.
Ũndũ wa kũtĩĩa ũya
(MATHAYO 9.14–17; Luka 5.33–39)
18Na amanyĩw’a ma Yoana na ma Avalisi nĩmatĩĩaa ũya: nao mooka mamwĩa Yesũ, Nĩkĩ amanyĩw’a ma Yoana na amanyĩw’a ma Avalisi nĩmatĩĩaa ũya, ĩndĩ amanyĩw’a maku matitĩĩaa ũya? 19Na Yesũ amakũlya, Ala metĩtwe mũtwaanonĩ nĩmatonya kũtĩĩa ũya ĩvinda yĩla mũtwaanĩ wĩ vamwe nao? Mũtwaani e vo vamwe nao maitonya kũtĩĩa ũya. 20Ĩndĩ mĩthenya nĩyũkĩte, yĩla mũtwaani ũkaumw’a kwoo, na ĩndĩ makatĩĩa ũya mĩthenya ĩsu. 21Na vai mũndũ ũliaa kĩlio kya ngũa nzaũ ngũanĩ ngũũ: nũndũ alia, kĩla kyeũ kĩkĩawa vo nĩkyumasya kĩlungu ngũanĩ ngũũ, na ũtembũku ũiendeea ũineneva. 22O na vai mũndũ wĩkĩaa mbinyu mbĩthĩ mathatwanĩ makũũ; nũndũ eekĩa, ĩla mbinyu ĩkatembũa mathatwa, na mbinyu ĩkĩtĩka, na mathatwa makyanangĩka: ĩndĩ mekĩaa mbinyu mbĩthĩ mathatwanĩ meũ.
Ũndũ wa kũlilikana savato
(MATHAYO 12.1–8; Luka 6.1–5)
23Na kweethĩwa, aendele mĩũndanĩ ya nganũ mũthenya wa savato, amanyĩw’a make mambĩlĩlya kũtũla iia sya nganũ, maendete. 24Na Avalisi mamwĩa, Sisya, nĩkĩ mekwĩka mũthenya wa savato ũndũ ũtosana na ĩla mĩao? 25Na amea, Mũtyaasoma nongĩ ũndũ Ndavĩtĩ wekie, yĩla waĩ na thĩna, na akĩw’a nzaa, we na ala maĩ nake? 26#1 Sam 21.1–6; Ali 24.5–9.Ũndũ wavotĩe nyũmbanĩ ya Ngai, yĩla Aviathalĩ waĩ mũthembi mũnene, na aya imũtũ ila syaiĩawa Ngai, naw’o ndwosana na ĩla mĩao kũĩwa nĩ mũndũ ate o athembi na anenga ala maĩ nake nao? 27#Kũt 5.14.Na amea, Savato watwiwe nũndũ wa mũndũ, na ti mũndũ nũndũ wa savato: 28kwondũ wa ũu Mwana wa mũndũ nĩ Mwĩaĩi o na wa savato.
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956