MALIKO 5
5
Kũvow’a kwa mũndũ wakwatĩtwe ndaimoni Akelasene
(MATHAYO 8.28–34; Luka 8.26–39)
1Na mainga mũingo ũla ũngi wa ũkanga, mavika nthĩ ya Akelasene. 2Na auma ngalawanĩ, oyu mũndũ akomana nake, aumite mbũanĩ, e na veva mũvuku, 3ũla waĩ na wĩkalo mbũanĩ: na vatyaĩ mũndũ waatonya kũmwova, aiee, o na mũnyololo; 4nĩkwĩthĩwa nĩwovawa mavinda maingĩ na mbĩngũ na mĩnyololo, na mĩnyololo nĩyatusangawa nĩwe, na mbĩngũ nĩsyatũlangawa ilungu, na vatyaĩ mũndũ waĩ na vinya wa kũmũvoovya. 5Na mavinda onthe, mũthenya na ũtukũ, mbũanĩ na iĩmanĩ, ekalaa akĩlonzan’ya na kwĩtemanga na mavia. 6Na amwona Yesũ e kũasa, asemba na amũthaitha; 7#Mko 1.24.na aneena na wasya mũnene, akyasya, Nĩ ũndũ naku wa kĩ, we Yesũ, Mwana wa Ngai Ula Wĩ Ĩũlũ wa Onthe? Nĩngũkwĩavĩthya kwa Ngai, ndũkanyamasye. 8Nũndũ amwĩie, Uma we, veva mũvuku, mũndũnĩ ũũ. 9Nake amũkũlya, Syĩtwa yaku nue ata? Amwĩa, Syĩtwa yakwa, ninyie Nguthu; nũndũ twi aingĩ. 10Na amwĩsũva mũno ndakamalũngye maume nthĩ ĩsu. 11Na vau nguumo wa kĩĩma kwaĩ ĩĩthya ya ngũlũe nyingĩ ikĩya. 12Nao mamwĩsũva, makyasya, Twĩe tũende ĩĩthyanĩ ya ngũlũe, tũlike nthĩnĩ wasyo. 13Na amanenga ũthei. Na ala maveva mavuku mauma na malika ngũlũenĩ: na yĩla ĩĩthya ya ngũlũe yatheea kĩvaũũkonĩ yĩsembete, yalika ũkanganĩ, ũtalo wasyo nĩ ta ngili ilĩ; na syakw’ĩa ũkanganĩ. 14Na ala maĩthasya makĩa, na matavan’ya ũvoo ndũanĩ na ndee. Na andũ mauma mone ũndũ ũla wĩkĩkie. 15Na mooka vala ve Yesũ, na moona ũla eĩkwatĩtwe nĩ ndaimoni ailyĩ nthĩ, evw’ĩkĩte ngũa, e na kĩlĩko, nake nĩwe ũla eĩ na ila nguthu: na makĩa. 16Na ala moonie ũndũ ũsu, mamatavya ũndũ wĩkiwe ũsu ũla eĩkwatĩtwe nĩ ndaimoni, na ũvoo wa ila ngũlũe. 17Na mambĩlĩlya kũmwĩsũva Yesũ aume mĩvakanĩ yoo. 18Na ailika ngalawanĩ, ũla eĩkwatĩtwe nĩ ndaimonĩ amwĩsũva ekalan’ye nake. 19Na Yesũ amũvata, ĩndĩ amwĩa, Enda nyũmba kwaku kwa andũ maku, ũkamatavye maũndũ ũndũ manenevete ala Mwĩaĩi ũkwĩkie, na ũndũ ũkwĩw’ĩie tei. 20#Mko 7.31; Mt 4.25.Na akwata nzĩa athi, na ambĩlĩya kũtavan’ya ku Ndekavoli maũndũ ũndũ manenevete ala Yesũ ũmwĩkie: na andũ onthe maseng’a
Mwĩĩtu wa Yailu, na mũndũ mũka wauaa nthakame
(MATHAYO 9.18–26; Luka 8.40–56)
21Na Yesũ ainganĩsya ĩngĩ na ngalawa kũvika mũingo ũla ũngĩ, ĩkomano ĩnene yoombana vala ũĩ; nake aĩ ũtee wa ũkanga. 22Na kwooka ũmwe wa anene ma ĩsinakoke, syĩtwa yake eetawa Yailu; na amwona, avalũka maũũnĩ make, 23#Mko 7.32.na amwĩsũva mũno, akyasya, Kelitu kakwa nĩkeũkw’a: nĩngũũvoya wũke ũkakailĩĩle moko maku, kavoe kethĩwe thayũ. 24Na aendan’ya nake: na ikomano ĩnene yamũatĩĩa na yamũvivinya.
25Na kwai mũndũ mũka ũla waumawa nĩ nthakame ĩvinda ya myaka ĩkũmi na ĩlĩ, 26na anyamaaw’a mũno nĩ aiiti aingĩ, na aanangĩte syonthe ila waĩ nasyo, na ndaĩ kavaa o na vanini, ĩndĩ aendeea na kũwaa, 27na eew’a ũvoo wa Yesũ, alikĩla nguthunĩ e ĩtina, na akiita ngua yake. 28Nũndũ aisye, Nakiita o na ethĩwa no ngũa syake, nĩngũvoa nĩthĩwe nĩ mũima. 29Na oyu nthongo ya nthakame yake yang’ala; na eew’a mwĩĩnĩ wake kana nĩwavoa ũthĩn’yo ũsu wake. 30#Lk 6.19.Na oyu Yesũ amanya nthĩnĩ wake kana vinya nĩwauma kwake, eethyũũa e nguthunĩ, na akũlya, Nũũ ũla wangiita ngũa syakwa? 31Na amanyĩw’a make mamwĩa, Nũkwona ũndũ ĩkomano yĩũkũvivinya, naku wikũlya, Nũũ ũla wangiita? 32Na asisya ngalĩ syonthe nĩ kana one ũla weka ũndũ ũsu. 33Na ũla mũndũ mũka aĩkĩa na kũtetema, amanya ũndũ wekwa, ooka na avalũka nthĩ mbee wake, na amũtavya w’o w’onthe. 34Nake amwĩa, Mwĩĩtu, mũĩkĩĩo waku nĩwakũvosya; thi na ũvoo, wĩthĩwe wĩ mũima, ũte na ũthĩn’yo waku.
35Akĩneena, kwooka andũ kuma kwa mũnene wa ĩsinakoke, makyasya, Mwĩĩtu waku nĩwakw’a: yu wĩnyamaĩsya Mũmanyĩsya kĩ? 36Indĩ Yesũ eew’a ndeto ĩla yaneenwa, amwia ũla mũnene wa ĩsinakoke, Ndũkakĩe, ĩkĩĩa tũ. 37Na ndaaĩtĩkĩla mũndũ aendan’ye nake, ate o Vetelo, na Yakovo, na Yoana mwana‐a‐inyia wa Yakovo. 38Na mavika nyũmba ya ũla mũnene wa ĩsinakoke; na oona kĩtuu kĩnene, na andũ aingĩ makĩĩa na kũmeta mũno. 39#Yoa 11.11.Na avota nthĩnĩ, amakũlya, Nĩkĩ mũũlonzan’ya na kũĩa? Kana ti kakw’ũ ĩndĩ nĩkakomete. 40Nao mamũthekeea mũno. Indĩ we, amaumaalya onthe nza, athi na ĩthe wa kala kana na inyia wako, na ala maĩ vamwe nake, avota namo nthĩnĩ vala ve kala kana. 41#Lk 7.14.Na akwata kana kw’oko, akea, Talĩtha kumi; ũalyũlo wa ndeto nĩ, Kelĩtu, nĩkwĩa, Ũkĩla. 42Na oyu kala kelĩtu kaũngama, kathi na maũũ: nũndũ kaĩ ka myaka ĩkũmi na ĩlĩ. Na oyu maseng’a na ũseng’yo mũnene. 43#Mko 1.44.Na amavata mũno mũndũ ndakamanye ũndũ ũsu: na eeaa kanengwe kya ũya.
Currently Selected:
MALIKO 5: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MALIKO 5
5
Kũvow’a kwa mũndũ wakwatĩtwe ndaimoni Akelasene
(MATHAYO 8.28–34; Luka 8.26–39)
1Na mainga mũingo ũla ũngi wa ũkanga, mavika nthĩ ya Akelasene. 2Na auma ngalawanĩ, oyu mũndũ akomana nake, aumite mbũanĩ, e na veva mũvuku, 3ũla waĩ na wĩkalo mbũanĩ: na vatyaĩ mũndũ waatonya kũmwova, aiee, o na mũnyololo; 4nĩkwĩthĩwa nĩwovawa mavinda maingĩ na mbĩngũ na mĩnyololo, na mĩnyololo nĩyatusangawa nĩwe, na mbĩngũ nĩsyatũlangawa ilungu, na vatyaĩ mũndũ waĩ na vinya wa kũmũvoovya. 5Na mavinda onthe, mũthenya na ũtukũ, mbũanĩ na iĩmanĩ, ekalaa akĩlonzan’ya na kwĩtemanga na mavia. 6Na amwona Yesũ e kũasa, asemba na amũthaitha; 7#Mko 1.24.na aneena na wasya mũnene, akyasya, Nĩ ũndũ naku wa kĩ, we Yesũ, Mwana wa Ngai Ula Wĩ Ĩũlũ wa Onthe? Nĩngũkwĩavĩthya kwa Ngai, ndũkanyamasye. 8Nũndũ amwĩie, Uma we, veva mũvuku, mũndũnĩ ũũ. 9Nake amũkũlya, Syĩtwa yaku nue ata? Amwĩa, Syĩtwa yakwa, ninyie Nguthu; nũndũ twi aingĩ. 10Na amwĩsũva mũno ndakamalũngye maume nthĩ ĩsu. 11Na vau nguumo wa kĩĩma kwaĩ ĩĩthya ya ngũlũe nyingĩ ikĩya. 12Nao mamwĩsũva, makyasya, Twĩe tũende ĩĩthyanĩ ya ngũlũe, tũlike nthĩnĩ wasyo. 13Na amanenga ũthei. Na ala maveva mavuku mauma na malika ngũlũenĩ: na yĩla ĩĩthya ya ngũlũe yatheea kĩvaũũkonĩ yĩsembete, yalika ũkanganĩ, ũtalo wasyo nĩ ta ngili ilĩ; na syakw’ĩa ũkanganĩ. 14Na ala maĩthasya makĩa, na matavan’ya ũvoo ndũanĩ na ndee. Na andũ mauma mone ũndũ ũla wĩkĩkie. 15Na mooka vala ve Yesũ, na moona ũla eĩkwatĩtwe nĩ ndaimoni ailyĩ nthĩ, evw’ĩkĩte ngũa, e na kĩlĩko, nake nĩwe ũla eĩ na ila nguthu: na makĩa. 16Na ala moonie ũndũ ũsu, mamatavya ũndũ wĩkiwe ũsu ũla eĩkwatĩtwe nĩ ndaimoni, na ũvoo wa ila ngũlũe. 17Na mambĩlĩlya kũmwĩsũva Yesũ aume mĩvakanĩ yoo. 18Na ailika ngalawanĩ, ũla eĩkwatĩtwe nĩ ndaimonĩ amwĩsũva ekalan’ye nake. 19Na Yesũ amũvata, ĩndĩ amwĩa, Enda nyũmba kwaku kwa andũ maku, ũkamatavye maũndũ ũndũ manenevete ala Mwĩaĩi ũkwĩkie, na ũndũ ũkwĩw’ĩie tei. 20#Mko 7.31; Mt 4.25.Na akwata nzĩa athi, na ambĩlĩya kũtavan’ya ku Ndekavoli maũndũ ũndũ manenevete ala Yesũ ũmwĩkie: na andũ onthe maseng’a
Mwĩĩtu wa Yailu, na mũndũ mũka wauaa nthakame
(MATHAYO 9.18–26; Luka 8.40–56)
21Na Yesũ ainganĩsya ĩngĩ na ngalawa kũvika mũingo ũla ũngĩ, ĩkomano ĩnene yoombana vala ũĩ; nake aĩ ũtee wa ũkanga. 22Na kwooka ũmwe wa anene ma ĩsinakoke, syĩtwa yake eetawa Yailu; na amwona, avalũka maũũnĩ make, 23#Mko 7.32.na amwĩsũva mũno, akyasya, Kelitu kakwa nĩkeũkw’a: nĩngũũvoya wũke ũkakailĩĩle moko maku, kavoe kethĩwe thayũ. 24Na aendan’ya nake: na ikomano ĩnene yamũatĩĩa na yamũvivinya.
25Na kwai mũndũ mũka ũla waumawa nĩ nthakame ĩvinda ya myaka ĩkũmi na ĩlĩ, 26na anyamaaw’a mũno nĩ aiiti aingĩ, na aanangĩte syonthe ila waĩ nasyo, na ndaĩ kavaa o na vanini, ĩndĩ aendeea na kũwaa, 27na eew’a ũvoo wa Yesũ, alikĩla nguthunĩ e ĩtina, na akiita ngua yake. 28Nũndũ aisye, Nakiita o na ethĩwa no ngũa syake, nĩngũvoa nĩthĩwe nĩ mũima. 29Na oyu nthongo ya nthakame yake yang’ala; na eew’a mwĩĩnĩ wake kana nĩwavoa ũthĩn’yo ũsu wake. 30#Lk 6.19.Na oyu Yesũ amanya nthĩnĩ wake kana vinya nĩwauma kwake, eethyũũa e nguthunĩ, na akũlya, Nũũ ũla wangiita ngũa syakwa? 31Na amanyĩw’a make mamwĩa, Nũkwona ũndũ ĩkomano yĩũkũvivinya, naku wikũlya, Nũũ ũla wangiita? 32Na asisya ngalĩ syonthe nĩ kana one ũla weka ũndũ ũsu. 33Na ũla mũndũ mũka aĩkĩa na kũtetema, amanya ũndũ wekwa, ooka na avalũka nthĩ mbee wake, na amũtavya w’o w’onthe. 34Nake amwĩa, Mwĩĩtu, mũĩkĩĩo waku nĩwakũvosya; thi na ũvoo, wĩthĩwe wĩ mũima, ũte na ũthĩn’yo waku.
35Akĩneena, kwooka andũ kuma kwa mũnene wa ĩsinakoke, makyasya, Mwĩĩtu waku nĩwakw’a: yu wĩnyamaĩsya Mũmanyĩsya kĩ? 36Indĩ Yesũ eew’a ndeto ĩla yaneenwa, amwia ũla mũnene wa ĩsinakoke, Ndũkakĩe, ĩkĩĩa tũ. 37Na ndaaĩtĩkĩla mũndũ aendan’ye nake, ate o Vetelo, na Yakovo, na Yoana mwana‐a‐inyia wa Yakovo. 38Na mavika nyũmba ya ũla mũnene wa ĩsinakoke; na oona kĩtuu kĩnene, na andũ aingĩ makĩĩa na kũmeta mũno. 39#Yoa 11.11.Na avota nthĩnĩ, amakũlya, Nĩkĩ mũũlonzan’ya na kũĩa? Kana ti kakw’ũ ĩndĩ nĩkakomete. 40Nao mamũthekeea mũno. Indĩ we, amaumaalya onthe nza, athi na ĩthe wa kala kana na inyia wako, na ala maĩ vamwe nake, avota namo nthĩnĩ vala ve kala kana. 41#Lk 7.14.Na akwata kana kw’oko, akea, Talĩtha kumi; ũalyũlo wa ndeto nĩ, Kelĩtu, nĩkwĩa, Ũkĩla. 42Na oyu kala kelĩtu kaũngama, kathi na maũũ: nũndũ kaĩ ka myaka ĩkũmi na ĩlĩ. Na oyu maseng’a na ũseng’yo mũnene. 43#Mko 1.44.Na amavata mũno mũndũ ndakamanye ũndũ ũsu: na eeaa kanengwe kya ũya.
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956