Kũt 2
2
Myaka ĩla Andũ ma Ĩsilaeli Mangangie Weũnĩ
1 #
Mot 21.4
“Nĩvo ĩndĩ twavĩndũkie twathi weũnĩ kwĩsĩla nzĩa ĩla ĩendete Ũkanganĩ Mũtune, kwĩanana na ũndũ Mwĩai Ngai wambĩaĩe. Nĩtwekalile vandũ va ĩvinda ĩasa tũyanganga nthĩ yĩ iĩma ya Etomu.
2“Nĩvo Mwĩai Ngai wambĩie atĩĩ, 3‘Ĩvinda yĩla mwĩkalĩte mũyangangĩla kĩĩmanĩ kĩĩ nĩyĩanu, yu ĩthyũũei mwelekele ngalĩko ya ĩũlũ.’ 4#Mwa 36.8 O ta ũu nĩwambĩie nĩmwĩaĩe nĩmwĩe atĩĩ, ‘Yu mũkilĩlye kwĩsĩla nthĩ yĩ iĩma ya Etomu, kĩla nĩ kĩsio kya nthĩ kya andũ ma mũsyĩ wenyu ala nĩ nzyawa sya Esaũ. Nĩmekwĩthĩwa maimũkĩa ĩndĩ ĩsũvĩei mũno 5mũikese kwambĩĩa kũkita namo, nũndũ ndimũnenga kĩsio o na kĩmwe kya nthĩ yoo, o na kĩsio kĩanĩe ĩkinya ya kũũ. Nĩnĩnengete Esaũ nthĩ ĩla yĩ iĩma ya Etomu yĩthĩwe yake na nzyawa syake. 6Mwenda lĩu kana kĩw'ũ no nginya mũthooe kuma kwoo.’
7“Lilikanai ũndũ Mwĩai Ngai, Ngai wenyu ũmũathimĩte maũndũnĩ onthe ala mwĩthĩĩtwe mũyĩka. Nũmũsũvĩĩte ĩvindanĩ yĩla mũnangangĩlaa weũnĩ ũũ mũnene, na o ta ũu nĩwĩthĩĩtwe vamwe nenyu vandũ va myaka mĩongo ĩna. Ĩvindanĩ yĩu nĩmũnakwataa syĩndũ ila mũkwenda syonthe.
8“Kwoou nĩtwaendeeie na kyalo twavĩtĩla kwa ana-a-ĩthe maitũ nzyawa sya Esaũ ala matwĩe Etomu. Nĩtwatiie nzĩa ya Alava ĩla yumĩte Elathi na Esioni-ngeveli, na twaendeea na kyalo twĩsĩlĩte nzĩanĩ ĩla yĩ weũnĩ wa Moavi. 9#Mwa 19.37 Mwĩai Ngai nĩwambĩie atĩĩ, ‘Mũikathĩny'e Amoavi kana mwambĩĩe kũkita namo, nĩkwĩthĩwa ndimũnenga kĩsio o na kĩmwe kya nthĩ yoo. Nĩnĩnengete nzyawa sya Loto nthĩ ya Ali yĩthĩwe ng'ũndũ yoo.’ ”
10(Andũ aingĩ na me vinya metawa Aemi matũaa nthĩ ĩsu ya Ali. Maĩ andũ aasa o ta Aanaki ĩla yaĩ mbaĩ ĩngĩ ya andũ aasa. 11Aemi nĩmeetawa kwa ĩsyĩtwa yĩngĩ Alevai, o tondũ o namo Aanaki meetawa, ĩndĩ Amoavi mametaa Aemi. 12O ta ũu namo Aoli matwĩe Etomu, ĩndĩ nzyawa sya Esaũ syamalũngya. Nĩsyokitie Aoli syamoaa na syatũa nthĩ ĩsu vandũ vamo, o tondũ andũ ma Ĩsilaeli meekie nthĩ ĩla Mwĩai Ngai wamanengie yĩthĩwe ng'ũndũ yoo.)
13“Mwĩai Ngai nĩwatwĩie atĩĩ, ‘Ingai Ũsĩ wa Nzeleti.’ Kwoou nĩtwaingie ũsĩ ũsu. 14#Mot 14.28-35 Myaka ĩla twakuie kuma twauma Katesi-mbalinea kũthi kũvika twainga Ũsĩ wa Nzeleti yaĩ mĩongo ĩtatũ na nyanya. Asikalĩ onthe ma nzyawa ya ĩvinda yĩu maĩ makwie, o tondũ Mwĩai Ngai weevĩtĩte akamea. 15Mwĩai Ngai nĩwaendeeie kũleana namo nginya amoaa onthe amamina vyũ.
16“Asikalĩ asu mamina kũkw'a onthe, 17Mwĩai Ngai nĩwaneenie naitũ atwĩa atĩĩ, 18‘Ũmũnthĩ nĩmũũkĩlanĩlya kĩsio kya nthĩ ya Moavi mwĩsĩlĩte ndũanĩ ya Ali. 19#Mwa 19.38 Mwavika nthĩ ya Aamimoni, mũikamathĩny'e kana mwambĩĩe kũkita namo, nũndũ ndimũnenga kĩsio o na kĩmwe kya nthĩ ya Aamimoni. Nĩnĩnengete nzyawa sya Loto nthĩ ĩsu yĩthĩwe ng'ũndũ yoo.’ ”
20(Kĩsio kĩu kya nthĩ kĩsĩkĩe ta nthĩ ya Alevai, kumana na ĩsyĩtwa ya andũ ala matũaa vo mbeenĩ. Aamimoni mametaa Anzamisumi. 21Andũ asu maĩ aasa o ta Aanaki, maĩ aingĩ, na maĩ andũ me vinya mũno. Ĩndĩ Mwĩai Ngai nĩwamaminie, na kwoou Aamimoni moosa nthĩ yoo na matũa vo. 22O ta ũu Mwĩai Ngai nĩwaminie Aoli ala matwĩe nthĩ ya Seili, na kwoou nzyawa sya Esaũ syoosa na kũtũa nthĩ ĩsu. Nzyawa isu itũaa vo kũvika o na ũmũnthĩ. 23Andũ kuma kĩthamanĩ kya Kĩlete nĩmo matwĩe nthĩ ĩla yĩ ũtee wa Ũkanga wa Menditelenia. Nĩmokitie mamina Aavi, ala nĩmo matwĩe nthĩ ĩsu mbeenĩ na moosa nthĩ yoo kũthi kũvika ndũanĩ ya Ngasa ĩla yĩ ngalĩko ya ĩtheo.)
24“Ĩtina wa kwĩsĩla nthĩ ya Moavi Mwĩai Ngai nĩwaneenie naitũ atwĩa atĩĩ, ‘Yu ambĩĩai kyalo mũinge Ũsĩ wa Alinoni. Nĩnĩnenganĩte mũsumbĩ Sioni wa Aamoli, ũla ũsumbĩkaa kuma Esivoni, vamwe na nthĩ yake yonthe ũtonyinĩ wenyu. Mũvithũkĩei na mũyosa nthĩ yake mũtũe vo. 25Kuma ũmũnthĩ nĩngũtuma andũ onthe ĩũlũ wa nthĩ matelema na kũmũkĩa mũno. Andũ onthe makathĩlĩaa nĩ w'ĩa na kũkwatwa nĩ kĩmako meew'a mwawetwa.’
Andũ ma Ĩsilaeli Maisinda Mũsumbĩ Sioni
(Mot 21.21-30)
26“Kuma weũnĩ wa Ketemothi nĩnatũmie andũ mathi kũla kwĩ Mũsumbĩ Sioni wa Esivoni makaseũvye mũuo nake na ndeto ii: 27‘Tũnenge mwanya twĩsĩle nthĩ yaku; twĩatĩĩa lelũ na tũiathũka ũtee. 28Nĩtũũthooa kuma vala mũĩ lĩu ũla tũũya na kĩw'ũ kĩla tũũnyw'a. Kĩla tũkwenda no ũtũnenge mwanya wa kwĩsĩla nthĩ yaku, 29nginya tũthi tũkainge Ũsĩ wa Yolotani tũlike nthĩ ĩla Mwĩai Ngai, Ngai waitũ ũtũnengete. Nzyawa sya Esaũ, ila itũaa Etomu, na Amoavi ala matũaa Ali nĩmanatũnengie mwanya twesĩla nthĩ yoo.’
30“Ĩndĩ mũsumbĩ Sioni nĩwaleile kũtũnenga mwanya wa kwĩsĩla nthĩ yake, nũndũ Mwĩai Ngai, Ngai waitũ nĩwatumĩte omya ngoo na akethĩwa e mũng'endu, nĩ kana amũnengane ũtonyinĩ witũ o tondũ wĩkĩte yu.
31“Nĩvo ĩndĩ Mwĩai Ngai waneenie nakwa ambĩa atĩĩ, ‘Yu nĩnambĩĩte kũnengane Sioni na andũ ma nthĩ yake ũtonyinĩ wenyu; osai nthĩ yake na mũitũa vo.’ 32Yĩla Mũsumbĩ Sioni na asikalĩ make mookie ndũanĩ ya Yaasa mokite naitũ, 33Mwĩai Ngai, Ngai waitũ nĩwatũnengie vinya wa kũmũsinda na twamũkita twamũaa vamwe na ana make na asikalĩ make onthe. 34Ĩvindanĩ yĩu nĩtwakwatie na twaananga ndũa syake syonthe, na twooaa andũ onthe: Aũme, aka na syana. Tũyaatia o na ũmwe woo e thayũ. 35No indo syoka twatavie na twoosa syĩndũ ila syaĩ ndũanĩ syoo ila twakwatie. 36Mwĩai Ngai, Ngai waitũ nĩwatũnengie ũtonyi wa kũkwata ndũa syonthe kuma Aloeli ĩla yĩ ũtee wa Ũsĩ wa Alinoni, na mũsyĩ ũla wĩ katĩ wa mwanda kũthi kũvika nthĩ ya Ngileati. Vai ndũa yaĩ na ngũta ndũmu ũkethĩa tũitonya kũmyananga. 37Ĩndĩ tũyaathengeea kĩsio kya nthĩ ya Aamimoni kana ndee sya Ũsĩ wa Yavoki, kana ndũa ila syaĩ nthĩ yĩ iĩma, kana vandũ vangĩ o na va vala Mwĩai Ngai, Ngai waitũ watwĩaĩĩte tũikathi.”
Currently Selected:
Kũt 2: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Kũt 2
2
Myaka ĩla Andũ ma Ĩsilaeli Mangangie Weũnĩ
1 #
Mot 21.4
“Nĩvo ĩndĩ twavĩndũkie twathi weũnĩ kwĩsĩla nzĩa ĩla ĩendete Ũkanganĩ Mũtune, kwĩanana na ũndũ Mwĩai Ngai wambĩaĩe. Nĩtwekalile vandũ va ĩvinda ĩasa tũyanganga nthĩ yĩ iĩma ya Etomu.
2“Nĩvo Mwĩai Ngai wambĩie atĩĩ, 3‘Ĩvinda yĩla mwĩkalĩte mũyangangĩla kĩĩmanĩ kĩĩ nĩyĩanu, yu ĩthyũũei mwelekele ngalĩko ya ĩũlũ.’ 4#Mwa 36.8 O ta ũu nĩwambĩie nĩmwĩaĩe nĩmwĩe atĩĩ, ‘Yu mũkilĩlye kwĩsĩla nthĩ yĩ iĩma ya Etomu, kĩla nĩ kĩsio kya nthĩ kya andũ ma mũsyĩ wenyu ala nĩ nzyawa sya Esaũ. Nĩmekwĩthĩwa maimũkĩa ĩndĩ ĩsũvĩei mũno 5mũikese kwambĩĩa kũkita namo, nũndũ ndimũnenga kĩsio o na kĩmwe kya nthĩ yoo, o na kĩsio kĩanĩe ĩkinya ya kũũ. Nĩnĩnengete Esaũ nthĩ ĩla yĩ iĩma ya Etomu yĩthĩwe yake na nzyawa syake. 6Mwenda lĩu kana kĩw'ũ no nginya mũthooe kuma kwoo.’
7“Lilikanai ũndũ Mwĩai Ngai, Ngai wenyu ũmũathimĩte maũndũnĩ onthe ala mwĩthĩĩtwe mũyĩka. Nũmũsũvĩĩte ĩvindanĩ yĩla mũnangangĩlaa weũnĩ ũũ mũnene, na o ta ũu nĩwĩthĩĩtwe vamwe nenyu vandũ va myaka mĩongo ĩna. Ĩvindanĩ yĩu nĩmũnakwataa syĩndũ ila mũkwenda syonthe.
8“Kwoou nĩtwaendeeie na kyalo twavĩtĩla kwa ana-a-ĩthe maitũ nzyawa sya Esaũ ala matwĩe Etomu. Nĩtwatiie nzĩa ya Alava ĩla yumĩte Elathi na Esioni-ngeveli, na twaendeea na kyalo twĩsĩlĩte nzĩanĩ ĩla yĩ weũnĩ wa Moavi. 9#Mwa 19.37 Mwĩai Ngai nĩwambĩie atĩĩ, ‘Mũikathĩny'e Amoavi kana mwambĩĩe kũkita namo, nĩkwĩthĩwa ndimũnenga kĩsio o na kĩmwe kya nthĩ yoo. Nĩnĩnengete nzyawa sya Loto nthĩ ya Ali yĩthĩwe ng'ũndũ yoo.’ ”
10(Andũ aingĩ na me vinya metawa Aemi matũaa nthĩ ĩsu ya Ali. Maĩ andũ aasa o ta Aanaki ĩla yaĩ mbaĩ ĩngĩ ya andũ aasa. 11Aemi nĩmeetawa kwa ĩsyĩtwa yĩngĩ Alevai, o tondũ o namo Aanaki meetawa, ĩndĩ Amoavi mametaa Aemi. 12O ta ũu namo Aoli matwĩe Etomu, ĩndĩ nzyawa sya Esaũ syamalũngya. Nĩsyokitie Aoli syamoaa na syatũa nthĩ ĩsu vandũ vamo, o tondũ andũ ma Ĩsilaeli meekie nthĩ ĩla Mwĩai Ngai wamanengie yĩthĩwe ng'ũndũ yoo.)
13“Mwĩai Ngai nĩwatwĩie atĩĩ, ‘Ingai Ũsĩ wa Nzeleti.’ Kwoou nĩtwaingie ũsĩ ũsu. 14#Mot 14.28-35 Myaka ĩla twakuie kuma twauma Katesi-mbalinea kũthi kũvika twainga Ũsĩ wa Nzeleti yaĩ mĩongo ĩtatũ na nyanya. Asikalĩ onthe ma nzyawa ya ĩvinda yĩu maĩ makwie, o tondũ Mwĩai Ngai weevĩtĩte akamea. 15Mwĩai Ngai nĩwaendeeie kũleana namo nginya amoaa onthe amamina vyũ.
16“Asikalĩ asu mamina kũkw'a onthe, 17Mwĩai Ngai nĩwaneenie naitũ atwĩa atĩĩ, 18‘Ũmũnthĩ nĩmũũkĩlanĩlya kĩsio kya nthĩ ya Moavi mwĩsĩlĩte ndũanĩ ya Ali. 19#Mwa 19.38 Mwavika nthĩ ya Aamimoni, mũikamathĩny'e kana mwambĩĩe kũkita namo, nũndũ ndimũnenga kĩsio o na kĩmwe kya nthĩ ya Aamimoni. Nĩnĩnengete nzyawa sya Loto nthĩ ĩsu yĩthĩwe ng'ũndũ yoo.’ ”
20(Kĩsio kĩu kya nthĩ kĩsĩkĩe ta nthĩ ya Alevai, kumana na ĩsyĩtwa ya andũ ala matũaa vo mbeenĩ. Aamimoni mametaa Anzamisumi. 21Andũ asu maĩ aasa o ta Aanaki, maĩ aingĩ, na maĩ andũ me vinya mũno. Ĩndĩ Mwĩai Ngai nĩwamaminie, na kwoou Aamimoni moosa nthĩ yoo na matũa vo. 22O ta ũu Mwĩai Ngai nĩwaminie Aoli ala matwĩe nthĩ ya Seili, na kwoou nzyawa sya Esaũ syoosa na kũtũa nthĩ ĩsu. Nzyawa isu itũaa vo kũvika o na ũmũnthĩ. 23Andũ kuma kĩthamanĩ kya Kĩlete nĩmo matwĩe nthĩ ĩla yĩ ũtee wa Ũkanga wa Menditelenia. Nĩmokitie mamina Aavi, ala nĩmo matwĩe nthĩ ĩsu mbeenĩ na moosa nthĩ yoo kũthi kũvika ndũanĩ ya Ngasa ĩla yĩ ngalĩko ya ĩtheo.)
24“Ĩtina wa kwĩsĩla nthĩ ya Moavi Mwĩai Ngai nĩwaneenie naitũ atwĩa atĩĩ, ‘Yu ambĩĩai kyalo mũinge Ũsĩ wa Alinoni. Nĩnĩnenganĩte mũsumbĩ Sioni wa Aamoli, ũla ũsumbĩkaa kuma Esivoni, vamwe na nthĩ yake yonthe ũtonyinĩ wenyu. Mũvithũkĩei na mũyosa nthĩ yake mũtũe vo. 25Kuma ũmũnthĩ nĩngũtuma andũ onthe ĩũlũ wa nthĩ matelema na kũmũkĩa mũno. Andũ onthe makathĩlĩaa nĩ w'ĩa na kũkwatwa nĩ kĩmako meew'a mwawetwa.’
Andũ ma Ĩsilaeli Maisinda Mũsumbĩ Sioni
(Mot 21.21-30)
26“Kuma weũnĩ wa Ketemothi nĩnatũmie andũ mathi kũla kwĩ Mũsumbĩ Sioni wa Esivoni makaseũvye mũuo nake na ndeto ii: 27‘Tũnenge mwanya twĩsĩle nthĩ yaku; twĩatĩĩa lelũ na tũiathũka ũtee. 28Nĩtũũthooa kuma vala mũĩ lĩu ũla tũũya na kĩw'ũ kĩla tũũnyw'a. Kĩla tũkwenda no ũtũnenge mwanya wa kwĩsĩla nthĩ yaku, 29nginya tũthi tũkainge Ũsĩ wa Yolotani tũlike nthĩ ĩla Mwĩai Ngai, Ngai waitũ ũtũnengete. Nzyawa sya Esaũ, ila itũaa Etomu, na Amoavi ala matũaa Ali nĩmanatũnengie mwanya twesĩla nthĩ yoo.’
30“Ĩndĩ mũsumbĩ Sioni nĩwaleile kũtũnenga mwanya wa kwĩsĩla nthĩ yake, nũndũ Mwĩai Ngai, Ngai waitũ nĩwatumĩte omya ngoo na akethĩwa e mũng'endu, nĩ kana amũnengane ũtonyinĩ witũ o tondũ wĩkĩte yu.
31“Nĩvo ĩndĩ Mwĩai Ngai waneenie nakwa ambĩa atĩĩ, ‘Yu nĩnambĩĩte kũnengane Sioni na andũ ma nthĩ yake ũtonyinĩ wenyu; osai nthĩ yake na mũitũa vo.’ 32Yĩla Mũsumbĩ Sioni na asikalĩ make mookie ndũanĩ ya Yaasa mokite naitũ, 33Mwĩai Ngai, Ngai waitũ nĩwatũnengie vinya wa kũmũsinda na twamũkita twamũaa vamwe na ana make na asikalĩ make onthe. 34Ĩvindanĩ yĩu nĩtwakwatie na twaananga ndũa syake syonthe, na twooaa andũ onthe: Aũme, aka na syana. Tũyaatia o na ũmwe woo e thayũ. 35No indo syoka twatavie na twoosa syĩndũ ila syaĩ ndũanĩ syoo ila twakwatie. 36Mwĩai Ngai, Ngai waitũ nĩwatũnengie ũtonyi wa kũkwata ndũa syonthe kuma Aloeli ĩla yĩ ũtee wa Ũsĩ wa Alinoni, na mũsyĩ ũla wĩ katĩ wa mwanda kũthi kũvika nthĩ ya Ngileati. Vai ndũa yaĩ na ngũta ndũmu ũkethĩa tũitonya kũmyananga. 37Ĩndĩ tũyaathengeea kĩsio kya nthĩ ya Aamimoni kana ndee sya Ũsĩ wa Yavoki, kana ndũa ila syaĩ nthĩ yĩ iĩma, kana vandũ vangĩ o na va vala Mwĩai Ngai, Ngai waitũ watwĩaĩĩte tũikathi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011