Kũt 7
7
Kũlũngya Andũ ma Mbaĩ ila Ingĩ
(Kuma 34.11-16)
1 #
Meko 13.19
“Mwĩai Ngai, Ngai wenyu nũkũmũtwaa nthĩ ĩla mũkũthi kũlika na kũmesya, na nũkũlũngya mbaĩ mbingĩ kuma nthĩ ĩsu. Mũendee na kũlika, nũkũlũngya mbaĩ mũonza nene na syĩ vinya kwĩ inyw'ĩ nasyo nĩ mbaĩ sya Aititi, Angilikasi, Aamoli, Akanaani, Avelisi, Aivi na Ayevusi. 2Yĩla Mwĩai Ngai, Ngai wenyu wĩnengane andũ asu ũtonyinĩ wenyu na mũimasinda, mwĩmamina vyũ. Mũikaaseũvye wĩw'ano na andũ ma nthĩ ĩsu na o na mũikaamew'ĩe tei. 3Mũikaatwaane na andũ ma nthĩ ĩsu; mũiketĩkĩle eĩtu menyu matwawe nĩ ana moo kana ana menyu matwae eĩtu moo, 4nũndũ eĩtu asu makatuma ana menyu matethĩwa me aĩkĩĩku kũla kwĩ Mwĩai Ngai na mayambĩĩa kũthaitha ngai ingĩ. Meeka ũu mũkatuma Mwĩai Ngai athata mũno, na o kwa mĩtũkĩ aimwananga vyũ. 5#Kũt 12.3 Kwoou ĩkai andũ asu ũũ: Anangai ithembeo syoo, na kwananga ituĩ syoo sya ũthaithi. O ta ũu temangai ituĩ sya ngai yoo nga ĩla yĩtawa Asela, na mũivĩvya mĩvw'anano ya ngai syoo. 6#Kuma 19.5; Kũt 4.20; 14.2; 26.18; Tito 2.14; 1Vet 2.9 Ĩkai ũu nĩkwĩthĩwa mwĩ ma Mwĩai Ngai, Ngai wenyu. Kuma andũnĩ ala angĩ onthe ĩũlũ wa nthĩ, nĩwamũnyuvie mwĩthĩwe andũ make ma mwanya.
7“Mwĩai Ngai ndaamwenda na kũmũnyuva nĩkwĩthĩwa mwaĩ aingĩ mbee wa andũ ma mbaĩ ila ingĩ; ninyw'ĩ mwaĩ mbaĩ ĩla nini vyũ ĩũlũ wa nthĩ. 8Ĩndĩ amũnyuvie nũndũ nĩwamwendete na nĩwendaa kwĩanĩsya ũtianĩo ũla waseũvisye na aaũmae menyu. Kĩu nĩkyo kyatumie Mwĩai Ngai amwovosya na vinya wake mũnene na kũmũthasya kuma kwa Valao mũsumbĩ wa Misili, kũla mwekalaa mwĩ ngombo. 9Lilikanai kana Mwĩai Ngai, Ngai wenyu, nĩwe Ngai; nĩ Ngai mũĩkĩĩku na nĩwonanasya wendo wake ũtaalyũkaa kwa nzyawa mbingĩ sya ala mamwendete na kũkwata mĩao yake. 10#Kuma 20.5-6; 34.6-7; Mot 14.18; Kũt 5.9-10 Ĩndĩ ala mamũmenaa akeeyĩĩvanĩsya kwoo kwa kũmamina; ndakalea kũkany'a ala matamwĩw'aa. 11Kwoou ĩndĩ ĩanĩsyai mĩao, motw'ĩo na myamũlo ĩla ngũmwĩaĩa ũmũnthĩ.
Moathimo kwa ala Ewi
(Kũt 28.1-14)
12 #
Kũt 11.13-17
“Mweethukĩĩsya myamũlo ĩno na kũmĩanĩsya mwĩ aĩkĩĩku, Mwĩai Ngai, Ngai wenyu nũkũendeea kwĩanĩsya ũtianĩo wake nenyu na kũmwony'a wendo wake ũtaalyũkaa o tondũ wathie aaũmae menyu. 13Akamwendaa na kũmũathima nĩ kana mwongeleke na kwĩthĩwa na syana mbingĩ. O ta ũu akaathima mĩũnda yenyu nĩ kana mwĩthĩwe na ngetha mbingĩ ya mbaa mbeke, ndivai na ya mauta. Akamũathima kwa kũtuma mwĩthĩwa na ng'ombe, mbũi na malondu maingĩ. Akamũnenga moathimo asu onthe mwĩ nthĩ ĩla wathie aaũmae menyu kana akamũnenga. 14Mũkeethĩwa mwĩ aathime kwĩ andũ ma mbaĩ ila ingĩ syonthe; vai ũmwe katĩ wenyu wĩĩthĩwa atatonya kũsyaa, na vai ĩmwe ya nyamũ sya mĩsyĩ yenyu yĩĩthĩwa ĩtatonya kũsyaa. 15Mwĩai Ngai akamũvetangĩa mowau onthe na ndakamũetee o na ũmwe wa mowau mathũku ala mamũkwataa mwĩ nthĩ ya Misili, ĩndĩ akaetee amaitha menyu onthe mowau asu. 16Minai andũ ma mbaĩ syonthe ila Mwĩai Ngai, Ngai wenyu wĩmũnenga ũtonyi wa kũisinda na mũikasyĩwĩe tei o na vanini. Mũikathaithe ngai syoo nũndũ ũndũ ũsu wĩthĩwa wĩ mũteo kwenyu.
17“Mũikasũanĩe ngoonĩ syenyu mwasye kana andũ asu nĩ aingĩ kwĩ inyw'ĩ na mũitonya kũmalũngya maume nthĩ yoo. 18Mũikamakĩe; ĩndĩ lilikanai ũndũ Mwĩai Ngai, Ngai wenyu weekanie na mũsumbĩ wa Misili o vamwe na andũ make onthe. 19Lilikanai ala mokany'o mathũku mũno mweeyoneie na metho menyu, na syama, maũndũ ma kũseng'ya, na ũtonyi na vinya mũnene ũla Mwĩai Ngai, Ngai wenyu wamũthaisye naw'o. Nzĩa ĩsu watũmĩie kũmina andũ ma Misili noyo wĩtũmĩa kũmina andũ asu onthe mũũkĩa. 20Ũu wĩ o vo, Mwĩai Ngai akatũmĩa andũ asu mauĩ makwatwe nĩ w'ĩa na kũmina ala meĩthĩwa makĩĩte makathi kwĩvitha. 21Kwoou mũikakĩe andũ asu nũndũ Mwĩai Ngai, Ngai wenyu ũla wĩ vamwe nenyu nĩ Ngai mũnene na wa kũkĩwa. 22Mũendee na kũlika nthĩ ĩsu, Mwĩai Ngai akaendeea kũlũngya andũ ma mbaĩ isu kavola kwa kavola. Mũyĩĩthĩwa mũtonya kũmina andũ asu ĩvinda yĩmwe, nyamũ sya kĩtheka iikese kwingĩva na iyambĩĩa kũmũthĩny'a. 23Mwĩai Ngai akanengane amaitha menyu ũtonyinĩ wenyu na aituma matelema nginya maminwe vyũ. 24Akanengane asumbĩ moo ũtonyinĩ wenyu na mũkamoaa na mayũla. Vai mũndũ o na ũmwe ũkethĩwa atonya kũmũsiĩĩa nginya yĩla mũkamamina vyũ. 25Vĩvyai mĩvw'anano myasũvye ya ngai syoo. Mũikew'ĩe ĩtomo silĩva kana thaavu ũla wũmbĩĩwe mĩvw'ananonĩ ĩsu, o na mũikawose mũũtw'ĩkĩthye ũthwii wenyu. Mweeka ũu, ũndũ ũsu wĩĩthĩwa wĩ mũthũku nũndũ ndũmwendeeasya Mwĩai Ngai, Ngai wenyu. 26Mũikaatwae ũmwe wa mĩvw'anano ĩsu mĩsyĩnĩ yenyu. Mweeka ũu, nĩmũkũumanĩwa ta yo. No nginya mũmene na kũvũthya mĩvw'anano ĩsu, nũndũ isu nĩ syĩndũ iminĩte kũumanĩwa nĩ Mwĩai Ngai.
Currently Selected:
Kũt 7: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Kũt 7
7
Kũlũngya Andũ ma Mbaĩ ila Ingĩ
(Kuma 34.11-16)
1 #
Meko 13.19
“Mwĩai Ngai, Ngai wenyu nũkũmũtwaa nthĩ ĩla mũkũthi kũlika na kũmesya, na nũkũlũngya mbaĩ mbingĩ kuma nthĩ ĩsu. Mũendee na kũlika, nũkũlũngya mbaĩ mũonza nene na syĩ vinya kwĩ inyw'ĩ nasyo nĩ mbaĩ sya Aititi, Angilikasi, Aamoli, Akanaani, Avelisi, Aivi na Ayevusi. 2Yĩla Mwĩai Ngai, Ngai wenyu wĩnengane andũ asu ũtonyinĩ wenyu na mũimasinda, mwĩmamina vyũ. Mũikaaseũvye wĩw'ano na andũ ma nthĩ ĩsu na o na mũikaamew'ĩe tei. 3Mũikaatwaane na andũ ma nthĩ ĩsu; mũiketĩkĩle eĩtu menyu matwawe nĩ ana moo kana ana menyu matwae eĩtu moo, 4nũndũ eĩtu asu makatuma ana menyu matethĩwa me aĩkĩĩku kũla kwĩ Mwĩai Ngai na mayambĩĩa kũthaitha ngai ingĩ. Meeka ũu mũkatuma Mwĩai Ngai athata mũno, na o kwa mĩtũkĩ aimwananga vyũ. 5#Kũt 12.3 Kwoou ĩkai andũ asu ũũ: Anangai ithembeo syoo, na kwananga ituĩ syoo sya ũthaithi. O ta ũu temangai ituĩ sya ngai yoo nga ĩla yĩtawa Asela, na mũivĩvya mĩvw'anano ya ngai syoo. 6#Kuma 19.5; Kũt 4.20; 14.2; 26.18; Tito 2.14; 1Vet 2.9 Ĩkai ũu nĩkwĩthĩwa mwĩ ma Mwĩai Ngai, Ngai wenyu. Kuma andũnĩ ala angĩ onthe ĩũlũ wa nthĩ, nĩwamũnyuvie mwĩthĩwe andũ make ma mwanya.
7“Mwĩai Ngai ndaamwenda na kũmũnyuva nĩkwĩthĩwa mwaĩ aingĩ mbee wa andũ ma mbaĩ ila ingĩ; ninyw'ĩ mwaĩ mbaĩ ĩla nini vyũ ĩũlũ wa nthĩ. 8Ĩndĩ amũnyuvie nũndũ nĩwamwendete na nĩwendaa kwĩanĩsya ũtianĩo ũla waseũvisye na aaũmae menyu. Kĩu nĩkyo kyatumie Mwĩai Ngai amwovosya na vinya wake mũnene na kũmũthasya kuma kwa Valao mũsumbĩ wa Misili, kũla mwekalaa mwĩ ngombo. 9Lilikanai kana Mwĩai Ngai, Ngai wenyu, nĩwe Ngai; nĩ Ngai mũĩkĩĩku na nĩwonanasya wendo wake ũtaalyũkaa kwa nzyawa mbingĩ sya ala mamwendete na kũkwata mĩao yake. 10#Kuma 20.5-6; 34.6-7; Mot 14.18; Kũt 5.9-10 Ĩndĩ ala mamũmenaa akeeyĩĩvanĩsya kwoo kwa kũmamina; ndakalea kũkany'a ala matamwĩw'aa. 11Kwoou ĩndĩ ĩanĩsyai mĩao, motw'ĩo na myamũlo ĩla ngũmwĩaĩa ũmũnthĩ.
Moathimo kwa ala Ewi
(Kũt 28.1-14)
12 #
Kũt 11.13-17
“Mweethukĩĩsya myamũlo ĩno na kũmĩanĩsya mwĩ aĩkĩĩku, Mwĩai Ngai, Ngai wenyu nũkũendeea kwĩanĩsya ũtianĩo wake nenyu na kũmwony'a wendo wake ũtaalyũkaa o tondũ wathie aaũmae menyu. 13Akamwendaa na kũmũathima nĩ kana mwongeleke na kwĩthĩwa na syana mbingĩ. O ta ũu akaathima mĩũnda yenyu nĩ kana mwĩthĩwe na ngetha mbingĩ ya mbaa mbeke, ndivai na ya mauta. Akamũathima kwa kũtuma mwĩthĩwa na ng'ombe, mbũi na malondu maingĩ. Akamũnenga moathimo asu onthe mwĩ nthĩ ĩla wathie aaũmae menyu kana akamũnenga. 14Mũkeethĩwa mwĩ aathime kwĩ andũ ma mbaĩ ila ingĩ syonthe; vai ũmwe katĩ wenyu wĩĩthĩwa atatonya kũsyaa, na vai ĩmwe ya nyamũ sya mĩsyĩ yenyu yĩĩthĩwa ĩtatonya kũsyaa. 15Mwĩai Ngai akamũvetangĩa mowau onthe na ndakamũetee o na ũmwe wa mowau mathũku ala mamũkwataa mwĩ nthĩ ya Misili, ĩndĩ akaetee amaitha menyu onthe mowau asu. 16Minai andũ ma mbaĩ syonthe ila Mwĩai Ngai, Ngai wenyu wĩmũnenga ũtonyi wa kũisinda na mũikasyĩwĩe tei o na vanini. Mũikathaithe ngai syoo nũndũ ũndũ ũsu wĩthĩwa wĩ mũteo kwenyu.
17“Mũikasũanĩe ngoonĩ syenyu mwasye kana andũ asu nĩ aingĩ kwĩ inyw'ĩ na mũitonya kũmalũngya maume nthĩ yoo. 18Mũikamakĩe; ĩndĩ lilikanai ũndũ Mwĩai Ngai, Ngai wenyu weekanie na mũsumbĩ wa Misili o vamwe na andũ make onthe. 19Lilikanai ala mokany'o mathũku mũno mweeyoneie na metho menyu, na syama, maũndũ ma kũseng'ya, na ũtonyi na vinya mũnene ũla Mwĩai Ngai, Ngai wenyu wamũthaisye naw'o. Nzĩa ĩsu watũmĩie kũmina andũ ma Misili noyo wĩtũmĩa kũmina andũ asu onthe mũũkĩa. 20Ũu wĩ o vo, Mwĩai Ngai akatũmĩa andũ asu mauĩ makwatwe nĩ w'ĩa na kũmina ala meĩthĩwa makĩĩte makathi kwĩvitha. 21Kwoou mũikakĩe andũ asu nũndũ Mwĩai Ngai, Ngai wenyu ũla wĩ vamwe nenyu nĩ Ngai mũnene na wa kũkĩwa. 22Mũendee na kũlika nthĩ ĩsu, Mwĩai Ngai akaendeea kũlũngya andũ ma mbaĩ isu kavola kwa kavola. Mũyĩĩthĩwa mũtonya kũmina andũ asu ĩvinda yĩmwe, nyamũ sya kĩtheka iikese kwingĩva na iyambĩĩa kũmũthĩny'a. 23Mwĩai Ngai akanengane amaitha menyu ũtonyinĩ wenyu na aituma matelema nginya maminwe vyũ. 24Akanengane asumbĩ moo ũtonyinĩ wenyu na mũkamoaa na mayũla. Vai mũndũ o na ũmwe ũkethĩwa atonya kũmũsiĩĩa nginya yĩla mũkamamina vyũ. 25Vĩvyai mĩvw'anano myasũvye ya ngai syoo. Mũikew'ĩe ĩtomo silĩva kana thaavu ũla wũmbĩĩwe mĩvw'ananonĩ ĩsu, o na mũikawose mũũtw'ĩkĩthye ũthwii wenyu. Mweeka ũu, ũndũ ũsu wĩĩthĩwa wĩ mũthũku nũndũ ndũmwendeeasya Mwĩai Ngai, Ngai wenyu. 26Mũikaatwae ũmwe wa mĩvw'anano ĩsu mĩsyĩnĩ yenyu. Mweeka ũu, nĩmũkũumanĩwa ta yo. No nginya mũmene na kũvũthya mĩvw'anano ĩsu, nũndũ isu nĩ syĩndũ iminĩte kũumanĩwa nĩ Mwĩai Ngai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011