Kuma 6
6
1Nĩvo ĩndĩ Mwĩai Ngai weeie Mwose atĩĩ, “Yu nũkwona ũndũ ngwĩkana na mũsumbĩ. Nĩngũtũmĩa ũtonyi wakwa amalekye mathi. Kwa w'o, nĩmũtũmĩĩa ũtonyi kũvikĩa amalũngye maume nthĩ yake.”
2 #
Mwa 17.1; 28.3; 35.11; Kuma 3.13-15 Ngai nĩwasyokie amwĩa Mwose, “Nyie ninyie Mwĩai Ngai. 3Nĩnaumĩlĩĩle Avalaamu, naumĩlĩĩla Isaka, na naumĩlĩĩla Yakovo ta nĩ Ngai Mwene Ũtonyi W'onthe, ĩndĩ ndyaaĩmanyĩthany'a kwa andũ makwa na ĩsyĩtwa yakwa, nayo nĩ Mwĩai Ngai. 4O ta ũu nĩnaseũvisye ũtianĩo wakwa namo, na namatha kũmanenga nthĩ ya Kanaani, vala matwĩe me aeni. 5Nĩnĩw'ĩte kĩĩo kya andũ ma Ĩsilaeli ala makwatĩtwe ũkombo nĩ andũ ma Misili na nĩngwĩka ũndũ natianĩie namo. 6Kwoou tavya andũ ma Ĩsilaeli kana nyie nĩmea atĩĩ, ‘Ninyie Mwĩai Ngai; ngamũthasya na kũmũvonokya mũeke kwĩthĩwa ngombo sya andũ ma Misili. Ngatũmĩa ũtonyi wakwa nĩete ũsilĩlo mũthũku ĩũlũ woo na ngĩmwovosya. 7Ngamũtw'ĩkĩthya andũ makwa, nakwa ngeethĩwa Ngai wenyu. Mũkamanya kana ninyie Mwĩai Ngai, Ngai wenyu yĩla ngamũthasya mũeke kwĩthĩwa ngombo sya andũ ma Misili. 8Ngamũtwaa nthĩ ĩla neevĩtie na nathana kana ngamĩnenga Avalaamu, Isaka na Yakovo; ngamũnenga yo yĩthĩwe nthĩ yenyu. Ninyie Mwĩai Ngai!’ ” 9Mwose nĩwatavisye andũ ma Ĩsilaeli ndeto isu, ĩndĩ mayaamwĩthukĩĩsya nĩkwĩthĩwa nĩmakw'ĩte ngoo mũno kumana na kũthĩnw'a kũla mathĩnĩtw'e.
10Nĩvo ĩndĩ Mwĩai Ngai wamwĩie Mwose, 11“Enda ũtavye Valao mũsumbĩ wa Misili alekye andũ ma Ĩsilaeli mathi maume nthĩ yake.”
12Ĩndĩ Mwose eea Mwĩai Ngai atĩĩ, “Ethĩwa andũ ma Ĩsilaeli nĩmeũlea kũmbĩthukĩĩsya, nĩ kyaũ kĩtuma mũsumbĩ ethukĩĩsya mũndũ ũneenaa aithita takwa?”
13Nĩvo ĩndĩ Mwĩai Ngai waneenie na Mwose na Alũni na ameaĩa mathi kwa Valao mũsumbĩ wa Misili makaumye andũ ma Ĩsilaeli nthĩ ĩsu.
Mosyaanĩo ma Mwose na Alũni
14Aa nĩmo masyĩtwa ma aaũmae ma nzyawa sya Ĩsilaeli: Ana ma Lũveni, mwana wa mbee wa Yakovo maĩ ana: Anoki, Valu, Esiloni, na Kalĩmi; asu nĩmo maĩ aaũmae ma nzyawa sya Lũveni. 15Nake Simioni aĩ ana thanthatũ: Yemũeli, Yamini, Oati, Yakini, Nzoali, na Sauli, ũla waĩ mwana wa kĩveti Kĩmũkanaani; asu nĩmo maĩ aaũmae ma nzyawa sya Simioni. 16#Mot 3.17-20; 26.57-58; 1Mav 6.16-19 Aa nĩmo masyĩtwa ma ana ma Livai, kũatĩĩa mosyaanĩo moo: Ngelisoni, Koathi na Melali. Livai ekalile thayũ myaka ĩana na mĩongo ĩtatũ na mũonza. 17Ngelisoni aĩ na ana elĩ: Livini na Simei; asu nĩmo maĩ aaũmae ma nzyawa sya Ngelisoni. 18Koathi ana make maĩ ana: Amulamu, Ĩsiali, Eviloni na Usieli; Koathi ekalile thayũ myaka ĩana na mĩongo ĩtatũ na ĩtatũ. 19Melali aĩ na ana elĩ: Mali na Musi. Asu nĩmo aaũmae ma nzyawa sya Livai kũatĩĩa mosyaanĩo moo.
20Amulamu nĩwatwaie mwĩĩtu-a-inyia wa ĩthe wake weetawa Yokeveti na masyaa Alũni na Mwose. Amulamu ekalile thayũ myaka ĩana na mĩongo ĩtatũ na mũonza. 21Ĩsiali aĩ ana atatũ: Kola, Nevengi, na Nzikili. 22O ta ũu Usieli aĩ na ana atatũ: Misaeli, Elisavani na Sithili.
23Alũni nĩwatwaie Elisieva, mwĩĩtu wa Aminatavu, ũla waĩ mwĩĩtu-a-inyia wa Nasoni. Nĩmasyaie syana inya: Natavu, Aviu, Eleasali, na Ĩthamali. 24Kola aĩ na ana atatũ: Asili, Elikana, na Aviasavu; asu nĩmo maĩ aaũmae ma nzyawa sya Kola. 25Eleasali mwana wa Alũni nĩwatwaie ũmwe wa eĩtu ma Vutielo na masyaa mwana weetawa Vineasi. Asu nĩmo maĩ aaũmae ma nzyawa sya Livai kũatĩĩa mĩsyĩ yoo.
26Alũni na Mwose nĩmo Mwĩai Ngai waneenie namo aimea atĩĩ, “Tongoesyai andũ ma Ĩsilaeli mũmaumye nthĩ ya Misili kwĩanana na mbaĩ syoo.” 27O ta ũu nomo maneenie na Valao mũsumbĩ wa Misili nĩ kana alekye andũ ma Ĩsilaeli maume Misili.
28Yĩla Mwĩai Ngai waneenie na Mwose e nthĩ ya Misili, 29amwĩie atĩĩ, “Ninyie Mwĩai Ngai. Tavya Valao mũsumbĩ wa Misili maũndũ onthe ala ngũũtavya.”
30Ĩndĩ Mwose amũsũngĩa, “Nĩ kyaũ kĩtuma mũsumbĩ ambĩthukĩĩsya nakwa nĩneenaa ngĩthita?”
Currently Selected:
Kuma 6: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Kuma 6
6
1Nĩvo ĩndĩ Mwĩai Ngai weeie Mwose atĩĩ, “Yu nũkwona ũndũ ngwĩkana na mũsumbĩ. Nĩngũtũmĩa ũtonyi wakwa amalekye mathi. Kwa w'o, nĩmũtũmĩĩa ũtonyi kũvikĩa amalũngye maume nthĩ yake.”
2 #
Mwa 17.1; 28.3; 35.11; Kuma 3.13-15 Ngai nĩwasyokie amwĩa Mwose, “Nyie ninyie Mwĩai Ngai. 3Nĩnaumĩlĩĩle Avalaamu, naumĩlĩĩla Isaka, na naumĩlĩĩla Yakovo ta nĩ Ngai Mwene Ũtonyi W'onthe, ĩndĩ ndyaaĩmanyĩthany'a kwa andũ makwa na ĩsyĩtwa yakwa, nayo nĩ Mwĩai Ngai. 4O ta ũu nĩnaseũvisye ũtianĩo wakwa namo, na namatha kũmanenga nthĩ ya Kanaani, vala matwĩe me aeni. 5Nĩnĩw'ĩte kĩĩo kya andũ ma Ĩsilaeli ala makwatĩtwe ũkombo nĩ andũ ma Misili na nĩngwĩka ũndũ natianĩie namo. 6Kwoou tavya andũ ma Ĩsilaeli kana nyie nĩmea atĩĩ, ‘Ninyie Mwĩai Ngai; ngamũthasya na kũmũvonokya mũeke kwĩthĩwa ngombo sya andũ ma Misili. Ngatũmĩa ũtonyi wakwa nĩete ũsilĩlo mũthũku ĩũlũ woo na ngĩmwovosya. 7Ngamũtw'ĩkĩthya andũ makwa, nakwa ngeethĩwa Ngai wenyu. Mũkamanya kana ninyie Mwĩai Ngai, Ngai wenyu yĩla ngamũthasya mũeke kwĩthĩwa ngombo sya andũ ma Misili. 8Ngamũtwaa nthĩ ĩla neevĩtie na nathana kana ngamĩnenga Avalaamu, Isaka na Yakovo; ngamũnenga yo yĩthĩwe nthĩ yenyu. Ninyie Mwĩai Ngai!’ ” 9Mwose nĩwatavisye andũ ma Ĩsilaeli ndeto isu, ĩndĩ mayaamwĩthukĩĩsya nĩkwĩthĩwa nĩmakw'ĩte ngoo mũno kumana na kũthĩnw'a kũla mathĩnĩtw'e.
10Nĩvo ĩndĩ Mwĩai Ngai wamwĩie Mwose, 11“Enda ũtavye Valao mũsumbĩ wa Misili alekye andũ ma Ĩsilaeli mathi maume nthĩ yake.”
12Ĩndĩ Mwose eea Mwĩai Ngai atĩĩ, “Ethĩwa andũ ma Ĩsilaeli nĩmeũlea kũmbĩthukĩĩsya, nĩ kyaũ kĩtuma mũsumbĩ ethukĩĩsya mũndũ ũneenaa aithita takwa?”
13Nĩvo ĩndĩ Mwĩai Ngai waneenie na Mwose na Alũni na ameaĩa mathi kwa Valao mũsumbĩ wa Misili makaumye andũ ma Ĩsilaeli nthĩ ĩsu.
Mosyaanĩo ma Mwose na Alũni
14Aa nĩmo masyĩtwa ma aaũmae ma nzyawa sya Ĩsilaeli: Ana ma Lũveni, mwana wa mbee wa Yakovo maĩ ana: Anoki, Valu, Esiloni, na Kalĩmi; asu nĩmo maĩ aaũmae ma nzyawa sya Lũveni. 15Nake Simioni aĩ ana thanthatũ: Yemũeli, Yamini, Oati, Yakini, Nzoali, na Sauli, ũla waĩ mwana wa kĩveti Kĩmũkanaani; asu nĩmo maĩ aaũmae ma nzyawa sya Simioni. 16#Mot 3.17-20; 26.57-58; 1Mav 6.16-19 Aa nĩmo masyĩtwa ma ana ma Livai, kũatĩĩa mosyaanĩo moo: Ngelisoni, Koathi na Melali. Livai ekalile thayũ myaka ĩana na mĩongo ĩtatũ na mũonza. 17Ngelisoni aĩ na ana elĩ: Livini na Simei; asu nĩmo maĩ aaũmae ma nzyawa sya Ngelisoni. 18Koathi ana make maĩ ana: Amulamu, Ĩsiali, Eviloni na Usieli; Koathi ekalile thayũ myaka ĩana na mĩongo ĩtatũ na ĩtatũ. 19Melali aĩ na ana elĩ: Mali na Musi. Asu nĩmo aaũmae ma nzyawa sya Livai kũatĩĩa mosyaanĩo moo.
20Amulamu nĩwatwaie mwĩĩtu-a-inyia wa ĩthe wake weetawa Yokeveti na masyaa Alũni na Mwose. Amulamu ekalile thayũ myaka ĩana na mĩongo ĩtatũ na mũonza. 21Ĩsiali aĩ ana atatũ: Kola, Nevengi, na Nzikili. 22O ta ũu Usieli aĩ na ana atatũ: Misaeli, Elisavani na Sithili.
23Alũni nĩwatwaie Elisieva, mwĩĩtu wa Aminatavu, ũla waĩ mwĩĩtu-a-inyia wa Nasoni. Nĩmasyaie syana inya: Natavu, Aviu, Eleasali, na Ĩthamali. 24Kola aĩ na ana atatũ: Asili, Elikana, na Aviasavu; asu nĩmo maĩ aaũmae ma nzyawa sya Kola. 25Eleasali mwana wa Alũni nĩwatwaie ũmwe wa eĩtu ma Vutielo na masyaa mwana weetawa Vineasi. Asu nĩmo maĩ aaũmae ma nzyawa sya Livai kũatĩĩa mĩsyĩ yoo.
26Alũni na Mwose nĩmo Mwĩai Ngai waneenie namo aimea atĩĩ, “Tongoesyai andũ ma Ĩsilaeli mũmaumye nthĩ ya Misili kwĩanana na mbaĩ syoo.” 27O ta ũu nomo maneenie na Valao mũsumbĩ wa Misili nĩ kana alekye andũ ma Ĩsilaeli maume Misili.
28Yĩla Mwĩai Ngai waneenie na Mwose e nthĩ ya Misili, 29amwĩie atĩĩ, “Ninyie Mwĩai Ngai. Tavya Valao mũsumbĩ wa Misili maũndũ onthe ala ngũũtavya.”
30Ĩndĩ Mwose amũsũngĩa, “Nĩ kyaũ kĩtuma mũsumbĩ ambĩthukĩĩsya nakwa nĩneenaa ngĩthita?”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011