Kuma 9
9
Mwĩai Ngai Ayũaa Indo Sya Andũ ma Misili
1Nĩvo ĩndĩ Mwĩai Ngai weeie Mwose atĩĩ, “Enda kwa mũsumbĩ wa Misili ũkamwĩe Mwĩai Ngai wa Aevelania easya atĩĩ, ‘Lekya andũ makwa mathi nĩ kana makanthaithe. 2Walea ĩngĩ kũmalekya mathi, 3nĩngũũkany'a kwa kũete ũwau mũthũku mũno indonĩ syaku: mbalasi, mang'oi, ngamĩle, ng'ombe, mbũi na malondu. 4Nyie ngavathũkany'a indo sya andũ ma Ĩsilaeli na sya andũ ma Misili nĩ kana vaikakw'e ĩmwe ya ila sya andũ ma Ĩsilaeli.’ ” 5Mwĩai Ngai nĩwatwie kyathi asya atĩĩ, “Ũnĩ nĩ w'o nĩĩka maũndũ aa nthĩ ya Misili.”
6Ũnĩ ũsu Mwĩai Ngai nĩweekie ũndũ waneenete. Indo syonthe sya andũ ma Misili nĩsyakwie syathela vyũ, ĩndĩ vai ĩmwe ya indo sya andũ ma Ĩsilaeli yaakw'a. 7Mũsumbĩ nĩwatũmanie nĩ kana amanye ĩũlũ wa maũndũ ala mekĩkie, na eewa kana vai ĩmwe ya indo sya andũ ma Ĩsilaeli yaakw'a. Ĩndĩ mũsumbĩ nĩwaendeeie kũmya ngoo na alea kũlekya andũ asu mathi.
Ngai Aikany'a Andũ ma Misili kwa Kũmaetee Ũwau wa Mĩimũ
8Mwĩai Ngai nĩweeie Mwose na Alũni atĩĩ, “Utai ngundi sya mũu kuma ĩikonĩ na Mwose aiwĩkya na ĩũlũ e mbee wa mũsumbĩ. 9Mũu ũsu ũkatw'ĩka kĩtoo kĩvinyu nthĩ yonthe ya Misili, na kũtuma mĩimũ ĩvũlĩkanga ĩkatw'ĩka itau mĩĩnĩ ya andũ ma Misili na nyamũ.” 10#Ũvu 16.2 Kwoou nĩmautie mũu, na maũngama mbee wa mũsumbĩ. Mwose nĩwekisye mũu ũsu na ĩũlũ na watuma mĩimũ ĩvũlĩkanga na kũtw'ĩka itau mĩĩnĩ ya andũ na nyamũ. 11Ala eki ma syama mayaĩ matonya kũthengeea vala ve Mwose, nũndũ mo vamwe na andũ ma Misili onthe nĩmakwatiwe nĩ mĩimũ. 12Ĩndĩ Mwĩai Ngai nĩwatumie mũsumbĩ aendeea kũmya ngoo yake, na o tondũ Mwĩai Ngai waneenete, mũsumbĩ ndaaĩtĩkĩla kwĩthukĩĩsya Mwose na Alũni.
Ngai Aikany'a Andũ ma Misili na Mbua ya Mavia
13Mwĩai Ngai nĩwaneenie na Mwose amwĩa atĩĩ, “Enda ũnĩ kwakya tene ũkamwĩe mũsumbĩ Mwĩai Ngai wa Aevelania easya atĩĩ, ‘Lekya andũ makwa mathi nĩ kana makanthaithe. 14Walea kũmalekya yu, nĩngũũkany'a we na mothĩny'o makwa maingĩ, na ngĩkany'a anini maku, na andũ maku nĩ kana ũmanye vai ũngĩ takwa ĩũlũ wa nthĩ. 15Kethĩwa kwa ũtonyi wakwa, nĩnendie ũkũmina we na andũ maku onthe kwa kũmũetee ũwau mũthũku, nĩthĩwa nĩmũminie vyũ. 16#Alo 9.17 Ĩndĩ nyie nĩnĩmũekete mwĩthĩwe mwĩ thayũ nĩ kana ũtonyi wakwa woneke, na ĩsyĩtwa yakwa yĩtavanw'e kĩla vandũ ĩũlũ wa nthĩ. 17Ũu wĩ o vo we nũendee na kwĩkathĩĩa na kũlea kũlekya andũ makwa mathi. 18Kwondũ wa ũu, ũnĩ ĩvinda ta yĩĩ ngausya mbua nene ya mavia ĩla ĩtaaoneka ĩngĩ kũũ Misili kuma tene kũvika ũmũnthĩ. 19Kwoou ĩyĩae indo na syĩndũ syaku syonthe ila syĩ nza itwawe vandũ itatonya kuĩĩwa, nũndũ mbua ĩsu ĩkauĩĩa andũ na nyamũ syonthe ila ikethĩwa nza ikw'e.’ ” 20Amwe ma anini ma mũsumbĩ nĩmakwatiwe nĩ w'ĩa nũndũ wa ndeto isu Mwĩai Ngai waneenie, na kwoou malikya indo na ngombo syoo vandũ ũsũvĩonĩ. 21Ĩndĩ ala mataaĩw'a ũndũ Mwĩai Ngai waisye, nĩmaekanie na ngombo na indo syoo nza.
22Nĩvo ĩndĩ Mwĩai Ngai weeie Mwose atĩĩ, “Tambũũkya kw'oko kwaku ũkwelekelye matunĩ, na mbua nene ya mavia nĩkua nthĩ yonthe ya Misili; yuĩĩe andũ, indo na mĩmea yonthe.” 23Kwoou Mwose nĩwookĩlilye ndata yake amyelekelya matunĩ, na Mwĩai Ngai aete kĩtandalĩki na mbua nene ya mavia, na kweethĩwa na ũtisi mũnene mũno. Mwĩai Ngai nĩwauisye mbua ĩsu nene nthĩ ya Misili, 24#Ũvu 8.7; 16.21 yaua na kwaendeea na kũtisa. Mbua ĩsu nĩyo yaĩ nene mũno kua nthĩ ya Misili kuma yatũwa nĩ andũ. 25Mbua ĩsu nĩyooaie andũ na indo syonthe ila syaĩ nza kũu nthĩ ya Misili, o vamwe na kwananga syĩndũ ila syavandĩtwe mĩũndanĩ na mĩtĩ yonthe ĩla yaĩ kĩthekanĩ. 26Kĩsio kya Ngoseni kĩla andũ ma Ĩsilaeli mekalaa nokyo kĩtaavikĩwa nĩ mbua ĩsu.
27Mũsumbĩ nĩwatũmanie Mwose na Alũni na amea atĩĩ, “Yu nĩnamanya kana nĩnĩvĩtĩtye; Mwĩai Ngai ekĩte ũla waĩlu, ĩndĩ nyie na andũ makwa nĩtũvĩtĩtye. 28Voyai Mwĩai Ngai, nũndũ nĩtũkolile thĩna ũũ wa mbua ya mavia na kĩtandalĩki. Nĩngũmũlekya mũthi na mũiĩkalanga o na vanini.”
29Mwose nĩwamwĩie atĩĩ, “Namina kuma vaa ndũanĩ oou, nĩngũkĩlya moko makwa nĩvoye Mwĩai Ngai. Kĩtandalĩki vamwe na mbua ya mavia niũthela vyũ nĩ kana we ũmanye nthĩ nĩ ya Mwĩai Ngai. 30Ĩndĩ nĩnĩsĩ we na anini maku mũinesa kwĩthĩwa na kĩkĩo kya Mwĩai Ngai.”
31Mĩtĩ ĩla yumaw'a ndii sya kũtuma ngũa o vamwe na nganũ yĩtawa mbaale nĩsyaanangiwe, nũndũ ĩvinda ya kũketha mbaale yaĩ ĩviku, nayo mĩtĩ ĩsu nĩyaumĩtye malaa. 32Ĩndĩ nganũ na mwee iyaanangwa nĩkwĩthĩwa iyaĩ inamba kwĩana.
33Kwoou Mwose nĩwaumie ndũanĩ vala ve mũsumbĩ na ookĩlya moko avoya Mwĩai Ngai. Kĩtandalĩki na mbua ya mavia nĩsyathelile na kwaeka kua vyũ. 34Ĩndĩ yĩla mũsumbĩ woonie kana mbua ya mavia na kĩtandalĩki nĩsyathela, nĩwasyokie kũmũvĩtĩsya Ngai ĩngĩ, na aendeea kumya ngoo yake we, na anini make. 35Kwoou mũsumbĩ nĩwoomisye ngoo, na o tondũ Mwĩai Ngai waneenete kwĩsĩla vala ve Mwose, mũsumbĩ ndaaĩtĩkĩla kũeka andũ ma Ĩsilaeli mathi.
Currently Selected:
Kuma 9: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Kuma 9
9
Mwĩai Ngai Ayũaa Indo Sya Andũ ma Misili
1Nĩvo ĩndĩ Mwĩai Ngai weeie Mwose atĩĩ, “Enda kwa mũsumbĩ wa Misili ũkamwĩe Mwĩai Ngai wa Aevelania easya atĩĩ, ‘Lekya andũ makwa mathi nĩ kana makanthaithe. 2Walea ĩngĩ kũmalekya mathi, 3nĩngũũkany'a kwa kũete ũwau mũthũku mũno indonĩ syaku: mbalasi, mang'oi, ngamĩle, ng'ombe, mbũi na malondu. 4Nyie ngavathũkany'a indo sya andũ ma Ĩsilaeli na sya andũ ma Misili nĩ kana vaikakw'e ĩmwe ya ila sya andũ ma Ĩsilaeli.’ ” 5Mwĩai Ngai nĩwatwie kyathi asya atĩĩ, “Ũnĩ nĩ w'o nĩĩka maũndũ aa nthĩ ya Misili.”
6Ũnĩ ũsu Mwĩai Ngai nĩweekie ũndũ waneenete. Indo syonthe sya andũ ma Misili nĩsyakwie syathela vyũ, ĩndĩ vai ĩmwe ya indo sya andũ ma Ĩsilaeli yaakw'a. 7Mũsumbĩ nĩwatũmanie nĩ kana amanye ĩũlũ wa maũndũ ala mekĩkie, na eewa kana vai ĩmwe ya indo sya andũ ma Ĩsilaeli yaakw'a. Ĩndĩ mũsumbĩ nĩwaendeeie kũmya ngoo na alea kũlekya andũ asu mathi.
Ngai Aikany'a Andũ ma Misili kwa Kũmaetee Ũwau wa Mĩimũ
8Mwĩai Ngai nĩweeie Mwose na Alũni atĩĩ, “Utai ngundi sya mũu kuma ĩikonĩ na Mwose aiwĩkya na ĩũlũ e mbee wa mũsumbĩ. 9Mũu ũsu ũkatw'ĩka kĩtoo kĩvinyu nthĩ yonthe ya Misili, na kũtuma mĩimũ ĩvũlĩkanga ĩkatw'ĩka itau mĩĩnĩ ya andũ ma Misili na nyamũ.” 10#Ũvu 16.2 Kwoou nĩmautie mũu, na maũngama mbee wa mũsumbĩ. Mwose nĩwekisye mũu ũsu na ĩũlũ na watuma mĩimũ ĩvũlĩkanga na kũtw'ĩka itau mĩĩnĩ ya andũ na nyamũ. 11Ala eki ma syama mayaĩ matonya kũthengeea vala ve Mwose, nũndũ mo vamwe na andũ ma Misili onthe nĩmakwatiwe nĩ mĩimũ. 12Ĩndĩ Mwĩai Ngai nĩwatumie mũsumbĩ aendeea kũmya ngoo yake, na o tondũ Mwĩai Ngai waneenete, mũsumbĩ ndaaĩtĩkĩla kwĩthukĩĩsya Mwose na Alũni.
Ngai Aikany'a Andũ ma Misili na Mbua ya Mavia
13Mwĩai Ngai nĩwaneenie na Mwose amwĩa atĩĩ, “Enda ũnĩ kwakya tene ũkamwĩe mũsumbĩ Mwĩai Ngai wa Aevelania easya atĩĩ, ‘Lekya andũ makwa mathi nĩ kana makanthaithe. 14Walea kũmalekya yu, nĩngũũkany'a we na mothĩny'o makwa maingĩ, na ngĩkany'a anini maku, na andũ maku nĩ kana ũmanye vai ũngĩ takwa ĩũlũ wa nthĩ. 15Kethĩwa kwa ũtonyi wakwa, nĩnendie ũkũmina we na andũ maku onthe kwa kũmũetee ũwau mũthũku, nĩthĩwa nĩmũminie vyũ. 16#Alo 9.17 Ĩndĩ nyie nĩnĩmũekete mwĩthĩwe mwĩ thayũ nĩ kana ũtonyi wakwa woneke, na ĩsyĩtwa yakwa yĩtavanw'e kĩla vandũ ĩũlũ wa nthĩ. 17Ũu wĩ o vo we nũendee na kwĩkathĩĩa na kũlea kũlekya andũ makwa mathi. 18Kwondũ wa ũu, ũnĩ ĩvinda ta yĩĩ ngausya mbua nene ya mavia ĩla ĩtaaoneka ĩngĩ kũũ Misili kuma tene kũvika ũmũnthĩ. 19Kwoou ĩyĩae indo na syĩndũ syaku syonthe ila syĩ nza itwawe vandũ itatonya kuĩĩwa, nũndũ mbua ĩsu ĩkauĩĩa andũ na nyamũ syonthe ila ikethĩwa nza ikw'e.’ ” 20Amwe ma anini ma mũsumbĩ nĩmakwatiwe nĩ w'ĩa nũndũ wa ndeto isu Mwĩai Ngai waneenie, na kwoou malikya indo na ngombo syoo vandũ ũsũvĩonĩ. 21Ĩndĩ ala mataaĩw'a ũndũ Mwĩai Ngai waisye, nĩmaekanie na ngombo na indo syoo nza.
22Nĩvo ĩndĩ Mwĩai Ngai weeie Mwose atĩĩ, “Tambũũkya kw'oko kwaku ũkwelekelye matunĩ, na mbua nene ya mavia nĩkua nthĩ yonthe ya Misili; yuĩĩe andũ, indo na mĩmea yonthe.” 23Kwoou Mwose nĩwookĩlilye ndata yake amyelekelya matunĩ, na Mwĩai Ngai aete kĩtandalĩki na mbua nene ya mavia, na kweethĩwa na ũtisi mũnene mũno. Mwĩai Ngai nĩwauisye mbua ĩsu nene nthĩ ya Misili, 24#Ũvu 8.7; 16.21 yaua na kwaendeea na kũtisa. Mbua ĩsu nĩyo yaĩ nene mũno kua nthĩ ya Misili kuma yatũwa nĩ andũ. 25Mbua ĩsu nĩyooaie andũ na indo syonthe ila syaĩ nza kũu nthĩ ya Misili, o vamwe na kwananga syĩndũ ila syavandĩtwe mĩũndanĩ na mĩtĩ yonthe ĩla yaĩ kĩthekanĩ. 26Kĩsio kya Ngoseni kĩla andũ ma Ĩsilaeli mekalaa nokyo kĩtaavikĩwa nĩ mbua ĩsu.
27Mũsumbĩ nĩwatũmanie Mwose na Alũni na amea atĩĩ, “Yu nĩnamanya kana nĩnĩvĩtĩtye; Mwĩai Ngai ekĩte ũla waĩlu, ĩndĩ nyie na andũ makwa nĩtũvĩtĩtye. 28Voyai Mwĩai Ngai, nũndũ nĩtũkolile thĩna ũũ wa mbua ya mavia na kĩtandalĩki. Nĩngũmũlekya mũthi na mũiĩkalanga o na vanini.”
29Mwose nĩwamwĩie atĩĩ, “Namina kuma vaa ndũanĩ oou, nĩngũkĩlya moko makwa nĩvoye Mwĩai Ngai. Kĩtandalĩki vamwe na mbua ya mavia niũthela vyũ nĩ kana we ũmanye nthĩ nĩ ya Mwĩai Ngai. 30Ĩndĩ nĩnĩsĩ we na anini maku mũinesa kwĩthĩwa na kĩkĩo kya Mwĩai Ngai.”
31Mĩtĩ ĩla yumaw'a ndii sya kũtuma ngũa o vamwe na nganũ yĩtawa mbaale nĩsyaanangiwe, nũndũ ĩvinda ya kũketha mbaale yaĩ ĩviku, nayo mĩtĩ ĩsu nĩyaumĩtye malaa. 32Ĩndĩ nganũ na mwee iyaanangwa nĩkwĩthĩwa iyaĩ inamba kwĩana.
33Kwoou Mwose nĩwaumie ndũanĩ vala ve mũsumbĩ na ookĩlya moko avoya Mwĩai Ngai. Kĩtandalĩki na mbua ya mavia nĩsyathelile na kwaeka kua vyũ. 34Ĩndĩ yĩla mũsumbĩ woonie kana mbua ya mavia na kĩtandalĩki nĩsyathela, nĩwasyokie kũmũvĩtĩsya Ngai ĩngĩ, na aendeea kumya ngoo yake we, na anini make. 35Kwoou mũsumbĩ nĩwoomisye ngoo, na o tondũ Mwĩai Ngai waneenete kwĩsĩla vala ve Mwose, mũsumbĩ ndaaĩtĩkĩla kũeka andũ ma Ĩsilaeli mathi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011