Ali 11
11
Nyamũ ila Syĩtĩkĩlĩtw'e Kũĩwa
(Kũt 14.3-21)
1Mwĩai Ngai nĩwaneenie na Mwose na Alũni amea atĩĩ, 2“Neenai na andũ ma Ĩsilaeli mũmee kana nyamũ ii nĩsyo mũtonya kũya katĩ wa nyamũ syonthe ila syĩkalaa ĩũlũ wa nthĩ nyũmũ: 3Nĩmũtonya kũya nyamũ o na yĩva ĩla yĩ mavũngũ matũe na ithaumasya. 4Ve nyamũ imwe katĩ wa ila ithaumasya, kana syĩ mavũngũ matũe ila mũtaĩlĩte kũya. Mũikaye nyama sya ngamĩle nũndũ o na vala nĩthaumasya, mavũngũ mayo ti matũe, na kwoou nĩ mbuku kwenyu. 5Mũikaye nyama sya kĩnyowe nũndũ o na vala nĩkĩthaumasya, kĩi mavũngũ matũe, na kwoou nĩ kĩvuku kwenyu. 6Mũikaye nyama sya mbũkũ nũndũ o na vala o nayo nĩthaumasya ndĩ mavũngũ matũe, kwoou nĩ mbuku. 7Mũikaye nyama sya ngũlũe nũndũ o na vala yĩ mavũngũ matũe na makaanĩka vyũ ndĩthaumasya, na kwoou nĩ mbuku kwenyu. 8Mũikaaye nyama sya nyamũ isu, kana kũikiita yĩla syakw'a, nĩkwĩthĩwa nĩ mbuku.
9“Nĩmũtonya kũya mĩthemba yonthe ya makũyũ ala me na nthwau na makwaũ, 10ĩndĩ mũyaĩlĩte kũya nyamũ o na yĩva ĩla ĩtũaa kĩw'ũnĩ na ndĩ nthwau na makwaũ. 11Talaai syũmbe sya mũthemba ũsu kwĩthĩwa syĩ mbuku, mũyaĩlĩte kũya nyama syasyo kana kũikiita yĩla syakw'a nĩkwĩthĩwa nĩ mbuku. 12Mũyaĩlĩte kũya nyamũ o na yĩva ĩla ĩtũaa kĩw'ũnĩ na ndĩ nthwau na makwaũ nĩkwĩthĩwa nĩ mbuku kwenyu.
13“Mũyaĩlĩte kũya mĩthemba ĩno ya nyũnyi nĩkwĩthĩwa nĩ mbuku: Ndiũ, mbolosya, ndei, 14kĩmangaũ, kĩvaalala kya mũthemba o na wĩva, 15ngũngũũ ya mũthemba o na wĩva, 16nyaa, ilũĩ ila iũlũkaa ũtukũ, nyũnyi ingĩ syĩkalaa ũkanganĩ, mĩthemba yonthe ya ilũĩ, 17Ndunduuli, nyũnyi iĩsaa makũyũ, ndunduuli ingĩ nene; 18ĩvutavutĩlya, ndunduuli sya weũnĩ, ngunĩ, 19ĩsaũ, mbata sya kĩw'ũnĩ sya mĩthemba yonthe, mũtũtũ, na ũvuvu.#11.19 Masyĩtwa ma nyũnyi imwe ila syĩ mĩsoanĩ ĩno mayĩsĩkĩe nesa
20“Tũsamũ tw'onthe tũla twĩ na nthwau na tũendaa na maũũ ana nĩ tũvuku, 21ĩndĩ nĩmũtonya kũya tũsamũ tũla twĩ na nthwau, na twĩna maũũ ana, tũla twĩna maũũ maasa tũthaanyũkangaa ĩũlũ wa nthĩ namo. 22Nĩmũtonya kũya mĩthemba yonthe ya ngie, ndandalĩka, ngĩli, na itooli. 23Ĩndĩ tũsamũ tũla tũngĩ tw'onthe twĩ nthwau na tũtambũkaa nĩ tũvuku.
24“Mweeka maũndũ aa mũkeethĩawa mwavukw'a nĩmo; mũndũ o na wĩva akiita nyamũ isu syĩ ngw'ũ akeethĩawa e mũvuku nginya ĩa mawĩoo. 25Mũndũ o na wĩva avetanga nyamũ isu syĩ ngw'ũ no nginya avũe ngũa syake, na ũu wĩ o vo aiendeea kwĩthĩwa e mũvuku nginya ĩa mawĩoo. 26Nasyo ii nĩsyo nyamũ ila ivukasya andũ; nyamũ o na yĩva ĩla yĩna mavũngũ mate matũe vyũ kana ĩtathaumasya nĩ mbuku kwenyu; na mũndũ o na wĩva ũla wĩkiita nyamũ isu syĩ ngw'ũ akeethĩawa e mũvuku. 27Nyamũ syonthe ila iendaa na maũũ ana na syĩ ithu nĩ mbuku kwenyu. Mũndũ o na wĩva ũla wĩkiita nyamũ isu syĩ ngw'ũ akeethĩawa e mũvuku nginya ĩa mawĩoo. 28O ta ũu mũndũ o na wĩva aivetanga syĩ ngw'ũ no nginya avũe ngũa syake na aiendeea kwĩthĩwa e mũvuku nginya ĩa mawĩoo. Nyamũ isu nĩ mbuku kwenyu.
29“Ii nĩsyo nyamũ ila mbuku katĩ wa nyamũ ila itembeangĩlaa ĩũlũ wa nthĩ: Mũũngũu, mbĩa, na mang'ala ala manene, 30matelembũ, nzana, mwilũ, ĩnyolo, na kĩmbu. 31Talaai nyamũ isu kwĩthĩwa syĩ mbuku kwenyu. Mũndũ o na wĩva ũla wĩikiita syĩ ngw'ũ akaendeeaa kwĩthĩwa e mũvuku nginya ĩa mawĩoo. 32Ethĩwa ĩmwe ya nyamũ isu yĩ ngw'ũ nĩyavalũkĩla kĩndũ o na kĩva, kĩndũ kĩu kĩkeethĩawa kyavukw'a. Syĩndũ isu nĩ vamwe na ila iseũvĩtw'e na mbwaũ, ngũa, ithuma kana makunia, o na ethĩwa itũmĩawa kwa wĩa mwaũ. Syĩndũ isu iindwe kĩw'ũnĩ, ĩndĩ ũu wĩ o vo ikaendeeaa kwĩthĩwa syĩ mbuku nginya ĩa mawĩoo. 33Na ethĩwa nyamũ isu ikavalũkĩla kĩndũ o na kĩva kĩseũvĩtw'e na yũmba, syĩndũ ila syĩ nthĩnĩ wakyo syonthe ikeethĩawa syavukw'a na no nginya mbisũ ĩsu yũawe. 34Lĩu o na wĩva ũla ũtonya kũĩwa ĩndĩ ũyĩkĩwa kĩw'ũ kuma kĩndũnĩ kĩu nĩ mũvuku, na kĩndũ o na kĩva kĩla kĩnyuwa kuma mbisũnĩ ĩsu nĩ kĩvuku. 35Ethĩwa nyamũ isu ikavalũkĩla kĩndũ o na kĩva syĩ ngw'ũ, kĩndũ kĩu kĩkeethĩawa kyavukw'a. Ethĩwa nĩ ĩiko yĩseũvĩtw'e na yũmba, kana mbisũ ya kũua, no nginya yũawe. 36Ĩndĩ ũu wĩ o vo, kĩthima kana ĩima ya kwĩkĩa kĩw'ũ, ikaendeeaa kwĩthĩwa ite mbuku, ĩndĩ syĩndũ ila ingĩ syonthe syĩkiita nyamũ isu syĩ ngw'ũ ikeethĩawa syĩ mbuku. 37Ethĩwa ĩmwe ya nyamũ isu yĩ ngw'ũ nĩyavalũkĩla mbeũ sya kũvanda, mbeũ isu ikaendeea kwĩthĩwa syĩ ntheu. 38Ĩndĩ ethĩwa mbeũ isu iindĩtwe kĩw'ũnĩ, na ĩmwe ya nyamũ isu yĩ ngw'ũ ĩyĩivalũkĩla, mbeũ isu ikeethĩawa syavukw'a.
39“Ethĩwa nyamũ o na yĩva ĩtonya kũĩwa nĩyakw'a, mũndũ o na wĩva ũla wĩmĩkiita akaendeeaa kwĩthĩwa e mũvuku nginya ĩa mawĩoo. 40Na ethĩwa mũndũ o na wĩva nĩwaya kĩlungu kya nyama ya nyamũ ĩsu ngw'ũ, no nginya avũe ngũa syake. Ĩndĩ ũu wĩ o vo akaendeeaa kwĩthĩwa e mũvuku nginya ĩa mawĩoo. Mũndũ ũla wĩveta mwĩĩ wa nyamũ ĩsu ngw'ũ no nginya avũe ngũa syake, ĩndĩ ũu wĩ o vo akaendeeaa kwĩthĩwa e mũvuku nginya ĩa mawĩoo.
41“Mũikaye tũsamũ tũla tũnini tũtambũkaa ĩũlũ wa nthĩ. 42Kĩndũ o na kĩva kĩla kĩendaa na ĩvu, kana kĩendaa na maũũ ana, kana kĩ maũũ maingĩ kĩyaĩlĩte kũĩwa nĩkwĩthĩwa nĩ kĩvuku. 43Mũikevukye kwa kũya ĩmwe ya nyamũ isu. 44#Ali 19.2; 1Vet 1.16 Ninyie Mwĩai Ngai, Ngai wenyu; no nginya mwĩyĩkalasye mwĩ atheu, nũndũ nyie nĩ mũtheu. 45Nyie ninyie Mwĩai Ngai ũla wamumisye nthĩ ya Misili nĩ kana nĩthĩwe Ngai wenyu, kwoou no nginya mwĩthĩwe mwĩ atheu, nũndũ nyie nĩ mũtheu.
46“Kwoou ĩndĩ, ĩsu nĩyo mĩao ĩũlũ wa nyamũ na nyũnyi, ĩũlũ wa syũmbe ila syĩkalaa kĩw'ũnĩ, na syũmbe ila ingĩ syonthe iendelaa ĩũlũ wa nthĩ nyũmũ. 47Mĩao ĩsu ĩkamũtetheeasya kũvathũkany'a katĩ wa syĩndũ ila mbuku na ila ite mbuku, na katĩ wa nyamũ ila itonya kũĩwa, na ila itatonya kũĩwa.”
Currently Selected:
Ali 11: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ali 11
11
Nyamũ ila Syĩtĩkĩlĩtw'e Kũĩwa
(Kũt 14.3-21)
1Mwĩai Ngai nĩwaneenie na Mwose na Alũni amea atĩĩ, 2“Neenai na andũ ma Ĩsilaeli mũmee kana nyamũ ii nĩsyo mũtonya kũya katĩ wa nyamũ syonthe ila syĩkalaa ĩũlũ wa nthĩ nyũmũ: 3Nĩmũtonya kũya nyamũ o na yĩva ĩla yĩ mavũngũ matũe na ithaumasya. 4Ve nyamũ imwe katĩ wa ila ithaumasya, kana syĩ mavũngũ matũe ila mũtaĩlĩte kũya. Mũikaye nyama sya ngamĩle nũndũ o na vala nĩthaumasya, mavũngũ mayo ti matũe, na kwoou nĩ mbuku kwenyu. 5Mũikaye nyama sya kĩnyowe nũndũ o na vala nĩkĩthaumasya, kĩi mavũngũ matũe, na kwoou nĩ kĩvuku kwenyu. 6Mũikaye nyama sya mbũkũ nũndũ o na vala o nayo nĩthaumasya ndĩ mavũngũ matũe, kwoou nĩ mbuku. 7Mũikaye nyama sya ngũlũe nũndũ o na vala yĩ mavũngũ matũe na makaanĩka vyũ ndĩthaumasya, na kwoou nĩ mbuku kwenyu. 8Mũikaaye nyama sya nyamũ isu, kana kũikiita yĩla syakw'a, nĩkwĩthĩwa nĩ mbuku.
9“Nĩmũtonya kũya mĩthemba yonthe ya makũyũ ala me na nthwau na makwaũ, 10ĩndĩ mũyaĩlĩte kũya nyamũ o na yĩva ĩla ĩtũaa kĩw'ũnĩ na ndĩ nthwau na makwaũ. 11Talaai syũmbe sya mũthemba ũsu kwĩthĩwa syĩ mbuku, mũyaĩlĩte kũya nyama syasyo kana kũikiita yĩla syakw'a nĩkwĩthĩwa nĩ mbuku. 12Mũyaĩlĩte kũya nyamũ o na yĩva ĩla ĩtũaa kĩw'ũnĩ na ndĩ nthwau na makwaũ nĩkwĩthĩwa nĩ mbuku kwenyu.
13“Mũyaĩlĩte kũya mĩthemba ĩno ya nyũnyi nĩkwĩthĩwa nĩ mbuku: Ndiũ, mbolosya, ndei, 14kĩmangaũ, kĩvaalala kya mũthemba o na wĩva, 15ngũngũũ ya mũthemba o na wĩva, 16nyaa, ilũĩ ila iũlũkaa ũtukũ, nyũnyi ingĩ syĩkalaa ũkanganĩ, mĩthemba yonthe ya ilũĩ, 17Ndunduuli, nyũnyi iĩsaa makũyũ, ndunduuli ingĩ nene; 18ĩvutavutĩlya, ndunduuli sya weũnĩ, ngunĩ, 19ĩsaũ, mbata sya kĩw'ũnĩ sya mĩthemba yonthe, mũtũtũ, na ũvuvu.#11.19 Masyĩtwa ma nyũnyi imwe ila syĩ mĩsoanĩ ĩno mayĩsĩkĩe nesa
20“Tũsamũ tw'onthe tũla twĩ na nthwau na tũendaa na maũũ ana nĩ tũvuku, 21ĩndĩ nĩmũtonya kũya tũsamũ tũla twĩ na nthwau, na twĩna maũũ ana, tũla twĩna maũũ maasa tũthaanyũkangaa ĩũlũ wa nthĩ namo. 22Nĩmũtonya kũya mĩthemba yonthe ya ngie, ndandalĩka, ngĩli, na itooli. 23Ĩndĩ tũsamũ tũla tũngĩ tw'onthe twĩ nthwau na tũtambũkaa nĩ tũvuku.
24“Mweeka maũndũ aa mũkeethĩawa mwavukw'a nĩmo; mũndũ o na wĩva akiita nyamũ isu syĩ ngw'ũ akeethĩawa e mũvuku nginya ĩa mawĩoo. 25Mũndũ o na wĩva avetanga nyamũ isu syĩ ngw'ũ no nginya avũe ngũa syake, na ũu wĩ o vo aiendeea kwĩthĩwa e mũvuku nginya ĩa mawĩoo. 26Nasyo ii nĩsyo nyamũ ila ivukasya andũ; nyamũ o na yĩva ĩla yĩna mavũngũ mate matũe vyũ kana ĩtathaumasya nĩ mbuku kwenyu; na mũndũ o na wĩva ũla wĩkiita nyamũ isu syĩ ngw'ũ akeethĩawa e mũvuku. 27Nyamũ syonthe ila iendaa na maũũ ana na syĩ ithu nĩ mbuku kwenyu. Mũndũ o na wĩva ũla wĩkiita nyamũ isu syĩ ngw'ũ akeethĩawa e mũvuku nginya ĩa mawĩoo. 28O ta ũu mũndũ o na wĩva aivetanga syĩ ngw'ũ no nginya avũe ngũa syake na aiendeea kwĩthĩwa e mũvuku nginya ĩa mawĩoo. Nyamũ isu nĩ mbuku kwenyu.
29“Ii nĩsyo nyamũ ila mbuku katĩ wa nyamũ ila itembeangĩlaa ĩũlũ wa nthĩ: Mũũngũu, mbĩa, na mang'ala ala manene, 30matelembũ, nzana, mwilũ, ĩnyolo, na kĩmbu. 31Talaai nyamũ isu kwĩthĩwa syĩ mbuku kwenyu. Mũndũ o na wĩva ũla wĩikiita syĩ ngw'ũ akaendeeaa kwĩthĩwa e mũvuku nginya ĩa mawĩoo. 32Ethĩwa ĩmwe ya nyamũ isu yĩ ngw'ũ nĩyavalũkĩla kĩndũ o na kĩva, kĩndũ kĩu kĩkeethĩawa kyavukw'a. Syĩndũ isu nĩ vamwe na ila iseũvĩtw'e na mbwaũ, ngũa, ithuma kana makunia, o na ethĩwa itũmĩawa kwa wĩa mwaũ. Syĩndũ isu iindwe kĩw'ũnĩ, ĩndĩ ũu wĩ o vo ikaendeeaa kwĩthĩwa syĩ mbuku nginya ĩa mawĩoo. 33Na ethĩwa nyamũ isu ikavalũkĩla kĩndũ o na kĩva kĩseũvĩtw'e na yũmba, syĩndũ ila syĩ nthĩnĩ wakyo syonthe ikeethĩawa syavukw'a na no nginya mbisũ ĩsu yũawe. 34Lĩu o na wĩva ũla ũtonya kũĩwa ĩndĩ ũyĩkĩwa kĩw'ũ kuma kĩndũnĩ kĩu nĩ mũvuku, na kĩndũ o na kĩva kĩla kĩnyuwa kuma mbisũnĩ ĩsu nĩ kĩvuku. 35Ethĩwa nyamũ isu ikavalũkĩla kĩndũ o na kĩva syĩ ngw'ũ, kĩndũ kĩu kĩkeethĩawa kyavukw'a. Ethĩwa nĩ ĩiko yĩseũvĩtw'e na yũmba, kana mbisũ ya kũua, no nginya yũawe. 36Ĩndĩ ũu wĩ o vo, kĩthima kana ĩima ya kwĩkĩa kĩw'ũ, ikaendeeaa kwĩthĩwa ite mbuku, ĩndĩ syĩndũ ila ingĩ syonthe syĩkiita nyamũ isu syĩ ngw'ũ ikeethĩawa syĩ mbuku. 37Ethĩwa ĩmwe ya nyamũ isu yĩ ngw'ũ nĩyavalũkĩla mbeũ sya kũvanda, mbeũ isu ikaendeea kwĩthĩwa syĩ ntheu. 38Ĩndĩ ethĩwa mbeũ isu iindĩtwe kĩw'ũnĩ, na ĩmwe ya nyamũ isu yĩ ngw'ũ ĩyĩivalũkĩla, mbeũ isu ikeethĩawa syavukw'a.
39“Ethĩwa nyamũ o na yĩva ĩtonya kũĩwa nĩyakw'a, mũndũ o na wĩva ũla wĩmĩkiita akaendeeaa kwĩthĩwa e mũvuku nginya ĩa mawĩoo. 40Na ethĩwa mũndũ o na wĩva nĩwaya kĩlungu kya nyama ya nyamũ ĩsu ngw'ũ, no nginya avũe ngũa syake. Ĩndĩ ũu wĩ o vo akaendeeaa kwĩthĩwa e mũvuku nginya ĩa mawĩoo. Mũndũ ũla wĩveta mwĩĩ wa nyamũ ĩsu ngw'ũ no nginya avũe ngũa syake, ĩndĩ ũu wĩ o vo akaendeeaa kwĩthĩwa e mũvuku nginya ĩa mawĩoo.
41“Mũikaye tũsamũ tũla tũnini tũtambũkaa ĩũlũ wa nthĩ. 42Kĩndũ o na kĩva kĩla kĩendaa na ĩvu, kana kĩendaa na maũũ ana, kana kĩ maũũ maingĩ kĩyaĩlĩte kũĩwa nĩkwĩthĩwa nĩ kĩvuku. 43Mũikevukye kwa kũya ĩmwe ya nyamũ isu. 44#Ali 19.2; 1Vet 1.16 Ninyie Mwĩai Ngai, Ngai wenyu; no nginya mwĩyĩkalasye mwĩ atheu, nũndũ nyie nĩ mũtheu. 45Nyie ninyie Mwĩai Ngai ũla wamumisye nthĩ ya Misili nĩ kana nĩthĩwe Ngai wenyu, kwoou no nginya mwĩthĩwe mwĩ atheu, nũndũ nyie nĩ mũtheu.
46“Kwoou ĩndĩ, ĩsu nĩyo mĩao ĩũlũ wa nyamũ na nyũnyi, ĩũlũ wa syũmbe ila syĩkalaa kĩw'ũnĩ, na syũmbe ila ingĩ syonthe iendelaa ĩũlũ wa nthĩ nyũmũ. 47Mĩao ĩsu ĩkamũtetheeasya kũvathũkany'a katĩ wa syĩndũ ila mbuku na ila ite mbuku, na katĩ wa nyamũ ila itonya kũĩwa, na ila itatonya kũĩwa.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011