Ali 15
15
Syĩndũ ila Ivukasya Mũndũ Syauma Mwĩĩnĩ wake
1Mwĩai Ngai nĩwaneenie na Mwose na Alũni amea atĩĩ, 2“Neenai na andũ ma Ĩsilaeli mũmee, ethĩwa mũndũ-ũme o na wĩva e na ũwau wa kumwa nĩ mavia kũndũnĩ kwake kwa kĩmbithĩ, mavia asu nĩ mavuku. 3Mavia asu makatuma ethĩwa e mũvuku ethĩwa makaendeea kuma mwĩĩnĩ wake, kana ethĩwa nĩmavingĩte. 4Ũkomo o na wĩva ũla mũndũ-ũme ũsu ũkumwa nĩ mavia wĩkoma, kana kĩvĩla o na kĩva kĩla wĩĩkalĩla kĩkeethĩawa kĩ kĩvuku. 5Mũndũ o na wĩva ũla wĩkiita kĩtanda kya mũndũ ũsu, 6kana wĩĩkalĩla kĩndũ o na kĩva kyekalĩlwa nĩ mũndũ ũsu ũkumwa nĩ mavia, no nginya avũe ngũa syake na aithamba. Ĩndĩ ũu wĩ o vo akaendeea kwĩthĩwa e mũvuku nginya ĩa mawĩoo. 7Mũndũ o na wĩva ũla wĩkiita mũndũ ũsu ũkumwa nĩ mavia no nginya avũe ngũa syake na aithamba. Mũndũ ũsu aendeeaa kwĩthĩwa e mũvuku nginya ĩa mawĩoo. 8Ethĩwa mũndũ ũsu ũkumwa nĩ mavia nĩwatw'ĩla mũndũ mũtheu mata, mũndũ ũsu watw'ĩlwa mata no nginya avũe ngũa syake na aithamba. Mũndũ ũsu watw'ĩlwa mata akaendeea kwĩthĩwa e mũvuku nginya ĩa mawĩoo. 9Ĩtandĩko o na yĩva kana kĩvĩla kĩla mũndũ ũsu ũkumwa nĩ mavia wĩĩkalĩla akuĩtwe nĩ nyamũ kĩkeethĩwa kĩ kĩvuku. 10Mũndũ o na wĩva ũla wĩkiita kĩndũ o na kĩva kĩla kyamina kwĩkalĩlwa nĩ mũndũ ũsu ũkumwa nĩ mavia akeethĩawa e mũvuku nginya ĩa mawĩoo. Mũndũ o na wĩva ũla wĩkua kĩndũ kĩĩkalĩlwe nĩ mũndũ ũsu no nginya avũe ngũa syake na aithamba, ĩndĩ ũu wĩ o vo akaendeeaa kwĩthĩwa e mũvuku nginya ĩa mawĩoo. 11Ethĩwa mũndũ ũkumwa nĩ mavia nĩwakiita mũndũ ũngĩ atambĩte kũthamba moko make, mũndũ ũsu wakiitwa no nginya avũe ngũa syake na aithamba, na akaendeea kwĩthĩwa e mũvuku nginya ĩa mawĩoo. 12Ethĩwa mũndũ ũsu ũkumwa nĩ mavia nĩwakiita kĩndũ o na kĩva kĩseũvĩtw'e na yũmba, no nginya kĩndũ kĩu kyũawe, na ethĩwa nĩwakiita kĩndũ o na kĩva kyasũvĩtw'e kuma mũtĩnĩ, kĩndũ kĩu no nginya kĩthambw'e.
13“Mũndũ ũsu amina kũvoa ũwau wake wa kumwa nĩ mavia nĩekale mĩthenya mũonza, na mũthenyanĩ wa mũonza aivũa ngũa syake na kũthamba na kĩw'ũ kĩvĩtĩte, nake eĩthĩwa athew'a. 14Mũthenyanĩ wa nyanya nĩose ndumbũ ilĩ kana maswii elĩ ma ĩvũĩ amatwae mũvĩanĩ wa Ĩeema ĩtheu ya kũkomanĩa na Mwĩai Ngai na aimanenga mũthembi. 15Mũthembi nĩaumye ĩmwe ya nyũnyi ĩsu yĩthĩwe nthembo kwondũ wa ũekeo wa naĩ, na ĩla ĩngĩ aimyumya yĩthĩwe nthembo ya kũvĩvw'a. Kwa nzĩa ĩsu mũthembi eĩthĩwa eeka maũndũ ala maĩlĩte kwĩkwa nĩ kana mũndũ-ũme ũsu athew'e.
16“Ethĩwa mbeũ sya mũndũ-ũme nĩsyauma mwĩĩnĩ wake no nginya athambe mwĩĩ wake w'onthe, ĩndĩ ayĩendeea kwĩkala e mũvuku nginya ĩa mawĩoo. 17Kĩndũ o na kĩva kĩla kĩseũvĩtw'e na ngũa kana kĩthuma kyetĩkĩwa nĩ mbeũ isu no nginya kĩvũwe, ĩndĩ kĩkaendeeaa kwĩthĩwa kĩ kĩvuku nginya ĩa mawĩoo. 18Mũndũ-ũme amanyana kĩ-mwĩĩ na mũndũ mũka no nginya elĩ mathambe, ĩndĩ makeethĩawa me avuku nginya ĩa mawĩoo.
19“Yĩla mũndũ mũka wĩ mweinĩ wake akaendeeaa kwĩthĩwa e mũvuku vandũ va mĩthenya mũonza. Mũndũ o na wĩva ũla wakiita mũndũ mũka ũsu ethĩawa e mũvuku nginya ĩa mawĩoo. 20Mũndũ mũka ũsu ekalĩla kana kũkomea kĩndũ o na kĩva e mweinĩ wake, kĩndũ kĩu kĩthĩawa kyavuka. 21Mũndũ o na wĩva ũla wĩkiita ũkomo wa mũndũ mũka ũsu no nginya avũe ngũa syake na aithamba, ĩndĩ ayĩthĩwa e mũvuku nginya ĩa mawĩoo. 22Mũndũ o na wĩva ũla wĩkiita kĩndũ o na kĩva kĩla mũndũ mũka ũsu wamina kwĩkalĩla no nginya avũe ngũa syake na aithamba, ĩndĩ akaendeeaa kwĩthĩwa e mũvuku nginya ĩa mawĩoo. 23Ethĩwa mũndũ nĩwakiita ũkomo, kana kĩndũ o na kĩva kĩla mũndũ mũka ũsu eĩkalĩle, mũndũ ũsu akaendeeaa kwĩthĩwa e mũvuku nginya ĩa mawĩoo. 24Ethĩwa mũndũ-ũme nĩwamanyana kĩ-mwĩĩ na mũndũ mũka ũsu wĩ mweinĩ wake, mũndũ-ũme ũsu o nake ethĩawa avukw'a nĩ ũvuku wa mũndũ mũka ũsu, na akaendeeaa kwĩthĩwa e mũvuku vandũ va mĩthenya mũonza. O ta ũu ũkomo o na wĩva ũla mũndũ-ũme ũsu wĩkomea ũkeethĩawa wavukw'a.
25“Ethĩwa mũndũ mũka nũkumwa nĩ nthakame vandũ va mĩthenya mingĩ ate mweinĩ wake, kana nthakame yake nĩyavĩtũkya mĩthenya ĩla yaĩlĩte, mũndũ mũka ũsu akaendeeaa kwĩthĩwa e mũvuku ĩvindanĩ yonthe yĩla nthakame ĩsu ĩendee na kuma, o tondũ wĩthĩawa ailyĩ ĩvindanĩ ya mwei wake. 26Ũkomo o na wĩva ũla mũndũ mũka ũsu wĩkomea, na kĩndũ o na kĩva kĩla wĩĩkalĩla ĩvindanĩ yĩu kĩthĩawa kyavukw'a. 27Mũndũ o na wĩva ũla wĩkiita syĩndũ isu akeethĩawa avukw'a na no nginya avũe ngũa syake a aithamba. Ĩndĩ ũu wĩ o vo, ayĩthĩwa e mũvuku nginya ĩa mawĩoo. 28Mũndũ mũka ũsu aeka kumw'a nĩ nthakame no nginya eteele vandũ va mĩthenya mũonza, na ĩtina wa ũu ayĩthĩwa e mũtheu. 29Mũthenyanĩ wa nyanya mũndũ mũka ũsu nĩose ndumbũ ilĩ kana maswii elĩ ma ĩvũĩ amatwae mũvĩanĩ wa Ĩeema ĩtheu ya kũkomanĩa na Mwĩai Ngai na aimanenga mũthembi. 30Mũthembi nĩaumye ĩmwe ya nyũnyi isu yĩthĩwe nthembo kwondũ wa ũekeo wa naĩ, na ĩla ĩngĩ aimyumya yĩthĩwe nthembo ya kũvĩvw'a. Kwa nzĩa ĩsu mũthembi eĩthĩwa eeka maũndũ ala maĩlĩte kwĩkwa kwondũ wa kũthew'a kwa mũndũ mũka ũsu.
31“No nginya mũsiĩĩe andũ ma Ĩsilaeli kuma maũndũnĩ ala matonya kũtuma methĩwa me avuku, nĩ kana maikese kũawa nĩ ũvuku woo mavukya Ĩeema yakwa ĩtheu, yĩla yambĩtwe katĩ katĩ wa maeema moo.”
32Asu nĩmo motw'ĩo ala maĩlĩte kũatĩĩwa yĩla mũndũ-ũme wĩ na ũwau wa kumwa nĩ mavia, kana mbeũ syake sya kũsyaa syauma mwĩĩnĩ wake, 33kana yĩla mũndũ mũka wĩ mweinĩ wake, kana yĩla mũndũ-ũme wamanyana kĩ-mwĩĩ na mũndũ mũka mũvuku.
Currently Selected:
Ali 15: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ali 15
15
Syĩndũ ila Ivukasya Mũndũ Syauma Mwĩĩnĩ wake
1Mwĩai Ngai nĩwaneenie na Mwose na Alũni amea atĩĩ, 2“Neenai na andũ ma Ĩsilaeli mũmee, ethĩwa mũndũ-ũme o na wĩva e na ũwau wa kumwa nĩ mavia kũndũnĩ kwake kwa kĩmbithĩ, mavia asu nĩ mavuku. 3Mavia asu makatuma ethĩwa e mũvuku ethĩwa makaendeea kuma mwĩĩnĩ wake, kana ethĩwa nĩmavingĩte. 4Ũkomo o na wĩva ũla mũndũ-ũme ũsu ũkumwa nĩ mavia wĩkoma, kana kĩvĩla o na kĩva kĩla wĩĩkalĩla kĩkeethĩawa kĩ kĩvuku. 5Mũndũ o na wĩva ũla wĩkiita kĩtanda kya mũndũ ũsu, 6kana wĩĩkalĩla kĩndũ o na kĩva kyekalĩlwa nĩ mũndũ ũsu ũkumwa nĩ mavia, no nginya avũe ngũa syake na aithamba. Ĩndĩ ũu wĩ o vo akaendeea kwĩthĩwa e mũvuku nginya ĩa mawĩoo. 7Mũndũ o na wĩva ũla wĩkiita mũndũ ũsu ũkumwa nĩ mavia no nginya avũe ngũa syake na aithamba. Mũndũ ũsu aendeeaa kwĩthĩwa e mũvuku nginya ĩa mawĩoo. 8Ethĩwa mũndũ ũsu ũkumwa nĩ mavia nĩwatw'ĩla mũndũ mũtheu mata, mũndũ ũsu watw'ĩlwa mata no nginya avũe ngũa syake na aithamba. Mũndũ ũsu watw'ĩlwa mata akaendeea kwĩthĩwa e mũvuku nginya ĩa mawĩoo. 9Ĩtandĩko o na yĩva kana kĩvĩla kĩla mũndũ ũsu ũkumwa nĩ mavia wĩĩkalĩla akuĩtwe nĩ nyamũ kĩkeethĩwa kĩ kĩvuku. 10Mũndũ o na wĩva ũla wĩkiita kĩndũ o na kĩva kĩla kyamina kwĩkalĩlwa nĩ mũndũ ũsu ũkumwa nĩ mavia akeethĩawa e mũvuku nginya ĩa mawĩoo. Mũndũ o na wĩva ũla wĩkua kĩndũ kĩĩkalĩlwe nĩ mũndũ ũsu no nginya avũe ngũa syake na aithamba, ĩndĩ ũu wĩ o vo akaendeeaa kwĩthĩwa e mũvuku nginya ĩa mawĩoo. 11Ethĩwa mũndũ ũkumwa nĩ mavia nĩwakiita mũndũ ũngĩ atambĩte kũthamba moko make, mũndũ ũsu wakiitwa no nginya avũe ngũa syake na aithamba, na akaendeea kwĩthĩwa e mũvuku nginya ĩa mawĩoo. 12Ethĩwa mũndũ ũsu ũkumwa nĩ mavia nĩwakiita kĩndũ o na kĩva kĩseũvĩtw'e na yũmba, no nginya kĩndũ kĩu kyũawe, na ethĩwa nĩwakiita kĩndũ o na kĩva kyasũvĩtw'e kuma mũtĩnĩ, kĩndũ kĩu no nginya kĩthambw'e.
13“Mũndũ ũsu amina kũvoa ũwau wake wa kumwa nĩ mavia nĩekale mĩthenya mũonza, na mũthenyanĩ wa mũonza aivũa ngũa syake na kũthamba na kĩw'ũ kĩvĩtĩte, nake eĩthĩwa athew'a. 14Mũthenyanĩ wa nyanya nĩose ndumbũ ilĩ kana maswii elĩ ma ĩvũĩ amatwae mũvĩanĩ wa Ĩeema ĩtheu ya kũkomanĩa na Mwĩai Ngai na aimanenga mũthembi. 15Mũthembi nĩaumye ĩmwe ya nyũnyi ĩsu yĩthĩwe nthembo kwondũ wa ũekeo wa naĩ, na ĩla ĩngĩ aimyumya yĩthĩwe nthembo ya kũvĩvw'a. Kwa nzĩa ĩsu mũthembi eĩthĩwa eeka maũndũ ala maĩlĩte kwĩkwa nĩ kana mũndũ-ũme ũsu athew'e.
16“Ethĩwa mbeũ sya mũndũ-ũme nĩsyauma mwĩĩnĩ wake no nginya athambe mwĩĩ wake w'onthe, ĩndĩ ayĩendeea kwĩkala e mũvuku nginya ĩa mawĩoo. 17Kĩndũ o na kĩva kĩla kĩseũvĩtw'e na ngũa kana kĩthuma kyetĩkĩwa nĩ mbeũ isu no nginya kĩvũwe, ĩndĩ kĩkaendeeaa kwĩthĩwa kĩ kĩvuku nginya ĩa mawĩoo. 18Mũndũ-ũme amanyana kĩ-mwĩĩ na mũndũ mũka no nginya elĩ mathambe, ĩndĩ makeethĩawa me avuku nginya ĩa mawĩoo.
19“Yĩla mũndũ mũka wĩ mweinĩ wake akaendeeaa kwĩthĩwa e mũvuku vandũ va mĩthenya mũonza. Mũndũ o na wĩva ũla wakiita mũndũ mũka ũsu ethĩawa e mũvuku nginya ĩa mawĩoo. 20Mũndũ mũka ũsu ekalĩla kana kũkomea kĩndũ o na kĩva e mweinĩ wake, kĩndũ kĩu kĩthĩawa kyavuka. 21Mũndũ o na wĩva ũla wĩkiita ũkomo wa mũndũ mũka ũsu no nginya avũe ngũa syake na aithamba, ĩndĩ ayĩthĩwa e mũvuku nginya ĩa mawĩoo. 22Mũndũ o na wĩva ũla wĩkiita kĩndũ o na kĩva kĩla mũndũ mũka ũsu wamina kwĩkalĩla no nginya avũe ngũa syake na aithamba, ĩndĩ akaendeeaa kwĩthĩwa e mũvuku nginya ĩa mawĩoo. 23Ethĩwa mũndũ nĩwakiita ũkomo, kana kĩndũ o na kĩva kĩla mũndũ mũka ũsu eĩkalĩle, mũndũ ũsu akaendeeaa kwĩthĩwa e mũvuku nginya ĩa mawĩoo. 24Ethĩwa mũndũ-ũme nĩwamanyana kĩ-mwĩĩ na mũndũ mũka ũsu wĩ mweinĩ wake, mũndũ-ũme ũsu o nake ethĩawa avukw'a nĩ ũvuku wa mũndũ mũka ũsu, na akaendeeaa kwĩthĩwa e mũvuku vandũ va mĩthenya mũonza. O ta ũu ũkomo o na wĩva ũla mũndũ-ũme ũsu wĩkomea ũkeethĩawa wavukw'a.
25“Ethĩwa mũndũ mũka nũkumwa nĩ nthakame vandũ va mĩthenya mingĩ ate mweinĩ wake, kana nthakame yake nĩyavĩtũkya mĩthenya ĩla yaĩlĩte, mũndũ mũka ũsu akaendeeaa kwĩthĩwa e mũvuku ĩvindanĩ yonthe yĩla nthakame ĩsu ĩendee na kuma, o tondũ wĩthĩawa ailyĩ ĩvindanĩ ya mwei wake. 26Ũkomo o na wĩva ũla mũndũ mũka ũsu wĩkomea, na kĩndũ o na kĩva kĩla wĩĩkalĩla ĩvindanĩ yĩu kĩthĩawa kyavukw'a. 27Mũndũ o na wĩva ũla wĩkiita syĩndũ isu akeethĩawa avukw'a na no nginya avũe ngũa syake a aithamba. Ĩndĩ ũu wĩ o vo, ayĩthĩwa e mũvuku nginya ĩa mawĩoo. 28Mũndũ mũka ũsu aeka kumw'a nĩ nthakame no nginya eteele vandũ va mĩthenya mũonza, na ĩtina wa ũu ayĩthĩwa e mũtheu. 29Mũthenyanĩ wa nyanya mũndũ mũka ũsu nĩose ndumbũ ilĩ kana maswii elĩ ma ĩvũĩ amatwae mũvĩanĩ wa Ĩeema ĩtheu ya kũkomanĩa na Mwĩai Ngai na aimanenga mũthembi. 30Mũthembi nĩaumye ĩmwe ya nyũnyi isu yĩthĩwe nthembo kwondũ wa ũekeo wa naĩ, na ĩla ĩngĩ aimyumya yĩthĩwe nthembo ya kũvĩvw'a. Kwa nzĩa ĩsu mũthembi eĩthĩwa eeka maũndũ ala maĩlĩte kwĩkwa kwondũ wa kũthew'a kwa mũndũ mũka ũsu.
31“No nginya mũsiĩĩe andũ ma Ĩsilaeli kuma maũndũnĩ ala matonya kũtuma methĩwa me avuku, nĩ kana maikese kũawa nĩ ũvuku woo mavukya Ĩeema yakwa ĩtheu, yĩla yambĩtwe katĩ katĩ wa maeema moo.”
32Asu nĩmo motw'ĩo ala maĩlĩte kũatĩĩwa yĩla mũndũ-ũme wĩ na ũwau wa kumwa nĩ mavia, kana mbeũ syake sya kũsyaa syauma mwĩĩnĩ wake, 33kana yĩla mũndũ mũka wĩ mweinĩ wake, kana yĩla mũndũ-ũme wamanyana kĩ-mwĩĩ na mũndũ mũka mũvuku.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011