Mot 12
12
Miliamu na Alũni Makĩmũneenea Mwose Naĩ
1Miliamu na Alũni nĩmambĩĩie kũneenea Mwose naĩ nũndũ atwaĩte kĩveti kuma Kusi. 2Maneenaa maikũlya atĩĩ, “Nĩw'o Mwĩai Ngai aneenaa o kwĩsĩla vala ve Mwose e weka? Tyo ũneenaa kwĩsĩla vala tũĩ?” Mwĩai Ngai nĩweewie ndeto isu maneenaa. 3Mwose aĩ mũndũ waĩ na wĩnyivyo kũvĩtũka andũ onthe ĩũlũ wa nthĩ.
4Nĩvo ĩndĩ o kwa mĩtũkĩ Mwĩai Ngai waneenie na Mwose, Alũni na Miliamu na amea atĩĩ, “Umaalai mwĩ atatũ mũke Ĩeemanĩ ĩtheu ya kũkomanĩa na Ngai.” Kwoou me atatũ nĩmaumaalile mathi Ĩeemanĩ. 5Mwĩai Ngai nĩwatheeie e nthĩnĩ wa kĩtuĩ kya mũumbĩ aũngama mũvĩanĩ wa Ĩeema ĩtheu ya Kũkomanĩa na Ngai, na eeta Alũni na Miliamu. Yĩla me elĩ mathengeeie vala ũĩ, 6Mwĩai Ngai nĩwameie atĩĩ, “Ĩthukĩĩsyei ũndũ ngwasya: Yĩla ve mwathani katĩ wenyu, nĩnĩyonanasya kũla ũĩ kwĩsĩla mawoninĩ, na ngĩneena nake ndotonĩ. 7#Aevl 3.2 Ĩndĩ ũu ti w'o nĩneenaa na mũthũkũmi wakwa Mwose; nĩnĩmũnengete wĩa wa kũtongoesya andũ makwa onthe ma Ĩsilaeli. 8Nĩneenaa nake metho kwa metho, ndekũmũvithany'a kĩndũ o na kĩmwe, na ndekũtũmĩa nthimo, o na nũmbonaa ũndũ nĩilyĩ! Nĩkĩ ĩndĩ mũtaneeĩthĩwa na w'ĩa kũneenea mũthũkũmi wakwa naĩ?”
9Mwĩai Ngai nĩwamathatĩie mũno na athi. 10Yĩla ĩtu yĩu yaumie ĩũlũ wa Ĩeema, Miliamu nĩwawaie ũwau wa mangũ, mwĩĩ wake w'onthe weeũva ta ĩa. Yĩla Alũni wamũsyaĩsye na oona kana nĩwawaa mangũ, 11nĩweeie Mwose atĩĩ, “Mwa mũnene, ndũkatũkany'e nũndũ wa naĩ ĩno ya ũtumanu tweeka. 12Ndũkaeke Miliamu ekale ta mũndũ ũsyaĩtwe e mũkw'ũ na nyusu ya mwĩĩ wake ũkoa.”
13Kwoou Mwose nĩwamwĩkaĩlile Mwĩai Ngai aimwĩa atĩĩ, “Ame Ngai, nĩngũkwĩsũva, vosya Miliamu!”
14 #
Mot 5.2-3
Mwĩai Ngai nĩwakũlilye Mwose atĩĩ, “Kethĩwa ĩthe wake nĩwamũkanisye kwa kũmũtw'ĩla mata ũthyũ, nĩwĩthĩwa aleile kwĩkala na nthoni vandũ va mĩthenya mũonza? Kwoou nĩavingĩwe nza wa maeema vandũ va kyumwa kĩima na ĩtina wa ũu aitũngwa maeemanĩ.” 15Miliamu nĩwavingĩiwe nza wa maeema vandũ va mĩthenya mũonza, na andũ ma Ĩsilaeli mayaaendeea na kyalo nginya yĩla watũngiwe maeemanĩ. 16Ĩtina wa ũu andũ ma Ĩsilaeli nĩmaumie Aaselothi mathi kwamba maeema weũnĩ wa Valani.
Currently Selected:
Mot 12: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mot 12
12
Miliamu na Alũni Makĩmũneenea Mwose Naĩ
1Miliamu na Alũni nĩmambĩĩie kũneenea Mwose naĩ nũndũ atwaĩte kĩveti kuma Kusi. 2Maneenaa maikũlya atĩĩ, “Nĩw'o Mwĩai Ngai aneenaa o kwĩsĩla vala ve Mwose e weka? Tyo ũneenaa kwĩsĩla vala tũĩ?” Mwĩai Ngai nĩweewie ndeto isu maneenaa. 3Mwose aĩ mũndũ waĩ na wĩnyivyo kũvĩtũka andũ onthe ĩũlũ wa nthĩ.
4Nĩvo ĩndĩ o kwa mĩtũkĩ Mwĩai Ngai waneenie na Mwose, Alũni na Miliamu na amea atĩĩ, “Umaalai mwĩ atatũ mũke Ĩeemanĩ ĩtheu ya kũkomanĩa na Ngai.” Kwoou me atatũ nĩmaumaalile mathi Ĩeemanĩ. 5Mwĩai Ngai nĩwatheeie e nthĩnĩ wa kĩtuĩ kya mũumbĩ aũngama mũvĩanĩ wa Ĩeema ĩtheu ya Kũkomanĩa na Ngai, na eeta Alũni na Miliamu. Yĩla me elĩ mathengeeie vala ũĩ, 6Mwĩai Ngai nĩwameie atĩĩ, “Ĩthukĩĩsyei ũndũ ngwasya: Yĩla ve mwathani katĩ wenyu, nĩnĩyonanasya kũla ũĩ kwĩsĩla mawoninĩ, na ngĩneena nake ndotonĩ. 7#Aevl 3.2 Ĩndĩ ũu ti w'o nĩneenaa na mũthũkũmi wakwa Mwose; nĩnĩmũnengete wĩa wa kũtongoesya andũ makwa onthe ma Ĩsilaeli. 8Nĩneenaa nake metho kwa metho, ndekũmũvithany'a kĩndũ o na kĩmwe, na ndekũtũmĩa nthimo, o na nũmbonaa ũndũ nĩilyĩ! Nĩkĩ ĩndĩ mũtaneeĩthĩwa na w'ĩa kũneenea mũthũkũmi wakwa naĩ?”
9Mwĩai Ngai nĩwamathatĩie mũno na athi. 10Yĩla ĩtu yĩu yaumie ĩũlũ wa Ĩeema, Miliamu nĩwawaie ũwau wa mangũ, mwĩĩ wake w'onthe weeũva ta ĩa. Yĩla Alũni wamũsyaĩsye na oona kana nĩwawaa mangũ, 11nĩweeie Mwose atĩĩ, “Mwa mũnene, ndũkatũkany'e nũndũ wa naĩ ĩno ya ũtumanu tweeka. 12Ndũkaeke Miliamu ekale ta mũndũ ũsyaĩtwe e mũkw'ũ na nyusu ya mwĩĩ wake ũkoa.”
13Kwoou Mwose nĩwamwĩkaĩlile Mwĩai Ngai aimwĩa atĩĩ, “Ame Ngai, nĩngũkwĩsũva, vosya Miliamu!”
14 #
Mot 5.2-3
Mwĩai Ngai nĩwakũlilye Mwose atĩĩ, “Kethĩwa ĩthe wake nĩwamũkanisye kwa kũmũtw'ĩla mata ũthyũ, nĩwĩthĩwa aleile kwĩkala na nthoni vandũ va mĩthenya mũonza? Kwoou nĩavingĩwe nza wa maeema vandũ va kyumwa kĩima na ĩtina wa ũu aitũngwa maeemanĩ.” 15Miliamu nĩwavingĩiwe nza wa maeema vandũ va mĩthenya mũonza, na andũ ma Ĩsilaeli mayaaendeea na kyalo nginya yĩla watũngiwe maeemanĩ. 16Ĩtina wa ũu andũ ma Ĩsilaeli nĩmaumie Aaselothi mathi kwamba maeema weũnĩ wa Valani.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011