Mot 18
18
Mawĩa wa Athembi na Alivai
1Mwĩai Ngai nĩwaneenie na Alũni amwĩa atĩĩ, “We, ana maku na Alivai ninyw'ĩ mũkatalĩlawa mavĩtyo onthe ala maumanĩte na ũthũkũmi Ĩeemanĩ ĩtheu ya kũkomanĩa na Ngai. Ĩndĩ we na ana maku ninyw'ĩ mũkatalĩlawa mavĩtyo ala maumanĩte na ũthũkũmi wa kĩ-ũthembi. 2Ete andũ ma mũsyĩ waku ala nĩ Alivai methĩwe vamwe naku na maikũtetheeasya yĩla we na ana maku mũũthũkũma Ĩeemanĩ ĩtheu. 3Makatethasya wĩa ũla wĩmanenga, na kũtethya wĩa ũla maĩlĩte kũthũkũma Ĩeemanĩ ĩtheu ya kũkomanĩa na Ngai. Ĩndĩ mayaĩlĩte kũthengeea syĩndũ ila ntheu syĩ Ĩeemanĩ ĩtheu, o na mayaĩlĩte kũthengeea kĩthembeo. Meeka ũu, we namo mũkakw'a. 4Makeethĩawa vamwe naku mũtethasye wĩa w'onthe wa kũsũvĩa Ĩeema ĩtheu, na vai mũndũ ũngĩ o na ũmwe waĩlĩte kũthengeea vala ũĩ. 5We wĩ na ana maku no inyw'ĩ mwaĩlĩte kũthũkũma mawĩa ala maĩlĩte kũtethw'a Ĩeemanĩ ĩtheu na ma kĩthembeonĩ, nĩ kana ndikathatw'e ĩngĩ nĩ andũ ma Ĩsilaeli. 6Ninyie nĩnyuvĩte andũ ma mũsyĩ waku Alivai kuma andũnĩ ala angĩ ma Ĩsilaeli nĩ kana methĩwe atetheesya maku. Nĩmavathĩtwe kwondũ wakwa nyie Mwĩai Ngai nĩ kana matethasye wĩa Ĩeemanĩ yakwa ya ĩtheu. 7Ĩndĩ we na ana maku no inyw'ĩ mwaĩlĩte kũthũkũma ta athembi wĩa w'onthe wa kĩthembeonĩ, na wa vala Vandũ Vatheu Mũno. Nĩnakũnenga wĩa wa ũthembi ta w'o mũthĩnzĩo waku. Mũndũ ũngĩ o na wĩva ũla ũkathengeea syĩndũ ĩla ntheu akooawa.”
Nthembo ila syanengawe Athembi
8Mwĩai Ngai nĩwaneenie na Alũni amwĩa atĩĩ, “Nyie nĩngũnengete nthembo ntheu syonthe ila andũ ma Ĩsilaeli mambumĩasya; nĩngũinengane kwaku na kwa ana maku syĩthĩwe kĩlungu kyenyu kĩla mũkanengawe ĩvinda yonthe. 9Kuma nthembonĩ ila ntheu mũno ite sya kũvĩvĩw'a kĩthembeonĩ nĩngũũnenga nthembo ii: Nthembo sya ngetha ya mbaa mbeke, nthembo kwondũ wa ũekeo wa naĩ, na nthembo kwondũ wa mavĩtyo ila mambumĩasya. Nthembo isu ikeethĩawa syĩ syaku na ana maku. 10Nũndũ syĩndũ isu nĩ ntheu no nginya mũiye mwĩ vandũ vatheu, na no aũme oka maĩlĩte kũiya; manyai kana nĩ ntheu.”
11O ta ũu, nthembo syonthe sya kũkĩlw'a ila andũ ma Ĩsilaeli membumĩasya ikeethĩawa syĩ syaku. Nĩkũnenga syĩndũ isu we, ana maku na eĩtu maku syĩthĩwe syenyu ĩvinda yonthe yĩla yũkĩte. Andũ onthe ma mũsyĩ waku ala atheu nĩmatonya kũiya.
12“Nĩngũũnenga mauta ala maseo mũno, ndivai na ngetha ya mbaa mbeke ila andũ ma Ĩsilaeli mambumĩasya kĩla mwaka ta ũsyao wa mbee. 13Matunda ala ma mbee meew'a mĩũndanĩ yoo na maimbumĩsya makeethĩawa me menyu. Andũ onthe ma mũsyĩ waku ala atheu nĩmatonya kũmaya.
14 #
Ali 27.28
“Syĩndũ syonthe sya andũ ma Ĩsilaeli ila inenganĩtwe vyũ syĩthĩwe syĩ sya Mwĩai Ngai ikeethĩawa syĩ syaku.
15“Syana syonthe ila isyaĩtwe mbee, na nyamũ ila isyaĩtwe mbee, ila andũ ma Ĩsilaeli mambumĩasya nĩ syaku. Ĩndĩ no nginya wovosye kĩla kavĩsĩ kasyaĩtwe mbee, na kĩla nyamũ nũme ĩsyaĩtwe mbee ya nyamũ ila ite ntheu. 16Syana ikoovoaw'a syĩ na ũkũũ wa mwei ũmwe, na ikoovoaw'a na silĩva itano kwĩanana na kĩthĩmo kĩla kĩtũmĩawa Ĩeemanĩ ĩtheu. 17Ĩndĩ nyamũ ila isyaĩtwe mbee sya ng'ombe, mbũi na malondu iyaĩlĩte kwovow'a nũndũ nĩ ntheu. Ũkaithembaa na kũminzangĩsya nthakame yasyo kĩthembeonĩ na ũivĩvya mathunya masyo methĩwe nthembo ya kũvĩvw'a, yĩna mũuke mũseo wa kũmbendeesya nyie Mwĩai Ngai. 18Nyama sya nyamũ isu ikeethĩawa syĩ syaku, o tondũ nyama ya kĩng'eng'eeto na ya kũũ kwa ngalĩko ya kw'oko kwa aũme kwa nthembo ya kũkĩlw'a nĩ syaku.
19“Nĩngũũnenga we, ana maku, na eĩtu maku nthembo ntheu syonthe ila numĩaw'a nĩ andũ ma Ĩsilaeli. Ũũ nĩ ũtianĩo ũtakanangĩka ũla naseũvya naku na nzyawa syaku.”
20Mwĩai Ngai nĩwaneenie na Alũni amwĩa atĩĩ, “Ndũkanengwa kĩsio kya nthĩ ya andũ ma Ĩsilaeli kĩthĩwe ng'ũndũ yaku, o na ndũkethĩwa na kĩanda o na kĩmwe katĩ woo. Nyie Mwĩai Ngai, ngakũnengae kyonthe kĩla ũkwenda.”
Nthembo ila Syanengawe Alivai
21 #
Ali 27.30-33; Kũt 14.22-29 Mwĩai Ngai nĩwaneenie asya, “Nĩnĩnengete Alivai kĩlungu kya ĩkũmi kyonthe kĩla kyumaw'a nĩ andũ ma Ĩsilaeli kĩthĩwe ũtiĩwa woo. Yĩu nĩyo ĩtuvi yoo kwondũ wa wĩa ũla matethasya wa kũsũvĩa Ĩeema ĩtheu ya kũkomanĩa na Ngai. 22Kuma yu andũ ala angĩ ma Ĩsilaeli mayaĩlĩte kũthengeea Ĩeema ĩtheu ya kũkomanĩa na Ngai maikese kũkw'a nũndũ wa naĩ yoo. 23Alivai oka nĩmo makatethasya wĩa Ĩeemanĩ ĩtheu ya kũkomanĩa na Ngai, na nĩmo makatalĩlawa mavĩtyo ala meekwa vo. Ũũ nĩ mwĩao wa tene na tene kwa nzyawa syonthe ila ikoka. Alivai maikakwata ũtiĩwa o na ũmwe katĩ wa andũ ma Ĩsilaeli. 24Kĩlungu kya ĩkũmi kĩla kĩumaw'a nĩ andũ ma Ĩsilaeli nĩkyo nĩnengete Alivai kĩthĩwe ũtiĩwa woo. Kĩu nĩkyo kĩtumi nĩneenete ĩũlũ woo ngasya kana maikethĩwa na ũtiĩwa katĩ wa andũ ma Ĩsilaeli.”
Kĩlungu kya Ĩkũmi kĩla Alivai Makaumasya
25Mwĩai Ngai nĩwaneenie na Mwose amwĩa atĩĩ, 26“Neena na Alivai ũmee kana mamina kũkwata kĩlungu kya ĩkũmi kuma andũnĩ ma Ĩsilaeli, kĩla nĩmanengete kĩthĩwe ũtiĩwa woo, no nginya mambumĩsye nyie Mwĩai Ngai kĩlungu kĩmwe kya ĩkũmi kya kĩlungu kya ĩkũmi kĩla mwanengwa. 27Nthembo ĩsu yenyu ĩkatalawa ta nthembo ĩla mũĩmi wumasya kuma ngethanĩ yake ya mbaa mbeke, na ya ndivai ĩla ũvivĩte. 28Kwa nzĩa ĩsu o nenyu mũkeethĩawa mwambumĩsya nyie Mwĩai Ngai nthembo kuma nthembonĩ ya kĩlungu kya ĩkũmi ĩla mũkwataa kuma kwa andũ ma Ĩsilaeli. Mũkanengae mũthembi Alũni nthembo ĩsu yenyu ya kĩlungu kya ĩkũmi ĩla mũmbumĩasya nyie Mwĩai Ngai. 29Kuma syĩndũnĩ ila mũnengawe, mbumĩasyei nyie Mwĩai Ngai syĩndũ ila nzeo vyũ na ntheu syĩthĩwe nthembo. 30Mwamina kũmbumĩsya syĩndũ ila nzeo vyũ, nĩmũtonya kwia syĩndũ ila syatiala o tondũ mũĩmi wiaa ngetha yake ĩla yatiala amina kumya nthembo yake. 31We na andũ ma mũsyĩ waku nĩmũtonya kũĩĩa syĩndũ ila syatiala vala mũkwenda, nũndũ yĩu nĩyo ĩtuvi yenyu kwondũ wa ũthũkũmi wenyu Ĩeemanĩ ĩtheu ya kũkomanĩa na Ngai. 32Mũikatalĩlwa ĩvĩtyo mwaya syĩndũ isu, ethĩwa nĩmũminĩte kũmbumĩsya nyie Mwĩai Ngai syĩndũ ila nzeo vyũ. Ĩndĩ ĩsũvĩei kũvukya syĩndũ ila ntheu syumĩtw'e nĩ andũ ma Ĩsilaeli kwa nzĩa ya kũya imwe syasyo mũtanamba kumya kĩlungu kĩla kĩseo vyũ kyasyo. Mweeka ũu mũkakw'a.”
Currently Selected:
Mot 18: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mot 18
18
Mawĩa wa Athembi na Alivai
1Mwĩai Ngai nĩwaneenie na Alũni amwĩa atĩĩ, “We, ana maku na Alivai ninyw'ĩ mũkatalĩlawa mavĩtyo onthe ala maumanĩte na ũthũkũmi Ĩeemanĩ ĩtheu ya kũkomanĩa na Ngai. Ĩndĩ we na ana maku ninyw'ĩ mũkatalĩlawa mavĩtyo ala maumanĩte na ũthũkũmi wa kĩ-ũthembi. 2Ete andũ ma mũsyĩ waku ala nĩ Alivai methĩwe vamwe naku na maikũtetheeasya yĩla we na ana maku mũũthũkũma Ĩeemanĩ ĩtheu. 3Makatethasya wĩa ũla wĩmanenga, na kũtethya wĩa ũla maĩlĩte kũthũkũma Ĩeemanĩ ĩtheu ya kũkomanĩa na Ngai. Ĩndĩ mayaĩlĩte kũthengeea syĩndũ ila ntheu syĩ Ĩeemanĩ ĩtheu, o na mayaĩlĩte kũthengeea kĩthembeo. Meeka ũu, we namo mũkakw'a. 4Makeethĩawa vamwe naku mũtethasye wĩa w'onthe wa kũsũvĩa Ĩeema ĩtheu, na vai mũndũ ũngĩ o na ũmwe waĩlĩte kũthengeea vala ũĩ. 5We wĩ na ana maku no inyw'ĩ mwaĩlĩte kũthũkũma mawĩa ala maĩlĩte kũtethw'a Ĩeemanĩ ĩtheu na ma kĩthembeonĩ, nĩ kana ndikathatw'e ĩngĩ nĩ andũ ma Ĩsilaeli. 6Ninyie nĩnyuvĩte andũ ma mũsyĩ waku Alivai kuma andũnĩ ala angĩ ma Ĩsilaeli nĩ kana methĩwe atetheesya maku. Nĩmavathĩtwe kwondũ wakwa nyie Mwĩai Ngai nĩ kana matethasye wĩa Ĩeemanĩ yakwa ya ĩtheu. 7Ĩndĩ we na ana maku no inyw'ĩ mwaĩlĩte kũthũkũma ta athembi wĩa w'onthe wa kĩthembeonĩ, na wa vala Vandũ Vatheu Mũno. Nĩnakũnenga wĩa wa ũthembi ta w'o mũthĩnzĩo waku. Mũndũ ũngĩ o na wĩva ũla ũkathengeea syĩndũ ĩla ntheu akooawa.”
Nthembo ila syanengawe Athembi
8Mwĩai Ngai nĩwaneenie na Alũni amwĩa atĩĩ, “Nyie nĩngũnengete nthembo ntheu syonthe ila andũ ma Ĩsilaeli mambumĩasya; nĩngũinengane kwaku na kwa ana maku syĩthĩwe kĩlungu kyenyu kĩla mũkanengawe ĩvinda yonthe. 9Kuma nthembonĩ ila ntheu mũno ite sya kũvĩvĩw'a kĩthembeonĩ nĩngũũnenga nthembo ii: Nthembo sya ngetha ya mbaa mbeke, nthembo kwondũ wa ũekeo wa naĩ, na nthembo kwondũ wa mavĩtyo ila mambumĩasya. Nthembo isu ikeethĩawa syĩ syaku na ana maku. 10Nũndũ syĩndũ isu nĩ ntheu no nginya mũiye mwĩ vandũ vatheu, na no aũme oka maĩlĩte kũiya; manyai kana nĩ ntheu.”
11O ta ũu, nthembo syonthe sya kũkĩlw'a ila andũ ma Ĩsilaeli membumĩasya ikeethĩawa syĩ syaku. Nĩkũnenga syĩndũ isu we, ana maku na eĩtu maku syĩthĩwe syenyu ĩvinda yonthe yĩla yũkĩte. Andũ onthe ma mũsyĩ waku ala atheu nĩmatonya kũiya.
12“Nĩngũũnenga mauta ala maseo mũno, ndivai na ngetha ya mbaa mbeke ila andũ ma Ĩsilaeli mambumĩasya kĩla mwaka ta ũsyao wa mbee. 13Matunda ala ma mbee meew'a mĩũndanĩ yoo na maimbumĩsya makeethĩawa me menyu. Andũ onthe ma mũsyĩ waku ala atheu nĩmatonya kũmaya.
14 #
Ali 27.28
“Syĩndũ syonthe sya andũ ma Ĩsilaeli ila inenganĩtwe vyũ syĩthĩwe syĩ sya Mwĩai Ngai ikeethĩawa syĩ syaku.
15“Syana syonthe ila isyaĩtwe mbee, na nyamũ ila isyaĩtwe mbee, ila andũ ma Ĩsilaeli mambumĩasya nĩ syaku. Ĩndĩ no nginya wovosye kĩla kavĩsĩ kasyaĩtwe mbee, na kĩla nyamũ nũme ĩsyaĩtwe mbee ya nyamũ ila ite ntheu. 16Syana ikoovoaw'a syĩ na ũkũũ wa mwei ũmwe, na ikoovoaw'a na silĩva itano kwĩanana na kĩthĩmo kĩla kĩtũmĩawa Ĩeemanĩ ĩtheu. 17Ĩndĩ nyamũ ila isyaĩtwe mbee sya ng'ombe, mbũi na malondu iyaĩlĩte kwovow'a nũndũ nĩ ntheu. Ũkaithembaa na kũminzangĩsya nthakame yasyo kĩthembeonĩ na ũivĩvya mathunya masyo methĩwe nthembo ya kũvĩvw'a, yĩna mũuke mũseo wa kũmbendeesya nyie Mwĩai Ngai. 18Nyama sya nyamũ isu ikeethĩawa syĩ syaku, o tondũ nyama ya kĩng'eng'eeto na ya kũũ kwa ngalĩko ya kw'oko kwa aũme kwa nthembo ya kũkĩlw'a nĩ syaku.
19“Nĩngũũnenga we, ana maku, na eĩtu maku nthembo ntheu syonthe ila numĩaw'a nĩ andũ ma Ĩsilaeli. Ũũ nĩ ũtianĩo ũtakanangĩka ũla naseũvya naku na nzyawa syaku.”
20Mwĩai Ngai nĩwaneenie na Alũni amwĩa atĩĩ, “Ndũkanengwa kĩsio kya nthĩ ya andũ ma Ĩsilaeli kĩthĩwe ng'ũndũ yaku, o na ndũkethĩwa na kĩanda o na kĩmwe katĩ woo. Nyie Mwĩai Ngai, ngakũnengae kyonthe kĩla ũkwenda.”
Nthembo ila Syanengawe Alivai
21 #
Ali 27.30-33; Kũt 14.22-29 Mwĩai Ngai nĩwaneenie asya, “Nĩnĩnengete Alivai kĩlungu kya ĩkũmi kyonthe kĩla kyumaw'a nĩ andũ ma Ĩsilaeli kĩthĩwe ũtiĩwa woo. Yĩu nĩyo ĩtuvi yoo kwondũ wa wĩa ũla matethasya wa kũsũvĩa Ĩeema ĩtheu ya kũkomanĩa na Ngai. 22Kuma yu andũ ala angĩ ma Ĩsilaeli mayaĩlĩte kũthengeea Ĩeema ĩtheu ya kũkomanĩa na Ngai maikese kũkw'a nũndũ wa naĩ yoo. 23Alivai oka nĩmo makatethasya wĩa Ĩeemanĩ ĩtheu ya kũkomanĩa na Ngai, na nĩmo makatalĩlawa mavĩtyo ala meekwa vo. Ũũ nĩ mwĩao wa tene na tene kwa nzyawa syonthe ila ikoka. Alivai maikakwata ũtiĩwa o na ũmwe katĩ wa andũ ma Ĩsilaeli. 24Kĩlungu kya ĩkũmi kĩla kĩumaw'a nĩ andũ ma Ĩsilaeli nĩkyo nĩnengete Alivai kĩthĩwe ũtiĩwa woo. Kĩu nĩkyo kĩtumi nĩneenete ĩũlũ woo ngasya kana maikethĩwa na ũtiĩwa katĩ wa andũ ma Ĩsilaeli.”
Kĩlungu kya Ĩkũmi kĩla Alivai Makaumasya
25Mwĩai Ngai nĩwaneenie na Mwose amwĩa atĩĩ, 26“Neena na Alivai ũmee kana mamina kũkwata kĩlungu kya ĩkũmi kuma andũnĩ ma Ĩsilaeli, kĩla nĩmanengete kĩthĩwe ũtiĩwa woo, no nginya mambumĩsye nyie Mwĩai Ngai kĩlungu kĩmwe kya ĩkũmi kya kĩlungu kya ĩkũmi kĩla mwanengwa. 27Nthembo ĩsu yenyu ĩkatalawa ta nthembo ĩla mũĩmi wumasya kuma ngethanĩ yake ya mbaa mbeke, na ya ndivai ĩla ũvivĩte. 28Kwa nzĩa ĩsu o nenyu mũkeethĩawa mwambumĩsya nyie Mwĩai Ngai nthembo kuma nthembonĩ ya kĩlungu kya ĩkũmi ĩla mũkwataa kuma kwa andũ ma Ĩsilaeli. Mũkanengae mũthembi Alũni nthembo ĩsu yenyu ya kĩlungu kya ĩkũmi ĩla mũmbumĩasya nyie Mwĩai Ngai. 29Kuma syĩndũnĩ ila mũnengawe, mbumĩasyei nyie Mwĩai Ngai syĩndũ ila nzeo vyũ na ntheu syĩthĩwe nthembo. 30Mwamina kũmbumĩsya syĩndũ ila nzeo vyũ, nĩmũtonya kwia syĩndũ ila syatiala o tondũ mũĩmi wiaa ngetha yake ĩla yatiala amina kumya nthembo yake. 31We na andũ ma mũsyĩ waku nĩmũtonya kũĩĩa syĩndũ ila syatiala vala mũkwenda, nũndũ yĩu nĩyo ĩtuvi yenyu kwondũ wa ũthũkũmi wenyu Ĩeemanĩ ĩtheu ya kũkomanĩa na Ngai. 32Mũikatalĩlwa ĩvĩtyo mwaya syĩndũ isu, ethĩwa nĩmũminĩte kũmbumĩsya nyie Mwĩai Ngai syĩndũ ila nzeo vyũ. Ĩndĩ ĩsũvĩei kũvukya syĩndũ ila ntheu syumĩtw'e nĩ andũ ma Ĩsilaeli kwa nzĩa ya kũya imwe syasyo mũtanamba kumya kĩlungu kĩla kĩseo vyũ kyasyo. Mweeka ũu mũkakw'a.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011