Mot 30
30
Mĩao Ĩũlũ wa Mawĩvĩto
1Mwose nĩwaneenie na atongoi ma andũ ma mbaĩ sya Ĩsilaeli amea atĩĩ, “Mwĩai Ngai eaĩte maũndũ aa: 2#Kũt 23.21-23; Mat 5.33 Yĩla mũndũ-ũme weevĩta kana akanenga Mwĩai Ngai kĩndũ, kana eeyĩava kana akeeka ũndũ mũna, mũndũ ũsu no nginya eanĩsye wĩvĩto ũsu kwa kwĩka maũndũ ala we mwene waneenie asya kana akeeka.
3“Yĩla mwĩĩtu wa mũika ũla ũtanamba kuma mũsyĩnĩ wa ĩthe wake weevĩta kana akanenga Mwĩai Ngai kĩndũ, kana eeyĩava kana akeeka ũndũ mũna, 4no nginya eke maũndũ onthe ala weevĩtie kana athana, ate o ethĩwa ĩthe wake nĩwaleana na maũndũ asu ĩtina wa kũmew'a. 5Ĩndĩ ethĩwa ĩthe wa mwĩĩtu ũsu nĩweew'a maũndũ asu na aivata mwĩĩtu wake kwĩanĩsya wĩvĩto ũsu, Mwĩĩtu ũsu nde na watho wa kũwĩanĩsya. Mwĩai Ngai akamũekea nũndũ ĩthe wake nĩwamũvata kwĩanĩsya wĩvĩto ũsu.
6“Ethĩwa mwĩĩtu ũsu nĩweevĩta esĩ ũndũ ũkwĩka, kana eevĩta atesilĩtye nesa ĩũlũ wa wĩvĩto wake na ĩtina wa ũu aitwawa, 7no nginya eanĩsye maũndũ onthe ala weevĩtie kana athana kwĩanĩsya, ethĩwa mũũme wake ndanaleana na maũndũ asu ĩtina wa kũmew'a. 8Ĩndĩ mũũme wa mũndũ mũka ũsu eew'a maũndũ asu na aimũvata kwĩanĩsya wĩvĩto ũsu kana ũndũ ũla wathanie kwĩanĩsya atesilĩtye nesa, mũndũ mũka ũsu nde na watho wa kwĩanĩsya maũndũ asu, na Mwĩai Ngai akamũekea.
9“Mũndũ mũka ndiwa kana ũla ũtaanĩsye na mũũme no nginya eanĩsye mawĩvĩto onthe ala wĩvĩtĩte na maũndũ onthe ala wathanĩte kana akeeka.
10“Ethĩwa mũndũ mũka mũtwae nĩweevĩta, kana athana kwĩka ũndũ mũna, 11no nginya eke maũndũ onthe ala wĩvĩtĩte kana wathanĩte, ethĩwa mũũme wake ndanaleana namo ĩtina wa kũmew'a. 12Ĩndĩ ethĩwa mũũme wake nĩweew'a maũndũ asu na aimũvata kwĩanĩsya maũndũ ala wĩvĩtĩte kana wathanĩte, mũndũ mũka ũsu nde na watho wa kũmeanĩsya. Mwĩai Ngai akamũekea nũndũ mũũme wake nĩwamũvata kwĩanĩsya maũndũ asu. 13Mũũme wa mũndũ mũka ũsu e na ũtonyi wa kwĩtĩkĩla kana kũleana na ũndũ o na wĩva ũla mũka wĩvĩtĩte kana wathanĩte. 14Ĩndĩ ethĩwa mũthenyanĩ ũla mũũme wake weew'a maũndũ ala mũka wĩvĩtĩte kana wathanĩte ndanaleana namo, mũndũ mũka ũsu no nginya eanĩsye wĩvĩto wake kana maũndũ ala wathanĩte. Kwa kũlea kũneena ũndũ mũthenyanĩ ũla weew'a ĩũlũ wa wĩvĩto ũsu, mũũme wake ethĩawa eetĩkĩlana na w'o. 15Ĩndĩ ethĩwa mũũme wa mũndũ mũka ũsu akaleana na wĩvĩto wa mũka ĩtina wa mũthenya ũla ũwĩwie, mũndũ-ũme ũsu nĩwe wĩtalĩlwa ĩvĩtyo vandũ va mũka.”
16Asu nĩmo motw'ĩo ala Mwĩai Ngai wanengie Mwose ĩũlũ wa mawĩvĩto ma mwĩĩtu ũte mũtwae ũla wĩkalaa mũsyĩnĩ kwa ĩthe wake, na ma mũndũ mũka mũtwae.
Currently Selected:
Mot 30: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mot 30
30
Mĩao Ĩũlũ wa Mawĩvĩto
1Mwose nĩwaneenie na atongoi ma andũ ma mbaĩ sya Ĩsilaeli amea atĩĩ, “Mwĩai Ngai eaĩte maũndũ aa: 2#Kũt 23.21-23; Mat 5.33 Yĩla mũndũ-ũme weevĩta kana akanenga Mwĩai Ngai kĩndũ, kana eeyĩava kana akeeka ũndũ mũna, mũndũ ũsu no nginya eanĩsye wĩvĩto ũsu kwa kwĩka maũndũ ala we mwene waneenie asya kana akeeka.
3“Yĩla mwĩĩtu wa mũika ũla ũtanamba kuma mũsyĩnĩ wa ĩthe wake weevĩta kana akanenga Mwĩai Ngai kĩndũ, kana eeyĩava kana akeeka ũndũ mũna, 4no nginya eke maũndũ onthe ala weevĩtie kana athana, ate o ethĩwa ĩthe wake nĩwaleana na maũndũ asu ĩtina wa kũmew'a. 5Ĩndĩ ethĩwa ĩthe wa mwĩĩtu ũsu nĩweew'a maũndũ asu na aivata mwĩĩtu wake kwĩanĩsya wĩvĩto ũsu, Mwĩĩtu ũsu nde na watho wa kũwĩanĩsya. Mwĩai Ngai akamũekea nũndũ ĩthe wake nĩwamũvata kwĩanĩsya wĩvĩto ũsu.
6“Ethĩwa mwĩĩtu ũsu nĩweevĩta esĩ ũndũ ũkwĩka, kana eevĩta atesilĩtye nesa ĩũlũ wa wĩvĩto wake na ĩtina wa ũu aitwawa, 7no nginya eanĩsye maũndũ onthe ala weevĩtie kana athana kwĩanĩsya, ethĩwa mũũme wake ndanaleana na maũndũ asu ĩtina wa kũmew'a. 8Ĩndĩ mũũme wa mũndũ mũka ũsu eew'a maũndũ asu na aimũvata kwĩanĩsya wĩvĩto ũsu kana ũndũ ũla wathanie kwĩanĩsya atesilĩtye nesa, mũndũ mũka ũsu nde na watho wa kwĩanĩsya maũndũ asu, na Mwĩai Ngai akamũekea.
9“Mũndũ mũka ndiwa kana ũla ũtaanĩsye na mũũme no nginya eanĩsye mawĩvĩto onthe ala wĩvĩtĩte na maũndũ onthe ala wathanĩte kana akeeka.
10“Ethĩwa mũndũ mũka mũtwae nĩweevĩta, kana athana kwĩka ũndũ mũna, 11no nginya eke maũndũ onthe ala wĩvĩtĩte kana wathanĩte, ethĩwa mũũme wake ndanaleana namo ĩtina wa kũmew'a. 12Ĩndĩ ethĩwa mũũme wake nĩweew'a maũndũ asu na aimũvata kwĩanĩsya maũndũ ala wĩvĩtĩte kana wathanĩte, mũndũ mũka ũsu nde na watho wa kũmeanĩsya. Mwĩai Ngai akamũekea nũndũ mũũme wake nĩwamũvata kwĩanĩsya maũndũ asu. 13Mũũme wa mũndũ mũka ũsu e na ũtonyi wa kwĩtĩkĩla kana kũleana na ũndũ o na wĩva ũla mũka wĩvĩtĩte kana wathanĩte. 14Ĩndĩ ethĩwa mũthenyanĩ ũla mũũme wake weew'a maũndũ ala mũka wĩvĩtĩte kana wathanĩte ndanaleana namo, mũndũ mũka ũsu no nginya eanĩsye wĩvĩto wake kana maũndũ ala wathanĩte. Kwa kũlea kũneena ũndũ mũthenyanĩ ũla weew'a ĩũlũ wa wĩvĩto ũsu, mũũme wake ethĩawa eetĩkĩlana na w'o. 15Ĩndĩ ethĩwa mũũme wa mũndũ mũka ũsu akaleana na wĩvĩto wa mũka ĩtina wa mũthenya ũla ũwĩwie, mũndũ-ũme ũsu nĩwe wĩtalĩlwa ĩvĩtyo vandũ va mũka.”
16Asu nĩmo motw'ĩo ala Mwĩai Ngai wanengie Mwose ĩũlũ wa mawĩvĩto ma mwĩĩtu ũte mũtwae ũla wĩkalaa mũsyĩnĩ kwa ĩthe wake, na ma mũndũ mũka mũtwae.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011