Mot 35
35
Ndũa ila Syanengiwe Alivai
(Yos 21.1-42)
1 #
Yos 21.1-42
Mwĩai Ngai nĩwaneeneie na Mwose ũiĩnĩ wa Moavi mũingo wa Ũsĩ wa Yolotani, vakuvĩ na Yeliko amwĩa atĩĩ, 2“Meaĩe andũ ma Ĩsilaeli ũmee kana kĩsionĩ kya nthĩ kĩla mekwata, no nginya manenge andũ ma mbaĩ ya Alivai ndũa imwe matũe vo, vamwe na isesi sya kũĩthĩsya indo ila ithyũlũlũkĩte ndũa isu. 3Ndũa isu ikeethĩwa syĩ sya Alivai na makatũaa vo. Isesi isu ikeethĩwa syĩ sya kũĩthĩsya ng'ombe syoo na nyamũ ila ingĩ syoo syonthe. 4Isesi isu ikeethĩawa ithyũlũlũkĩte ndũa isu, na kuma ngũtanĩ sya ndũa ikeethĩawa syĩ na ũthanthau wa mita maana ana na mĩongo ĩtano. 5Kwoou kĩsio kĩu kya kũĩthĩsya nĩkĩthĩwe kĩanene ngalĩko syonthe, kĩla ngalĩko yĩ ya mita maana kenda nayo ndũa ĩyĩthĩwa katĩ. 6Nengai Alivai ndũa thanthatũ sya wĩvitho ila mũndũ ũtonya kũkĩa akathi kwĩvitha ethĩwa nĩwooaa mũndũ kwa mbanga. O ta ũu manengei ndũa ingĩ mĩongo ĩna na ilĩ. 7Ndũa syonthe ila mũũnenga Alivai nĩ ndũa mĩongo ĩna na nyanya vamwe na isesi syasyo sya kũĩthĩsya indo. 8Ndũa ila mũũnenga Alivai kuma ng'ũndũnĩ ya andũ ma Ĩsilaeli inenganwe kwĩanana na ũndũ kĩla mbaĩ ĩnengetwe kĩsio kya ng'ũndũ kĩana. Osai ndũa mbingĩ kuma mbaĩnĩ ĩla yĩna mbingĩ, ĩndĩ mũyosa ndũa nini kuma mbaĩnĩ ĩla yĩna nini.”
Ndũa Sya Wĩvitho
(Kũt 19.1-13; Yos 20.1-9)
9 #
Kũt 19.2-4; Yos 20.1-9 Mwĩai Ngai nĩwaneenie na Mwose amwĩa atĩĩ, 10“Neena na andũ ma Ĩsilaeli ũmee mwamina kũinga Ũsĩ wa Yolotani na kũlika nthĩ ya Kanaani, 11nyuvai ndũa sya wĩvitho. Ndũa isu nĩsyo mũndũ ũkaendaa kwĩvitha ethĩwa nĩwooaa ũngĩ kwa mbanga. 12E vau akeethĩawa e ũsũvĩonĩ kuma kwa mũndũ wa mũsyĩ wa ũla wũaĩtwe na ũkũmũmantha eyĩĩvanĩsye. Vai mũndũ ũsikatĩtwe nũndũ wa kũaa ũngĩ waĩlĩte kũawa atanamba kũsilĩlwa e mbee wa andũ onthe ma Ĩsilaeli. 13Nyuvai ndũa thanthatũ; 14itatũ syĩ ngalĩko ya wumĩlonĩ wa syũa ya Ũsĩ wa Yolotani, na itatũ kuma nthĩ ya Kanaani. 15Ndũa isu thanthatũ ikeethĩawa kũndũ kwa kwĩvitha kwa andũ ma Ĩsilaeli, na aeni ala matwĩe katĩ woo kana mesĩlĩte nthĩ yoo me kyalonĩ. Mũndũ o na wĩva ũla wooaa ũngĩ kwa mbanga nũtonya kũkĩa akathi kwĩvitha nthĩnĩ wa ĩmwe ya ndũa isu.
16“Ethĩwa mũndũ nĩwakũna ũngĩ na kĩndũ kĩseũvĩtw'e na kyũma amũaa, mũndũ ũsu nĩ mũaani na aĩlĩte kũawa. 17Kana ethĩwa mũndũ nũkwete ĩvia yĩtonya kũaa, na aikima mũndũ ũngĩ nayo na kũmũaa, mũndũ ũsu nĩ mũaani na aĩlĩte kũawa. 18Ethĩwa mũndũ nũkwete kĩndũ kĩseũvĩtw'e na mũtĩ kĩtonya kũaa, na aikũna mũndũ ũngĩ nakyo na kũmũaa, mũndũ ũsu nĩ mũaani na aĩlĩte kũawa. 19Mũndũ wa mũsyĩ wa ũla wũaĩtwe nĩwe waĩlĩte kũaa mũaani ũsu. Akomana nake nĩamũae.
20“Ethĩwa mũndũ nũmenete ũngĩ na aimũaa kwa kũmũluuta avalũke, kana kũmũkima na kĩndũ, 21kana kũmũkũna na ngundi, mũndũ ũsu e na ĩvĩtyo ya kũaa na aĩlĩte kũawa. Mũndũ wa mũsyĩ wa ũla wũaĩtwe nĩwe waĩlĩte kũaa mũaani ũsu. Akomana nake nĩamũae.
22“Ĩndĩ ethĩwa mũndũ nĩwooaa ũngĩ kwa mbanga atamũmenete, kwa kũmũluuta avalũke, kana kwa kũmũkima na kĩndũ, 23kana ethĩwa mũndũ atene ũngĩ nĩwekya ĩvia yĩtonya kũaa mũndũ na amũkima akw'a, nũndũ mũndũ ũsu ndeeĩ mũmaitha wake na ndeeĩ na mũvango wa kũmũũmĩsya, 24andũ onthe ma Ĩsilaeli makasilanasya mũndũ ũsu wooaana na mũndũ wa mũsyĩ wa ũla wooawa ũla ũkwenda kwĩyĩĩvanĩsya kwĩanana na myamũlo ĩno. 25Andũ onthe ma Ĩsilaeli no nginya matangĩĩe mũndũ ũsu wĩ na ĩvĩtyo ya kũaana kuma kwa mũndũ ũsu wa mũsyĩ wa mũndũ ũla wũaĩtwe ũla ũkwenda kwĩyĩĩvanĩsya, na maimũtũnga ndũanĩ ya wĩvitho vala wakĩĩte akathi kwĩvitha. No nginya mũndũ ũsu ekale ndũanĩ ĩsu nginya yĩla Mũthembi ũla Mũnene wa ĩvinda yĩu wĩkw'a. 26Ĩndĩ ethĩwa mũndũ ũsu wĩ na ĩvĩtyo ya kũaa nĩwauma ndũanĩ ĩsu ya wĩvitho ĩla ũnakĩĩte akathi kwĩvitha, 27na ethĩwa mũndũ wa mũsyĩ wa mũndũ ũsu wũaĩtwe nĩwakomana nake na aimũaa, mũndũ ũsu wa mũsyĩ ũkwenda kwĩyĩĩvanĩsya ndethĩawa e na ĩvĩtyo ya kũaa. 28Mũndũ ũsu wĩ na ĩvĩtyo ya kũaana no nginya ekale ndũanĩ ĩsu ya wĩvitho kũvika Mũthembi ũla Mũnene wa ĩvinda yĩu akw'e, ĩndĩ ĩtina wa ũu nũtonya kũsyoka mũsyĩ. 29Mĩao ĩsu nĩyo mũkaatĩĩaa vamwe na nzyawa syenyu mwĩ kw'onthe kũla mwĩtũaa.
30 #
Kũt 17.6; 19.15 “Mũndũ o na wĩva ũla wooaa ũngĩ aĩlĩte kũawa ethĩwa ve ũkũsĩ wa andũ elĩ kana wa andũ mbee wa elĩ. Ĩndĩ vai mũndũ waĩlĩte kũawa kwondũ wa ũkũsĩ wa mũndũ ũmwe. 31Mũiketĩkĩle kwosa mbesa ila mũaani wumĩtye ovosye thayũ wake. Mũaani no nginya oawe. 32Ethĩwa mũndũ nĩwakĩa athi ndũanĩ ya wĩvitho, mũikamwĩtĩkĩlye kũĩva mbesa nĩ kana asyoke mũsyĩ kwake Mũthembi ũla Mũnene wa ĩvinda yĩu atanamba kũkw'a. 33Mweeka ũu mũkeethĩwa mwavukya nthĩ ĩla mũtũaa. Kũaa nĩkũtumaa nthĩ ĩvuka, na ate o kwa nzĩa ya kũaa mũndũ ũla wũaĩte ũngĩ, vai nzĩa ĩngĩ ya kũthesya nthĩ vala mũndũ wooaĩa ũngĩ. 34Mũikavukye nthĩ ĩla mũtũaa, nũndũ nyie Mwĩai Ngai nĩkalaa katĩ wa andũ ma Ĩsilaeli.”
Currently Selected:
Mot 35: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mot 35
35
Ndũa ila Syanengiwe Alivai
(Yos 21.1-42)
1 #
Yos 21.1-42
Mwĩai Ngai nĩwaneeneie na Mwose ũiĩnĩ wa Moavi mũingo wa Ũsĩ wa Yolotani, vakuvĩ na Yeliko amwĩa atĩĩ, 2“Meaĩe andũ ma Ĩsilaeli ũmee kana kĩsionĩ kya nthĩ kĩla mekwata, no nginya manenge andũ ma mbaĩ ya Alivai ndũa imwe matũe vo, vamwe na isesi sya kũĩthĩsya indo ila ithyũlũlũkĩte ndũa isu. 3Ndũa isu ikeethĩwa syĩ sya Alivai na makatũaa vo. Isesi isu ikeethĩwa syĩ sya kũĩthĩsya ng'ombe syoo na nyamũ ila ingĩ syoo syonthe. 4Isesi isu ikeethĩawa ithyũlũlũkĩte ndũa isu, na kuma ngũtanĩ sya ndũa ikeethĩawa syĩ na ũthanthau wa mita maana ana na mĩongo ĩtano. 5Kwoou kĩsio kĩu kya kũĩthĩsya nĩkĩthĩwe kĩanene ngalĩko syonthe, kĩla ngalĩko yĩ ya mita maana kenda nayo ndũa ĩyĩthĩwa katĩ. 6Nengai Alivai ndũa thanthatũ sya wĩvitho ila mũndũ ũtonya kũkĩa akathi kwĩvitha ethĩwa nĩwooaa mũndũ kwa mbanga. O ta ũu manengei ndũa ingĩ mĩongo ĩna na ilĩ. 7Ndũa syonthe ila mũũnenga Alivai nĩ ndũa mĩongo ĩna na nyanya vamwe na isesi syasyo sya kũĩthĩsya indo. 8Ndũa ila mũũnenga Alivai kuma ng'ũndũnĩ ya andũ ma Ĩsilaeli inenganwe kwĩanana na ũndũ kĩla mbaĩ ĩnengetwe kĩsio kya ng'ũndũ kĩana. Osai ndũa mbingĩ kuma mbaĩnĩ ĩla yĩna mbingĩ, ĩndĩ mũyosa ndũa nini kuma mbaĩnĩ ĩla yĩna nini.”
Ndũa Sya Wĩvitho
(Kũt 19.1-13; Yos 20.1-9)
9 #
Kũt 19.2-4; Yos 20.1-9 Mwĩai Ngai nĩwaneenie na Mwose amwĩa atĩĩ, 10“Neena na andũ ma Ĩsilaeli ũmee mwamina kũinga Ũsĩ wa Yolotani na kũlika nthĩ ya Kanaani, 11nyuvai ndũa sya wĩvitho. Ndũa isu nĩsyo mũndũ ũkaendaa kwĩvitha ethĩwa nĩwooaa ũngĩ kwa mbanga. 12E vau akeethĩawa e ũsũvĩonĩ kuma kwa mũndũ wa mũsyĩ wa ũla wũaĩtwe na ũkũmũmantha eyĩĩvanĩsye. Vai mũndũ ũsikatĩtwe nũndũ wa kũaa ũngĩ waĩlĩte kũawa atanamba kũsilĩlwa e mbee wa andũ onthe ma Ĩsilaeli. 13Nyuvai ndũa thanthatũ; 14itatũ syĩ ngalĩko ya wumĩlonĩ wa syũa ya Ũsĩ wa Yolotani, na itatũ kuma nthĩ ya Kanaani. 15Ndũa isu thanthatũ ikeethĩawa kũndũ kwa kwĩvitha kwa andũ ma Ĩsilaeli, na aeni ala matwĩe katĩ woo kana mesĩlĩte nthĩ yoo me kyalonĩ. Mũndũ o na wĩva ũla wooaa ũngĩ kwa mbanga nũtonya kũkĩa akathi kwĩvitha nthĩnĩ wa ĩmwe ya ndũa isu.
16“Ethĩwa mũndũ nĩwakũna ũngĩ na kĩndũ kĩseũvĩtw'e na kyũma amũaa, mũndũ ũsu nĩ mũaani na aĩlĩte kũawa. 17Kana ethĩwa mũndũ nũkwete ĩvia yĩtonya kũaa, na aikima mũndũ ũngĩ nayo na kũmũaa, mũndũ ũsu nĩ mũaani na aĩlĩte kũawa. 18Ethĩwa mũndũ nũkwete kĩndũ kĩseũvĩtw'e na mũtĩ kĩtonya kũaa, na aikũna mũndũ ũngĩ nakyo na kũmũaa, mũndũ ũsu nĩ mũaani na aĩlĩte kũawa. 19Mũndũ wa mũsyĩ wa ũla wũaĩtwe nĩwe waĩlĩte kũaa mũaani ũsu. Akomana nake nĩamũae.
20“Ethĩwa mũndũ nũmenete ũngĩ na aimũaa kwa kũmũluuta avalũke, kana kũmũkima na kĩndũ, 21kana kũmũkũna na ngundi, mũndũ ũsu e na ĩvĩtyo ya kũaa na aĩlĩte kũawa. Mũndũ wa mũsyĩ wa ũla wũaĩtwe nĩwe waĩlĩte kũaa mũaani ũsu. Akomana nake nĩamũae.
22“Ĩndĩ ethĩwa mũndũ nĩwooaa ũngĩ kwa mbanga atamũmenete, kwa kũmũluuta avalũke, kana kwa kũmũkima na kĩndũ, 23kana ethĩwa mũndũ atene ũngĩ nĩwekya ĩvia yĩtonya kũaa mũndũ na amũkima akw'a, nũndũ mũndũ ũsu ndeeĩ mũmaitha wake na ndeeĩ na mũvango wa kũmũũmĩsya, 24andũ onthe ma Ĩsilaeli makasilanasya mũndũ ũsu wooaana na mũndũ wa mũsyĩ wa ũla wooawa ũla ũkwenda kwĩyĩĩvanĩsya kwĩanana na myamũlo ĩno. 25Andũ onthe ma Ĩsilaeli no nginya matangĩĩe mũndũ ũsu wĩ na ĩvĩtyo ya kũaana kuma kwa mũndũ ũsu wa mũsyĩ wa mũndũ ũla wũaĩtwe ũla ũkwenda kwĩyĩĩvanĩsya, na maimũtũnga ndũanĩ ya wĩvitho vala wakĩĩte akathi kwĩvitha. No nginya mũndũ ũsu ekale ndũanĩ ĩsu nginya yĩla Mũthembi ũla Mũnene wa ĩvinda yĩu wĩkw'a. 26Ĩndĩ ethĩwa mũndũ ũsu wĩ na ĩvĩtyo ya kũaa nĩwauma ndũanĩ ĩsu ya wĩvitho ĩla ũnakĩĩte akathi kwĩvitha, 27na ethĩwa mũndũ wa mũsyĩ wa mũndũ ũsu wũaĩtwe nĩwakomana nake na aimũaa, mũndũ ũsu wa mũsyĩ ũkwenda kwĩyĩĩvanĩsya ndethĩawa e na ĩvĩtyo ya kũaa. 28Mũndũ ũsu wĩ na ĩvĩtyo ya kũaana no nginya ekale ndũanĩ ĩsu ya wĩvitho kũvika Mũthembi ũla Mũnene wa ĩvinda yĩu akw'e, ĩndĩ ĩtina wa ũu nũtonya kũsyoka mũsyĩ. 29Mĩao ĩsu nĩyo mũkaatĩĩaa vamwe na nzyawa syenyu mwĩ kw'onthe kũla mwĩtũaa.
30 #
Kũt 17.6; 19.15 “Mũndũ o na wĩva ũla wooaa ũngĩ aĩlĩte kũawa ethĩwa ve ũkũsĩ wa andũ elĩ kana wa andũ mbee wa elĩ. Ĩndĩ vai mũndũ waĩlĩte kũawa kwondũ wa ũkũsĩ wa mũndũ ũmwe. 31Mũiketĩkĩle kwosa mbesa ila mũaani wumĩtye ovosye thayũ wake. Mũaani no nginya oawe. 32Ethĩwa mũndũ nĩwakĩa athi ndũanĩ ya wĩvitho, mũikamwĩtĩkĩlye kũĩva mbesa nĩ kana asyoke mũsyĩ kwake Mũthembi ũla Mũnene wa ĩvinda yĩu atanamba kũkw'a. 33Mweeka ũu mũkeethĩwa mwavukya nthĩ ĩla mũtũaa. Kũaa nĩkũtumaa nthĩ ĩvuka, na ate o kwa nzĩa ya kũaa mũndũ ũla wũaĩte ũngĩ, vai nzĩa ĩngĩ ya kũthesya nthĩ vala mũndũ wooaĩa ũngĩ. 34Mũikavukye nthĩ ĩla mũtũaa, nũndũ nyie Mwĩai Ngai nĩkalaa katĩ wa andũ ma Ĩsilaeli.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011