Yoa 20
20
Kũthayũũka kwa Yesũ
(Mat 28.1-8; Mk 16.1-8; Lk 24.1-12)
1Wakyumwa kĩoko tene vaa kũitheatheana, Meli Makitalene nĩwaendie mbũanĩ ĩsu na oona yĩla ĩvia yĩvetangĩtwe yĩkauma mũomonĩ wa mbũa. 2Meli nĩwasyokie asembete athi vala ve Simioni Vetelo na mũmanyĩw'a ũla wendetwe nĩ Yesũ na amea atĩĩ, “Nĩmosie Mwĩai mamumya mbũanĩ na tũyĩsĩ vala mamwiĩte.”
3Nĩvo ĩndĩ Vetelo na mũmanyĩw'a ũsu ũngĩ masembie maendete mbũanĩ. 4Nĩmasembete me elĩ, ĩndĩ mũmanyĩw'a ũsu ũngĩ akĩlya Vetelo maũũ na avika mbũanĩ mbee. 5Nĩwakumanie akunĩkĩla na oona ngũa ila syalingĩte mwĩĩ syĩ o vau, ĩndĩ we ndaalika nthĩnĩ. 6Simioni Vetelo nĩwookie e ĩtina wake na avĩta alika mbũanĩ. Nĩwoonie ngũa isu vau, 7o vamwe na kĩtambaa kĩla kyalingĩlĩtwe mũtwenĩ wa Yesũ. Kĩtambaa kĩu kĩyaĩ vandũ vamwe na ngũa isu ingĩ, ĩndĩ nĩkyakũnzĩtwe kĩkaiwa vandũ vakyo kĩ kyoka. 8Mũmanyĩw'a ũla ũngĩ wavikĩte mbũanĩ mbee o nake nĩwalikile vau nthĩnĩ na oona na aĩkĩĩa. 9Mayaĩ manavikĩa kũelewa Maandĩko Matheu ala maĩtye kana Yesũ no nginya athayũũke kuma kwa akw'ũ. 10Nĩvo ĩndĩ amanyĩw'a asu maendie masyoka mĩsyĩ kwoo.
Yesũ Ayumĩlĩĩla Meli Makitalene
(Mat 28.9-10; Mk 16.9-11)
11Meli nĩwaũngamie nza wa mbũa ĩsu ayĩĩa. O aendee kũĩa, nĩwakumanie akunĩkĩla mbũanĩ ĩsu nthĩnĩ, 12na oona alaĩka elĩ meekĩĩte ngũa nzaũ mailyĩ vala mwĩĩ wa Yesũ waiĩtwe; ũmwe vala vaĩ mũtwe, na ũla ũngĩ vala vaĩ maũũ. 13Alaĩka asu nĩmamũkũlilye atĩĩ, “Mũndũ mũka wĩĩw'a nĩ kyaũ?”
Meli asũngĩa asya, “Nĩmosie Mwĩai wakwa mamũveta na ndyĩsĩ vala mwamwiĩte!”
14Nĩvo ĩndĩ Meli wathyũũkie na oona Yesũ aũngamĩte o vau, ĩndĩ we ndaamanya kana ũsu nĩ Yesũ. 15Yesũ amũkũlya atĩĩ, “Mũndũ mũka, wĩĩw'a nĩ kyaũ na wĩmantha ũũ?” Meli aĩtalĩthya ũsu kwĩthĩwa mũsũvĩi wa mũũnda amwĩa atĩĩ, “Mũnene, ethĩwa nũmwosie wamũveta, ndavye vala ũmwiĩte na nĩngũthi kũmwosa.”
16Yesũ amwĩta, “Meli!”
Meli nĩwathyũũkie amũsisya na asũngĩa na Kĩevelania asya, “Lavoni!” Ũalyũlo wayo nĩ, “Mũmanyĩsya.”
17Yesũ amwĩa atĩĩ, “Eka kwenda kũngwata nĩkwĩthĩwa ndinamba kũthi ĩũlũ kwa Asa. Ĩndĩ enda kũla kwĩ ana-a-asa makwa ũkamatavye kana nyie nĩngũthi ĩũlũ kwa Asa wakwa ũla nĩ Ĩthe woo, na kwa Ngai wakwa ũla o ta ũu nĩ Ngai woo.”
18Kwoou Meli Makitalene nĩwaendie kũla kwĩ amanyĩw'a amatavya kana nĩwamwona Mwĩai, na o ta ũu amatavya kĩla wamũtavya.
Yesũ Aimaumĩlĩĩla Amanyĩw'a Make
(Mat 28.16-20; Mk 16.14-18; Lk 24.36-49)
19Ĩa mawĩoo, mũthenyanĩ o ũsu Wakyumwa, amanyĩw'a nĩmavingĩte mĩomo vala moombanĩĩte nĩkwĩthĩwa nĩmakĩaa atongoi ma Ayuti. Yesũ nĩwalikile na aũngama katĩ woo na amea atĩĩ, “Mũuo nĩwĩthĩwe nenyu.” 20Amina kũmea ũu, nĩwamonisye kũla watonyetwe mokonĩ make na mbaunĩ syake. Nĩvo ĩndĩ amanyĩw'a asu matanie mũno mamwona Mwĩai. 21Yesũ nĩwameie o ĩngĩ atĩĩ, “Mũuo nĩwĩthĩwe nenyu. O ũndũ Asa ũndũmĩte, now'o o nakwa ngũmũtũma.” 22Nĩwamaveveeie na amea atĩĩ, “Osai Veva Mũtheu. 23#Mat 16.19; 18.18 Ethĩwa mũkaekea mũndũ naĩ syake, nake Ngai akaekea mũndũ ũsu; ethĩwa mũikũekea mũndũ, nake Ngai ndakaekea mũndũ ũsu.”
Yesũ Ayumĩla Tomasi E vo
24Tomasi ũmwe wa ala amanyĩw'a ĩkũmi na elĩ, na weetawa Ĩvatha, ndaĩ vo Yesũ ayumĩlĩĩla amanyĩw'a asu angĩ. 25Kwoou amanyĩw'a asu nĩmamwĩie atĩĩ, “Nĩtwonie Mwĩai!”
Tomasi amea, “Nyie ndonete matonya ma mĩsumaa mokonĩ make, na ngalikya kyaa maimanĩ asu, na o ta ũu ngalikya kw'oko kwakwa mbaunĩ syake, ndyĩsa kwĩtĩkĩla ndeto isu.”
26Ĩtina wa kyumwa kĩmwe, amanyĩw'a maĩ o nyũmba ĩngĩ na Tomasi aĩ vamwe namo. O na kau mĩomo yaĩ mĩvinge, Yesũ nĩwalikile aũngama katĩ woo na amea atĩĩ, “Mũuo nĩwĩthĩwe nenyu.” 27Nĩvo ĩndĩ Yesũ waeeie Tomasi atĩĩ, “Likya kyaa kyaku vaa na ũisisya moko makwa. Tambũũkya kw'oko kwaku ũlikye mbaunĩ syakwa. Eka kwĩthĩwa na nzika ĩndĩ ĩkĩĩa!”
28Tomasi asũngĩa amwĩa atĩĩ, “Mwĩai wakwa na Ngai wakwa!”
29Yesũ amũkũlya, “Waĩkĩĩa nĩkwĩthĩwa nĩwambona? Nĩ aathime ala maĩkĩĩa matonete.”
Kĩtumi kya Kũandĩkwa kwa Ĩvuku Yĩĩ
30Yesũ nĩweekie syama ingĩ mbingĩ amanyĩw'a make mevo itaandĩkĩtwe ĩvukunĩ yĩĩ. 31Ĩndĩ ii niandĩkĩtwe nĩ kana mũĩkĩĩe kana Yesũ nĩwe Klĩsto, Mwana wa Ngai, na nĩ kana kwa kũmũĩkĩĩa mũkwate thayũ.
Currently Selected:
Yoa 20: KAMBA
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Yoa 20
20
Kũthayũũka kwa Yesũ
(Mat 28.1-8; Mk 16.1-8; Lk 24.1-12)
1Wakyumwa kĩoko tene vaa kũitheatheana, Meli Makitalene nĩwaendie mbũanĩ ĩsu na oona yĩla ĩvia yĩvetangĩtwe yĩkauma mũomonĩ wa mbũa. 2Meli nĩwasyokie asembete athi vala ve Simioni Vetelo na mũmanyĩw'a ũla wendetwe nĩ Yesũ na amea atĩĩ, “Nĩmosie Mwĩai mamumya mbũanĩ na tũyĩsĩ vala mamwiĩte.”
3Nĩvo ĩndĩ Vetelo na mũmanyĩw'a ũsu ũngĩ masembie maendete mbũanĩ. 4Nĩmasembete me elĩ, ĩndĩ mũmanyĩw'a ũsu ũngĩ akĩlya Vetelo maũũ na avika mbũanĩ mbee. 5Nĩwakumanie akunĩkĩla na oona ngũa ila syalingĩte mwĩĩ syĩ o vau, ĩndĩ we ndaalika nthĩnĩ. 6Simioni Vetelo nĩwookie e ĩtina wake na avĩta alika mbũanĩ. Nĩwoonie ngũa isu vau, 7o vamwe na kĩtambaa kĩla kyalingĩlĩtwe mũtwenĩ wa Yesũ. Kĩtambaa kĩu kĩyaĩ vandũ vamwe na ngũa isu ingĩ, ĩndĩ nĩkyakũnzĩtwe kĩkaiwa vandũ vakyo kĩ kyoka. 8Mũmanyĩw'a ũla ũngĩ wavikĩte mbũanĩ mbee o nake nĩwalikile vau nthĩnĩ na oona na aĩkĩĩa. 9Mayaĩ manavikĩa kũelewa Maandĩko Matheu ala maĩtye kana Yesũ no nginya athayũũke kuma kwa akw'ũ. 10Nĩvo ĩndĩ amanyĩw'a asu maendie masyoka mĩsyĩ kwoo.
Yesũ Ayumĩlĩĩla Meli Makitalene
(Mat 28.9-10; Mk 16.9-11)
11Meli nĩwaũngamie nza wa mbũa ĩsu ayĩĩa. O aendee kũĩa, nĩwakumanie akunĩkĩla mbũanĩ ĩsu nthĩnĩ, 12na oona alaĩka elĩ meekĩĩte ngũa nzaũ mailyĩ vala mwĩĩ wa Yesũ waiĩtwe; ũmwe vala vaĩ mũtwe, na ũla ũngĩ vala vaĩ maũũ. 13Alaĩka asu nĩmamũkũlilye atĩĩ, “Mũndũ mũka wĩĩw'a nĩ kyaũ?”
Meli asũngĩa asya, “Nĩmosie Mwĩai wakwa mamũveta na ndyĩsĩ vala mwamwiĩte!”
14Nĩvo ĩndĩ Meli wathyũũkie na oona Yesũ aũngamĩte o vau, ĩndĩ we ndaamanya kana ũsu nĩ Yesũ. 15Yesũ amũkũlya atĩĩ, “Mũndũ mũka, wĩĩw'a nĩ kyaũ na wĩmantha ũũ?” Meli aĩtalĩthya ũsu kwĩthĩwa mũsũvĩi wa mũũnda amwĩa atĩĩ, “Mũnene, ethĩwa nũmwosie wamũveta, ndavye vala ũmwiĩte na nĩngũthi kũmwosa.”
16Yesũ amwĩta, “Meli!”
Meli nĩwathyũũkie amũsisya na asũngĩa na Kĩevelania asya, “Lavoni!” Ũalyũlo wayo nĩ, “Mũmanyĩsya.”
17Yesũ amwĩa atĩĩ, “Eka kwenda kũngwata nĩkwĩthĩwa ndinamba kũthi ĩũlũ kwa Asa. Ĩndĩ enda kũla kwĩ ana-a-asa makwa ũkamatavye kana nyie nĩngũthi ĩũlũ kwa Asa wakwa ũla nĩ Ĩthe woo, na kwa Ngai wakwa ũla o ta ũu nĩ Ngai woo.”
18Kwoou Meli Makitalene nĩwaendie kũla kwĩ amanyĩw'a amatavya kana nĩwamwona Mwĩai, na o ta ũu amatavya kĩla wamũtavya.
Yesũ Aimaumĩlĩĩla Amanyĩw'a Make
(Mat 28.16-20; Mk 16.14-18; Lk 24.36-49)
19Ĩa mawĩoo, mũthenyanĩ o ũsu Wakyumwa, amanyĩw'a nĩmavingĩte mĩomo vala moombanĩĩte nĩkwĩthĩwa nĩmakĩaa atongoi ma Ayuti. Yesũ nĩwalikile na aũngama katĩ woo na amea atĩĩ, “Mũuo nĩwĩthĩwe nenyu.” 20Amina kũmea ũu, nĩwamonisye kũla watonyetwe mokonĩ make na mbaunĩ syake. Nĩvo ĩndĩ amanyĩw'a asu matanie mũno mamwona Mwĩai. 21Yesũ nĩwameie o ĩngĩ atĩĩ, “Mũuo nĩwĩthĩwe nenyu. O ũndũ Asa ũndũmĩte, now'o o nakwa ngũmũtũma.” 22Nĩwamaveveeie na amea atĩĩ, “Osai Veva Mũtheu. 23#Mat 16.19; 18.18 Ethĩwa mũkaekea mũndũ naĩ syake, nake Ngai akaekea mũndũ ũsu; ethĩwa mũikũekea mũndũ, nake Ngai ndakaekea mũndũ ũsu.”
Yesũ Ayumĩla Tomasi E vo
24Tomasi ũmwe wa ala amanyĩw'a ĩkũmi na elĩ, na weetawa Ĩvatha, ndaĩ vo Yesũ ayumĩlĩĩla amanyĩw'a asu angĩ. 25Kwoou amanyĩw'a asu nĩmamwĩie atĩĩ, “Nĩtwonie Mwĩai!”
Tomasi amea, “Nyie ndonete matonya ma mĩsumaa mokonĩ make, na ngalikya kyaa maimanĩ asu, na o ta ũu ngalikya kw'oko kwakwa mbaunĩ syake, ndyĩsa kwĩtĩkĩla ndeto isu.”
26Ĩtina wa kyumwa kĩmwe, amanyĩw'a maĩ o nyũmba ĩngĩ na Tomasi aĩ vamwe namo. O na kau mĩomo yaĩ mĩvinge, Yesũ nĩwalikile aũngama katĩ woo na amea atĩĩ, “Mũuo nĩwĩthĩwe nenyu.” 27Nĩvo ĩndĩ Yesũ waeeie Tomasi atĩĩ, “Likya kyaa kyaku vaa na ũisisya moko makwa. Tambũũkya kw'oko kwaku ũlikye mbaunĩ syakwa. Eka kwĩthĩwa na nzika ĩndĩ ĩkĩĩa!”
28Tomasi asũngĩa amwĩa atĩĩ, “Mwĩai wakwa na Ngai wakwa!”
29Yesũ amũkũlya, “Waĩkĩĩa nĩkwĩthĩwa nĩwambona? Nĩ aathime ala maĩkĩĩa matonete.”
Kĩtumi kya Kũandĩkwa kwa Ĩvuku Yĩĩ
30Yesũ nĩweekie syama ingĩ mbingĩ amanyĩw'a make mevo itaandĩkĩtwe ĩvukunĩ yĩĩ. 31Ĩndĩ ii niandĩkĩtwe nĩ kana mũĩkĩĩe kana Yesũ nĩwe Klĩsto, Mwana wa Ngai, na nĩ kana kwa kũmũĩkĩĩa mũkwate thayũ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011