Ntha 2
2
Gûciarwa kwa Musa
1Îvindarî rîu mûndû ûmwe kuuma mûvîrîgarî wa Lawi nîwavikirie mûndûmûka kuuma mûvîrîgarî ûcio wao. 2#Ciîko 7.20; Ahib 11.23 Mûndûmûka ûcio nîwaciarire kaana ga kavîcî. Rîrîa oonire ûrîa kaana kau kaarî kathaka, nîwakathithire kavinda ka mîeri îthatû. 3Nwatî rîrîa aaremirwe nî gûkathitha makîria nîwocire gîkavu agîkîthinga na rami nîguo gîtigatonyie manjî. Nîwacokire agîoca kaana kau getagwa Musa agîgatonyia gîkavurî, agîkiiga mûthanjerî rûtererî rwa rûnjî. 4Mwarwang'ina na kaana kau nîwarûngamire varaca nîguo one ûrîa kûngîtuîkîka kûrî kaana kau.
5Vîndî îmwe mwarî wa mûthamaki nîwanyûrûrûkire akîthiî rûnjîrî kwîthamba, nao erîtu arîa maamûtungataga nîmaathiîrîre rûtererî rwa rûnjî. Wa rîmwe mwarî ûcio wa mûthamaki nîwonire gîkavu na agîtûma ndungata îmwe ya mûndûmûka îgooce gîkavu kîu. 6Mwarî wa mûthamaki nîwavingûrire gîkavu na akîona kaana ga kavîcî. Kaana kau nîkaarîraga, nake nîwakeguîrîre ntha, na akiuga atîrî, “Gaka nî kamwe ga twana twa Ahibirania.”
7Mwarwang'ina na Musa nîwaûririe mwarî wa mûthamaki atîrî, “Nî ûkwenda nthiî ngagwîtîre mûndûmûka Mûhibirania amenyagîrîre kaana gaka vandûrî vaku?”
8Nake mwarî wa mûthamaki nîwamwîrire atîrî, “Ii nîngwenda.” Mwarwang'ina na Musa nîwathiîre na akîreta mûndûmûka ûrîa mwene kaana. 9Mwarî wa mûthamaki nîwerire mûndûmûka ûcio atîrî, “Oca kana gaka ûkamenyerere vandûrî vakwa, na nîngaakûrîva.” Kwoguo mûndûmûka ûcio nîwocire kaana na akîthiî gûkamenyera. 10#Ciîko 7.21 Rîrîa kaana gaakûrire, mûndûmûka ûcio wakamenyagîrîra nîwakavirire kûrî mwarî wa mûthamaki. Nake mwarî wa mûthamaki nîwagocire agîgatua kaana gake. Nîwagatuîrîre rîîtwa “Musa nîûndû aakarutire manjîrî.”
Musa nîwaûrire akîthiî Midiani
11 #
Ahib 11.24
#Ciîko 7.23-28 Musa nîwakûrire agîtuîka mûndû mûgima. Mûthenya ûmwe nîwaumagarire akîthiî gûcerera andû ake, Ahibirania. Musa nîwonire ûrîa maarutithagua wîra mûrito. Wana nîwonire Mûmisiri akîriva Mûhibirania ûmwe wa andû ao. 12Musa nîwaroririe na mîena yonthe one kana kûrî na mûndû wamwonaga. Na rîrîa oonire atî gûtirî na mûndû wamwonaga, ke mwene nîwaûragire Mûmisiri, na akîthithania mwîrî wake na mûthanga. 13Mûthenya ûcio wîngî, Musa nîwonire rîngî andû aîrî Ahibirania makîrûa. Nîwerire ûrîa warî na mavîtia atîrî, “Ûraringa mûndû ûyû nîkî na mûrî Ahibirania muonthe?”
14Nake mûndû ûcio nîwamûcokerie atîrî, “Nî ûrîkû wagûtwire wa gûtwathaga na gûtûtucagîra? Ûrenda kûmbûraga ta ûrîa ûraûragire Mûmisiri?” Musa nîwetigîrire na akîîra na ngoro atîrî, “Andû nîamenyu ûrîa mbîkîte.” 15#Ciîko 7.29; Ahib 11.27 Na rîrîa mûthamaki eegwire ûrîa gwekîkîte, nîwageririe kûragithia Musa. Nwatî Musa nîwaûrire na akîthiî gwîkara vûrûrirî wa Midiani.
Mûthenya ûmwe, Musa ekarîte nthî vakuvî na kîthima, 16erîtu mûgwanja a Jethiro nîmaaûkire kîthimarî gûtava manjî nîguo manyuithie ndîthia ya îthe. Jethiro aarî mûthînjîri-Ngai wa Midiani. 17Nwatî arîthi amwe nîmeengatire erîtu acio a Jethiro. Musa nîwathiîre kûmatethûra na akîmatethia kûnyuithia ndîthia. 18Vîndî îrîa maacokire kûrî îthe, nîwamaûririe atîrî, “Nîkwa ûmûnthî mwacoka na îvenya atîa?”
19Nao nîmaamûcokerie atîrî, “Nî Mûmisiri ûtûtethûrire kuuma kûrî arîthi na atûtavîra manjî twanyuithia ndîthia.”
20Jethiro nîwaûririe erîtu ake atîrî, “Mûndû ûcio arî va. Mûmûtigire na kûu nîkî? Thiîni mûkamwîte aûke tûrîcanîre vamwe nake.”
21Musa nîwetîkîrire gûtûûra kwa Jethiro. Jethiro nîwacokire akîva Musa mwîrîtu wake wetagwa Zipora atuîke mûka, 22na mûka wa Musa agîciara kaana ga kavîcî. Musa nîweîrire na ngoro atîrî, “Nie nîrî mûgeni vûrûrirî ûyû, kwoguo kaana gaka nînîgeta Gerishomu.”
23Mîaka mîîngî yathira mûthamaki wa Misiri nîwakuire. Nwatî andû a Isiraeli nwa macaaga nî ûndû wa kwîthîrwa marî ûkomborî na makarîraga matethue. Ngai egua kîrîro Kîamo na 24#Kîam 15.13-14 ûrîa macaaga nîwaririkanire kîrîkanîro gîake na Iburahimu, Isaka, na Jakovu. 25Ngai nîwonire ûrîa andû a Isiraeli maavinyîrîrîtue, kwoguo nîwamatethirie.
Currently Selected:
Ntha 2: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Ntha 2
2
Gûciarwa kwa Musa
1Îvindarî rîu mûndû ûmwe kuuma mûvîrîgarî wa Lawi nîwavikirie mûndûmûka kuuma mûvîrîgarî ûcio wao. 2#Ciîko 7.20; Ahib 11.23 Mûndûmûka ûcio nîwaciarire kaana ga kavîcî. Rîrîa oonire ûrîa kaana kau kaarî kathaka, nîwakathithire kavinda ka mîeri îthatû. 3Nwatî rîrîa aaremirwe nî gûkathitha makîria nîwocire gîkavu agîkîthinga na rami nîguo gîtigatonyie manjî. Nîwacokire agîoca kaana kau getagwa Musa agîgatonyia gîkavurî, agîkiiga mûthanjerî rûtererî rwa rûnjî. 4Mwarwang'ina na kaana kau nîwarûngamire varaca nîguo one ûrîa kûngîtuîkîka kûrî kaana kau.
5Vîndî îmwe mwarî wa mûthamaki nîwanyûrûrûkire akîthiî rûnjîrî kwîthamba, nao erîtu arîa maamûtungataga nîmaathiîrîre rûtererî rwa rûnjî. Wa rîmwe mwarî ûcio wa mûthamaki nîwonire gîkavu na agîtûma ndungata îmwe ya mûndûmûka îgooce gîkavu kîu. 6Mwarî wa mûthamaki nîwavingûrire gîkavu na akîona kaana ga kavîcî. Kaana kau nîkaarîraga, nake nîwakeguîrîre ntha, na akiuga atîrî, “Gaka nî kamwe ga twana twa Ahibirania.”
7Mwarwang'ina na Musa nîwaûririe mwarî wa mûthamaki atîrî, “Nî ûkwenda nthiî ngagwîtîre mûndûmûka Mûhibirania amenyagîrîre kaana gaka vandûrî vaku?”
8Nake mwarî wa mûthamaki nîwamwîrire atîrî, “Ii nîngwenda.” Mwarwang'ina na Musa nîwathiîre na akîreta mûndûmûka ûrîa mwene kaana. 9Mwarî wa mûthamaki nîwerire mûndûmûka ûcio atîrî, “Oca kana gaka ûkamenyerere vandûrî vakwa, na nîngaakûrîva.” Kwoguo mûndûmûka ûcio nîwocire kaana na akîthiî gûkamenyera. 10#Ciîko 7.21 Rîrîa kaana gaakûrire, mûndûmûka ûcio wakamenyagîrîra nîwakavirire kûrî mwarî wa mûthamaki. Nake mwarî wa mûthamaki nîwagocire agîgatua kaana gake. Nîwagatuîrîre rîîtwa “Musa nîûndû aakarutire manjîrî.”
Musa nîwaûrire akîthiî Midiani
11 #
Ahib 11.24
#Ciîko 7.23-28 Musa nîwakûrire agîtuîka mûndû mûgima. Mûthenya ûmwe nîwaumagarire akîthiî gûcerera andû ake, Ahibirania. Musa nîwonire ûrîa maarutithagua wîra mûrito. Wana nîwonire Mûmisiri akîriva Mûhibirania ûmwe wa andû ao. 12Musa nîwaroririe na mîena yonthe one kana kûrî na mûndû wamwonaga. Na rîrîa oonire atî gûtirî na mûndû wamwonaga, ke mwene nîwaûragire Mûmisiri, na akîthithania mwîrî wake na mûthanga. 13Mûthenya ûcio wîngî, Musa nîwonire rîngî andû aîrî Ahibirania makîrûa. Nîwerire ûrîa warî na mavîtia atîrî, “Ûraringa mûndû ûyû nîkî na mûrî Ahibirania muonthe?”
14Nake mûndû ûcio nîwamûcokerie atîrî, “Nî ûrîkû wagûtwire wa gûtwathaga na gûtûtucagîra? Ûrenda kûmbûraga ta ûrîa ûraûragire Mûmisiri?” Musa nîwetigîrire na akîîra na ngoro atîrî, “Andû nîamenyu ûrîa mbîkîte.” 15#Ciîko 7.29; Ahib 11.27 Na rîrîa mûthamaki eegwire ûrîa gwekîkîte, nîwageririe kûragithia Musa. Nwatî Musa nîwaûrire na akîthiî gwîkara vûrûrirî wa Midiani.
Mûthenya ûmwe, Musa ekarîte nthî vakuvî na kîthima, 16erîtu mûgwanja a Jethiro nîmaaûkire kîthimarî gûtava manjî nîguo manyuithie ndîthia ya îthe. Jethiro aarî mûthînjîri-Ngai wa Midiani. 17Nwatî arîthi amwe nîmeengatire erîtu acio a Jethiro. Musa nîwathiîre kûmatethûra na akîmatethia kûnyuithia ndîthia. 18Vîndî îrîa maacokire kûrî îthe, nîwamaûririe atîrî, “Nîkwa ûmûnthî mwacoka na îvenya atîa?”
19Nao nîmaamûcokerie atîrî, “Nî Mûmisiri ûtûtethûrire kuuma kûrî arîthi na atûtavîra manjî twanyuithia ndîthia.”
20Jethiro nîwaûririe erîtu ake atîrî, “Mûndû ûcio arî va. Mûmûtigire na kûu nîkî? Thiîni mûkamwîte aûke tûrîcanîre vamwe nake.”
21Musa nîwetîkîrire gûtûûra kwa Jethiro. Jethiro nîwacokire akîva Musa mwîrîtu wake wetagwa Zipora atuîke mûka, 22na mûka wa Musa agîciara kaana ga kavîcî. Musa nîweîrire na ngoro atîrî, “Nie nîrî mûgeni vûrûrirî ûyû, kwoguo kaana gaka nînîgeta Gerishomu.”
23Mîaka mîîngî yathira mûthamaki wa Misiri nîwakuire. Nwatî andû a Isiraeli nwa macaaga nî ûndû wa kwîthîrwa marî ûkomborî na makarîraga matethue. Ngai egua kîrîro Kîamo na 24#Kîam 15.13-14 ûrîa macaaga nîwaririkanire kîrîkanîro gîake na Iburahimu, Isaka, na Jakovu. 25Ngai nîwonire ûrîa andû a Isiraeli maavinyîrîrîtue, kwoguo nîwamatethirie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019