मत्ती 16
16
चोमेत्कारान मांग
(मरकुस 8:11-13; लुका 12:54-56)
1 #
मत्ती 12:38; लुका 11:16 तेवी थोड़ाक फरिसी एने सदुकी यीशु फाय आवा, एने ता पारेखणेन केरता केया, “आमुह हेरगान काल्ली बी निसाणी देखाड़।” 2पुण तो ताह जापाप आप्यो, “हांज पोर तुमू केतेह, ‘आज मोसम हाजो रेय, काहाकाय जुग रातलो हे,’ 3#16:3 थोड़ाक लेख माय 2-3 वचन यीशुन सोबदा नाह लिखेल सोतोएने वेगाच तुमू केतेह, ‘आज वादोण आवी, काहाकाय जुग रातलो एने बोरसालो एय रेनोह।’ तुमू जुगाह देखीन हवामानान आकारो केय सेकतेह, पुण ज्या टेम माय काय एणे बाजरेनोह, तान बाराम नाह जाण सेकते? 4#मत्ती 12:39; लुका 11:29ज्या कालान खाराब एने सिनाल्या माणहे निसाणी होद्तेह, पुण योनान निसाणीह सोड़ीन उंजु काल्लीस निसाणी ताह नाय आपाय।”
तेवी यीशु ताह सोड़ीन जात रिनो।
फरिसी एने सदुकीन हिकवोण
(मरकुस 8:14-21)
5चेला देरीयान ती पार गीया, पुण रूटो ली जाणे विहरी गीया। 6#लुका 12:1यीशु ताह केयो, “फरिसी एने सदुकीन खमीर हारकी हिकवोण हेऱ्या रेन उशारी माय रिज्यो।”
7चेला आपसाम विचार केरीन एका दिहराह केया, “आपु रोटा नाह लावा ता माय ज्यो इहकेरीन किथे।”
8यीशु ज्य जाणीन ताह केयो, “एय अविश्वासी! तुमू रूटो नाह लावा केरीन ओहलो विचार आपसा माय काहा केरतेह? 9#मत्ती 14:17-21काय तुमू एवी वोर नाह सोमेजते? काय तुमू ता पाच एजारान पाच रोटा एर नाह सोती? एने ज्य बी तुमूह एर नाह सोतो काय वोचेल रोटान टुकड़ा कोलाक टोपला बोरीन विसेल एता? 10#मत्ती 15:34-38एने नाह ता चार एजारान हात रोटा? एने नाह ज्य काय तुमू कोलाक टोपला बोरीन विसेल एता? 11तुमू काहा नाह सोमेजते? मी तुमूह रोटान बाराम नाह केयो, पुण मी फरिसीन एने सदुकीन हिकवोण रेन होमालीन रेणेन केरता केतालो!”
12तेवी चेलान सोमेज माय आवो काय तो रोटान खमीराह नाह, पुण फरिसी एने सदुकीन हिकवोणीह रेन होमालीन रेणे कियेल ईतो।
पतरस यीशुह मसी केरीन स्वीकार ने
(मरकुस 8:27-30; लुका 9:18-21)
13यीशु केसरीया फिलेपीन देसाम आवो, एने तान चेलाह फुसेह, “माणहान बेटाख ने बाराम माणहे काय केतेह?”
14 #
मत्ती 14:1,2; मरकुस 6:14,15; लुका 9:7,8 ता केया, “थोड़ाक ते योहान बपतीस्मा केरनार केतेह, एने थोड़ाक एलिया, एने थोड़ाक यिर्मया नाह ते जाणकार माय रेन एक जाणकार हे केतेह।”
15तो ताह फुशो, “पुण तुमू माहु काय केतेह?”
16 #
योहान 6:68,69 शमोन पतरस जापाप आप्यो, “तु जीवताला बोगवानान सोरो मसी हे।”
17यीशु ताह जापाप आप्यो, “एय शमोन, योनान सोरा तु बोरकेतवालो हे, काहाकाय माह एने लुय नाह, पुण मार आबोख जो हेरगाम हे, ज्यी वात तुवाह देखाड़ेल हे। 18एने मी बी तुवाह केथु, ‘तु पतरस हे, एने मी ज्या देगड़ा पोर मार मोंडली बाणावुह, एने मोतीन ताकेत बी ज्याह खेतेम नाय केर सेकी। 19#मत्ती 18:18; योहान 20:23मी तुवाह हेरगान राज ने कुची आपुह; एने जो काय तु देरती पोर बांदहे तो हेरगाम बांदाय, एने जो काय तु देरती पोर उगाड़ हे तो हेरगाम खोलाय।’”
20तेवी यीशु तान चेलाह उकुम आप्यो, तुमू कुणीह मा किहो काय मी मसी हे।
यीशु तान दुख एने मोतीन बाराम जाणाव केरने
(मरकुस 8:31–9:1; लुका 9:22-27)
21तुलेचबूखे रेन यीशु तान चेलाह केणे बाज गीयो, “माहु यरूशलेम माय जाणु जोरवरी हे, ता यहुदिन डायला, एने मुखी चाकऱ्या, एने देरेमगुरून आथे जुलूम दुख विसु एने ता माहु माराव देती, एने मी तीसरे दिह जीव उठुह।”
22तेवी पतरस यीशुह कुवालोच ली जाईन दोपकाड़ीन केयो, “एय मालीक, बोगवान नाय केरी तार हेऱ्यो ओहलो केदी बी नाय एय।”
23तो फिरीन पतरसा उगे देखीन केयो, “एय सैतान, मार ओंगाण रेन सिटो एय जा! तु मार केरता ठोकरान कारेण हे, काहाकाय तु बोगवानान वातु पोर नाह, पुण माणहान वातु पोर मोन लागाड़ेह।”
यीशुन पासाण चालनेन मतलब
24 #
मत्ती 10:38; लुका 14:27 तेवी यीशु तान चेलाह केयो, “केदी कुण मार पासाण आवणे हुदेह, ते तो सोताह नाकारी एने तान खुरूसखाम उखलीन मार पासाण आवी। 25#मत्ती 10:39; लुका 17:33; योहान 12:25काहाकाय जो कुण तान जीवाह वोचाड़ने हुदेह तो ताह गोमाड़ देय; एने जो तान जीवाह मार केरता गोमाड़ देय तो ताह वोचाड़ लेय। 26केदी माणुह आखी दुनियाह तान काबाम केर लेय, एने तान जीवाह गोमाड़ देय, ते ताह काय फायदो एय? माणुह तान जीवाह वोचाड़नेन केरता काय आप सेकी। 27#मत्ती 25:31; रोमीयो 2:6मी माणहान बिटोख तान हेरोगदुता हिऱ्यो तान आबाख ने बोड़ाय माय आवी, ती टेम माय एकेकाह तान कामान गेत ताह फोल आपी। 28मी तुमूह खेरीच केथु काय जा न्या उब रेनाह ता माय रेन थोड़ाक ओहला हेते काय जाह वोर माणहान सोराह तान राज माय आवतालो नाय देख लेती ताह वोर मोतीन होवाद केदी नाय चाखे।”
Currently Selected:
मत्ती 16: NTNii2020
Highlight
Share
Copy
Want to have your highlights saved across all your devices? Sign up or sign in
The New Testament in Nahali Language © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2020
