ଯୋହାନ୍ 15
15
ୟୀଶୁ ସାର୍ତି ଦାଖ୍ନାଡ଼ି ତାନିଃ
1“ଆଇଙ୍ଗ୍ ସାର୍ତି ଦାଖ୍ନାଡ଼ି ତାନିଙ୍ଗ୍ ଆଡଃ ଆପୁଇଙ୍ଗ୍ କିଷାନ୍ ତାନିଃ । 2ଆଇଙ୍ଗ୍ତାଃରେ ତାଇନଃ ଜେତାନ୍ କତ କା ଜଅଃ'ତେୟାଃକେ ମାଆଃ ଆତମେୟାଁଏ ଆଡଃ ଜଅଃ'ତାନ୍ କତ ଆଦ୍କା ଜଅଃ'କା ମେନ୍ତେ ଏନାକେ ମାଆଃକେଦ୍ତେ ସାଫା ଫାର୍ଚିୟାଏ । 3ଆପେଦ ଆଇଙ୍ଗ୍ କାଜିୟାଦ୍ କାଜିରେୟାଃ ହରାତେପେ ଫାର୍ଚି ଚାବାକାନା । 4ଆଇଙ୍ଗ୍ରେ ତାଇନ୍ପେ ଆଡଃ ଆଇଙ୍ଗ୍ ଆପେରେ ତାଇନାଃଇଙ୍ଗ୍, କତ ଦାଖ୍ନାଡ଼ିରେ କା ତାଇନ୍ରେଦ ଆଇଃକ୍ତେଗି କା ଜଅଃ ଦାଡ଼ିୟଃଆ, ଏନ୍ ଲେକାତେ ଆପେୟ ଆଇଁୟାଃରେ କାପେ ତାଇନ୍ରେଦ କାପେ ଜଅଃ ଦାଡ଼ିୟଃଆ ।
5“ଆଇଙ୍ଗ୍ ଦାଖ୍ନାଡ଼ି ତାନିଙ୍ଗ୍, ଆପେ କତକ ତାନ୍ପେ, ଆଇଙ୍ଗ୍ରେ ତାଇନ୍ତାନ୍କ ଆଡଃ ଆଇଙ୍ଗ୍ ଇନ୍କୁରେ ତାଇନ୍ତାନ୍ ହଡ଼କ ପୁରାଃ ଜଆଃକ । ଚିୟାଃଚି ଆଇଙ୍ଗ୍ ବେଗାର୍ଦ ଆପେ ଜେତ୍ନାଃ କାପେ କାମି ଦାଡ଼ିୟାଃ । 6ଜେତାଏ ଆଇଙ୍ଗ୍ରେ କାଏ ତାଇନ୍ରେଦ ଇନିଃ ମାଆଃକାନ୍ କତଲେକାଏ ଏଣ୍ଡାଗଃଆ, ଆଡଃ ରହଡ଼ଃଆଏ; ଏନ୍ଲେକାନ୍ କତକେ ହଡ଼କ ହୁଣ୍ଡିକେଦ୍ତେ ସେଙ୍ଗେଲ୍ରେକ ହୁଦ୍ମାୟା ଆଡଃ ଏନା ଲଆଃ । 7ଆପେ ଆଇଙ୍ଗ୍ରେ ତାଇନ୍ରେ ଆଡଃ ଆଇଁୟାଃ କାଜି ଆପେରେ ତାଇନ୍ରେଦ ଆପେ ଜେତ୍ନାଃ ସାନାଙ୍ଗ୍ତେୟାଃ ଆସିପେ ଆଡଃ ଆପେୟାଃ ନାଗେନ୍ତେ ଏନା ହବାଅଆଃ । 8ଆପେ ପୁରାଃ ଜ ଜଅଃ'ରେ ଆଇଁୟାଃ ଆପୁଇଙ୍ଗ୍ ମାଇନାନଃଆଏ ଆଡଃ ଆପେ ଆଇଁୟାଃ ବୁଗିନ୍ ଚେଲାପେ ବାଇୟଆଃ । 9ଆପୁ ଆଇଙ୍ଗ୍କେ ଦୁଲାଡ଼୍କାଦିଙ୍ଗ୍ ଲେକା ଆଇଙ୍ଗ୍ ଆପେକେ ଦୁଲାଡ଼୍କାଦ୍ପେୟାଇଙ୍ଗ୍, ଆଇଁୟାଃ ଦୁଲାଡ଼୍ରେ ତାଇନ୍କାନ୍ପେ । 10ଆଇଙ୍ଗ୍ ଆପୁଇଁୟାଃ ଆନ୍ଚୁ ମାନାତିଙ୍ଗ୍କେଦ୍ତେ ଆୟାଃ ଦୁଲାଡ଼୍ରେ ତାଇକାନ୍ ଲେକାଗି ଆପେୟଗି ଆଇଁୟାଃ ଆନ୍ଚୁପେ ମାନାତିଙ୍ଗ୍ରେ ଆଇଁୟାଃ ଦୁଲାଡ଼୍ରେପେ ତାଇନାଃ ।
11“ଆଇଁୟାଃ ରାସ୍କା ଆପେରେ ତାଇନ୍କା ଆଡଃ ଆପେୟାଃ ରାସ୍କା ପୁରାଅଃ ନାଗେନ୍ତେ ଆଇଙ୍ଗ୍ ଆପେକେ ନେଆଁଁ କାଜିୟାଦ୍ପେୟାଇଙ୍ଗ୍ । 12#ଯୋହାନ୍ ୧୩:୩୪; ୧୫:୧୭; ୧ ଯୋହାନ୍ ୩:୨୩; ୨ ଯୋହାନ୍ ୧:୫.ଆଇଙ୍ଗ୍ ଆପେକେ ଦୁଲାଡ଼୍କାଦ୍ପେ ଲେକା ଆପେୟ ଦୁପୁଲାଡ଼୍ପେ, ନେଆଁଁ ଆଇଁୟାଃ ଆନ୍ଚୁ ତାନାଃ । 13ଜେତାଏ ଆୟାଃ ଗାତିକଆଃ ନାଗେନ୍ତେ ଆୟାଃ ଜୀଉ ଏମଃନିୟାଃଏତେ ମାରାଙ୍ଗ୍ ଦୁଲାଡ଼୍ ଜେତ୍ନାଃ ବାନଆଃ । 14ଆଇଙ୍ଗ୍ ଆପେକେ ଏମାକାଦ୍ ଆନ୍ଚୁକେପେ ମାନାତିଙ୍ଗ୍ରେଦ ଆପେ ଆଇଁୟାଃ ଗାତିକ ତାନ୍ପେ । 15ଆଇଙ୍ଗ୍ ଆପେକେ ଆଡଃ ଦାସି ମେନ୍ତେ କାଇଙ୍ଗ୍ କାଜିପେତାନା, ଚିୟାଃଚି ଗମ୍କେ ଚିନାଃ କାମିତାନ୍ତେୟାଃ, ଦାସି କାଏ ସାରିୟାଃ ମେନ୍ଦ ଆଇଙ୍ଗ୍ ଆପେକେ ଗାତି ମେନ୍ତେ କାଜିପେତାନାଇଙ୍ଗ୍ ଚିୟାଃଚି ଆଇଁୟାଃ ଆପୁଇଙ୍ଗ୍ତାଃଏତେ ଆୟୁମ୍କାଦ୍ ସବେନାଃ ଆପେକେ ଉଦୁବାକାଦ୍ପେୟାଇଙ୍ଗ୍ । 16ଆପେ ଆଇଙ୍ଗ୍କେ କାପେ ସାଲାକାଦିୟାଁଃ ମେନ୍ଦ ଆଇଙ୍ଗ୍ ଆପେକେ ସାଲାକାଦ୍ପେୟାଇଙ୍ଗ୍ । ଆପେ ଜେ'ଲେକା ପୁରାଃଗି ଜ ଦାଡ଼ିୟଃଆପେ ଆଡଃ ଏନ୍ ଜ ଜାନାଅଗି ତାଇନଃକା ମେନ୍ତେଇଙ୍ଗ୍ ସାଲାକାଦ୍ପେୟା । ଏନାତେ ଆପେ ଆଇଁୟାଃ ନୁତୁମ୍ତେ ଆପୁକେ ଜେତ୍ନାଃ ଆସିତେୟାଃ ଆପେକେ ଏମାପେୟାଏ । 17ଆଇଙ୍ଗ୍ ଆପେକେ ଦୁଲାଡ଼୍ପେତାନ୍ ଲେକାଗି ଆପେ ଆପେଗି ଦୁପୁଲାଡ଼୍ପେ, ନେଆଁଁ ଆଇଁୟାଃ ଆନ୍ଚୁ ତାନାଃ ।
ଅତେଦିଶୁମ୍ ଆପେକେ ହିଲାଙ୍ଗ୍ପେୟା
18“ଅତେଦିଶୁମ୍ ଆପେକେ ହିଲାଙ୍ଗ୍ପେରେଦ, ଆପେକେ ହିଲାଙ୍ଗ୍ ସିଦାରେ ଆଇଙ୍ଗ୍କେ ହିଲାଙ୍ଗ୍କାଦିୟାଁଏ ଏନା ସାରିପେ । 19ଆପେ ନେ ଅତେଦିଶୁମ୍ରେନ୍ ତାଇକାନ୍ରେଦ ଅତେଦିଶୁମ୍ ଆପେକେ ଆଇଃକ୍ ଲେକାଗି ଦୁଲାଡ଼୍କାପେତେୟାଃଏ । ମେନ୍ଦ ଆଇଙ୍ଗ୍ ଆପେକେ ଅତେଦିଶୁମ୍ଏତେ ସାଲାକାଦ୍ପେୟାଇଙ୍ଗ୍, ଆଡଃ ଆପେ ଅତେଦିଶୁମ୍ରେନ୍ ନାହାଁଲାପେ ଏନାତେ ଆପେକେ ଅତେଦିଶୁମ୍ ହିଲାଙ୍ଗ୍ପେତାନାଏ । 20#ମାଥିଉ ୧୦:୨୪; ଲୁକ ୬:୪୦; ଯୋହାନ୍ ୧୩:୧୬.ଦାସି ଆୟାଃ ଗମ୍କେଏତେ କାଏ ମାରାଙ୍ଗ୍ଆଃ ମେନ୍ତେ କାଜିୟାଦ୍ପେ କାଜି ପାହାମେପେ । ଇନ୍କୁ ଆଇଙ୍ଗ୍କେ ସିଗିଦ୍କାଦିଙ୍ଗ୍ ରେଦକ ଆପେକେୟଗି ସିଗିଦ୍ପେୟାକ, ଇନ୍କୁ ଆଇଁୟାଃ କାଜି ମାନାତିଙ୍ଗ୍ଲେରେ ଆପେୟାଃ କାଜିକେୟକ ମାନାତିଙ୍ଗ୍ୟାଁଃ । 21ମେନ୍ଦ ଇନ୍କୁ ଆଇଁୟାଃ ନୁତୁମ୍ ନାଗେନ୍ତେ ନେ ସବେନାଃ ଆପେକେୟ ରିକାପେୟାକ, ଚିୟାଃଚି ଇନ୍କୁ ଆଇଙ୍ଗ୍କେ କୁଲ୍ନିଃକେ କାକ ସାରିୟା ? 22ଆଇଙ୍ଗ୍ ହିଜୁଃକେଦ୍ତେ ଇନ୍କୁକେ କାଇଙ୍ଗ୍ କାଜିକାକରେଦ ଇନ୍କୁଆଃ ପାପ୍ କା ହବାଅଃତେୟାଃ, ମେନ୍ଦ ନାହାଁଃ ଆକଆଃ ପାପ୍ ନାଗେନ୍ତେ ଇନ୍କୁ ଜେତ୍ନାଃ କାକ ବାହାନା ଦାଡ଼ିୟାଃ । 23ଆଇଙ୍ଗ୍କେ ହିଲାଙ୍ଗ୍ନିଃ ଆଇଁୟାଃ ଆପୁକେହଗି ହିଲାଙ୍ଗ୍ଆଁଃଏ । 24ଜେତାଏ କାକ କାମିୟାକାଦ୍ କାମି ଆଇଙ୍ଗ୍ ଇନ୍କୁଆଃ ଥାଲାରେ କାଇଙ୍ଗ୍ କାମିକେଦ୍ରେଦ ଇନ୍କୁଆଃ ପାପ୍ କା ହବାଅଃତେୟାଃ, ମେନ୍ଦ ଆଇଙ୍ଗ୍ କାମିକାଦ୍ତେୟାଃ ନାହାଁଃ ଇନ୍କୁ ନେଲ୍କାଦାଃକ ଆଡଃ ଆଇଙ୍ଗ୍ ଆଡଃ ଆପୁଇଙ୍ଗ୍ ବାରାନ୍କିନ୍କେ ହିଲାଙ୍ଗ୍କାଦ୍ଲିୟାଁକ । 25ମେନ୍ଦ ‘ଇନ୍କୁ ଆଇଙ୍ଗ୍କେ ସାମାଗିକ ହିଲାଙ୍ଗ୍କିଦିୟାଃଁ ।’ ଇନ୍କୁଆଃ ଆନ୍ଚୁରେ ନେ କାଜି ଅଲାକାନ୍ତେୟାଃ ପୁରାଅଃ ନାଗେନ୍ତେ ନେ'ଲେକା ହବାଅଃତାନାଃ ।
26“ଆପୁତାଃଏତେ ଆପେତାଃ ଆଇଙ୍ଗ୍ କୁଲି ଜୀଉରାଡ଼େଃ ଏମଃନିଃକେ ଚାଏ ଆପୁତାଃଏତେ ହିଜୁଃତାନ୍ ସାନାର୍ତିରେନ୍ ଆତ୍ମା ହିଜୁଃରେ ଆଇଁୟାଃ ବିଷାଏରେ ଗାୱା ଏମେୟାଏ । 27ଆଡଃ ଆପେୟ ଆଇଁୟାଃ ବିଷାଏରେ ଗାୱାପେ ଏମେୟା, ଚିୟାଃଚି ଆପେଦ ମୁନୁଏତେ ଆଇଁୟାଃଲଃ ତାଇକେନାପେ ।
Currently Selected:
ଯୋହାନ୍ 15: NTRuu20
Highlight
Share
Copy
Want to have your highlights saved across all your devices? Sign up or sign in
The New Testament in Munda Language © The Word for the World International and Munda Believers Assembly, SDCU, Sambalpur, Odisha. 2020
Free Reading Plans and Devotionals related to ଯୋହାନ୍ 15
Fearlessly Making Disciples
Girl, Read Your Bible
Discipleship Tips: Keeping Christ Central
