Olianyanpi kin 20
20
1Owodutaton kin he henakeca, hehan Palos waonspewicakiyapi kin wicakico, qa i iwicaputaka, qa Makedonia ekta ye kta e hetanhan iyaya.
2Unkan makoce kin hena opta iyaye c̣a, oie ota on iwahokonwicakiye c̣ehan, Helenes makoce kin en iyohi:
3Qa wi yamni hen owanji yanka. Unkan Suria ekta watom ye kta, hehan Juda wicaśta kin naḣmana iyapepi kin heon Makedonia opta icicawin hde kta e ic̣iconza.
4Unkan Sopater Berea etanhan, qa Thesalonike etanḣan Aristarkos Sekundos kici, qa Gayos Derbe etanhan, qa Timotheos, qa Asia wicaśta, Tucikos qa Trophimos, hena Asia ekta Palos kici yapi.
5Hena e tokata yapi, qa Troas en unkapepi.
6Unkan aguyapi on napoḣyapi codan anpetu kin iyohakam, Philippi etanhan watounpapi, qa anpetu zaptan hehan Troas en wicunkihdegapi, qa hen anpetu śakowin unkokiḣpapi.
7Unkan anpetu tokaheya kin he en waonspewicakiyapi kin aguyapi kiyuśpa imniciyapi, hehan Palos wowicakiyaka, hanḣanna hetanhan hde kta, hecen hanye cokaya hehanyan wahokonwicakiya yanka.
8Unkan wankan tipi ohna mniciya yukanpi kin he en petijanjan ota hdepi.
9Unkan kośka wan, Yutikos eciyapi kin he owanyeye kin en iyotankehan yanke c̣a, iśtinbe ḣinca: unkan Palos tehian woyake cin icunhan, iśtinma iwanke c̣a, owanka iciyamni kin hetanhan hinḣpaye c̣a ṭa ecen eyakupi.
10Hehan Palos kun ye c̣a akan eḣpeic̣iye c̣a, poskin yuze c̣a, Ihnuhan yaceyapi kin, taniya kin nahaḣin mahen un ce, eya.
11Qa ake wankan ye c̣a, aguyapi kiyuśpe c̣a, yute c̣a, tehan ia yanke cin, anpa kamdeze cin hehanyan, hehan hetanhan kihda.
12Unkan kośka qon ni ikikcupi qa nina pidapi.
13Unkan unkiye tokaheya wita wata kin ekta unyanpi, qa Asos ekta watom unyanpi, heciyatanhan Palos en ope unśipi kta unkecinpi; iye qe hehanyan mani cin, qa heon hecon unśipi.
14Unkan Asos ekta eunkihdegapi qehan, hehan en ope unkiyapi, qa Mitulene en unhipi.
15Unkan hetanhan iyoopta watom unyanpi, qa ihanḣanna qehan Kios en iyotakons unyanpi; qa ake ihanḣanna qehan Samos iyounhipi, qa Trogulios en owanji unkanpi; qa ake ihanḣanna qehan Miletos ekta unkipi.
16Palos Ephesos en icunom watom iyaye wacin, Asia en okiḣpe kte śni, qa okihi kinhan anpetu iwikcemna zaptan kin he en Jerusalem en un kta cin, qa heon inaḣni.
17Unkan Miletos etanhan ye wicaśi, qa Ephesos en okodakiciye hunkawicayapi kin wicakico.
18Unkan hena en hipi, hehan hewicakiya; Asia en wahi qon anpetu tokaheya hehantanhan, token ohinniyan cicipi waun kin sdonyayapi.
19Tawacin ocowasin waḣbayedan waun, Itancan kin ohowada, iśtamnihanpe ota, qa taku wawiy utanyan un kin, Juda oyate naḣmana iyamapepi kin on mahiyahde kin hena koya.
20Qa taku on tanyan yaunpi kte cin takudan ipicidapi śni, tuka omniciye kin en, qa tipi iyaza wociciyakapi qa waonspeciciyapi ece.
21Wakantanka ekta ihduecetupi, qa Jesus Messiya Itancan unkiyapi wacinyanpi kin hena, Juda Helenes oyate ko en mdaotanin ece.
22Unkan nakaha iho, Woniya kin on makaśkapi ecen Jerusalem ekta mda, qa heciya taku mahiyahde kte cin sdonwakiye śni.
23Tuka otonwe otoiyohi en Woniya Wakan mayaotanin qa, On kaśkapi qa wokakije miciun, key a ce.
24Tuka hena takuwada śni, qa wiconi mitawa kin teḣike wakida śni, iyuśkinyan ihunniyan waimnanke kta, qa wicoḣan Jesus Itancan maqu kin, Wakantanka towaonśida wotanin waśte omdake kte cin hee tanyan mduśtan kinhan.
25Qa nakaha iho, niyepi kin Wakantanka tokiconze kin ociciyag ciipi qon owasin ake miite kin wanmayadakapi kte śni e sdonwakiya.
26Heon anpetu kin de waayatanin ciciyapi, wicaśta owasin we kin on aśape śni waun.
27Wakantanka tawacin kin ocowasin ociciyakapi qa takudan anawaḣbe śni.
28Heon tanyan piic̣iyapi, qa optaye owasin en, Woniya Wakan waawanhdake nicagapi kin hena koya, qa Wakantanka taokodakiciye kin, iye we kin on opekiton qon he awanhdaka po.
29Miye imdamde cinhan, hehan śunktokeca ocin śicapi kin niyepi en niipi kta, qa taḣinca kin itonwicapapi kte śni he sdonwaya.
30Qa niyepi enitanhanpi wicaśta icagapi kta, qa iś iyepi ihakam waonspewicakiyapi kin u wicakiyapi kta e nina yaśkiśkapi kta.
31Heon kiktahan un po, qa waniyetu yamni, anpetu hanyetu ko, iśtamnihanpe amau, qa otoiyohi wahokonciciyapi amdaśtan śni, he kiksuya po.
32Hunkawanjinciyapi, nakaha Wakantanka iś iye, qa towaonśida oie kin en aciupi; he icaḣniyanpi, qa tona ska wicakagapi kin owasin om taku yuhe niciyapi kta e okihi.
33Tuwe mazaska, qa mazaskazi, qa wokoyake tawa kin wakon śni.
34Han, minape kin dena on taku wacin kin mihdamna, qa tona om waun kin hena wicawecamna qon he niye sdonyayapi.
35Hena owasin en waonspeciciyapi, hecen ḣtayanipi, qa tona waśake śni un kin owicayakiyapi kta, qa Jesus Itancan oie qonyeksuyapi kta, Wicaqupi kin hee wowaśte, qa icupi kin hee aoptetu, eye ciqon he.
36Hena hecen eya, unkan hehan canpeśka makehde inajin, qa owasin om cekiya.
37Unkan owasin nina ceyapi, qa Palos poskin yuzapi, qa i iputakapi.
38Miite kin ake tohinni wanmayadakapi kte śni eye ciqon, oie kin de on iyotan nina iyokiśicapi. Unkan wita wata kin ekta kici yapi.
Currently Selected:
Olianyanpi kin 20: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
Olianyanpi kin 20
20
1Owodutaton kin he henakeca, hehan Palos waonspewicakiyapi kin wicakico, qa i iwicaputaka, qa Makedonia ekta ye kta e hetanhan iyaya.
2Unkan makoce kin hena opta iyaye c̣a, oie ota on iwahokonwicakiye c̣ehan, Helenes makoce kin en iyohi:
3Qa wi yamni hen owanji yanka. Unkan Suria ekta watom ye kta, hehan Juda wicaśta kin naḣmana iyapepi kin heon Makedonia opta icicawin hde kta e ic̣iconza.
4Unkan Sopater Berea etanhan, qa Thesalonike etanḣan Aristarkos Sekundos kici, qa Gayos Derbe etanhan, qa Timotheos, qa Asia wicaśta, Tucikos qa Trophimos, hena Asia ekta Palos kici yapi.
5Hena e tokata yapi, qa Troas en unkapepi.
6Unkan aguyapi on napoḣyapi codan anpetu kin iyohakam, Philippi etanhan watounpapi, qa anpetu zaptan hehan Troas en wicunkihdegapi, qa hen anpetu śakowin unkokiḣpapi.
7Unkan anpetu tokaheya kin he en waonspewicakiyapi kin aguyapi kiyuśpa imniciyapi, hehan Palos wowicakiyaka, hanḣanna hetanhan hde kta, hecen hanye cokaya hehanyan wahokonwicakiya yanka.
8Unkan wankan tipi ohna mniciya yukanpi kin he en petijanjan ota hdepi.
9Unkan kośka wan, Yutikos eciyapi kin he owanyeye kin en iyotankehan yanke c̣a, iśtinbe ḣinca: unkan Palos tehian woyake cin icunhan, iśtinma iwanke c̣a, owanka iciyamni kin hetanhan hinḣpaye c̣a ṭa ecen eyakupi.
10Hehan Palos kun ye c̣a akan eḣpeic̣iye c̣a, poskin yuze c̣a, Ihnuhan yaceyapi kin, taniya kin nahaḣin mahen un ce, eya.
11Qa ake wankan ye c̣a, aguyapi kiyuśpe c̣a, yute c̣a, tehan ia yanke cin, anpa kamdeze cin hehanyan, hehan hetanhan kihda.
12Unkan kośka qon ni ikikcupi qa nina pidapi.
13Unkan unkiye tokaheya wita wata kin ekta unyanpi, qa Asos ekta watom unyanpi, heciyatanhan Palos en ope unśipi kta unkecinpi; iye qe hehanyan mani cin, qa heon hecon unśipi.
14Unkan Asos ekta eunkihdegapi qehan, hehan en ope unkiyapi, qa Mitulene en unhipi.
15Unkan hetanhan iyoopta watom unyanpi, qa ihanḣanna qehan Kios en iyotakons unyanpi; qa ake ihanḣanna qehan Samos iyounhipi, qa Trogulios en owanji unkanpi; qa ake ihanḣanna qehan Miletos ekta unkipi.
16Palos Ephesos en icunom watom iyaye wacin, Asia en okiḣpe kte śni, qa okihi kinhan anpetu iwikcemna zaptan kin he en Jerusalem en un kta cin, qa heon inaḣni.
17Unkan Miletos etanhan ye wicaśi, qa Ephesos en okodakiciye hunkawicayapi kin wicakico.
18Unkan hena en hipi, hehan hewicakiya; Asia en wahi qon anpetu tokaheya hehantanhan, token ohinniyan cicipi waun kin sdonyayapi.
19Tawacin ocowasin waḣbayedan waun, Itancan kin ohowada, iśtamnihanpe ota, qa taku wawiy utanyan un kin, Juda oyate naḣmana iyamapepi kin on mahiyahde kin hena koya.
20Qa taku on tanyan yaunpi kte cin takudan ipicidapi śni, tuka omniciye kin en, qa tipi iyaza wociciyakapi qa waonspeciciyapi ece.
21Wakantanka ekta ihduecetupi, qa Jesus Messiya Itancan unkiyapi wacinyanpi kin hena, Juda Helenes oyate ko en mdaotanin ece.
22Unkan nakaha iho, Woniya kin on makaśkapi ecen Jerusalem ekta mda, qa heciya taku mahiyahde kte cin sdonwakiye śni.
23Tuka otonwe otoiyohi en Woniya Wakan mayaotanin qa, On kaśkapi qa wokakije miciun, key a ce.
24Tuka hena takuwada śni, qa wiconi mitawa kin teḣike wakida śni, iyuśkinyan ihunniyan waimnanke kta, qa wicoḣan Jesus Itancan maqu kin, Wakantanka towaonśida wotanin waśte omdake kte cin hee tanyan mduśtan kinhan.
25Qa nakaha iho, niyepi kin Wakantanka tokiconze kin ociciyag ciipi qon owasin ake miite kin wanmayadakapi kte śni e sdonwakiya.
26Heon anpetu kin de waayatanin ciciyapi, wicaśta owasin we kin on aśape śni waun.
27Wakantanka tawacin kin ocowasin ociciyakapi qa takudan anawaḣbe śni.
28Heon tanyan piic̣iyapi, qa optaye owasin en, Woniya Wakan waawanhdake nicagapi kin hena koya, qa Wakantanka taokodakiciye kin, iye we kin on opekiton qon he awanhdaka po.
29Miye imdamde cinhan, hehan śunktokeca ocin śicapi kin niyepi en niipi kta, qa taḣinca kin itonwicapapi kte śni he sdonwaya.
30Qa niyepi enitanhanpi wicaśta icagapi kta, qa iś iyepi ihakam waonspewicakiyapi kin u wicakiyapi kta e nina yaśkiśkapi kta.
31Heon kiktahan un po, qa waniyetu yamni, anpetu hanyetu ko, iśtamnihanpe amau, qa otoiyohi wahokonciciyapi amdaśtan śni, he kiksuya po.
32Hunkawanjinciyapi, nakaha Wakantanka iś iye, qa towaonśida oie kin en aciupi; he icaḣniyanpi, qa tona ska wicakagapi kin owasin om taku yuhe niciyapi kta e okihi.
33Tuwe mazaska, qa mazaskazi, qa wokoyake tawa kin wakon śni.
34Han, minape kin dena on taku wacin kin mihdamna, qa tona om waun kin hena wicawecamna qon he niye sdonyayapi.
35Hena owasin en waonspeciciyapi, hecen ḣtayanipi, qa tona waśake śni un kin owicayakiyapi kta, qa Jesus Itancan oie qonyeksuyapi kta, Wicaqupi kin hee wowaśte, qa icupi kin hee aoptetu, eye ciqon he.
36Hena hecen eya, unkan hehan canpeśka makehde inajin, qa owasin om cekiya.
37Unkan owasin nina ceyapi, qa Palos poskin yuzapi, qa i iputakapi.
38Miite kin ake tohinni wanmayadakapi kte śni eye ciqon, oie kin de on iyotan nina iyokiśicapi. Unkan wita wata kin ekta kici yapi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.