Johannes 16
16
1Wayaḣtanipi kte śni e heon dena taku kin ociciyakapi.
2Omniciye tipi kin etanhan tankan iyeniyanpi kta; nakun anpetu wan u kta, hehan tuwe kaśta niktepi kinhan, he Wakantanka iyokipiya kecin kta.
3Atewaye cin sdonyapi śni, qa miś nakun sdonmayanpi śni, he etanhan henakiya hecen ecanionpi kta.
4Tuka dena ociciyakapi, hecen tohan iyehantu kinhan, dena wanna eciciyapi kin he yeksuyapi kta. Qa dena otokahe ekta eciciyapi śni, hinyaḣin cicipi waun kin heon etanhan.
5Tuka wanna tuwe umaśi kin he ekta wahde kta; qa wanjidan, Tokiya de kta he, emayakiyapi śni.
6Tuka taku kin dena ociciyakapi, heon nicantepi kin ekta iyoniyakapi.
7Tuka wowicake ece ociciyakapi; wahde cinhan heon tanyan yaunpi kta, qa wahde śni kinhan Wicakicanpte kin en nihipi kte śni; tuka wahde cinhan niyepi ekta uwaśi kta.
8Unkan he tohan hi kinahan, woaḣtani, woowotanna qa woyaco kin on oyate kin sdonyewicaye kta:
9Woaḣtani kin, wicamadapi śni kin heon:
10Woowotanna kin, Atewaye cin ekta wahde kta, qa icimana wanmayadakapi kte śni, heon:
11Woyaco kin, oyate kin de itancan un kin he wanna yacopi, heon etanhan.
12Nakun taku ota eciciyapi kta mduha, tuka hena e qe nahanḣin yuha oyakihipi śni.
13Tuka tohan Wowicake Woniya kin he iye hi kinhan, wowicake ocowasin en aniyanpi kta; iye atayedan on ie kte śni, tuka taku naḣon kin hena oyake kta, qa taku tokata ekta hena oniciyakapi kta.
14Mayutan kte cin hee, taku mitawa kin hena icu, qa oniciyakapi kta.
15Taku Ate tawa kin hena owasin mitawa; he etanhan, Tona mitawa kin hena icu, qa oniciyakapi kta ce, eciciyapi.
16Wanna aśkayedan hehan wanmayadakapi kte śni; hehan akeś aśkadan ake wanmayadakapi kta, Ate ekta wahde kte cin heon.
17Hehan waonspewicakiye cin iyakitedan hekiciyapi; Unkekiciyapi kin he taku hwo; Wanna aśkayedan wanmayadakapi kte śni, qa hehan aśkadan ake wanmayadakapi kta; qa, Ate ekta wahde kte cin heon.
18Heon heyapi; Aśkayedan eye cin he taku he; taku eye cin sdonunyanpi śni ce.
19Wiwangapi cinpi kin he Jesus sdonya, unkan heon hewicakiya; Wanna aśkayedan wanmayadakapi kte śni, qa hen ikiyedan wanmayadakapi kta, epe cin he, he token kapi hwo, otoiyohi eyeciyapi he.
20Wowicake, wowicake on heciciyapi; Nihinnic̣iyapi qa yaceyapi kta, tuka oyate kin iyuśkinpi kta; iyoniciśicapi kta, tuka iyoniciśicapi kin he wowiyuśkin wan en un kta.
21Winoḣinca cinca ton kta eca yazan hda, wanna iyekicihantu kin heon; tuka tohan hokśiyoqopa ton eca, yazan hda qon he kiksuye śni, wicaśta oyate kin den tonpi eca wowiyuśkin ye cin heon.
22He iyecen nakaha iyokiśin dukanpi, tuka ake wanciyakapi kta, kinhan nicantepi kin wiyuśkin kta, qa widuśkinpi kte cin he tuwedan nicipi kte śni.
23Unkan anpetu kin he en takudan imayanungapi kte śni. Wowicake, wowicake on heciciyapi; Taku micaje on Atewaye cin yakidapi kinhan nic̣upi kta.
24Nahaḣin dehanyan micaje on takudan yadapi śni. Da po, iyacupi kta, hecen wowiyuśkin ojudannic̣iyapi kta.
25Hena taku iyacinyan heciciyapi; tuka anpetu wan u kta, hehan wiyacinyan takudan eciciyapi kte śni, tuka taninyan Ateyapi kin on ociciyakapi kta.
26Tohan iyehantu kinhan micaje on taku yadapi kta, tuka Atewaye cin wocekiye eciciyapi kta, epe śni.
27Ate iye atayedan waśte nidapika, waśte mayadapike c̣a Wakantanka eciyatanhan wahi kin he wicayadapi kin heon.
28Atewaye cin eciyatanhan wau, qa oyate kin de en wicawahi Ake oyate kin eḣpewicawaye kta qa Ate ekta wahde kta.
29Wanna wiyacinyan iyae śni, ataninyan iyaa ce, waonspewicakiye cin eciyapi.
30Taku owasin sdonyaye c̣a, tuwe winiwange kta iyecece śni yaun e wanna sdonunyanpi; heon etanhan Wakantanka eciyatanhan yahi kin he wicaundapi, eyapi.
31Jesus awicayupte; Wanna wicayadapi he.
32Anpetu wan u kta qa wanna hiyohi, enanakiya otoiyohi yahdapi kta, qa miśnana eḣpemayayapi kta; tuka nakun miśnana waun śni, Atewaye cin he mici un.
33Wookiye amayaduhapi kta heon etanhan hena heciciyapi. Oyate kin de en wokakije duhapi kta; tuka wiyuśkin po, miye oyate kin ohiwicawaya ce.
Currently Selected:
Johannes 16: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
